海南四季

這個世界有一樣野叫作死！就是我現在的動作。夜晚在銅鑼灣宜家買了傢私，出來九點肚餓，就近搵吃，作死、試新開張自助 然後9.40坐下要10.20才有第一份牛肉到！要10:46才到齊第一次下單的所有菜式！吃得了無生趣真的很不開心，服務員好忙！！！東西還不好吃！鱔魚雪櫃味！其他我也不想在評論因為不好吃！因為不好吃！因為不好吃！重要的事說三遍！而且吃完還口渴！沒想到銅鑼灣居然有自助差到這種程度！超級懷念讀書時期的德興。不過話說回來，我看非自助的椰子雞和收費的菜式賣相都還不錯一念之差啊…查看更多

雖然現在天氣很熱，不過我又去了打邊爐，今次是銅鑼灣的海南四季任食火鍋放題！裝修雅致，卡位坐得幾舒服，一點也不覺得擠擁，加上枱面又夠大，可以放到大量食物。除了這張點菜紙，還有其他食材是以自助形式自取。我選了蕃茄粟米湯底，不過味道偏淡，飲不出有蕃茄味。最值得推介水餃，薄皮加裡面大大隻蝦，爽滑彈牙，不會吃到滿口都是一團粉。手打丸、墨魚滑及鯪魚肉都不錯，口感彈性爽口。除了火鍋之外，還可自取壽司、炒飯等等 XD不過打完邊爐已是十級飽，所以肚子很難容得下...始終是不倒翁集團，用料不會差，兩個人今晚又食得超飽足！…查看更多

宵夜時段到達，9時入坐，來了茶水，發覺碗有污垢，要求部長更换，佢話你吔未夠鍾，要等等，等到9時15分才开始宵夜時段，才會服務你，結果同佢炒大鑊，但佢知道自己衰咗，就反口話無講過，酒樓服務客人都要講時間，未夠鍾就不服務你，聞所未聞，客人是來消费，吳係來受氣，不知海南四季老板明吳明。…查看更多

湯底比我想像中入味，唔使點醬都得。蝦餃超足料，又大隻，驚喜，可惜太遲去，又加上漏單，好遲先有湯底到，無晒d菜，為有化身食肉獸配酸梅湯，仲有芝士丸之類噶丸，唔記得叫咩名，值得再加。小食可能放太耐，可以唔試。…查看更多

海南最出名係咩? 緊係椰子同雞啦,呢間食店就話你聽呢樣野,仲要將佢轉做火鍋添一入門口已經好有特別既感覺,人地會放任食既料係度,佢就放南雞蕃薯椰子椰青係度做裝飾,擺到明想話你知佢有幾海南feel而門側就放左好多酒類,紅白酒同日本清酒, 再睇睇佢既餐牌你就知佢其實好雜.....佢入面做任食火鍋放題, 而外面就做散點火鍋, 隔離仲會做埋中式燒味炒小菜, 最抵死係又放一大堆日本野, 有串燒,有刺身......包羅萬有!? 還好,起碼佢有質素湯底有好多,主膽係椰子,我地揀左椰子椰青,雞就冇叫,因此半隻138太貴.....唔知係唔係宵夜時段, 佢竟然話會送返個煲仔飯,咁仲好,叫左文昌雞煲飯,不過太大煲,起碼係四人份,飯太淋,雞味濃,好食散點火鍋送煲仔飯我覺得有少少倒米食左飯又點叫其他配料??? 就算送都唔會送咁大煲吧....食唔晒又係浪費左豉油配料有薑碎、蒜茸同辣椒碎, 薑碎係好少有,不過我覺得唔幫助到幾多味道,至於青檸我同友人都唔明,所以問左店員,原來係話唧落豉油度增味,都算係有少少用..我地去果時已經係宵夜時段, 好多配料都平, 最平話有六折,牛肉船原價288,依家188食到韭菜餃好食,不過得8粒少左d響鈴算可以,總覺得早d黎叫左會新鮮炸食完覺得係可以再黎既,不過食完埋單900,仲要話係宵夜時段已經平左,我諗下次再黎會食任食算數,本身對配料要求唔高,反而選擇多會更鍾意,而且任食198一位,如果唔係宵夜時段的話,我估餐飯會千幾蚊.....有質素但係定價過高, 六折都吸唔到客去食,我地去到都係得3-4枱食緊…查看更多

