浦和日本料理

营业中

休息中

咁岩有朋友係澳門過黎諗住帶佢去食好少少既放題見呢間評價都唔錯所以就叫埋d friend 一齊去試下咁我就提早左係openrice book dinner 仲有折有分唔同價錢既plan 有唔同野食一黎先上個刺身拼盤有海膽正 無得輸成個拼盤都好新鮮我估唔到竟然有牛肉刺身食 真係好爽好新鮮又有酒飲 sake 梅酒 任君選擇仲有好多炸物同打邊爐全部都好好味呢個價錢真係超值可以申請做埋vip member下次黎既時候仲有discount 我一定會再返黎食

This Japanese restaurant exists in Sheung Wan area for a very long time. Every time I pass through the street, I saw it. Yet the poster says “buffet”... and it looks quite high-end so I was think it should be very expensive. I did wanna have Japan food, and this one was the closet so I went here. Hey man, surprisingly the price is reasonable! We ordered “executive lunch set for 2”, and it costs $528. There are cheaper lunch set, around one hundred dollars. Ok let you see what’s included in the s

lunch time嚟到中上環呢啲商業區食lunch，周圍都人山人海, 好唔容易先搵到一間唔駛等位嘅日本料理食飯　呢度嘅裝修雅致，呢到啲凳坐得幾舒服，望完個lunch set，作為鰻魚愛好者嘅我梗係嗌鰻魚飯食啦我見呢度有出面好少見嘅鰻魚石頭鍋飯，於是就嗌咗個鰻魚石頭鍋飯配雙色刺身試下先講下碟刺身，有兩隻甜蝦同埋兩件三文魚，甜蝦好鮮甜，三文魚好新鮮好食，跟住就到主菜嘅石頭鍋飯，鰻魚好大塊，幾乎蓋過成個石頭鍋塊鰻魚聞落去好香，食落去好淋又有焦香味，同石頭鍋飯簡直係絕配

難得同舊同事聚一聚，三條仔咁仲叫做好氣好力就挑戰下呢間啦。坐低望左幾下個menu, 見到帶子都有放題仲有和牛就 諗都唔諗叫最貴嗰個course。個course仲包埋清酒放題。咁又因為小弟又係一位清酒唎酒師，對清酒都有一份熱誠同執著，所以見到佢地上冷熱酒都有啲奇怪就想對佢地有返少少要求(真係好少…只係想佢俾返冰我佐住支酒)。服務都算好，我有其他要肯有禮貌，呢個年頭的香港食肆唔多了。而員工同經理都好有禮貌。叫左好多好多野食，刺身叫齊menu上的，整體黎講算係唔錯。舊同事就話呢一度啲嘢好新鮮，老老實實，急凍運到過嚟嘅可以新鮮得去邊呀，但係不過佢解凍又解得，幾好刺身都仲保留到部分鮮味，帶子仲叫做有少許鮮甜。係個和牛刺身真係叫不知所謂，焼返佢黎食仲好食，所以後來就叫焼的。前菜，炸物，串燒，天婦羅其實唔叫好出衆，不過不失啦。燒河豚乾吹住水就下就下叫就做唔錯。 炸櫻花蝦佢真係一堆蝦畀你，畀佢啲劍額插死，要注意食品安全。味付螺肉芝麻八爪魚帶子裙邊都係買返黎，處理OK, 無過期。爐端燒一般，汁燒魷魚筒好乾，個牛舌叫做厚身啲。羊鞍舊脂肪太肥，其實應該焼前trim左佢，不過港式日本放題黎講你仲想要求啲咩。菠

星期一閒日中午食飯，突然想食日本野，咁就打電話book咗呢間叫浦和的日本餐廳。咁呢間餐廳個地點就好方便嘅，喺上環地鐵站A1出口隔離。咁天氣凍凍地佢又有壽喜燒，所以就叫咗個牛肩肉雜菜壽喜燒咁佢個壽喜燒呢跟埋碗白飯，個飯啲質感綿綿地幾好食嘅個牛肉份量都唔細，脂肪分布都OK唔會話太肥個煲入邊有金菇又有菜又有豆腐都好豐富下個汁唔算太鹹所以都啱我呢啲食開比較淡味嘅人咁因為呢個其實係set lunch嚟嘅，所以都有前菜係沙律黎，飲品同甜品。

我地點左升級放題$348/ppl , ，有清酒任飲服務好，質素都好好👍🏼由8:30食到11:30，足足3小時用餐時間，時間剛剛好，之後行出ifc 倒數2019年既來臨，十分完滿

今日到浦和慶祝媽媽生日，並給店員推薦最貴的餐，任食和牛，無奈地我們等了差不多一小時都未有任何和牛及刺身，店員話今天比較忙及要融雪，我相信這些都是藉口。。。如大家一心是想食刺身，本人㥛力推薦不要去浦和，因熟野上得快，生野等好耐至有得食。熟野又不是太出色，基本不需要選擇最貴，如住係上環，冇要求，可選擇這間最平的package, 因都要食熟野，但熟野又唔出色，請大家好好考慮至至浦和食晚餐，午餐未試過，沒有comments。

午餐就是預約了。去到即入，有效率。叫了客鰻魚飯餐及豬烏冬。兩樣都有質數，夠份量。喜歡鰻魚飯特別好食，汁及飯的比例很好，本人較少在外點魚餐、就是較敏感怕不夠新鮮，但這店很好。大滿足的午餐。

