海南村餐廳 (已結業)

係尖沙咀唔想等位...最好當然黎中港城.....行過呢間....見唔太多人....走入去....兩個人...食左:海南雞飯 - 勁難食...未食過咁樣的怪味海南雞....冇雞味....勁鞋口....勁多骨碎....油飯油油的....冇香味....點解? 點解可以咁難食????海鮮喇沙 - 湯...只係黃色的水....上面的魚旦...難食....蝦....難食....麵...難食....越良越想喊....點解我會有眼冇珠.....揀錯呢間???????

自從太興加價後，覺得吃個早餐要廿多元太貴，少去光顧．．．可是今天，我對太興有了新的看法，太興，其實也不是很貴。想到大陸前先來吃個美好的早餐，誰知．．．．鮑貝時菜米粉配熱豆漿要三十元正！價錢先別說．．．．本來想要檬粉，沒有貨之下唯有要了隨處都可以吃到的米粉！米粉份量少到不能接受，比太興的居然還要少！鮑貝是齋鮑三小片．．．最離譜的是時菜居然是三小條的白菜仔！裝豆漿的杯本來已經很細，豆漿上檯時只有半杯的份量！湯底又是不知所謂，豉油加麻油！三十元賺得真輕易！雖然尖沙咀是黃金地段，但價錢與食物份量也差太遠了吧！簡直是不能接受的地步．．．以後也不會再光顧！

與同事一起,要了二份海南雞飯(無骨)~我那一份是雞脾肉,雞肉滑. 但無雞味. 同同事一起說"點解雞肉無雞味". 曾幾何時,曾富濃濃的雞香味.芽菜豆腐湯~豆腐是油炸過的,組合很怪. 幸好湯很清.伴醬~黑豉油又是淡味,該是帶點甜的吧. 酸辣醬又是淡味,沒有酸與辣,失色.雞油飯~很油,而且缺了香味,米飯無飯香.同事叫了一杯凍央,說很難飲,剩下大半,但成廿幾蚊一杯,唔扺飲.我則要了ham檸梳打,第一次見灰白色的ham檸,不是啡/黑色嗎? 味道也是淡淡的. 場內很多外國人與國內同胞,但侍應好像對外國人禮貌好d,對於本地人-我地就一般.以這價錢,要求該高點吧,怎麼連普通的餐廳也不如.

我平圴2至3個月會來一次食海南雞飯, 其實每次的水準都差不多, 其海南雞飯可以講係全港水準最高的一家. 這次我想講的, 倒是其侍應的態度問題.今年4月頭, 我又來幫趁, 一如既往, 人客少, 正合我意. 將近食畢, 有3名相信是國內客進來, 坐了不久, 沒有落order便離開. 隨即, 我聽到有位侍應大聲道:"估中有獎!". 明眼人一聽便知, 他是在揶揄那國內客. 跟著再有侍應說: "梗係嫌貴啦!", 我果然沒有會錯其意.唉, 駛唔駛咁串呀, 被你估中又如何? 你覺得咁樣威d, 還是侍客有道而受讚賞威d呢?

尋晚同幾個前同事一齊食飯之前一路都好想試食呢間鋪但係陰差陽錯梗係食唔到~~今次舊地重遊就咁話啦食飯時間, 雖然呢度真係僻咗少少但係真係好多"吉"位一坐低就聽到後面男侍應爆粗一句說話即刻令到我覺得呢間鋪第一印象...無哂睇番menu, 有set dinner 有散叫咁我哋四個人就一個餐再加幾個餸啦海南雞...見到個menu 寫冇骨, 我都唔知幾開心...點知佢哋話冇...(<--真係冇, 冇冇骨)d 雞骨仲血紅紅, 雞肉本身ok 冇咩特別反而d 伴碟仲好過主菜算...紅咖哩牛腩, d 咖哩一d 都唔辣, 勝在牛腩ok 入味, 夠腍排骨茶呀, 炒小菜呀, 炸花枝丸, 雞油飯...雞油飯<-- 冇咩油, 所以好硬, 同埋唔香炒小菜...麻...排骨茶...一人一舊排骨就分哂...之後見個場都好靜, 但係d waiters全部係度傾計...叫佢哋加茶..好似好唔願意咁...食完真係覺得唔抵食...同埋services 真係麻麻