打電話訂檯個時有分放題或散叫，放題無得揀椰子鍋，所以就訂左散叫（諗住半邊清湯半邊椰子鍋）。去到坐低個時先發現散叫係無無椰子既湯底選擇，因為有朋友唔食得，所以就去問經理可唔可以比半邊皮蛋芫茜半邊椰子xx鍋，最多加錢，點知佢話唔得 佢既答案係皮蛋芫茜湯底只供應比「放題」咁既然係咁，我地要求比椰子xx鍋既價錢要個皮蛋芫茜湯底 ，咁樣佢地應該無蝕掛，點知都係唔得😑 話公司policy 唔可以咁， 可以比個椰子蒸餾水鍋你但係走椰子 🙄 乜料？我比$88 你要個蒸餾水鍋做乜鬼...啲侍應態度又唔好，又講極都唔明，幾好食都無用…查看更多

2017.03.03【 3.3 識食一定食手切肥牛脊 海南四季】 想飲熱湯同食滋補野，於是想到椰子雞 沒想到，銅鑼灣區都有咁正的椰子雞火鍋 和朋友一起開餐，於是即點了蟲草花藥膳湯 未烚配料先興奮，因為看得到的椰子與蟲草花 大量杞子見證藥膳的氣味！ 海南雞在滾一滾之後，仍是非常鮮嫩 味道不是雪雞的感覺 金牌手切肥牛脊位  有大有細，可以點一碟細的試試 反正也有很多其他配料 想不到牛味極香，原來烚2下即拎起 入口是嫩嫩的味道 蝦滑  蝦滑就開正我的胃口 彈牙又有蝦味，勁中意呢種口感 是打邊爐必食既！ 吃得差不多，湯可以見底時 店員主動加水，然而此水不同彼水 是椰青水！味道更香鮮 駝鳥肉  駝鳥肉原來比牛肉更為吸引！ 果種口感似足乾炒牛河的牛肉 但從味覺上又知道不是牛肉 因為有另一種香氣，味道很好 卻因為厚切，要烚多一陣先好食！ 竹蔗水  火鍋之際一定要點竹蔗水來喝 清熱下火，微甜解渴 盛惠HKD$748 人均HKD$374 短評: 海南四季 真係好海南島 去過海南島 一定明 整體 味道：♥♥♥♥♡ 環境：♥♥♥♥♥ 服務：♥♥♥♡♡ 衛生：♥♥♥♥♡ 抵食：♥♥♥♡♡ ♡ 海南四季 Hainan Season♡ ♡ 銅鑼灣告士打道311號皇室堡14樓全層 ♡…查看更多

是日為假期，本應於家人一起共聚天倫是一件“樂事”，飲啖茶食個包。一抵步呢間酒家，先探訪左一下個洗手間，簡得一讚一個“大”字；之後有位，準備開動。原來係“動氣”，首先俾左2壺茶，有一壺係「完全無味，得少少顏色」，即係有色既水啦。之後等極都無人幫手冲水既，要「自己做」；再黎一圍13人既枱上菜時，竟然放係「正中間」- 呢個職員簡直要再培訓啦，佢都唔知想叫邊個食。之後埋單個職員就仲衰，用半呼喝式既態度同埋單簽名既客人講野。唯一可讚既係文昌雞同鹽水鵝都好食，但首要頂得順d職員態度先。…查看更多

