津津麵包餅店

营业中

休息中

［食後感想］🗒️一個剛剛出爐🔥嘅菠蘿包係唔少港人🇭🇰熱愛嘅下午茶之選，都係好多遊客來港必吃嘅香港特色食物。看看櫥窗內黃澄澄的菠蘿包，今日抵唔住誘惑💟，都買咗個。好食🫶🏻平價🫶🏻菠蘿包🌟皮脆🌟麵包夠熱🌟鬆軟🌟陣陣牛油香實属飽肚之選🙌🏻買返來的菠蘿包，仲可以特製成菠蘿油👍🏻脆脆的菠蘿加香濃♨️的奶油香氣口感、味道都非常豐富! 咬下去瞬間😁冰熱🤤交融，瞬間抵達天堂了✝️

香港物價高漲，有時買一個麵包都要$10💸荃灣有好多麵包店，但係真係好難搵到咁平嘅麵包小店🤩現在居然有菠蘿包係$3.5💰💰仲要新鮮出爐🔥雖然出品賣相係有啲普通，但食落味道唔錯😋菠蘿包一出嚟就成盤放喺度，當然買嘅人都會好多👏麵包好多，都係新鮮出爐🔥🔥簡直係窮人恩物，每次入荃灣一定會特登去買🛒

津津麵包餅店 網址: 地址: 荃灣川龍街95號地下===傳統麵包店，還是你最好早上講求快捷方便，通常買麵包加杯飲品做早餐，晚上在外食完飯，隨意入左間麵包店買了菠蘿包（$2）同雞尾包（$3）便宜到不能相信，但食入去絕不是空氣包，餡椰絲是甜甜的，而菠蘿包是二十年前價吧，放上一晚第二早美味柔軟因當時怕唔夠我見門口櫃中有$3.5 的糕餅，一個是菠蘿酥同杏仁餅，杏仁餅香脆無比，邊食邊掉下細粒脆脆。另外一大粒中間有餡，一絲絲架菠蘿肉，同埋有菠蘿汁似摩蘿酥口感架餡，食第一口已經驚為天人地好食，仲要好大粒呀意想不到一間唔起眼街坊店，不單止便宜更比好多麵包店好食多啦。我買了$12有4樣了，這價值在連鎖麵包鋪只買到一個空氣包。

百物騰貴，而家買一個麵包都要$7元起跳，仲要無餡，呢間街坊麵包店好平。$2一個菠蘿包，食完好飽又實在，相信是全香港最平架啦，所以好多街坊來幫襯。另外買了個菠蘿碟，有kiwi,咁大，個餡有d菠蘿絲同有d似老婆餅個qq餡口應，$3.5 真是抵食又美味，食完翻尋味，做tea 一流又唔太甜，有菠蘿陣香也買了個$3.5 老婆餅，大大件好好食呀！同埋燒餅，豆沙泥同個餅皮好糯架要用現金比錢架街坊小店，絕對要再支持買包呀.平靚正

食完晚很行去MTR 坐車回家，見到一家好兒時感覺架街坊麵包餅店，門口有皮蛋酥忍唔住買返去做甜品宵夜$4 分別是綠豆蓉同蓮蓉餡皮蛋酥，個皮酥到掉下來，好多層又無油膩應，中間餡唔太生，大大粒飽滿，皮蛋都包了1/4左右份量架。$3.5 菠蘿酥，有一粒粒架菠蘿，中間個餡炒到有d似老婆餅咁，煙韌軟柔架，比想像中好食，，但皮似scone,好好食，結果一晚食曬3粒，原本仲想買來做早餐添。下次再來荃灣區一定要幫襯,抵食好食，甜度控制得宜

