洪記餃子雲吞糖水

营业中

休息中

大埔名物美食多籮籮，今次去到大埔墟街市附近嘅洪記-餃子雲吞糖水，睇見大排長龍 ，當然有番佢嘅實力啦，價錢大眾化我叫咗韭菜煎餃🥟，真係皮脆肉汁滿滿，好juicy 呀，而且韭菜嘅香味撲鼻，好正呀！另外叫咗三碗芒果系列嘅糖水同家人一齊分享。酸甜醒胃嘅楊枝甘露芋圓、Q彈嘅多芒小丸子和好養顏嘅芒果西米桃膠芋圓。我很喜歡依度嘅糖水用好多新鮮芒果🥭而且不會好甜，真係食得健康好多，放心好多！家人都非常之滿意👍🏻yummy

小店主打多款甜品及小食長期都有人龍 可見人氣十足甜品足料出色甜品愛好者真的要來試試 ⍢綜合芋圓燒仙草 $40充滿紅豆 仙草 西米 珍珠 芋圓材料非常豐富 而且很足料燒仙草入口滑溜 芋圓珍珠口感煙韌 爽滑的西米再配上微甜的紅豆整體口感多層次 不太甜 美味又滿足芋泥西米桃膠芋圓 $36滿滿芋泥微甜香濃綿密 啖啖充滿着芋頭粒粒及桃膠再加上煙韌的小芋圓口感豐富而不膩香茜煎餃 $40/10隻煎餃煎至金黃色皮薄餡料豐富 豬肉混合了滿滿芫荽但芫荽味比想像中不算太濃相信大部份人都能接受～粟米煎餃 $40/10隻外皮同樣煎至金黃酥脆餡料亦很飽滿吃得出粟米本身的甜味脆卜卜很好吃⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐洪記餃子雲吞糖水📍大埔寶鄉街47號地下D2號舖

小店嘅糖水好多大埔朋友食過都話正，有經典嘅紅豆沙綠豆沙，亦有新式嘅多芒系列🥭芋圓、芋泥小丸子等🥥另一主打係餃子🥟除咗大路嘅韭菜、粟米、芫茜☘️鹹蛋黃餃子都好吸引🎈海帶綠豆沙綠豆沙有起沙口感，加上海帶絲同粒粒軟綿綠豆，帶點臭草獨有味道，好正宗，買嗰時係熱嘅，個外賣盒好硬淨，可以雪凍食都好正🥣🎈多芒仙草芒果控心心眼嘅一款用料十足，大大粒芒果肉，加上滑溜仙草同小丸子，以椰奶做底，濃郁椰子香，好味又滋潤🥥🎈粟米鮮肉水餃🥟煎餃外型飽滿，餡料夠晒多裡面有粒粒粟米，加上豬肉餡，肉汁豐富外脆內juicy,口感特別好🥢🎈韭菜餃一盒12隻手工水餃，粒粒飽滿，用嚟打邊爐或者煮麵食都好正

去大埔搵親戚都會喺度買小食，每次都有好多人排隊。小食店有糖水，餃子，粢飯，飲品，小食。芋圓糖水咁多款都唔超過$40抵，價錢好合理。綜含芋圓燒仙草 $40 紅豆＋仙草＋西米＋珍珠+芋圓材料好多，芋圓新鮮，糖水味道剛好。雖然買到返屋企出晒水，但係魚蛋依然好食，好大粒炸得好脆，冇食麵粉嘅感覺。自己屋企有茄汁，或者沙律醬點嚟食都好味。粢飯好煙靭，材料同飯一比一👍粢飯而家好少地方有得賣，難得仲有人整又好食要支持吓。肉鬆俾好多要讚

入大埔探朋友，順便喺佢樓下附近買啲嘢上去一齊食😆😆佢推介呢一間洪記糖水雲呑餃子✨招牌雲吞餃子即叫即煎，新鮮熱辣，仲有多款糖水揀！🔹粟米煎餃、香茜煎餃煎餃熱辣辣煎起，大大隻食落好飽滿，粟米香甜有多汁，香茜又夠惹味！🔹即包粢飯拳頭咁大嘅粢飯夠晒足料，飯粒煙韌軟糯，包住油炸鬼、肉鬆、咸酸菜等，一啖食落層次感十足！🔹芋泥西米桃膠芋圓有齊我鍾意食嘅配料！香甜芋泥配大大粒彈牙西米，仲有份量超多嘅軟滑桃膠，同埋煙韌有咬口嘅芋圓，飽肚之選～洪記糖水雲呑餃子✨📍大埔寶鄉街47號地下D2號舖