✿╮❤╭✿ ✿雜感女生 好味日記✿ ˚*•✰。海南四季．椰子湯底。✰•*˚ ✿✿舌尖上的銅鑼灣✿✿ ❤餓底飯聚．食勻全世界❤ ❤ 很久沒飲椰子湯了，今次在朋友的推介下 去了一試海南的湯底火鍋 點了蟲草花藥膳湯底加半隻海南雞 火鍋湯底用了天然椰子汁味道不錯 海南文昌走地雞更令湯底鮮甜加倍 海南走地雞風味是新鮮香滑的，滾得時間長了亦保持香嫩口感 雞肉鮮濃，湯是最好的暖身精華 再點了金牌手切肥牛脊位 味道不錯，雪花平均分佈，牛肉香氣濃，肉質軟腍 豬天梯：彈牙可口，保留了肉的香味 卻有著骨膠原的口感 蝦滑：屬新鮮之作，烚一烚即彈牙爽口，口感極佳 駝鳥肉：另一種濃香，很多人說似牛肉 也有一點，卻其實有更多本身的香氣 入口腍滑香軟，味道不錯 當滾得差不多時，店員會將椰青水加入湯底之中，令味道更鮮更突出 甜品是西瓜與馬豆糕 小評： 味道：★★★★☆ 環境：★★★★☆ 服務：★★★☆☆ 衛生：★★★★☆ 抵食：★★★☆☆ …查看更多

Can't believe that we can enjoy Hot and Cold dishes here.... in Causeway Bay... perfect location with parking space...  This is a Hainanese Hot Pot restaurant, and we come here to enjoy the lovely Hot Pot buffet, but surprisingly that.. Not only they offer quite a good quality of seafood ingredient...  especially, I really like the vast variety of dumpings, big portion. The beef slices were great.... rich in steak taste... But the most interesting offer here is the "unlimited supply of sashimi dishes... We regret about it, as we didn't know this offer until we ordered so much hot pot food... ha ha... and I have to say that, their sashimi, the shrimp, are really fresh and nice... can't imagine that we can enjoy some Japanese taste here in the Hainanese Shop.…查看更多

海南四季主打椰子雞煲, 裝修走中國古色古香路線, 老外及祖國同胞應該 like。很有特色吧!雖然椰子雞煲好吸引, 我哋今晚想食小菜多過打邊爐。食物及價錢走中高檔路線, 銅鑼灣黃金地段可以理解吧, 我諗佢哋嘅目標顧客可能係遊客或生意飯局。炸乳鴿 (HSBC VISA 享95折優惠, 沒有HSBC卡每位送半隻乳鴿)BB鴿用滷水浸至入味才拿去炸, 色澤金黃, 皮脆肉嫩。肉汁很豐富, 鴿肉帶滷水清香, 不死鹹, 頗嫩滑吓, 最緊要系無大鴿肉那種怪鴿味。芥菜真菌安格斯牛肉 ($168)芥末不算很重, 衹是有少許攻鼻, 沒有蓋過牛肉味, 牛肉粒以大火炒到剛剛熟, 焦香又不失嫩口, 中式醬油之味, 以甜甜鹹鹹蠔油混醬炒成, 幾惹味。鹹魚蓉肉餅煲仔飯 ($138/細)細煲煲仔飯供二~五人食, 份量不少, 4人食每人最少有2碗。新鮮半肥瘦豬肉打成的肉餅, 軟滑有肉汁, 略嫌鹹魚下得不夠多, 不夠鹹香, 而煲仔飯豉油屬偏淡型, 不太重口味及鹹口。海南四季師傅控制火候不錯, 煲到出色的煲仔飯和蟲飯焦, 幾乎成個煲底都系飯焦, 不用爭, 每人都有一碗, 米飯也夠乾身, 煙韌有咬口, 很不錯。是日糖水 (免費送客)材料有雪耳、馬碲及紅棗, 既滋補又清潤, 啱晒秋冬食, 紅棗又下得重手, 濃濃的紅棗香, 有誠意。…查看更多

