浦和日本料理

营业中

休息中

浦和在上環是老牌日本餐廳好久以前已經在這.Why? Lunch set 真心好抵食，$100-$200左右.所以包一個沙律及飲品，最後還送雪米糍.主菜是十份豐富的.壽喜燒牛肉靚，火鍋料多，還包飯.另一個壽司餐包烏冬.

朋友請我食生日飯話食放題..就返佢..就揀上環區呢間浦和book到位6:30pm..落到去無乜人..見到有car位..想坐..點知waiter哥哥話要食$400幾以上ge餐..先可以坐car位..哦黎到有4本menu..每本menu食物..價錢都唔同..分別好似係$200幾...$300幾..$400幾同$600幾最後我地揀左$300幾個本 "升級放題"3人以下同4人以上..都有唔同刺身額外送刺身種類ok..要有ge都有..少有ge亦都有..而且厚切同埋係新鮮ge呢個值得一提！係送ge 粒貝刺身非常爽口！鮮甜！ 而且size唔係mini壽司唔錯..正常發揮海膽壽司係$200幾個本menu無ge佢d燒物...真係麻麻地...燒得唔夠乾身...而且..唔係日式串燒ge製法..而且港式bbq調味無落honey個種...我好鐘意食燒雞軟骨..次次放題10串8串係好基本..但係呢間..我只係食左2串重點係..佢所有燒物調味都好咸！呢個焗蠔要讚下..燒完都唔會縮到一粒仔咁搵唔到呢度除左刺身、熟食外..仲有日式火鍋可以order..自己揀湯底同配料配料質素ok..但個湯底真係好咸！係得個咸字..死咸

這在上環的一家地下日本放題，幾年前就和朋友來過，感覺還不錯。餐廳位於上環地鐵A2出口，1分鐘就到，巴士交通也很方便...這裹吃品種類可以，尤其喜歡它的刺身放題的賣相。五彩繽紛的，感覺很好吃，事實上口感也不錯。特別是三文魚刺和北寄貝。周潤發講個句：「燒雞翼，我自細仲意食呀。」這裏的燒雞翼好食！有口感，那脆脆的雞皮，有看而帶口感！其他燒物也不錯！最特別的是那shabushau ，這個不是很夕至放題都有的特色，有牛豬...最愛吃清菜的我，這就可以得到大滿足！不過可以期待的是如果有更多的甜品，我就更高興了！但是那個「心太軟」的味道也真的不錯。餐廳的整體環境不錯，店員的服務也可以。最期待是在飲品的特色上可以更豐富，這就可以更為完美了！

哩間日本料理環境都幾好，座位很寬闊，食用噶時候得很舒適，好適合同滴friend去聚會。食材都幾新鮮，滴炸噶菜品炸得都好香脆，好好食，滴壽司食材都幾多款式，並且精緻得來又好食，不過就性價比不是太高咯，有小小貴，比較中意去食滴性價比比較高噶日式料理店。

蒲和日式料理晚市係食放題的，午市就係定食。佢的定食種類有20幾30款，你絕對會搵到一款你鍾意的定食。所以，當我諗唔到想吃什麼嘅時候，我就會去蒲和。餐廳嘅座位非常寬敞，有好多卡位，適合三五知己一齊聚一聚。佢仲有和風房可容納10個人，適合team lunch. 我點了蒜片洋蔥牛柳粒定食。定食有主菜，三文魚刺身（3片），米飯，沙津和飲品。餐後仲贈送雪糕雪米糍。沙津混了和風醬汁，配上蘆薈粒，非常開胃。廚師加了洋蔥絲和蒜片去炒牛柳粒，牛柳粒肉味香濃，洋蔥絲更吸收了牛肉汁，非常香甜。另外，三文魚刺身也非常新鮮，每片也有0.8cm厚。大家有機會可來蒲和試下。

