浩記甜品

之前经过几次见到，仲有米芝莲嘅标志 对佢本身都有啲期望见到芒果类嘅甜品都几出色，卖相几靓！就叫咗个芒果蛋白鲜奶🥭认真佢芒果汁系做得几不错～但系整体个甜品感觉唔系太夹。芒果汁嘅比例较少，所以去到后面净系食到蛋白炖鲜奶。而炖鲜奶嘅味道一般，同平时嘅甜品铺冇乜分别。应该试过一次就够啦！⭐️芒果蛋白炖鲜奶…查看更多

周末想出街行下食下消夜，去九龙城揾食度度都排队又冇泊车位，就转战土瓜湾。上网见大家都推介浩记，仲系连续几年米芝莲就一于去试下啦，又胜在唔洗排队。入到去系传统家庭式经营的港式糖水铺，店面都算大。炎炎夏日，虽然传统式糖水比较出名，但我同老公就叫左芒果小丸子豆腐花同杨枝甘露，想refresh一下。冇几耐两碗糖水已经送到面前，试左第一啖芒果小丸子豆腐花，少少失望，想像中应该系细个许留山食到个种带沙冰状的芒果汁，但芒果味未有都非常鲜甜，所以每啖小丸子都变得非常淡味，豆腐花也继而食之无味。芒果也切得颇大一旧，成碗糖水就变左3个单独的味道，缺少了融和的味道。杨枝甘露的西米都几大粒，味到一样偏淡，没有甚么惊喜。对于米芝莲，我同老公系有点不解，可能强项只限于传统芝麻糊、桑记生蛋茶之类．．．． 唔洗等，住得近，夜妈妈又想食糖水系可以选择呢度，山长水远跨区黎就未必需要了。…查看更多

见到系传统甜品就行入去，坐低见系米芝连就放心叫咗2碗最传统嘅(1)冰花炖蛋(热)同(2)马蹄沙(冻)！热辣辣嘅炖蛋一到，下？阵味咁怪嘅？好似落咗云呢拿油咁嘅？一落匙羹，下？咁实嘅？夏天都叫热嘅系为咗𠮶种滑滑溜嘅质感！放入口，下？酸嘅？（唔通我搞错？）再食多啖，真系酸架㖞！（同行人士都有试架，仲话可能系特色呢）问阿姐：请问你地系咪落咗柠檬汁架？阿姐话：吖，我真系唔知㖞！（叫咗个阿伯嚟-唔通系老板？）问阿伯：你哋有冇落柠檬汁架？阿伯秒回：冇，冇柠檬汁！我惊讶回：下，酸架㖞！阿伯停顿再回：系醋！落咗醋架！好，好安心继续食，都系觉得味道同质感都怪怪的！上网揾吓食谱先，唔通米芝连先咁整？（唉😔 总之发现其实系唔可能落醋啦！虽然我个人本身好有衣食，都立即停食，其实都就成晒….）又话系传统甜品嘅？冰花炖蛋都整成咁？冇下次！事后我个胃就开始痛，个口仲keep住有阵酸味。…查看更多

自从上环正街𠮶间，源记甜品店结业后，揾食肥华就食唔到一碗，合心意的，桑寄生蛋莲子茶，近日得知呢间，座落土瓜湾获米芝莲垂青嘅甜品店，有呢写款肥华和靓妈至爱糖水供应，事不延迟在8月9日，肥华即拖靓妈去此店，品尝此久违至爱。过此店呢碗，桑寄生蛋莲子茶，嘅水准真喺同(源记)有天渊之别，个桑寄生茶底无味，只蛋又浸得唔够时间，啲蛋肉仲喺白色嘅，成碗嘢唯一可取就喺啲莲子，尚算食得吓，整体嚟计此店呢碗桑寄生蛋莲子茶，真喺唔食好过食。而今日肥华在此店，却又食到碗比在新蒲岗另一间，米芝莲名店(华园甜品店)个碗镇店名物芝蔴糊，更出色嘅芝蔴糊，所以今餐肥华俾。⭐️⭐️⭐️…查看更多

入到去地方算大，干净企理，坐低后更感受到传统糖水店嘅味道。餐牌上选择果然是传统糖水居多，好多款都是我由小食到大嘅糖水。试过好几款糖水，味道及火喉都唔错，甜度对我来讲亦刚好，很有在家煮的味道。而且非常足料。除了传统糖水外， 亦见到有杨枝甘露， 三色芋圆小丸子等嘅选择。不过依我所见大多数客人都是吃传统糖水较多。《莲子桑寄生蛋茶》 很熟识嘅味道，虽然唔太难整，但已经很少地方可以食到。 只鸡蛋煮到入晒味。《马来喳咋》 《杨枝甘露》 加 三色芋园…查看更多