洪聖街八號冰室 (已結業)

位於鴨脷洲體育館1/F嘅”洪聖街八號冰室”小食店 廚房乾淨企理 樓底高有玻璃外牆感覺開陽 仲可以望到避風塘啲艇添🛶 簡單小食 啱晒做完運動嘅街坊 亦有提供少量board game 同動漫書籍 受學生小朋友家長們歡迎 -😋 煎糯米雞 $35比平時用荷葉包住蒸夠特別 氣味好香 亦好煙靭-👍🏼 紅豆冰 跟餐+$15花奶比例夠多 但係唔會太甜 紅豆亦都好融 好容易入口-😙肉燥烏冬 $50個組合都幾夾 肉燥唔會太鹹 亦都有粒粒分明嘅肉碎 唔會好似漿糊咁 烏冬都煮得啱啱好 唔會太軟太硬

我同朋友黎左鴨脷洲玩之後去左鴨脷洲體育館度打波,打完之後好肚餓就黎到位於體育館內既小食店坐下休息下,呢度除左食物之外仲擺放左好多唔同BOARD GAME,漫畫等等俾客人玩,客人可以自己拎黎玩,好似CAFE咁,呢度主要係食漢堡同小食,我地叫左一隻糯米雞,糯米雞即刻整,糯米軟熟,而且飯上面仲有一隻雞翼,朋友叫左一份西多士,花生醬同煉奶加落熱辣辣外脆內軟既西多度,真係唔錯,仲叫左一份炸雞份量幾多又唔費,同埋一份台式芝士蛋餅,芝士味香濃既蛋餅煎到香噴噴仲有呢度可以望到外面海景,黎呢度都幾CHILL。

早晨，行鴨脷洲大橋。大橋橫跨香港仔海峽，橋下有泊滿避風塘的大小遊艇，橋的一旁有南港島線列車呼嘯而過，吹著海風，輕輕鬆鬆便走完這條大橋。坐𨋢落鴨脷洲大街，到體育館一樓食個早餐。這間洪聖街八號冰室已來過幾次，地方寬濶，有少許海景，氣氛休閑。餐廳不設早餐，但有全日供應的常餐和特餐，價錢大眾化而且質素不錯。我和太太選了兩個豐富特餐，$ 48跟熱飲。💥雞扒配火腿奄列及牛油多士雞扒大塊、香脆，奄列很厚。💥火炙芝士辛辣麵配餐肉和煎蛋火炙過的芝士在湯中溶化，有韓國部隊鍋風味，煎蛋有燶邊，好正。

洪聖街8號冰室位於鴨脷洲體育館嘅1樓，體育館本身就喺港鐵利東站出口附近，去南區玩就可以順路過嚟醫一醫肚仔😃餐廳唔少位置仲可以直望避風塘海景，食好西之餘又有靚景睇😀招牌素和牛漢堡素牛肉好足秤，配埋好拍檔芝士、蕃茄，呢個配搭真係冇得輸，波浪紋薯條絕對係我至愛！🤩呢份Burger係今日驚喜之作，整體感覺唔會輸蝕市面上嘅Burger店／西餐店✌️牛扒配火腿奄列牛扒同火腿奄列大大塊，好足秤，份量贏晒😁完全對得住呢口價錢！香蔥滷肉撈烏冬滷肉碎好香口，配上爽口、彈牙嘅烏冬，簡簡單單嘅配搭，唔需要過多嘅調味就已經好滋味🤪

洪聖街八號冰室🌟整體: 體育館裏面竟然有餐廳 打完波肚餓可以食🏠環境: 意外地採光唔錯 落地大玻璃 都幾舒服🧑🏻‍🍳服務: ✅☆║．．．．．．．．．．．．．║☆‼️素餐蛋三文治 $ 30✅ 呢個素餐肉就比較少地方有 味道都幾似真肉咁‼️牛扒配火腿奄列 $ 48✅ 茶記重量級組合 大大塊牛扒 啱晒食肉獸✅ 呢個黑白組合 有煎得唔錯嘅奄列 外嫩 內仍保持蛋汁 值得一戰‼️ 香炸雞中翼$ 30✅ 呢啲就茶記精選 炸嘢就冇得輸 ✅ d油唔老 冇怪油味 亦冇炸到好乾身📍 鴨脷洲洪聖街8號鴨脷洲體育館1樓4室Room 4, 1/F, Ap Lei Chau Sports Centre, 8 Hung Shing Street, Ap Lei Chau⏰ 星期一至日10:00 - 18:00☎️ 電話號碼 29821408📷 Fujifilm XE4 + 23mm F2📩喜歡我的文章，可以關注我及讚好以作鼓勵