海南以文昌雞為聞名，熱帶土產就有椰子。海南四季便以椰子雞煲打出名堂，有著海南的特色，因為如此，才想一試。來到門前才發現除了雞煲，還有火鍋放題及小菜，小菜都有文昌雞提供，如此多選擇之下都心大心細，最後還是選擇了小菜，一試小菜的味道如何。****************************走上皇室堡，從電梯而出便看見海南四季的招牌。再細看餐牌，還有小菜提供，單看菜式選擇也不少，如吃一個椰子雞煲，便吃不到更多菜式，便決定選擇小菜。吃小菜必須收茶介HKD15/位及花生小吃HKD10/碟。服務員安排入座時，看見海南四季內裏環境舒適，還放了雞和椰子擺設，帶有海南的風氣。單看海南四季坐位一點都不少，無論選擇吃火鍋放題、雞煲或是小菜，無論是人多或人少，都有足夠坐位提供。籠仔荷葉蒸鱔片 HKD168，把鱔片、木耳和金針放在荷葉上，以籠仔蒸，難怪送上枱時便能聞到荷葉的清香味道。鱔片肉鮮嫩，非常之夠味道，還有木耳和金針配菜，送飯確實一流。金莎蝦粒豆腐煲 HKD108，看上很清淡的豆腐煲，當中還有些蝦仁在其中。豆腐入口滑溜，帶有少許咸蛋黃的味道，又不會很咸，蝦仁也爽口，整個豆腐煲味道相對很清淡，比較健康。鹹魚蓉肉餅煲仔飯 HKD138，一個砂煲和一塊厚厚的肉餅，加上蔥花的煲仔飯，配上醬油，賣相也不錯。服務員把肉餅取開，加入醬油，再幫忙把飯分給每人一碗。肉餅都幾厚身，除了有鹹魚蓉在肉飯內，還有馬蹄和冬菇粒。鹹魚味道不算很濃郁，馬蹄爽甜和冬菇的清香，配上醬油又不會很咸，很健康的肉餅。煲仔飯還帶有飯焦口感，只是醬油有色而沒有咸味，少了點飯香的味道。吃過晚飯之後，還送上糖水，紅棗雪耳馬蹄糖水，味道很清甜又帶少許紅棗的味道，算是不錯。…查看更多

朋友介紹下，來到海南四季試下呢度出名既椰子雞火鍋呢度裝修得很高級，地方很濶落， 大部分是卡位， 坐得好舒服我地揀咗椰子花膠煲加半隻海南文昌雞花膠是另上的，是原隻的，顯得真材實料鮮雞來到後，店員將文昌雞同花膠一齊倒落去一個好清澈嘅椰子水裏㷛呢個係計時器, 原來係用嚟提醒你啲雞已經熟咗可以食,好細心時間夠喇可以打開個煲喇! 首先梗係裝啲湯嚟試下先啦! 清甜嘅椰青水加埋啲咁新鮮雞，入口好鮮甜， 感覺很潤喉， 好舒服，所以飲咗好多碗，之後食埋文昌雞，肉質鮮嫩， 食到停唔到口，下次都係叫一隻點咗碟出面少見既小籠餃，食落好似小籠包咁， 裏面包住好多肉汁， 肉質鮮甜金牌手切鮮肥牛， 揀咗我最喜愛既脊位部分, 配合埋個清澈嘅花膠雞湯,更加特顯出牛肉味濃， 肉質肥瘦均勻，有彈性， 因為夠新鮮, 所以非常鮮味，口感一流四寶丸， 以蝦丸同埋墨魚丸比較出色， 夠彈牙同足料最後仲有雪耳木瓜糖水送， 雖然是送嘅， 但火喉十足，味道很濃， 不會太甜成餐飯都食得好舒服,因為店員服務親切, 勤換碟, 而且每一次加湯都是用新鮮嘅椰青水， 所以都覺得物有所值 下次會再去…查看更多

不倒翁集團以火鍋起家，最近知道該集團旗下的海南四季不止椰子雞煲出名，小菜也不錯，舊同事飯聚就定在這裡。＊＊＊＊＊＊＊＊＊＊＊＊＊＊＊＊海南四季位於皇室堡，佔了整層樓面，有數百個座位，地方非常闊落。食店主要分兩個區域，入口左手邊是火鍋區，而右手邊則是小菜區。餐廳以深啡色作主調，配以椰殼、燈籠和竹樹作點綴，感覺哉色哉香得來又不失格調。是晚我們決定吃小菜，茶芥每位$12，花生每碟$10。椒鹽脆鯇骨腩($118)脆鯇骨腩炸得非常香脆，肉質比較結實，油量不會過多，只是略嫌椒鹽味不夠，有點到喉不到肺。鮮果梅龍骨($108)鮮果梅龍骨以長條形碟子盛載，每件梅龍骨旁邊都佐以桃和菠蘿，上面再澆上深橙色的梅子醬。梅龍骨肉質非常軟腍，非常入口，再配以鮮果和酸酸甜甜的梅子醬同吃，非常開胃。籠仔荷葉蒸鱔片($168)鱔片以蒸籠奉上，中間還夾雜蔥花、金針菇和木耳。鱔片非常肥美，有濃濃的豉椒味，用來餸飯一流。雪耳紅桑糖水飯後有糖水奉送，糖水是比較少見的雪耳紅桑糖水。糖水非常清甜而不會過於甜膩，非常潤喉。總結，食物味道不俗，座位亦寬敞舒適，座位多基本上都不用訂座，以匯豐卡結帳還有95折優惠，價格都合理。…查看更多

