津津麵包餅店

营业中

休息中

今日(4-8-2010 Wed)放工返到屋企,竟然有條食o左啲o既瑞士卷,呢樣o野爸爸好小會買,真係奇.食完晚飯,都試吓先,睇佢外表唔係咁靚,切到大大件又凹凹凸凸.食落,蛋味唔太濃,忌廉少但滑同味道強過雞蛋味,蛋卷都夠鬆,只要調節翻兩樣o野o既味道就會好完美.

前日(27-3-2010 Sat)同男友返荃灣買o野,記得好耐以前食過呢間o既香蕉糕印象唔錯,就入o黎買啦,見到喇,剩返一盒,要$7.00.又睇到應該係$7.00o既芝麻餅,又記得爸爸鍾意食,好,又買.再睇睇其他,有$2.50o既紅豆糯米糍,$2.00o既豆沙燒餅,$2.50o既豆蓉皮蛋酥.就每樣買一件啦.買完後,男友竟然要o係街即刻食,我話不如入7-11買o野飲o係入面食.買完喇,o係入面開餐,我先試紅豆糯米糍,好彩我唔多鍾意食o既椰絲唔太多,糯米味好重,糯米皮煙韌,但好厚,好耐至食到豆沙,豆沙味又唔太甜,成個好好味.味道: 5分跟住係豆沙燒餅,燒餅皮同樣係用糯米粉整,所以味道同紅豆糯米糍一樣,不過我覺得冇咁好食,但仍可以o既.味道: 4.8分之後係豆蓉皮蛋酥,有好多綠豆蓉,綠豆蓉好腍,唔太甜,但我o地唔好彩,食到最尾至食到皮蛋,o岩o岩呢件冇蛋黃,冇問題吖,呢排食到好多蛋.呢個又冇乜問題.味道: 4分由於太飽,翌日同男友試香蕉糕,同之前第一次食o既味道冇乜分別,依然好味.而第一次食呢o度o既香蕉糕o既男友,食o左一條都話好食.味道: 5分最後係芝麻餅,芝麻好多所以好香芝麻味,口感幾

今日又經過這兒 , 又係坐車回家 ...... 望入去 , ..... 唔同左 ?! 原來搬左個櫃出來賣月餅 , D 位置唔同晒 ...... !望下有咩賣先 ? 四黃 , 三黃 , 兩黃 , 一蔩 , 豆蓉 , 伍仁 ..... 原來是一個一個賣架 ....... , 嘩 ~~ 果然有生意頭腦 ! 那不是唔需要成日一盒盒買又食唔晒 , 有時仲要唔想浪費 , 只好食多幾舊 ..... 咪肥左囉 ! 好喎 , 買了一個豆蓉回來試試 , 都係 $26 , 如果一盒 4 個計番都係$104 , 即使一個買都無收貴 D 啦 ...... 喜訊 ! 今晚食完飯 , 切了四份一吃 , 我的 normal size ..... 唔錯 , 好軟好味 ! 下次要買個伍仁比老豆 , 他嚷著要食 , 但糖尿病少吃為妙 .... 唯有買一個就滿足到佢啦 ...... 各位 , 想身體健康又要滿足自己 , 真是一個不錯的選擇 , right ?!

以前這間麵包店不入流 , D 野無咩出色 .... 裝修後 , 除了感覺乾淨左 , 又可能多了包店 , 好似長進左 。今日我的推介是他的中式叉燒包 , 叉燒多而入味 , 熱騰騰就更加唔好講啦 ! 我成日係對面坐小巴 , 所以有時路過會買兩個即場食 ..... 真是好味 , 絕對可以一試 ! 叉燒包肯定好食過後面果間全包店 (中式)

** 此食肆的第二個笑**爸真係呢間餅店o既fans,尋日(5-12-2007 wed)佢又買o左兩盒香蕉糕返o黎,其實佢之前都久唔久買返o黎,但我一向唔好香蕉糕,所以冇試到.不過今朝(6-12-2007 Thu)都係忍唔住手切開o黎試半件先.咬落去,實的的但仍煙韌,口感唔錯,但唔滑,不過味道出奇地好,香蕉味唔太假亦唔太甜,不過面上o既糖霜好’鞋’,但又唔太影響整體感覺,真係估唔到食o左10個蛋糕仔後,都可以接受呢隻香蕉糕而食埋o個半件,唔怪得爸買完又買啦.$5.00一盒,每盒四件.

** 此食肆的第一個OK **爸因為就腳所以經常o係o度買o野返屋企食吓.之前買$6.50一盒有椰絲o既蛋糕仔,我覺得過甜.今次佢買o左平$1.00冇椰絲o既,我又試吓先,食落去亦有唔太濃o既牛油同蛋味,但唔太鬆軟,食一個唔覺得甜,會忍唔住繼續食,食三個至覺得漏同開始甜.不過才$5.50一盒,抵食o既.

** 此食肆的第一個笑**爸好多時經過呢間餅店買芝麻餅食,而我因舊年一次出trip,想買o黎畀同事們食,至問佢o係邊o度買(佢o既膠袋係冇印名)我第一次搵o既時候,險些兒走漏眼,因為佢一啲都唔起眼,即使o係7-11隔離.爸今次買o左一盒牛油曲奇返o黎食.為食o既我亦都唔放過試吓.顏色唔係太深;咬落去,有雙重口感,就係開頭幾硬,到中間卻又鬆化.而味道係淡淡o既牛油味,覺得佢好似係用蛋白做,唔係蛋黃,且低糖,唔錯.1-12-2007 Sun朝早特登走o黎睇吓個名同地址時,又八吓有咩賣.原來有多款麵包外,重有中式包類,如蒸饅頭,香煎蔥油餅等.而且有好多人o係o度買o野.張相係我o地食o左幾多後至影o既,買返o黎時係滿滿的.