喺「麻甩雞」旁邊有間人氣糖水舖「洪記」街坊朋友話兩間都係幾出名嘅新店，開咗唔夠一年，實力與人氣兼備，一於試下佢😎🥢楊枝甘露芋圓首先試吓最近好hit嘅楊枝甘露😎傳統楊枝甘露好少溝埋芋圓，但兩者原來都幾夾清新的芒果唔會過甜/酸，椰奶香味足夠，柚子肉亦非常多，加埋芋圓口感Q彈，整體口感豐富🥢芒果西米桃膠芋圓一般糖水如果要添加桃膠，價錢都會比較貴，不過呢度定價就非常貼地，梗係要試下😋桃膠煲得非常軟腍，份量十足，感覺非常養顏滋補🥢綜合芋圓燒仙草將紅豆、仙草、西米、珍珠同芋圓結合埋一齊，用料非常多，簡直係口感嘅盛宴😍三個女生share食都覺得好滿足仙草香濃又好滑！多樣化嘅配料令每一口都充滿驚喜！🥢芋泥西米桃膠芋圓芋泥香濃！打成泥嘅細膩口感融化喺嘴裡，再有粒粒芋頭增加口感👍🏻下午茶食完佢，我連晚餐都直接skip咗🤣 可想而知佢有幾足料！而且只係30幾蚊，真心癲😱！

大埔呢間小店出名食糖水， 每次等外賣時都見到整緊勁多糖水單。但我食開佢既煎餃～ 又平又抵食煎餃可以雙拼，我揀左韭菜&粟米，$40 蚊10 隻， 加辣油和醋附送，拎返屋企既途中都聞到佢既香味，煎得超香！💕粟米煎餃🥟每隻都好足料，充滿粟米香味韭菜煎餃🥟餡料紮實爆汁，韭菜香味讚👍🏻每隻餃子都足料， 外層好香脆，不過少少太油， 如果外皮薄一些口感會更好，食完十隻超級飽～！ 如果食量大一些的人可以加甜品～真係好抵食

今日去大埔同屋企人食飯, 路過見到大埔人氣甜品外賣店---洪記， 平時好多人排隊， 今日十二點幾見冇咁多人即刻買返幾個返屋企同屋企人 一齊食😂， 洪記嘅甜品款式都多， 最後我揀咗四款， 多芒楊枝甘露， 多芒仙草， 綜合芋圓燒仙草同芒果西米桃膠芋圓， 佢哋嘅甜品大大碗價錢仲好抵食😍。多芒楊枝甘露： 芒果肉大大粒， 份量都唔少，芒果鮮甜帶點微酸配合西柚，西米， 椰奶 ， 味道好醒胃，令人忍唔住一口接一口 。綜合芋圓燒仙草： 呢款超多料，有紅豆，西米，珍珠，芋圓同仙草， 味道調教得啱啱好唔會太甜，食得好滿足👍

今日打完波，順路載個波友返大埔，佢強烈介紹區內一間糖水舖，我就順路打包幾碗糖水，拎返屋企同家人分享。#### 多芒小丸子多芒小丸子用咗新鮮芒果做主角，配上軟糯的小丸子，咬下去彈牙又煙韌，甜而不膩，芒果控既朋友不妨試試！#### 楊枝甘露芋圓楊枝甘露芋圓每次都係必點既！香甜既芒果加上椰漿，搭配上啱啱好軟滑既芋圓，完全冇人工味，的確幾正！#### 綜合芋圓燒鮮草呢碗集合咗所有好既味道，裡面有紅豆、仙草、西米、珍珠同芋圓非常豐富！每樣食材都有自己嘅口感，咬下去有不同層次。特別係仙草既滑溜，搭上紅豆既甜味，整體味道非常平衡。#### 粟米煎餃除了甜品，煎餃都係洪記好受歡迎既食品，見到好多食客都有點。我都買咗一盒返家試試，粟米煎餃外皮煎得金黃酥脆，咬落去唔單止有脆脆既口感，仲有粟米既自然甜味。下次經過時一定要試埋其他口味！

