津味果汁小食 (已結業)

口痕買了$10魷魚鬚, 嘩, 估唔到通脹真係咁勁. $10 得五六條. 看下張相, 係未食前影架....仲要係番炸, 唔係呀. 味道唔洗講啦, 番炸的野勁吸油, 皮唔係有個脆漿包住個種....

行經銅鑼灣.. 係搵緊地方落腳食野.. 見到5蚊雞蛋仔,格仔餅仲有2蚊串燒賣同魚旦... 除左呢間係賣呢個價..隔離兩間都因為競爭,同樣價錢...抱住平平地試下冇所謂既心情..買左底雞蛋仔同格仔餅各一.. 再加一串燒賣..雞蛋仔岩岩整起,仲脆... 抵食! 格仔餅就嫌佢D花生醬同糖太少,為左慳成本掛..燒賣就到到一樣味道...冇咩特別.. 食完都唔洗食飯喇晚餐12蚊就搞掂左~~ 抵~ 不過我都只係覺得一般,,,

8/2/2008 午行過買左6元有4件得煎釀三寶及一份"尢"魚鬍($10)~"尢"魚鬍~今次味道唔錯~脆漿唔會太厚~煎釀三寶我只要魚蛋~都幾大粒下~而且都唔錯~~一定無咩魚味ga啦~好彩都好彃牙~不過好重味精~衛生就好差~不過食得都預左啦~

呢日行完書展，竟然行到七點！所以篤串魚蛋頂左肚先。ｄ魚旦勁細粒，又少，得六粒，但係收人一蚊一粒。ｄ魚旦又彈牙，又多粉，又冇魚味，又冇味，得個辣字，就好似將粒魚旦堆入堆辣椒咁。做到咁差，真係學谷德昭係食神度話齋：失敗中既失敗！

兩個人分食完一隻火窩船後因為唔想食大家樂d飯但個肚又未夠飽路過附近想起好耐無食雞蛋仔就黎買嘩.......一見望去已經見到有差唔多十種口味芝麻椰絲,芋香,朱古力,原味等等多到心大心細最後決定要朱古力味一底十蚊都已經係公價外面脆入面都算軟熟但如果中間個心可以fill得滿d更好朱古力味亦算足夠又唔太甜算幾好朋友仔同人地爭食呀!!唔制!!!另外佢又有臭豆腐,牛什等等都幾多選擇唔怪得經常人頭湧湧以前食過佢d牛什味道都唔錯既!

旺角奶路臣街分店兩個人分食完一隻火窩船後因為唔想食大家樂d飯但個肚又未夠飽路過附近想起好耐無食雞蛋仔就黎買嘩.......一見望去已經見到有差唔多十種口味芝麻椰絲,芋香,朱古力,原味等等多到心大心細最後決定要朱古力味一底十蚊都已經係公價外面脆入面都算軟熟但如果中間個心可以fill得滿d更好朱古力味亦算足夠又唔太甜算幾好朋友仔同人地爭食呀!!唔制!!!另外佢又有臭豆腐,牛什等等都幾多選擇唔怪得經常人頭湧湧

如果係cwb我試過很多間雞蛋仔及格仔餅, 此間都係麻麻地. 我令願行上少少去time square對面果間好似正d.

好耐未食過格仔餅,雞蛋仔就食得多.佢D格仔餅似乎銷路不佳,整定好多o係度都賣唔出.免為其難買一個,結果真係暖o既,而且仲好似唔多熟,因為個格仔餅塊餅裡面仲有小小一pat pat咁,口感核突.其餘"食函"料方面有練奶,粗粒花生醬,沙糖,形成一個超甜o既"食函",食得好"漏".整體尼講係--唔得.

呢間o既雞蛋仔一般, 因為佢偏向空心,唔夠外脆內軟, 有時$8, 有時$10,仲有成日都整定, 食唔到最熱辣辣!!

口痕見有珍珠奶茶飲又只售$8杯咪走埋去叫左個芋香珍珠奶茶.嘩, 第一啖只感覺甜有少少"LA"喉咁. 大家可以不用試.

人流極旺o既小食舖,D 煎釀三寶都新鮮好多,叫左五蚊四件o既煎釀三寶,其中最好食o既係茄子,做得好腍,豆腐都唔錯,外面炸得脆而裡面夠滑.至於煎釀三寶o既靈魂--魚肉就比較差,較硬身同分量較小.喱樣唔係咁好.最差就係炸雲吞,可能冇咩人買,層雲吞皮已經腍晒,唔掂!