好開心又到開心星期五，今次竟然安排一間房啊，食物而舊咁好味，份量足夠，男仕們都夠飽，有餐前沙律，飲品同飯後甜品，但價錢就不知不覺間漲了，餐後甜品係雪糕，好完滿嘅一餐午餐呀

午市通常都多人，可以提前預約。餐廳面積唔細，座位舒服較闊，好適合朋友聚會同多人聚餐，仲有幾間可以容納10+人嘅日式風格房。#壽喜燒牛肩肉雜菜鍋 配禦飯及三文魚刺身，HK$178壽喜燒嘅食材好豐富，有豆腐、香菇、金針菇、白菜仔、上海青，印象中好似仲有紅薯粉，不過哩次冇唔知係咪唔記得落?! 牛肉紋理睇落都幾靚，有認真擺盤。湯底味道唔會太過濃太鹹，贊！三文魚刺身有三片，都有差唔多1cm咁厚。#套餐沙律、點心沙律經常會有唔同款式，哩次沙律菜有煙肉配芥末醬，好食。餐後會送個小小糯米糍，以前有食過自製嘅布丁好好味。 午市套餐份量好夠。而且近排食過幾次無論係刺身抑係熟食都可以保持到水準，推薦。

Ben爺同15個好朋友 狂歡狂吃， 蒲和 極上放題 每位港元668， 雖然 價錢 比酒店不遑多讓， 飯食物質素 就更專注更極品。酒水任飲， 有專門經理打點， 根據我們的喜好 自動上菜， 酒壺內的清酒自動斟滿。食材非常新鮮， 拖羅 入口即溶， 巨型牡丹蝦 晶瑩剔透 ，爽口彈牙 ，每隻畀我的手指公還粗! 蝦頭再炸至金黃色， 香脆可口絕不浪費。吃得將近瘋狂， 朋友們把一整格的海膽放上一張紫菜上， 根本完全不合比例， 直接就放進口內!吩咐了廚房 羊架只要六成熟， 烤出來的是鮮嫩的粉紅色 ，保留了肉汁。鵝肝 入口即溶和味鮮香， 足足吃了三嚿才罷休! 鮑魚加上金箔矜貴非常! 先咬開一半， 內裏糖心， 鮮甜好味。聚餐由6時15分開始吃至11時打烊 ，十多個好友 ，飲飽食醉 ，盡興而歸!

選擇的是精選套餐，選擇非常少，冇雪糕，刺身連基本的蝦都冇，好失望，刺身方面除左三文魚夠厚夠大片，其他可以選擇的都一般般質素。刺身是第一個落Order,但卻要我們提醒之後先上，後面Order的其他東西就上的速度極快，個人覺得係故意。呢個價格，下次會選擇去大贏喜，不會再去第二次

第一次幫襯。點了雞扒餐，還在吃正餐便把賬單放在枱上摧埋單，我甜品還沒吃呢。如果限時的話，入座時先說一聲吧，不然，就別摧人趕人。服務態度差。還沒離座，居然將reserved的牌放在我們枱上，很不禮貌的行為，對客戶一點尊重也沒有。雞扒不嫩，醬汁可以，很惹味，但部份雞扒沒沾上醬的，淡而無味。白飯正常好吃。柑橘熱飲正常，但這類不提供凍飲。要凍飲只有汽水、烏龍茶等坐位寬敞，但嘈吵，同桌朋友說話要大聲些才聽得見。性價比不高。應該不會再光顧。如果不介意這樣服務態度的人，同時不點雞扒餐的話，可能感受就不同了。