天氣其實不影響吃的心情, 但會加快决擇, 今天少冷, 大家贊成打邊爐, 最開心!   看看 Open Rice, 最近我們的餐廳是 海南四季, 位置銅鑼灣 皇室堡.   FOOD AWARDS 2017, 有來头啊 !!海南出名的有椰子 / 雞, 雞和椰子標誌很搶眼 !餐牌美食不少. 海南四季係不倒翁飲食集團旗下的餐廳, 新鮮海鮮不會少. 餐廳裝修別緻, 座位舒適, 很適合朋友聚餐. 談天說地.周一至四火鍋放題, 每位$198, 任吃任飲兩小時, 加$50 可以任食刺身. 超值.朋友話現在是粮尾, 下次再吃雞鍋吧!有自助配料, 調味齊備.  多款選擇, 自己可以自由混醬, 另自助飲品, 有罐裝汽水, 樽裝酸梅湯, 及自家製竹蔗茅根,  飲得痛快.湯底同配料選擇都有好多, 有分鴛鴦湯底/辣湯底, 我們選了粟米蕃茄.  栗米都好甜.店員給我們一張餐紙.   選項有海產類, 肉類, 丸及餃子, 蔬菜及麪.   我們各項也選了數款, 太豐富了. 店員很快便送來 ~~羊肉片: 充滿羊肉味, 大大片, 肉質好, 口感一流.黑豚肉:  鮮紅色, 脂肪紋理清晰, 厚切, 脂肪畧為多少少. 嫩滑吾靭.美國肥牛: 火鍋必食, 雪花肥牛,  鮮紅色, 非常新鮮肉質鮮嫩, 重牛味.我們点的魚類及餃子, 用圖盤盛載, 擺碟賣相滿分, 有:脆肉鯇魚片:  巨形大塊的魚片双飛切法, 賣相很好, 啖啖肉.九肚鱼: 火鍋佳品, 入口很滑.鮮魷魚:  味道鮮美, 爽脆,  不過不宜煮太耐, 否則會太硬.鯇魚腩片:  肉質結實爽口, 因魚片頗厚, 吃時要留心有点骨.魚皮餃:   內餡豐富, 味道好.芝士腸:  皮脆芝士味濃.手打魚滑/ 墨魚滑:  打得很滑, 肉質彈牙.蝦丸:  尺碼中形, 爽口, 美味且口感好.墨魚丸:  夠彈牙, 肉爽.鮮竹:    清香滑順.牛肉丸:  重牛味, 味道美, 不韌, 爽口彈牙,     任食火鍋會贈送 海鮮拼盤:  有海蝦、帶子片、珊瑚蚌和貴妃蚌新鮮, 鮮甜, 又夠爽.兩個菜:  唐生菜, 日本金菇菜相當軟滑, 味道清素, 加上鮮甜的金菇, 為這頓晚餐添上清爽及健康元素。店員會替我們加湯.   服務真好.水餃皇:  大大隻, 皮薄, 肉質新鮮 甜品:  有自助奶白色的椰汁糕及桂花糕,  入口非常幼滑,  充滿汁椰香味道, 既清甜又滑嘟嘟, 倍感滋潤, 食味一流！   我的至愛. 不甜不膩, 火鍋後佳品.今次朋友的選擇,  真值得讚, 火鍋配料應有盡有, 整体食物水準不錯、位置方便、價錢超值、是可推介之列.今晚勁食 yummy !   , 會再來.…查看更多