浦和日本料理

营业中

休息中

十多人來這裏晚餐，不過不失啦，但營商之道出了大問題，這種食物質素要付 $230，選大喜屋比較明智這裏會先給你一碟魚生，然後我們吃完再叫多碟的時候，那碟俏皮的魚生卻遲遲也不肯到來當我們三吹四請還沒有到來，終於忍不住以較嚴厲的語氣請經理幫我們追單如是者，等了半小時才來得第二碟魚生 .......魚生的質素也不夠好，希靈魚有陣苦澀怪味海老天婦羅冇乜蝦味，粉槳很多，炸蠔更係超多粉槳串燒帆立貝不錯，壽司也是可以的，和風麻醬醋汁的沙律挺好味，菜蔬再新鮮點會好味點牛柳算不錯，牛肉鍋普通其他服務都幾好，食物質素與價錢不成正比，最離譜的是魚生漏單情況嚴重試過一次就算了

九月十三日 (星期一)昨日的澳門一日遊,好不輕鬆呢!第日就要回到現實了lunch時間,又到上環搵老公仔吃lunch選擇了浦和日本料理 店子不算小,但是都已經滿了!好吃與否,一吃就知!銀雪魚西京燒定食銀雪魚味道一般,可能最近吃過了極好吃的銀雪魚,所以這裡的吁明顯地比下去了本身的魚肉算新鮮,但是肉質不太滑,而且感覺比較油膩花之戀壽司配烏冬先來的salad吁一般,菜都吃到不是新鮮的之後來的烏冬,一吃就知道是超市買到的平價烏冬,好似沒有誠意呢花之戀的三文魚一般,不算肥美其他的壽司品質都是麻麻,特別吃得出是海膽,比較睲!看怕不會再來了...

今次我們一行4個人第二次到此開餐, 我們本身訂6:30pm, 而我們6:00pm已到達我們一坐好, 就當然立即下單, 雖然不是自行寫單, 但可能因為我們早到, 所以上菜都十分快及準確(或是我們談話開心到忘了時間?!), 基本上只是在最後那一輪要追一追.說回食物, 今次先送上一些餐牌没有的刺身, 如象拔蚌,蠑螺刺身及...不記得魚名的魚等 (我們特別問過, 但現在又不記得), 真的很好吃, 尤其那不記得名的魚!! 我們點了以下的食物:- 清酒煮蜆: 很新鮮, 不會有怪味, 我們一共叫了五次, 吃到停不了口 (我們第一次去吃時, 吃了二回就話没有了, 故今次有進步!!)- 炸物: 其中以炸蝦最好, 可吃到蝦本身的甜味, 而炸蠔則蠔本身太軟身, 口感不太好, 今次只淺嚐- 香芒海中寶卷: 不錯, 很清新-腐皮蝦: 不中意-七味雞翼燒: 只能說是雞翼一隻- 炒雜菜: 太多牛油了, 很油-枝豆: 好吃- 黃金烤海貝: 用牛油封貝肉上, 內含一些像沙律醬, 吃起來有少許酦酦的, 十分好吃- 紫菜雞肉卷: 炸過頭-鮑魚雞粥: 還可以- 燒秋都魚: 好吃, 吃到魚本身的清甜- 雪糕: 有芝麻, 綠荼及

好友相聚, 大吃一番選這裡因為地方舒OK, 而且唔分時段, 鍾意食幾耐都得,6時半入座己非常熱鬧, 未爆場但已經見到好多人博殺緊唔講咁多而家都開波先, 先吃壽司及刺身壽司賣相一般, 反而刺身有D驚喜, 刺身都算新鮮及厚切, OK三文魚出奇地新鮮和cremy, 第2 round仲正, 不過吞拿魚好似話好多筋好難咬手卷都幾好, 我地叫左蔥花吞拿魚, 海膽, 軟殼蟹手卷D燒物及炸物都唔錯 我會推介海蝦天婦羅, 海蝦天婦羅一絕, 炸粉唔厚兼D蝦size 都OK雞軟骨, 兩round都好熱辣軟骨爽脆味道好夠吉列蠔是我心目中的第一位, 吉列部分唔厚唔界口~蠔有鮮味而唔腥南瓜天婦羅, 仍然咁軟糯同甜(食一件就夠費事太飽)雞腎,幾爽口但係咪冇落調味, 味較淡仲食左炸餃子,一般貨可不試 成餐飯漏左一次單only, 不算嚴重第一round點野食個陣個經理好風趣其他waiter都好有禮貌, 但有D生手, 唔知係唔係暑期工呢?

