浦田里茶餐廳 (已結業)

枝竹豆卜雞翼飯 $20好大盒飯, d雞翼係炸既,又唔會炸得過火, 總共有3 隻, 好多肉都幾大隻~枝竹豆卜都幾多, 仲有d冬菇, 洋蔥做配料~D汁係soya source, 好送飯~奶茶佢太重奶味, 茶味唔夠, 又過甜, 下次要佢走甜…….$20真係好抵, 凍飲唔駛加錢

一樣...大約每1星期至10日左右就會叫一次 既外賣.平靚正!!! $ 2x-30 左右一個炒野+杯野飲,仲要超大盒 0.0我地平時多數 我+mummy+sk+姐姐+姐姐bf = 5個人就叫4個野.(叫4個都1定有剩,可以比 mummy 筆起留工作時再食或留for我地下一餐的)茶餐廳野,你凜得出既野...佢都可以做到比你,仲要係好好味個隻.又係杯茶好掂~ 奶茶 or 檸茶 都好正, d 檸茶 - - 仲杯杯都有 4-6 塊檸檬...好似5洗錢甘....我地叫親 檸檬茶 都要黎到即刻轉杯 同 +冰,因為佢好 溶架~超抵飲 ccc

近年屋企唔鐘意煮飯．．當要食自己o既時候，通常我就會叫E 到o既外賣．．聽電話個阿嬸好冇耐性．．成日懶醒以為我要例排．．佢分大小兩type o既．．我覺得佢個細$24 o既已經好大食唔哂．．　你唔強調講明細o既佢就會逼你要個大$27 o既．．我有次唔記得叫細．．個星州炒米送到黎係king size 囉．．成家食都得．．不過佢送外賣o既speed 值得一讚，通常三四個字就送到黎．．一打開個外賣見到有煙其實都係一件幾開心 o既事．．經常食o既幾味：星州炒米，魚香茄子飯，牛筋腩撈麵，咖啡牛腩飯．．星州炒米真係炒得唔錯．．好多好多好多料．．夠爽．．可能我差唔多日日都嗌．．佢炒慣炒熟．．儘管佢係普遍餐廳．．但炒E d 碟頭野都唔會求其．．幾好唔錯．．不過質素好飄忽．．久唔久就有一兩日d野食走左樣同唔同左味．．蒜汁雞o既改變尤其顯注．．點解會咁．．？

我有一次外出慈雲山做野路過見到派傳單話有午市蒸飯食,約廿蚊雞有飯有湯,於是去試下啦,叫左個盅頭蒸排骨飯食,排骨半肥瘦好滑好香一點都唔"UN"或大肥,飯就軟硬適中<因為有些地方的蒸飯太過軟或太硬>,例湯絕不似一般茶餐廳例湯="馬虎",呢間度好香好足料,好似回到家中飲媽咪煲既靚湯,好WARM呀,份量就剛剛好,但如果係體力勞動勁大食既人可能唔夠,因為始終係盅頭飯,份量不會太大

我有時會去開附近球場踢波，有次經朋友推介下一齊去左呢間店铺食野，當日我煩緊食咩飯之際”因為想食煲仔飯但亦想食咖喱飯”，寫單阿叔問我想食咩，跟住我跟佢說咖喱班片＋煲仔飯可以嗎？之後佢竟說有，个飯出奇好味，班片好滑，咖喱剛好好夠味，有一點金黃飯蕉好趣好香，但飯可以控制到沒有燒蕉，而且奉送既例湯好濃而且足料，好有口感，真的绝配，朋友之後话原來呢間細鋪仔在呢區都算幾有名的，真估不到︿︿

每次諗唔到食乜都會唻e度以家因為通脹,,見到d碟頭飯明顯地細碟左...e間食乜都幾好味炒飯炒意粉夠獲氣咖喱香不過稍嫌辣左d如果只食到少辣既人一定食唔落..最唔好既係公仔面唔稔同埋未整開lo仲有個奄列....油到呢...唔識講ar...油浸奄列咁款lo仲要讚既係餐飲真係好好尤其係華田同朱古力佢係落埋奶ga 令到杯野好香好有味如果客唔多既話真係快到離晒普可能佢成間野都係一家人做..所以有晒默契係度..

檯就得好少,但通常都有位啦,最正係梅菜蒸鯇魚,又又滑，蒸肉餅都唔錯，但炒的菜一定嚴重聲明少油o羅