難得放左半日假，又係happy friday, 之前聽朋友講呢間既lunch 用料靚又好食，所以一於對自己好d 黎試試佢🙆🏻‍♀️🙆🏻‍♀️🙆🏻‍♀️呢到午餐有分普通版同埋商務午餐，我同朋友各叫左一個普通午餐～我叫左個雜錦刺身丼配海鮮燉蛋，朋友叫左個壽司拼盤配烏冬🍣🍱個餐包一種飲品，可以揀味噌湯，罐裝飲品或者柚子蜜等等，落左單好快就到，呢d 都係一般正常野黎既跟住就黎左個沙律，酸酸甜甜幾開胃，d菜都幾新鮮🥗🥗跟住就黎左朋友個壽司拼盤先，有海膽，蝦，帆立貝，劍魚腩，油甘魚，三文魚同加州卷，份量一d 都唔少，其實我覺得食完呢個就飽哂啦，所以本身我想叫呢個餐都忍左手😂😂我偷食左少少海膽真係好甜好新鮮❤️跟住就黎左我個刺身丼飯啦，大致上d 刺身同個壽司拼盤好似，係冇左海膽，同埋每樣有兩片厚切既，仲有d 三文魚子添。個餐仲有個海鮮燉蛋，個蛋有埋d 蝦同魚係底添，好好味好足料個餐仲會包一個甜品，可以揀雪糕或者紫米露，我地都叫左綠茶雪糕，係自家製雪糕，茶味都算濃同幾好食👍🏻👍🏻滿足

成日經過呢間浦和日本料理嘅廣告，見佢夜晚有提供任食放題，不過好少夜晚會喺上環搵食。見今日食晏周圍都無位，就去試一試佢嘅午市商務套餐！選擇唔算多不過價錢都可以，雜錦壽司丼價錢$158，有三款刺身，三文魚甜蝦同埋帶子，Size都算厚身。另外有鮭魚套餐，$148有三文魚壽司，三文魚刺身同埋花之戀，質素OK唔算係好高質，不過呢個價錢喺上環來講都算係咁。另外佢每個套餐都會有蒸蛋送，服務態度都唔錯，基本上你舉手就有人即刻過嚟幫你

八個人去食放題，訂座嗰陣要求一間房，不過房間有最低消費，要食四百幾蚊嗰個版本先夠，去到嗰陣先知要除鞋入座，出入比較麻煩，開頭有位戴眼鏡長頭髮嘅員工招乎我地，知我地要出去拎嘢飲，就拎曬雪櫃每款飲品擺喺枱面比我地揀，唔駛我地著鞋行出去攞，聽到我地講話餐牌冇火燒三文魚壽司，就問我地係咪想食，可以叫師父幫我地做，見到枱面有骨同蝦殼就幫我地夾走，酒杯冇酒就問我地仲加唔加，問佢攞嘢都好快可以比到我地，尾段可能嗰位員工收咗工，到其他員工接手招乎，問佢攞嘢飲就話：「等陣吖，轉頭攞比你.」，但係好耐都冇比到我地，最後要自己出去攞，問雪糕就話出面雪糕櫃有幾隻味可以自己攞，唔係話佢態度差，但係招乎真係爭好遠，本來覺得四百幾蚊但係有服務都OK，但係其他員工招乎相差咁大嘅話真係唔會再考慮.

今晚第一次食， 環境尚算ok ，但食物好失望 ，冇諗過咁差 。魚生已經普通，串燒勉強，但火鍋難食到不得了， 食材唔新鮮連湯底都差， 呢餐最好食竟然係雪糕，真估唔到，點可以令人再幫襯

值得推介，雖然價錢比一般放題高，但絕對物有所值！食物選擇多，食材選料上乘，款客有禮，不設時限，可慢慢享受，生日更有小型芝士蛋糕，地方寬裕，環境亦不嘈吵👍🏼👍🏼👍🏼

今次食浦和係因為上次覺得佢個服務同生日驚喜做得好先再次幫襯，但今次實在令我太失望。首先，浦和做得吾好既地方係佢趕我地交枱。從booking 到打電話 reconfirm booking 都無提過要限時。我地約12點15分，竟然1點要我地走，我地係12點45分先知要我地還枱，食得超急，有咩可能要我地45分鐘食完交枱！😡😡主菜未食完跟餐甜品已上，重要係雪米糍，會溶曬嗰隻！😡上左雪米糍無幾耐個待應就收我地主菜碟，又收走我地枱面啲未食既雪米糍。我地叫佢黎個生日甜品，個甜品係5球雪糕，上次慶祝生日係一個小慕絲蛋糕。插左個生日牌，但之前電話上溝通過話會寫名，完全無做到。重點係完全比吾到驚喜，個待應搞衰左！🌚待應服務好快，但態度麻麻🌚 又吾斟水，跟餐甜品又沒收我地。後尾問，佢先補番比我地。但佢既食物質素都係保持水準！P.S 3日前寫左個好評，今日我要收番，比個負評浦和！

同事生日浦和十分貼心咁製造左個surprise 比我地-慶生甜品！！食物質素吾錯，沙律、魚生飯好足料，好大份。最後跟餐甜品有雪糕。上環黎講價錢都算經濟，會再幫襯。