一心同兩個朋友食餐放題,點知松x無位,咁就貴貴地食間好d啦~呢度無野好,人少唔限時間,點知今次中招喇~~一入去就當然有位啦~~因為太耐無黎,咁就禮貌地問聲服務員姐姐有咩野飲,佢就好唔禮貌地回左我一句第二版啦~~吓第二版,明明係收費刺身喎,佢就好唔願意地補句,第二頁呀~~嘩呢d服務好到呀~~(妳好忙咩??)唔緊要啦~食野先,叫佢上個雜錦刺身熱吓身先啦~~雜錦刺身真係唔錯呀,三個人,款款都係兩件,都知想點,好在,無啦啦"隊"多碟話送,真係多謝哂,放題都會有野送!!!哈哈哈....之後係不斷有奇景出現,壽司呀~~串燒呀~~成日都樣樣上多兩三件,真係唔知咩事,天婦羅番薯三件,竟然會變左南瓜六件~~勁呀...但戲裖呢刻先出現,我地最後叫個火煱諗住試試啦~~因為怕浪費,所以每樣叫少少試試算,點知全部上個3人份量,當所有火煱料都齊喇~~但個煱就唔見左喎~~崔左兩三次先肯上埋個煱喇~~等水滾之際......有隻怪手無聲無色咁熄左個爐,我睇睇隻表,唔通夠鐘???個第二版服務員姐姐就話幫我哋轉卡位喎,吓~~~第一,我無都話要轉,第二,無啦啦熄火,咩事呀~~然後,個經理就走過黎話因為有客等8人枱,所以要我哋

出左花紅...一心計劃與家人大食一餐…見成日食松屋.....貴一點就試下這間..知道不限時..可是原本是找笨的....$198位換來一肚氣 環境 : 坐得好迫…枱同枱之間空位勁窄…行過都好似橫掃人地枱上的d野食….4個鐘都要坐得咁辛苦 落單: 間間日本任食都係自己填紙家啦…佢地就冇Lee樣野..次次落單都要叫侍應黎…叫咩野幾多件..侍應又繁忙..舉手又冇咩人理…個個侍應都忙住傳菜..黎到我都唔記得左要咩了….已經火都黎! 服務 :侍應其實服務語氣好好…只是真係人手好不足,,,成日都唔見d侍應..侍應分佈不平均 食物 : 一坐底侍應話先附上刺身拼盤..就係這個刺身拼盤黎得最快…之後落親單都要等成接近20分鐘先上…漏單次數勁多..一係就冇..一係就好耐先黎..有d野以為佢冇落單就再叫過..點知又係冇黎…我知道你地d食物係即整需時..但都唔係咁耐呀!有D野食叫左2次但黎左5次..一個字< 亂 > 食物本身其實好好…味道都唔差..可是這樣的速度幾好都冇用!到我地終於要開口話d野食好多未黎又知我地想投訴的時候..d侍應應該SA曬淋跟單…有咩未黎即刻落單…..但一落單居然2

今次係第2次去食啦!之前同男朋友兩個去食, around 7點幾啦...因為book得早, 唔使等好耐!上次o既experience 已經非常好, 可能我男朋友攪笑掛, 勁撩d 侍應!今次我都介紹比朋友們, 去食生日飯。其實款式算多, 同都好有特式!! 上菜個樣係好靚, 一d 都唔hea，有d款都飽都食唔落。刺身- 好新鮮, 推介新品種象拔蚌刺身,蠑螺刺身,白肉豚刺身 !!速度個人認為都可接收，不會慢。壽司- 平時食開果d 都ok! 特式卷物 , 例如香芒卷同帶子魚生卷係好好食!手卷- 蔥吞拿魚腩手卷, 軟殼蟹手卷必食推介!天婦羅- 唔特別, 但好食!燒物- 最好食係鲭魚,三文魚頭和多春魚,串燒一般!一品料理- 一口牛粒, 鮑魚雞粥,清酒煮硯,咖喱海鮮飯都ok!牛肉鍋, 賣相唔錯, 但我冇食! 炸物-吉列蠔, 炸三文魚皮, 腐皮蝦Good! 餃子都好好食!飲品任飲,和有雪米糍或雪糕送!服務方面我覺得唔錯, 好有禮貌..雖然忙，但都會主動幫你添水，留意同圍有無人落單，又會走黎問你仲有無野未黎!

