影片
营业时间
今日营业
全日休息
星期一
全日休息
星期二至日
11:30 - 14:30
17:00 - 22:30
以上资料只供参考，请与餐厅确认详情
有关奖赏计划
相关文章
呢晚过咗嚟西湾河试吓呢间打边炉，主打一人一锅同埋和牛海鲜嘅放题☺️ 我哋拣咗嘅B餐，仲可以加一蚊要一碟A5嘅日本黑毛和牛🥰锅底呢度系一人一锅，所以可以拣两种汤底，我同朋友拣咗日式海草美颜锅同埋芝士汤番茄锅🍅 用番茄锅嚟渌牛肉真系好夹。肉类呢个套餐主打食A3嘅日本黑毛和牛同埋日本米豚肉，两款肉类都几嫩滑🥩 A3嘅日本黑毛和牛油花十足，望到已经知道佢可以入口即溶。另外日本嘅米豚肉够晒薄身，所以就算佢唔算好多脂肪都唔会好韧🐷 食得呢个套餐，一定要加埋一蚊要一碟A5嘅日本黑毛和牛，比起A3嘅日本黑毛和牛，当然质素更加好啦，过嚟过下口瘾都唔错。海鲜生蚝、虎虾、蛏子、蚬同埋帆立贝整成嘅拼盘都好丰富🦐 特别钟意佢嘅蛏子，口感几爽口。火锅配料其他配料都可以系自助吧自己拎，多款丸类蔬菜都有提供🥬 一定要食呢度嘅炸鱼皮，大块又够脆口，自助吧嘅食物睇到我地都花多眼乱🤪饮品呢度嘅饮品种类都算几多，特别钟意佢自家制嘅无糖凉茶🍵嚟得呢度打边炉一定要食佢哋嘅海鲜，呢度嘅海鲜真系好正🤔
继续阅读
西湾河海旁新开嘅高质火锅放题😍和牛肥美 唔会薄到透光！🐮任食区质素劲高 无限任食芝心丸 海鲜 鸡肉！🫨自家制饮品超多选择 玫瑰雪燕 竹蔗海底椰等等！🥤午巿$99起就食到😎今次我食咗A3十胜和牛/北海道豚肉/海鲜盛盆放题set，加$1仲可以加购300g A5和牛🐮超肥美入口即融🥹另外嘅A3和牛都几肥美，又腍又有牛味，北海道产就是信心保证。而且餐厅一啲都唔小气！任食嘅肉类份量多，又唔会切到薄sik sik。猪肉都好新鲜同腍。海鲜盛盆极度高质！只蚝手赏咁大🦪全部都大大只又鲜味。任食区选择好多，有我最爱嘅芝心丸可以无限任食🧀另外连虾，青口，八爪鱼，鸡，鹅肠etc都系无限任食，大食嘅真系cp值爆灯😀我打边炉都会惯咗食啲菜，佢啲蔬菜十分新鲜！🥬饮品系另外一个大癫嘅位🥤超多自家制饮品like罗汉果菊花，无花果苹果，雪梨玉竹百合，土茯苓茅根，全部都真材实料有晒材料系底，又清热解渴啱晒打边炉饮😙
继续阅读
我地拣左「日本黑毛A3和牛/日本米豚肉/海鲜盛盆」放题套餐，另外仲用$1 加购左A5 十胜和牛一份。麻辣仙锅唔会太辣又有麻香。芝士汤鲜茄锅一上台蕃茄汤味超香浓，真系好少食到蕃茄汤会咁浓味，通常用蕃茄汤渌完之后食物都唔会特别有蕃茄味，但呢度系录完之后食落去仲有好浓郁嘅蕃茄味。海鲜盛盆睇个样就知好新鲜！有蟹、鱼、带子、大大只蚝、虾、蚬。配上蕃茄汤一流。无论猪定牛肉都好嫩好滑，当然A5口感最好，而且冇好腻嘅感觉。每碟肉上面都有只汤底公仔好可爱。A5 十胜和牛日本黑毛A3和牛日本米豚肉每碟肉仲附上一只卡通造型嘅鸡汤。配料种类超多，而且好多出面放题都冇嘅材料，例如青瓜花、豆苗、墨鱼肠、鹅肠。丸类虽然都系𠮶啲款，但食得出系同平时自己去街市买嘅唔同。仲有好多鱼、虾、青口、墨鱼仔、青口等。饮品方面，有多款自家制零添加饮品。有豆浆、海底椰竹蔗水、土茯苓茶、酸梅汤。另外都有汽水提供。一入门口有个大鱼缸装晒啲龙虾，蟹同鱼，全部都仲游紧水架，食材真系好新鲜。如果食最贵个套餐，仲可以用$1加购龙虾😱仲有即用即弃湿毛巾提供。
继续阅读
钟意食和牛，又钟意海鲜但两样食晒又怕贵？今日去左海上鲜和牛海鲜涮涮锅一个价钱就可以满足晒所有愿望！我拣左全日套餐B可以任食A3级日本黑毛和牛同日本米豚肉同大量火锅配料仲有一份每日唔同嘅海鲜盛盆再加$1 有A5和牛真系净食和牛都食到饱🤭🤭先拣汤底共有五款汤底(泰式汤锅、日本海草美颜锅、芝士汤鲜茄锅、咖喱汤锅、麻辣鲜锅)款款自家熬制一人一锅够晒卫生👍再出去火锅配料区共有50款配料！多款菜蔬、冰鲜、肉类、丸类、粉面应有尽有饮品区又有好多选择虽然无汽水果汁但就全部都系自家制嘅凉茶非常贴心我劲buy❤️哗！和牛上枱相当fancy仲有好可爱嘅招财猫造型清鸡汤Cute❤️A3和牛油花靓到呢～分布匀称落锅几秒即熟肉味同脂香平衡超正！加$1 嘅A5和牛更加高质油脂更丰富入口丰腴是日海鲜拼盘有菲律宾直送海鲜大大只带子、花甲、罗氏虾、海斑片，全部都劲新鲜！海斑片仲系即是鱼缸捞上黎即切㗎！一啖咬落去啖啖鲜甜好幸福呀！海上鲜和牛海鲜涮涮锅CP值极高🔥 食材新鲜有质素快啲去试啦！
继续阅读
首先入到嚟好好服务哋安排我哋拣选汤底同套餐， 由于我哋想食虾所以我哋询问哪一个套餐有虾食， 店员就表示398餐开始先有， 但食完之后发现原来 最平𠮶个套餐都有虾。第二个问题就系 限时120分钟 净系等汤底都等咗十分钟跟住每一碟牛叫完都要等15分钟先到而且仲要到嘅时候都未完全解冻。 期间我曾经询问过可唔可以叫多啲但系店员坚持话 每一个客人都有足够嘅时间食所以 冇一次过嚟多两碟牛肉。第三个问题就系任食火锅竟然连乌冬都冇晒。最后就系饮品柜完全冇指示都唔知自己饮紧啲乜。最后总括嚟讲佢啲牛肉系几好食但系我未揾到原因令我再返嚟帮衬。食物卖相有心 每碟牛肉都有真花衬托
继续阅读