第二次食這間店的外賣沒比較沒傷害，這次叫了韭菜煎餃，但出來的結果是炸餃子，完全給人的感覺是不夠時間做，因為煎餃比較費時，炸餃子比較快，這樣做會把自己的客人趕走啊！我要的是以往的煎餃子，這個用炸的方式，我食了三個喉嚨已經起痰，頂不住！難道以往的煎餃已成為回憶？唯一挽回少少分的是這次的粢飯沒有退步，味道保持水準，夠大和足料，而且價錢親民，份量一定足夠做為普通女性一個午餐。而豆漿可以調教一下味道偏甜，不要太甜會更好。我還是會光顧，希望有幸食回煎餃的味道，而不是炸餃子。 很遺憾，今次會負評。

哥哥唔知咩係粢飯，順口話下次買比佢試，點知尋晚咁蹺YouTube睇到大埔有間好似幾正，剛剛送完老婆返工，就慢慢行去探店。鋪仔細細專做外賣，除粢飯豆漿外，仲有煎餃同糖水，哥哥四點放學，所以只打算買一個粢飯比佢同細佬做下午茶。十二點幾唔太多人排隊，網上話食物係即叫即做，可能因為午餐時間，我見粢飯已經預先包好，所以就左手比錢，右手收貨。小朋友放學回家，輕輕叮翻熱，拆開保鮮紙，再切開一齊分享，兩兄弟都覺得好食，細佬讃油炸鬼好食，哥哥就鍾意肉鬆甜甜哋，我就覺得足料嘅，不過一頭一尾飯太多，影響咗成個感覺。齋講粢飯就十分普通喇，有機會會試埋糖水同煎餃，睇吓網紅又冇吹水先。是日消費：粢飯$25

依家啲糖水舖越嚟越貴閑閑地一碗芋圓糖水都要$4-50呢碗多芒楊枝甘露🥭勁多料🤩除咗芒果楊枝甘露之外，仲有芋圓薯圓，先$36!!😍抵食呀！！😋芋圓夠Q夠煙靭又有芋頭味👍👍個外賣盒quality 仲要幾好！我會洗完留起自用作為大埔街坊既我已經翻啅過好多次決定比個正評佢支持吓大埔小店希望開多啲小店，等我哋有多啲選擇😆🤣試過佢兩次煎餃子🥟🥟芫荽&韭菜本人覺得韭菜香口啲，不過味道有少少偏鹹如果即食都OK, 不過一個人一次過食晒10隻嘅話會好漏，同人share 會好d!始終煎餃都係有啲油🛢️🛢️.仲試過一次佢芋泥糖水，都係覺得有啲漏鍾意奶味重啲同rich 口感既可能會啱食

之前見到社交平台其他post有人comment佢係全香港最好食粢飯😗去開大埔即刻買嚟試吓，一去到已經有勁多街坊排隊買緊🙂‍↕️.講咗粢飯先，即叫即包熱辣辣，一攞上手好重好聚手，切開餡嘅份量好多，油炸鬼夠脆，糯米軟硬濕潤度適中，真係幾好食😬糖水都好多人買，我叫咗楊枝甘露，夏天嘅芒果真係好甜好好食，有好多芒果粒同西米，仲有煙韌芋圓🥭仲食咗自家製粟米煎餃，內餡有粟米木耳馬蹄，好足料，不過煎得比較油膩。要多包生餃留返遲啲打邊爐食😋

一踏入夏天每日都熱辣辣咁♨️😳會特別想食啲甜甜又凍的食物😚上次經過寶鄉街見到呢間洪記餃子雲吞糖水係平日既中午時間都已經好多人係門口等緊外賣就mark低左下次再黎大埔 所以今次黎大埔要食食～🔸芋泥紅豆仙草芋圓 $36🔸芒果西米桃膠芋圓 $36呢2款都都足料🤩 芋圓有3種口味，而且口感煙靭炎炎夏日食好透心涼也~芒果🥭大大粒又甜甜的😚芋泥紅豆仙草芋圓就岩曬喜歡食芋泥的朋友呀～🔸厚芋泥椰椰 $30中間果層全部都係濃濃既芋泥，底下就係西米讚讚喔～

食物質素其實沒有問題，糖水也是不會太甜中等程度，但是等候過程太漫長，即使你只是買一個豆漿粢飯也需要等候很久。購買之前已經問了是否需要等候很長，對方說今天人手足夠不會太久。但也是等了太長時間，從下單到接單，足足有18分鐘如果只是想簡單吃個豆漿粢飯我不會再選擇因為等候太長。大家對快嘅速度定義10分不一樣。對於一間只是做外賣自取的店舖速度相信是10分緊要的，而他的味道不至於可以需時等候那麼久。價錢是相宜的，但是時間很緊要吧！我看他跟每個下單的人也說很快，事實不符。