星期日和家人去慶生，找左呢間放題諗住食過飽，的確好飽但係食過既食物真係唔多。手機冇電，只拍了三張照片~~~ 多多包涵 一開始先講總結：我不會再去。食物質素是可以接受的，但食物的款式少得可憐，刺身出得最多和貴少少的就係三文魚和北寄貝，係幾新鮮的，但問題係每次都要等半小時至可以得到數塊，我一家8口去食，三文魚4片，北寄貝4片，白河豚2片.......吞拿魚全晚失蹤......而且每次 order 都要等好耐好耐至有出得最快係乜？雞翼....天婦羅等等，不用5分鐘已經趕到，拉麵也是勁快的，快過你整杯麵明晒未? 可以令你好飽的東西都會好快出現，但若果係貴價的就要等好耐，如果真係市儈d 去計自己食左幾多錢，我估我散叫我食過既野，可能$70都冇......但埋單位位$220 ~~~~ 我寧願比多一舊水去吃自助餐了~~~~

該店是友人食過話正, 所以介紹我地去的花之戀壽司定食配手打讚岐湯烏冬 - 花之戀兩件, 海膽, 蒂子, 吞拿魚, 北寄貝共六件, 新鮮但飯團好細件, 而烏冬好滑, 整體都好食 $88 雜錦刺身定食 - 吞拿魚, 三文魚, 劍魚腩, 八爪魚, 甜蝦, 鱆紅, 啲刺身好新鮮, 而且肥厚 $98 以上定食仲有: 麵豉湯, 小食, 前菜, 甜品 燒魷魚筒 - 正, 肉質不嘞, 再加上啲薑末起, 仲正 我地到達時該店是剛剛開門, 所以不用等位

見雜誌廣告, 再加上食評唔錯和不限時, 於是Book左位7:30同屋企人食飯, 上去到見到異常多人,上環區夜晚竟然要等位, 好在我BOOK左位. 講返啲野食, 首先, 叫左刺身拼盤, 小食, 串燒, 各樣各樣都叫左啲, 等左約五分鐘, 都有野食陸續黎, 刺身方面:好新鮮, 全部都好有光澤, 顏色都好好, 唔會話啞晒色, 非常對板.壽司方面:都好靚仔,飯粒又唔大!!! 好少可我食放題會叫咁多壽司呢 一品料理方面:蒜片牛粒味道唔錯, 清酒煮蜆味道比較清新炸物方面:係我食過咁多間最好.生蠔無咩粉,好厚肉,天婦羅亦有水準,好香脆.燒物方面:so good, 燒物拎來的時侯都係熱的, 呢樣, 我就非常滿意, 因我好怕拎啲野黎好似整完好耐先拎黎,火鍋方面:湯底正....有好多牛肉呀....又有豆腐,金菇,…而且呢間野啲服務態度都唔錯, 個個都面帶笑容, 呢樣真係幾難得, 因當冕都幾旺場, 此店Training都唔錯. 初頭都驚放題會有好多野食食下賣晒, 點知一樣都無,全部都有得食, 最後一提佢係用罐裝飲品, 有汽水和啤酒, 仲有杯裝果汁, 全都係食飲和不限時, 所以好全家人都盡興, 好希望佢Kee