荃灣有間麵包舖，麵包最平賣$2。每次入荃灣一定會特登去買。.佢哋嘅麵包以傳統款式為主，勝在多街坊買，成日都有新鮮出爐。.無餡麵包雖然比較細個，但唔係空心包，食三個都一定飽。而且三個都係$6，仲平過連鎖店嘅空心包。.之前幾次經過見到呢個芒果雪果子（$13）好吸引，呢日終於試咗，可惜冇想像中咁特別。.超薄嘅糯米皮包住好多忌廉，少少蛋糕同埋芒果，感覺同芒果班戟差唔多。果然嚟到傳統麵包舖都係買返傳統麵包好啲喇😆😆😆。

這間麵包店有以下特色：1）中、西式麵包、糕點都有，以傳統款式的為多。2）人流非常多, 很多人入內消費，傳統式經營所以只收現金。3）物價停留在20年前，茶餐廳轉凍飲加兩蚊，這裏已經可以買到一個菠蘿包！4）饅頭豆沙鍋餅巨型紙包蛋糕同樣有得買！5)當然門口的鎖匙修理檔仔，對於衛生方面各人自己判斷！6)公平起見我今天只試了兩蚊一個的芝麻包其他未試所以只比三粒星7）做街坊生意，周遭環境熱鬧，非常之有香港情懷！

早幾日走入荃灣,順路搵食,呢間麵包鋪好多人排隊比錢,又走去望下咩價位啦好誇張~原來平到$2起,應該係我寫麵包鋪以來見過最低價全日波羅包$2！個個買幾隻～門口都有酥餅櫃　老婆餅都有分咸甜版本，仲有鳳梨酥都係＄３。５一隻！蓮蓉蛋酥,$4,包了好大隻蛋黃~另外有豆沙酥,叉燒酥,合桃酥曲奇皮蛋撻賣相都唔錯,買了一隻試下,個脆皮夠厚實,夠脆口,蛋漿略少,比較乾身,但夠甜既D麵包平到一個極致,$2起,打破左一個$5買唔到有餡料麵包既金科定律椰絲波羅包只賣$4 紅豆餡一樣賣$4,芝士條$3.5茄汁腸包$5,紅豆麵包$4仲有好多唔同款,咸牛,PIZZA包,吞拿魚,奶皇不過呢度D麵包賣相就一般,但味道都唔錯既!蛋撻要叫佢地幫手拿,唔好自己裝盤~

來到第四編，終於寫到我的日常早餐店。津津麵包店，相信算是區內老店了，位於街市旁，樓上老民房林立，可說價廉物美。老舊的裝修十年如一，年長的店員麵包師幾乎無停手，可知其受歡迎程度。一般日常就買津津漢堡，無他，大塊肉。肉用料好就是騙人的，不過急凍調味肉加椰菜焗熟，再加上沙律醬，相信跟作為蒸包的肉餡一樣。漢堡包舊式有芝麻，焗得火喉夠又挺身，沒有靚麵粉靚包裝，但誠意夠了，售價5元。其實我除了漢堡，還會買吞拿魚包，蒸菜肉包和蔥香煎餅。吞拿魚包好幾間店都有，我曾試過買三幾間同是吞拿魚包作比較，以津津最重，餡料最多，味道最好，最平，售4.5元。其菜肉包蒸得有舊茶樓的味道，樣子是粗糙，但內裡有意思，售5.5元。其蔥香煎餅，鹹香帶五香粉味，只為減澱粉吸收不得不戒口，售4.5元。整體而言，沒有了，推介各位前往，不會失望。

現時買麵包都要十元八塊, 早前到荃灣逛街, 經過麵包店人頭湧湧, 原來菠蘿包只售$2除了菠蘿包, 提子包 咸餐包....都是$2, 平絕荃灣小麥饅頭每個$4.5, 買三個只需$10饅頭軟熟, 有手掌大, 但沒有小麥味, 普普通通

