洪記餃子雲吞糖水

夜晚放工返屋企，成个人口痕痕🤭，经过洪记见到未收档，心谂不如食返啲甜嘢止下瘾。睇吓menu，见到有红豆小丸子，$28，价钱都几抵，最重要系我自己最钟意食红豆🤩叫咗外卖，唔会太甜，啱啱好，食落去暖笠笠，夜晚食特别舒服，红豆煮得够腍，每一啖都有豆香，但唔会起渣，食落去好顺口，至于小丸子，烟烟韧韧，入口Q弹唔会硬，配埋红豆一齐食，口感好丰富❤️成碗份量唔算细，$28嚟讲算系抵食，食完之后成个人都觉得满足，下次想试下佢啲杯装糖水😸…查看更多

同朋友冲去洪记饺子加糖水，叫左成9样野都系3百几蚊埋单，感觉好抵😂🎉🥟 煎饺大集合• 粟米煎饺 $40：外脆内软，粟米粒爆Juice，甜甜地好上瘾 🌽✨，仲有d咸蛋黄香，好特别• 韮菜煎饺 $40：一口咬下去香韮味扑鼻，清新到唔会腻 🌿💚• 香菇煎饺 $40：香菇馅超Juicy，菇味浓郁，好正 🍄👌🍜 炸物小食• 炸花枝丸 $30：香脆弹牙，热辣辣即刻暖晒心 🔥🦑• 炸烧卖 $30：炸得金黄香口💛🍖🍧 甜品时间• 多芒杨枝甘露 $38：芒果肉多到溢出，果汁香浓又开胃 🥭😋• 芋泥红豆仙草芋圆 $38：芋泥绵绵、红豆甜度适中＋仙草凉透心扉 💜🥄• 多芒仙草 $36：简约款，凉凉滑滑，甜度刚好 ❄️🍑现金埋单，有小小唔方便，但炸物几好，建议即食更正#大埔美食 #洪记饺子 #煎饺控 #甜品迷 #香港打卡…查看更多

今日姪女生日大晒，包食活动由朝到晚，lunch之后睇埋戏，返屋企前去大埔洪记买埋糖水做饭后甜品。多芒杨枝甘露味道清新，芒果嘅香味好浓，搭配椰浆真系一流。芒果西米桃胶芋圆，桃胶加上西米，口感丰富，系一个好嘅选择，特别适合夏天食。仲有至爱嘅综合芋圆仙草烧，钟意佢材料真系好丰富，入面有红豆、仙草、西米、珍珠、芋圆，真系一碗满满嘅惊喜。每样材料都好搭，特别系仙草，清爽又唔腻，正到爆。洪记好受街坊欢迎，繁忙时间经常大排长龙，之前食过佢嘅饺子亦都唔错，值得推介。…查看更多

大埔宝乡街洪记-饺子云吞糖水，我们一家已经系常客，煎饺子🥟皮薄多汁，但今次我就系买冻冰冰嘅消暑甜品返屋企叹住冷气品尝😋我买咗💜多芒杨枝甘露，椰奶的浓郁和Q弹的西米露，滑顺口感酸酸甜甜甜、浓郁嘅香芒味、感觉好fresh ! 💜椰汁仙草西米珍珠桃胶，Q弹珍珠，仙草冻冰冰凉凉，加上美颜桃胶 ，真系爱美恩品💜 芋泥红豆仙草芋圆，芋泥的绵密不太甜，同红豆的松软和略带沙沙的口感，真系绝配！💜芒果糯米饭，芒果的香甜多汁，糯米饭的软糯，椰奶的浓郁，真系伪泰国味蕾来一趟…查看更多

收工喺大埔经过一间极受大埔街坊欢迎及推介嘅甜品店，除咗经典糖水更有新式甜品，有招牌即包粢饭，听讲系销量冠军，大大只即煎饺子，买生饺子回家煮亦得，煎炸小食等。韭菜煎饺馅料有韭菜猪肉为主，韭菜味道好香浓，饺子皮有筋性，煎得香脆。粟米煎饺馅料有粟米粒、猪肉、木耳、沙葛，有肉味口感丰富，同样煎得脆脆，加5蚊有豆浆，两份饺子都加了，回家途中已饮一枝，有豆味唔太甜，几好饮又健康。多芒杨枝甘露大大粒芒果有西米同芋圆，芒果香甜，芋圆烟烟靭靭，西米晶莹剔透有弹性，仲有金柚，冻冰冰食落超爽。综合芋圆烧仙草有红豆、西米、珍珠、芋圆、仙草好丰富，一个等于食到多种甜品，尤其是红豆超有惊喜，豆味好香浓且甜度高，食到好满足。…查看更多