今日老闆請食午飯,見各同事都想食日本嘢於是就試吓呢間浦和.可能係午飯時間有好多人等位,我地等咗20mins終於有位.嘩!入到去見到密集嘅桌椅真係嚇咗我地一跳,當然我地坐得都幾迫.睇睇個午餐set,係就係有好多選擇再睇睇個價錢,曄曄曄!一個普通拉麵要成$60-70有啲仲唔止添,普通一個定食要$70-80不等,刺身定食.......緊係要過百啦+埋10%一個人要放低$100先走得,各同事心想好彩係老闆請客啫.我地再睇吓上到枱嘅食物,點知大家都好失望,諗住咁貴會有驚喜啦怎料係不外如是.唔知係咪請唔到人定係呢度嘅老闆唔肯去請,呢度人手係嚴重不足我都未見過一個經理做嘢做到忙成咁,真慘情!但我見啲員工都落力去做服務都唔差.最後有一粒雪米糍作為甜品都唔錯.總括嚟講呢個價錢食呢啲質素嘅食物真係貴同埋有好多好選擇,就連我老闆都係咁講.

早幾日同老公食完呢間放題我地食完都好滿意所以就上嚟同大家分享吓入到去有位男經理安排一張4人卡位比我地就坐,很寬敞舒適.在內燈光暗暗的,裝飾品擺放得整整齊齊,環境都唔錯.一坐低就問我地飲啲咩(果汁汽水係任飲嫁)仲話會準備個刺身拼盤比我地食住先(如果係第二間呀比你坐低咗就行開咩都唔理嫁啦)刺身係厚切幾新鮮壽司飯唔會太大炒嘅食物唔會太過多油(例如炒什菇,女仕喜愛)天婦蘿粉唔會太厚(天婦蘿虾係大大隻)我同老公都食得好飽呀,點知做嘢做到整晚無停過手嘅男經理過嚟問我地仲食唔食ice cream佢仲話有绿茶味添(係我至愛緊係食啦)期間問我地今晚啲嘢食啱唔啱食有沒有地方需要改善等等,很體貼客人(唔知仲以為佢係老闆添哈哈!).其他員工都很友善,桌上食完食物嘅碟很快同勤於清理.但係唔知做咩有個穿恤嘅女人整晚都黑口黑面,叫佢落單都唔應,呢間舗請咗佢係唯一不足之處.由於係無限時間開關係呢晚同老公食足3粒鐘好開心,唔使比時間限制住.

我同我的朋友一向都好鍾意食嘢,今次就去咗上環呢間浦和試吓個放題.一我們一行8人進場就覺得內格式都幾舒適各waiters都十分勤力,nices更難得的是呢度嘅經理真係落手落腳去做的.食物方面都幾新鮮,送到上桌的食物都是熱騰騰的不過要等得比較久一會.到最後更付送一客ice cream添.呢個價錢之說大家食得十分之滿意.(其實我啲朋友之前去過荃灣個間,相比之下無論服務`食物`環境同上環真的無得比)所以就算遠啲我都提議大家去上環食

為左慶祝母親節。。特意去食放題，１２個人這店好不同。　因為他們沒有字仔去選擇食物，只有一本餐牌。每次落ＯＲＤＥＲ都要叫人。（我覺得好麻煩）。唔知係唔係忙０既關係，成日寫寫下野。。就走開左。。。！好煩囉！　因為沒有帶相機關係。冇影相食物方面：真係麻麻地。又耐。三文魚，北寄背。（不新鮮，冇鮮甜味。有骨）一口牛（都幾好食。。唔錯０既）枝豆（唔好食。。冇甜味。（鹽少）雞軟骨（太硬，食唔到）魚湯（幾好味。好甜）燒粟米，冬姑（　麻麻地。凍０既）飽魚粥（都ＯＫ　０既）炸蠔（ＯＫ）牛油沙雜菜（冇特別）壽司（唔好食。散的）哩一餐真係麻麻地。又貴。服務又唔好～下次都唔會再去。　不過佢Ｄ　ＬＵＮＣＨ又幾好食架喎。放題就差咁多。都唔明點解～

算是公司附近比較正規的日式料理店。食物素質真的只是普通，以價格來衡量，性價比一般。如果歸在中環還算可以，就上環附近的性價比來比，有待成長。吃過數次午餐，湯麵都很普通。鍋仔烏冬的分量比較足，湯是沒什麽味道啦。害我每次都很想落重手的胡椒粉。人一多馬上就變得沒有效率，連買單都要等10多分鐘。叫了額外的小食炸生蠔兩隻，足足到了買單才送來。而且炸得不好吃。。。