自從有咗東鐵過海線之後表示要去鴨脷洲呢個地方真係易咗好多😆以前黎撐龍舟都過五關斬六將咁搭鐵 今次重遊舊地發現體育館多咗間幾有情懷嘅冰室 又幾方便市民做完運動黎補充體力架喎🤭。。。🦔👉香蔥滷肉撈烏冬除咗食開嘅茶記 新派地賣啲台式野都唔錯👍滷肉份量唔少 味道適宜 烏冬底都有啲蛋花 撈埋食幾香😚做完運動濕濕地食份烏冬胃口都好啲。。。🦔👉雞米花配台式蛋餅唔洗40蚊又有蛋餅又有酥雞粒跟埋餐飲仲想點🤤雖然無平時食開嘅蛋餅咁大份 但味道都不差 芝士雞蛋呢啲靈魂無走寶！雞粒炸得頗香口。。。🦔👉牛扒配火腿奄列牛扒同奄列都有番上下大細jenggg 幾鍾意佢牛扒薄得黎切落輕鬆方便無乜筋 奄列煎得又香 內有蛋汁 口感幾好！。。。🦔👉炸魚蓉燒賣燒賣呢啲小食最啱tea食😝新鮮炸起夠哂香口 唔夠喉仲可點辣椒醬🤪

洪聖街八號冰室 今日男朋友收早，於是就同佢係附近既鴨脷洲搵美食😋😋😝😝，見到有間裝修好特別，懷舊得來又帶有新概念既冰室，所以就一於入去試下啦😛😛！我地叫左3樣食物，分別係招牌素和牛漢堡、香炸雞翼同即磨咖啡招牌素和牛漢堡🍔真係好少可冰室會有提供素食漢堡🙊🙊所以真係覺得佢地好前衛！個漢堡入面嘅餡都好豐富嫁😍😍😍分別芝士、蕃茄、生菜，當然唔少得有主要既素肉啦，同真肉真係好似🙈🙈，上菜既時間仲熱辣辣，認真好味🤤仲有唔少得既炸到脆卜卜既薯條，點茄汁真係一流！香炸雞翼🐥雞翼都大大隻，一d都唔hea整嫁！🙈🙈仲要炸到卜卜脆，做到外皮酥脆，真係食到停唔到口呀😆😆即磨咖啡☕️仲有當然唔少得叫杯即磨咖啡☕️啦！ 味道香又不太甜，飲完即刻醒神晒！💕💕😋😋

假期同朋友去到鴨脷洲打波，發現鴨脷洲體育館內竟然內有乾坤，有間隱世冰室✨ 內裡光猛寬敞，部分座位仲有海景view! 📌 牛扒配火腿奄列 $48牛扒軟腍好心味✨火腿奄列煎得恰到好處，不會過老。📌即磨咖啡很久沒嚐茶記咖啡😛 香味撲鼻，入口順滑，甘甜細緻。📌招牌素和牛漢堡 $60估唔到冰室都照顧到素食者需求💚 外表看起來跟普通🍔無異，而牛肉厚切，賣相很吸引。朋友話素牛肉食落同樣juicy❣️配以熱辣辣粗薯條，正👍🏻👍🏻📌忌廉菠蘿冰 +$10做完運動，來一杯大大杯冰涼透心的菠蘿冰！加上有汽的忌廉，梳乎哂😎😎簡簡單單的食物，最易令人滿足☺️

起附近做完運動簡單食個茶餐估唔到又幾好味，好有驚喜地方寬敞，坐得舒服台與台之間唔會太迫👍🏻香蔥滷肉撈烏冬滷肉夠香濃脂美，半肥瘦岩岩好香蔥味都好出，與滷肉好夾炸雞脾薯條大大隻雞髀即叫即炸外脆內嫩炸得剛好薯條係我喜愛既粗薯條，有口感素餐蛋三文治估唔到呢到有提供素肉素肉既感覺同真肉相差不遠呢個三文治十分有驚喜炸魚蓉燒賣額外叫多個炸小食又真係炸得夠香口外邊燒賣皮炸得好好最鍾意係入邊魚肉唔會太乾仲係好煙韌👍🏻

平時極小入黎鴨脷洲..今日同同事行經呢度做野..於是就去左市政大廈附近搵食同事對熟食中心既野食冇興趣..之後兜兜下就見到呢間冰室見佢環境光猛,坐位都寬敞..一於坐底醫肚🤤Menu上面有幾樣嘢都想食..所以一齊叫左D小食同埋飯share炸魚蓉燒賣香噴噴既炸燒賣,炸得恰到好處極香口..配埋個辣椒醬真係冇得輸炸雞髀薯條🍗雞髀大大隻,而且即叫即炸,黎到果陣熱辣辣外皮脆卜卜雞肉肉肉質嫩滑,醃得入味仲有最愛既厚切薯條香蔥滷肉飯滷肉肥瘦適中,而且滷肉份量都好多..足夠撈到成碗飯食雞米花配台式蛋餅🥞卜卜脆細細粒既雞米花炸槳做到岩岩好,雞肉唔會炸到好乾配埋煙韌帶酥香既台式蛋餅一齊食有驚喜👍

