洪聖街八號冰室 (已結業)

今日同男朋友去咗鴨脷洲體育館附近，除咗有市政大樓熟食市場之外，原來體育館入面一樓都有新開嘅冰室😛冰室環境非常大，而且枱與枱之間嘅距離空間十足雖然冇乜點裝修，保留原有運動場嘅裝置，都幾有本地風味🤩除咗有常餐之外仲有午餐男朋友叫咗常餐 雞扒配火腿奄列配牛油多士 $48多士烘過，塗上牛油🧈幾好味火腿奄列好大份啊，裏面包住嘅火腿份量十足雞扒烤至外脆內弱，口感唔會柴皮，而且用咖喱粉醃得好入味！咖喱雞滑蛋飯 $50好大碗飯啊🫣咖喱汁淋面，味道甜甜地，撈飯食幾好味雞扒淋上咖喱，而且本身用咖喱粉醃煎，啖啖肉😛滑蛋唔錯，唔會太熟，口感嫩滑另外配咗杯奶茶同熱檸蜜放假喺度relax下都幾休閒！冰室隔離仲有boardgame玩添，啱晒同朋友一齊去食呀洪聖街八號冰室 鴨脷洲洪聖街8號鴨脷洲體育館1樓4室

今天下午與朋友在鴨脷洲體育館打完羽毛球後，在一樓發現一間新開的洪聖街八號冰室。叫了一份三十八元的下午茶：雞米花配台式蛋餅。新鮮炸起的雞粒香氣撲鼻，份量也不少有九至十粒，雞粒上有些少淮鹽調味，雞肉嫰滑加上鬆脆的炸粉非常好味。臺式蛋餅內有芝士醬和葱花，濃郁有口感。附送的熱奶茶也很香濃地道。餐廳環境清幽雅潔，大窗望到避風塘景色。全部由後生仔主理，大家不妨試吓。洪聖街附近還有間古老的洪聖爺廟，又可以行吓鴨脷州大街和海傍，坐吓全港最短和最平的香港仔-鴨脷州渡輪，半日遊不錯的。

原來體育館裡面有間咁寬敞嘅冰室見到樓下有易拉架先發現樓底好高 座位都好鬆動望住出面嘅艇仔環境超舒服食物款式唔算好多但勝在感覺夠家庭式感覺係少鹽少油好健康肉燥撈烏冬鍾意佢唔係勁多肥豬肉嘅肉燥～而且個汁唔係我最怕嘅偏甜味道感覺唔油膩 K.O.成碗都絕對唔係問題仲有隻滷得好入味嘅蛋😋咖哩雞撈烏冬其實係煎雞扒再有咖哩汁食落感覺好輕怡唔會好咸仲有少少西蘭花同紅蘿蔔🥕熱飲杯係好有質感嘅茶餐廳杯而家好似好少餐廳用了

之前在樓上體育館做運動，都冇察覺有這間小冰室，相信新開不久。今日運動完，落黎試試🙂正正在1樓兒童遊戲室後面（不是熟食大樓那座啊），出𨋢左右兩面都兜到入去，樓底高幾百呎樓面，9張枱，感覺闊落舒適；近牆嘅層架放了圖書＆ 桌上遊戲，隨食客取出玩耍，今天正有兩枱在玩board game好舍意，另一面有個落地大窗，外出是樹、海，炎炎夏日跟朋友家人歎住冷氣一邊食個Tea一邊玩遊戲睇書，正啊餐牌有港式台式食品，點了香蔥滷肉飯+凍🍋T, 只是$53，當然試埋質素，才可判斷性價比。杯凍飲好快就到，運動完飲即刻降溫🧊❄️, 奇怪係等左個飯十幾分鐘都未來，以為係煮定滷肉，淋上飯就成，反正地方舒適，太陽光充滿餐廳，涼下冷氣，人都冇咁急躁、唔想催，不久有個年青人走來問是否滷肉飯未到，一臉唔好意思咁話會好快出，say sorry，噢…真係好多餐廳都唔會留意到客人有食物未上，更不會主動走過來講唔好意思，而且係後生仔，心裡立即畀左個👍佢。再等一陣，又係同一個男仔捧住碗飯來了，繼續講唔好意思，我估可能咁啱飯未煮熟先遲左，冇詳細問，因見到隻🥚條菜滷肉擺得靚靚，非常吸引，相機食先，再進食，嚴格來說，不是正宗台灣滷肉，沒有

話說小妹同啲同事好鍾意lunch去打羽毛球 身為南區工作嘅朋友今次就去到鴨脷洲體育館🏸 竟然俾我哋意外發現海景冰室 💙做完運動當然要食返啲健康嘢🤪 比較少喺冰室見到素和牛漢堡 就一於試試佢🍔 漢堡扒煎得外脆內軟 麵包烘得香脆鬆軟🥯 配搭芝士 蕃茄 生菜 自家醬汁 好食又健康😋其實之前喺其他更出名食burger嘅餐廳都食過Impossible burger 但印象麻麻地 反而呢間冰室幾有驚喜 而且$50 only 對比起其他🍔餐廳真係平好多!對住個海景飲啖茶 食個包 仲有board game玩 幾啱放空慢活🦭

打完波肚餓想食啲嘢，呢間喺鴨脷洲體育館入邊嘅呢間餐廳都有主食小食嘢飲😄 我哋嗌咗一個香蔥肉燥撈烏冬，肉燥有好多汁，仲有一隻蛋，撈埋啲烏冬一齊嚟食都幾好㗎。啲烏冬煙煙韌韌😄 如果係主要既話，係會配埋嘢飲嘅，我杯凍奶茶幾好飲😄另外嗌咗個台式芝士雞蛋餅，等嘅時間比較耐因為佢係即刻整，上枱嘅時候熱辣辣，入邊有雞蛋同埋芝士，口感豐富😄另外在嗌咗炸燒賣，總共有10粒，燒賣炸得外脆內軟，配埋甜甜地嘅豉油汁，我覺得好有香港風味😊