午市外賣焗白汁火腿雞絲意粉白汁勁多,好杰,好漏,幾多油雞絲其實唔算絲,係切到不規則幾鞋口的雞肉,有些還連皮連骨外賣二十多元,比堂食平好多,但質素就麻麻

有點事要落一落老尖，上去前要醫一醫肚，想搵稍靜的地方食飯及休息，這裡未試過，兼評價都係好壞參半，又想試下。一心上到黎緊係叫佢既海南雞飯套餐，無骨的比有骨的貴幾蚊，唔想趙骨頭，就叫了前者。套餐美其名只是多一碗湯，三色醬也全部出齊。白菜湯清淡，冇落師傅，都不差；上段我指的三色醬是圖中所示：黑豉油、薑油及酸辣醬，只是黑豉油有極少苦澀味；雞油飯不算油，亦有雞的香味，飯與飯之間分明，煮得不算好有水準但亦一試；雞一食落就出事，有好多件都好鞋得不可接受，我唔介意你俾曬雞胸，還有些係，我去茶記食，質素可能一樣，但價錢平不少。60幾蚊我情願去美食廣攪掂好過，咁既質素一定不會再幫襯。

記得上次幫襯這裡甚為差勁的早餐後，每趟座船出差都盡量不揀選這裡，但是日相當沖忙，一點半開航的船一時一刻才到碼頭，買了船票，要為午餐找個著落，船上的不會選啦，而中港城裡其他的食肆又了無興趣，唯有迅步來到這裡要客快餐外賣好了。這裡有一旮旯是專門處理外賣訂單，幾款快餐都是預制食品，雜扒、粟米肉粒、雞扒、咖哩…等等，計來算去，以這間以南亞菜作招來的餐廳，其咖哩應該有點看頭，就來客咖哩牛腩飯。上船坐定一刻就馬上啟航，在搖晃的船上打開這個快餐，細看其咖哩跟港式咖哩不一樣，滿是椰子味道之餘亦不算辛辣，淡淡的咖哩香味，將之和飯絕對一流，可惜其牛腩不夠入味之餘亦不夠腍，加上全是瘦腩，咬下感到頗多渣，加上墊底幾件難吃的炸透薯仔，似乎今趟是哽著咖哩飯多于咖哩牛腩飯。廿幾元一個午餐在這帶已經經濟非常，可惜材料不行，若不是這個不錯的咖哩汁，這裡又多了一個喊臉食評了。

中秋節晚下午7點食晚飯,冇乜人,想叫雞脾飯,佢話賣晒,淨得雞背/雞亦,咁叫左雞背再加個印尼咖哩牛腩。先o黎個雞,雞肉勁霉,冇乜雞味,唔掂!油飯普通,個雞雜湯唔飲都罷。根住o黎個印尼咖哩牛腩，杰撻撻o既咖哩汁,感覺似食梗椰漿咖哩,酸得來唔好味,我未食過咁難入口的咖哩,只好打包番屋企諗住俾個印傭食,點知佢都覺得難食!!總括呢間野服務唔掂,食物差,冇乜必要唔好去!