好耐無自己出走 難得過海去利東站揾朋友拿野由於超級早起身所以咩都未食 朋友在體育館打完波 直接同我講體育館入面都有嘢食體育館真係好近利東站 行 2 -3分鐘就到餐廳個名 直接是街道名 簡單易記呢間冰室好簡潔 環境好舒適好簡單叫 兩個面 一份雞翼 同埋 凍檸茶素餐蛋麵第一次食素餐肉 又真係幾似樣麵夠Q彈 正咖哩雞滑蛋飯呢個係朋友食一拿來時 好香 聞落好香好惹味偷偷囉左一件雞食好Juicy好滑滑勁想同佢成個換來食香炸雞中翼脆卜卜 好生炸feel正凍檸檬茶大大杯茶底夠味 飲完醒神晒 正簡潔開揚水吧一目瞭然 衛生情況很好

鴨利洲真係勁少入去，難得朋友house warming早左到，就黎洪聖街八號冰室歎返個晏先。門面環境都幾有特色，所以就揀左呢間餐廳，推崇健康既我揀左招牌素和牛漢堡。素和牛又真係幾似牛，口感同味道還原度高，呃到下人。小食食左雞米花配台式蛋餅，又係即整熱辣辣，睇得又食得，勁吸引呀，蛋香夠又熱，就已經100分由於琴晚冇食野，所以真係太肚餓，叫左個香蔥滷肉撈烏冬，蔥香係隔離枱都聞到，同滷肉好夾又唔會油，食左一半已經超飽，個因為太好食最後都清埋。忌廉菠蘿冰，甜甜地又酸酸地，清新解渴。呢間係價錢唔貴既平民小店，主要做街坊生意，所以都幾高cp㗎。

位於鴨脷洲大街體育館裡面的餐室，出地鐵站後走大約幾分鐘就到達市政大廈，餐廳就在一樓，旁邊有一個兒童遊樂區。餐廳雖然很簡約，但空間大，每一枱座位分隔一定距離。食物方面供應早餐、茶餐、下午茶、小食及即沖調飲料，港式及台式的味道，而且還有素食餐單。常餐A：素餐蛋麵餐蛋麵是茶記必有之物，這碗是素餐肉及荷包蛋的公仔麵，湯底有麻油香，很惹味。素餐肉不論外表或是味道方面也跟真的幾可亂真，素餐肉煎得脆脆又香口；公仔麵硬度剛好，不會煮得太腍而糊掉。輕輕戳一戳荷包蛋蛋黃，蛋汁緩緩流到麵裡。招牌輕食：台式蛋餅蛋餅比想象中細，但是味道不錯。外皮煙韌，入面餡料簡單，有雞蛋及芝士，咬一口半溶芝士都溢出來了。招牌輕食：魚蛋一共10粒魚蛋，粒粒都很彈牙。 如果有咖喱汁，會更加惹味呢。飲品：所有套餐均附送熱飲。一杯熱檸水，消滯解膩。

同朋友喺體育館打完羽毛球，近近地搵咗呢間冰室食個午餐😋裝修簡潔闊落，仲有海景添😍食物性價比亦頗高🔸咖喱雞滑蛋飯 嫩滑嘅雞肉，加上炒滑蛋，再配埋味道香濃嘅咖喱，唔會太辣啱晒撈飯🍛仲要大大碗啱哂做完運動食😆🔸香葱滷肉撈烏冬 肉碎份量十足😍滷肉汁味道剛好亦唔會過鹹，撈埋彈牙嘅烏冬一齊食十分開胃😚🔸鷄米花配台式蛋餅 外層炸到卜卜脆嘅雞米花，炸粉唔會好厚。內裏肉質亦唔會太乾，每粒都係bite size🐓用外皮煙韌嘅台式蛋餅包住嚟食，味道好夾🤣

係體育館入面都有冰室，見到都好企理乾淨，地方又闊落，最緊要係近，運動前後肚餓都快脆有野食。好，坐低睇下有咩好食先。招牌素和牛漢堡，個包包好軟熟，裡面素牛好厚切，食落好有texture好有口感，而且仲有芝士蕃茄好juicy香炸雞中翼，炸到熱辣辣卜卜脆，外皮酥脆，雞翼啖啖肉。香蔥滷肉飯，滷肉味道剛剛好，唔會過咸，帶微量肥肉，個汁拌飯一流。素餐蛋三文治，平時茶記食三文治，裡面啲料薄過鬼，呢度真係厚厚一塊素肉，脹卜卜既蛋仲有生菜添。即磨咖啡，咖啡沖得幾好，飲完精神晒。