今次做完運動都會苦惱吃甚麼來補充蛋白質，自從認識了津津，她每次都能解決我的需要。放左吞拿魚包張相係下面，相信盲既都睇到包底裏的誘人的吞拿魚若隱若現，皮薄餡極大，惟本人不善影相，張相未能完全表達到啲吞拿魚多到彷如巨浪湧埋黎一樣的澎湃感。大口一吃，餡料是全吞拿魚，肉質並不糜爛，雖然沒有如其他連鎖飽店般加入大量蛋白粒，粟米等多餘的配角，口感少了一份層次感，但能留下一種貨真價實、童叟無欺的感覺，況且個人而言此等份量根本不再需要任何多餘的點綴，有亦只是畫蛇添足。吃著滿口吞拿魚，淡淡的吞拿魚獨有咸香味徘徊舌上，猶如置身於深海中與成千上萬的吞拿魚暢泳共舞，實在叫人難忘。每個吞拿魚包只售4元，估計能提供二十克甫田，絕對天然過、平過、好味過蛋白粉。

平時行街經過津津麵包餅店次次都好多人，應該係因為價錢扺食包又大舊。今次早餐都去左津津麵包餅店買左個紅豆包，因為見到佢好大個，而且好白淨好靚。咬落去啲餡既份量適中，食落其實幾好食，雖然個皮唔係話好薄，但因為佢啲紅豆餡好甜，岩岩好可以中和反唔會太甜太"流"。大大舊包食完一個都覺得滿足曬，而且價錢相當扺食(準確幾多錢我忘記了)，係一間用心做麵包既餅店。唯一既缺點係皮有啲乾，不過接受到。

『津津』蛋糕外表冇乜野特別!追求時尚蛋糕造形的人可能不喜歡，但勝在真材實料。雜果蛋糕上生果很多，蛋糕餅底鬆軟新鮮，Cream度適中，不太甜，多吃也不會油膩，中間夾心是生果!黑森林蛋糕布滿了生果是很難得的，美味之餘最重要是中間夾心是香濃的提子味啫喱，加埋朱古力味道的海綿蛋糕，一試難忘。你怎麼不帶他回家呢?!另有一些小切餅，我覺得是蛋糕的試食版。

經常在附近買菜，就會順便來這間店買上一家人的第二天早點。 很明顯此店是做街坊生意，故此定價很便宜，通帳沒殺到前，曾賣過五元有三個沒餡料的麵包，可是品質方面並不將貨就價，一點也不馬虎，更難得的是它的前鋪後工廠格局，現在已少見了，因為地段好，麵包賣得快，而店後的加工廠又不停地出爐新鮮麵包，所以生意好得很。 這次我買的是豆沙糯米磁，買六粒就有一個紙盒裝著，不另收費。 這兒的糯米磁個頭頗大，差不多比“奇華”餅家賣的大一倍，椰絲下得足，外皮柔軟富彈性，裡面的豆沙餡特多，小甜口味非常適合我，不過連吃兩個就有些頂肚子了。 像這種收費廉宜，又制作認真的小店鋪，真希望能夠越開越多，當然也有賴百姓的支持才行！

食HAMburger通常会找麥老先生, 而家矜貴哂, 無二三十元都無可能食到佢老人家手藝。 今日途經津津, 見到入面人頭湧湧, 就更加想入去八下有乜好嘢順便買d嘢俾小朋友做下午茶。 我第一眼就瞄到熱狗$4(咁抵??), 佢隔離嘅HAMburger都係賣$4????(又圓又大個), 咁我手急眼快咁搶咗3個(即係要用「搶」嚟形容)收銀員把它們三兄弟放入同一個膠袋都無爛番到屋企就第一時間安頓好佢地。味道來說, 麵包軟熟但原來不是甜餐包, 另外肉餡是蒸菜肉包的西餐版------即係煎菜肉餡......rrrrr...怪怪的感覺長椰菜撈滑肉去煎, 再加沙律醬, 不東不西, 請安分地做好蒸菜肉包罷了(橫豎你都有賣中式蒸包點)HAMburger還是西式的好