呢度位處偏僻，唔係好多人知，所以母親節walk in都仲有位。好細個已經黎呢度食喇，香港食正宗海南雞飯既地方唔多，呢度既食味都幾好，所以想食海南雞飯都會揀呢度。今次我地一共六個人，叫左一個四人餐同一個二人餐，食物如下：二人餐：1)肉骨茶(比以前失色了，冇咁香濃)2)印尼炸雞(賣相麻麻，好似好乾咁，但食落都幾好味)3)酸子煎魚(好乾，又硬>o<)4)炒時菜(今次係菜心，可能唔係時候，有啲苦)六人餐：1)肉骨茶(同上)2)海南雞(雞肉佷滑，雞味不算濃，不過三種醬汁都不錯）3)拼盤(包括豆腐皮蛋，酸子煎魚，咖喱牛腩，炸魚餅，咖喱牛腩少少辣，都煮得幾焾，唔錯。炸魚餅辣得滯，為免喉嚨痛我食左一件就冇食喇）4)甜酸豬扒(呢個甜甜地，新鮮熱辣好好味！)5)炒時菜(同上)兩個餐都包飲品同蒜香油飯，我反而覺得最好食係個飯，香味全部滲入飯裡面，第二度係食唔到既哩！普普通通食一餐家常便飯呢度係唔錯既選擇！

I went there for breakfast while waiting for my boat to China. The service of the take-out lady was so bad. I felt like I was begging for food or trying to borrow money from her. I am a paying customer. I just want my food and that is it. I tried to get a receipt but they would not issue it to me. Besides, the food is not good. oily and doesn't taste good. if possible avoid this restaurant.

今日同男友行過見到就入黎呢度食飯^^叫左個2人套餐A($179)1.排骨茶:味道好怪, 入口有少少唔舒服, 不過我未飲過呢種茶, 可能係咁卦><"2.海南雞:雞好滑, 有三款醬. 但本人覺得都係好時沙嗲的雞及醬好味D3.油菜:可能落得多油, 好甜好好味4.油飯:唔夠香, 但OK5.豬頸肉:夠熱,入味附送飲品2杯, 大致上都唔算太差既~^^

同事們都話過呢間野唔係好掂, 個日諗住去買個早餐吃, 點知見到佢門口有個小賣部, 竟然有個懷舊馬拉糕, $5大大舊, 好, 買個一吃先~~ 點解話佢係懷舊馬拉糕, 因為佢重係個d全黃糖製造的馬拉糕, 個糕發到好高, 好鬆軟, 而且唔係太油, 吃落重唔係太甜喎, 雖然無咩蛋香, 但係無咩中式早餐之選擇之下, 都不失為一個好choice, 真係估佢唔到咁正, 雖然明知佢唔係自家製, 但買貨都有咁鬆軟重係咁平, 的確食得過!!

呢間開正係中港城, 先可以賣甘貴$56一個海南雞飯, 包一個例水, 一個油飯價錢唔便宜, 但絕對唔值,只能講一試無妨$35一個肉骨茶, 入面除了兩塊排骨之後再無其他野啦, 超唔值另外加白飯一個, $7無論乜野時候(唔知早餐), 都要加一但無乜服務可言名過其實的餐廳唔掂..

出差順德，是日算是較早到達中港城，買了船票見有時期多，選了這裡坐下；中西式早餐皆有提供，因每天有喝鴛鴦的習慣，故點了沙嗲牛肉蛋一丁及凍鴛鴦小甜。沙嗲牛肉一丁的出前一丁不是正宗的那種，應是水貨板本的國產出前一丁，在國內已領教很多次，估不到在香港又遇上，因食味不行，一半以放棄，行規若加錢要出前一丁的食肆，他們上桌時會將出前一丁內的麻油原包送上以玆証明及自行添加，這裡麻油都小滴都明白啦，但若不是正宗就千萬不要指鹿為馬，因餐牌上是標明出前一丁的；沙嗲牛沙嗲味不夠濃而牛肉多渣，點解...？杯凍鴛鴦小甜真是小小甜，跟無糖一樣，但居然沒咖啡味又沒奶茶味，極其量是淡淡的奶味茶，又是喝了半杯馬上收手。以這裡的鴛鴦及食材品質，很難想象其主打食物是什麼，若是以海南雞或東南亞菜式為主打，算我選擇錯誤吧。