影片
今日好肚饿，下昼又冇嘢做，就去咗呢间餐厅食晏嘞，过晒饭市，得一两枱客，见到呢个特餐有好多嘢食，于是就叫咗一个一路睇电视一路叹吓嘞，个特餐有： 例汤：竟然跟中式例汤，奇怪，主菜好似系西菜㖞，唔通冇人煲？中汤唔得，冇味，好似饮紧水！ 薯仔什果沙律：唔系挂，真系好少㖞，不如你唔好比好过嘞，得三啖，味道就几好，但系都冇用！ 鸡扒猪扒珍宝肠蒜蓉汁意粉：好彩主菜唔系咁少，都几大碟，鸡扒煎得几香口，几好味；猪扒好硬，好似咬紧一叠纸咁，珍宝肠可能放咗好耐，吹到干晒连皮都变晒色，层皮真系韧到咬唔开咁济；最好系意粉唔系煮到稔晒，仲有啲 al dente 嘅感觉，蒜蓉汁好浓好好味，分量亦刚刚足够捞晒成碟意粉，唔错！ 冻鸳鸯：太甜，咖啡同茶味都好淡，唔得！下次试吓一坐低听到其他客都叫嘅咖喱先得！
继续阅读