我地department 次次出親去食都唔易訂位，呢間蒲和就係我地常去嘅餐廳之一，好彩嘅話可以訂到15位坐長台食；或者有時要分做打橫2張台，就要tatami除鞋食嘅。我地早幾日係openrice book定位先就有discount，不過都要係門口等5-10分鐘先有台食。我覺得佢上菜速度唔算快，勝在有沙津做頭盤，有酸酸甜甜嘅汁，連隻碟都係涼涼地嘅，抵讚。不過佢以前嘅沙津有細塊三文魚放面，最近轉左做蒟蒻jelly，唔知係咪關成本上漲左事。😂今次叫左個鐵板安格斯牛柳粒，牛柳同洋蔥比例大概1:1，牛柳唔韌仲幾淋，一口一粒好易入口，連埋燒汁撈飯非常好味。椰菜都俾左好多，唔怕唔夠健康。有同事就叫左銀鱈魚西京燒，我吉左佢兩啖魚食。銀鱈魚唔會太油，幾滑，塊魚皮都脆脆地好好食。開心既係佢有埋薯球做沙津，fresh。另外仲有同事食壽司拼盤，佢地都話夠新鮮，特別推介三文魚同蝦，入口好軟淋，海膽都好鮮。有大食少少既同事食佢地既壽喜燒牛肩肉，非常之大份，仲有另上3塊三文魚，但我張相影得衰左，個壽喜燒大概就係一人火鍋咁既size。我見鍋入面都放滿晒料，同事話個牛肩肉撈蛋好食。飲品同甜品都係包埋嘅。甜品有雪糕 /

最中意食呢到既Lunchset, 魚生新鮮, 有前菜開胃既日式沙津, 主菜份量足又好味, 又有雪糕做甜品! 我通常都係嗌饅魚石頭鍋飯, 個石頭鍋好夠熱, 所以裡面D飯會有脆卜卜既飯焦! 撈埋生蛋同泡菜芽菜, 口感好豐富! 饅魚超大條, 又夠香夠滑好好味!

對我來說，這間餐廳的價格有點昴貴，所以通常都是黏高層來黐餐的，他們應該是慶祝完成了某些工作就來這兒吃午餐～ 每次前菜的沙律菜都新鮮爽脆，醬汁都能帶出蔬菜的鮮甜味，其中一次主菜選了魚生飯，擺得勁靚，仲有金薄，食材當然是鮮甜味美才能賣這個價格，但因為唔洗用我自己錢就當然不會記得確實價格，魚生飯跟餐配十分滑口的蒸蛋～ 還有一次要了銀雪魚，很滑的，旁邊的紫薯蓉亦非常香滑，這個餐配白飯的，而整枱客人每人点一個餐是可以添飯的～ 職員說不能全枱点一個餐後不斷添飯😂

好友生日兼團年飯，朋友話想食日式放題，於是就揀左間近屋企嘅又之前食過嘅好食嘅浦和啦。我地一行12人，一張長枱坐曬，一坐低員工就好細心咁解釋每一款放題套餐嘅分別，了解過後，我地決定選擇$468嘅極上放題套餐，深信一分錢 一分貨嘅道理。極上放題包括了餐牌上所有食物，極品清酒啤酒汽水任飲，movenpick雪糕任食，淨係呢兩樣都已經覺得回左一半本啦！侍應見人齊就上左呢個刺身拼盤，真係冇得頂，刺身種類繁多，食得出全部都好新鮮鮮甜。芝士焗蠔，香熱好味道。其他熱葷都係極之出色，只不過我地太過肚餓，食物一上枱就狂風掃落葉式咁被秒清，連相都影唔切。😂😂😂記憶中好味道嘅有串燒牛舌，炸雞翼，羊架，樣樣都好出色。有一位應該係東南亞藉嘅員工仲差唔多全程都貼身服務住我地張枱，又換碟又添又攞食物咁，服務細心一流！最後我地由六點半至十一點食足四個半鐘，個個都飽到捧住個肚走人。😋😋

已經第五，六次去浦和食lunch. 佢地D set lunch都幾抵食， 款式又多，壽司set,刺身set,熟食， shabu shabu都有！ 價$就由$108起至$298。今次係openrice book位，係remark寫左farewell lunch. 一行十人，佢比左間房我地，環境舒服，上餐都算快。冇漏嘢！ 食完之後佢地送左雪糕比我地，好有心💕！ 原來係openrice book 位， 埋單係有八八折！！ 驚喜！！ 我地平左$214！！ 推介係openrice book位！