影片
招牌菜
第一次食呢间泰国野，位置系荃湾以前狮子吧𠮶位。同fd去食 问服务员有咩可推荐好食又可以打卡，服务员（好靓仔）佢推荐摩天轮小食拼盘同法包俾我。之后到后面上到来。同个靓仔讲嘅一模一样。🥰个摩天轮🎡十分抵味道也很不错仲有𠮶个原只菠萝炒饭同泰式海南鸡超级好食，串烧有（牛猪鸡）拣好香好正但是要稍微等耐啲15分钟咁样。食完之后你会觉得等系值得既。冬䕃功汤也十分入味 嘢饮也十分多推荐青柠梳打，椰汁三色冰，芒果沙冰 。
继续阅读
见狮子吧执咗开咗间新泰国菜、胆粗粗去试下伏！点知真系伏伏伏伏伏！叫咗个生虾刺身、咖哩炒花甲&海鲜炒粉丝！生虾刺身好明显一直浸住冰水、浸到白晒、成只虾只有雪水味、完全无虾味！咖哩炒花甲、花甲用水烚到老晒无晒味先用咖哩翻炒、完全又老又鞋！炒粉丝碎湿湿、d海鲜无味、配料红萝卜切到手指咁粗！唔想捞咪捞啦！同个waiter讲、d生虾好差、又无味！佢仲话佢地系咁架喇！真系火都黎！学刘华话斋、今时今日咁嘅服务态度唔得架！新开都难食到咁！完全无下次！❌❌❌
继续阅读
星期日无book位同两老去食都唔洗排队，可能位置唔系商场个边未有咁多人知！？老人家坐底见冷气吹住换了两次枱，店员都唔介意帮忙转位置，态度友善👍🏻餐牌都多选择，点了生菜包，炭烧猪颈肉，泰式明炉鲈鱼，无骨海南鸡，泰式杂菜煲。因老人家唔食得太辣，𩠌菜都点了少酸微辣。生菜包：生菜好新鲜，肉唔会太咸，味道都惹味唔错，生菜分量多过肉，包唔哂；炭烧猪颈肉：味道足，肉质唔干，但炭烧味就欠奉泰式明炉鲈鱼：有惊喜，鲈鱼肉质嫩又结实，酸辣味无抢左鱼本质，因热住食要食得快d唔系鱼背就会过熟；无骨海南鸡：肉质保持到滑溜，味道都系唔错；泰式杂菜煲：烹调得好，煲底无多余水份，汤汁收哂入菜同粉丝，味道惹味。值得一提，临走时老人家需去洗手间，店员主动陪同为佢地带路，又叫小心呀睇住呀，好窝心！总结用餐体验愉快，味道唔错，分量正常，四人用餐好饱，价钱合理，环境卫生，店员服务态度好好，泰国菜嚟讲我觉得算荃湾区头五名。推介！
继续阅读
㖊日喺荃湾大会堂附近见完客户，谂住揾个好地方食tea，知道附近有新店「泰Fushion」啱哂，入去点个茶餐拣咗青咖喱猪扒饭，猪扒上菜时已经切埋条状够细心，青咖哩非常可口，小食点了鱼饼非常厚切好足料有弹性，饮品点了三色冰，视觉及味觉都即时溶化了我，暑气尽消，总括来讲，泰fusion系一间有heart小店，环境舒适，门面濶落，门口泊车也非常方便，有机会大伙儿食泰国菜系不二之选😋😋 位置都好容易揾到，舖位前身系狮子吧，荃新天地第一期或者荃湾广场行过去都好近！
继续阅读
欢迎follow IG @eatwifme2k23❣️返到香港，朋友想约食饭，咁啱好佢屋企楼下开咗间新嘅泰国菜，成班假泰仔/泰妹决定身先士卒帮大家试伏😎长话短说：高质又高性价比，行得！本身见到依家嘢系新开嘅，都有少少担心会唔会伏🥺但晚饭时间去到舖头，见到里面人头涌涌就知道内有好西！每碟份量唔算多，啱晒一大班人嗌唔同嘢食一齐分享🩵同埋舖头新开张，环境光猛宽敞，冷气开恒、座位舒服干净，嘢食仲要咁正宗，完胜九龙城一大堆泰菜！今次嗌咗炭烧猪颈肉、马拉盏炒通菜、菠萝海鲜炒饭、椰汁青咖喱海鲜同埋金边粉，全部超常发挥😍绝对会再返嚟帮衬！小亮点：诚意推荐芒果沙冰！本身谂住嗌菠萝沙冰，但落单𠮶阵老板话佢哋舖头芒果沙冰最好饮，果断转軚😂老板果然冇介绍错！！！又甜又清爽，芒果味超浓，送饭一流！
继续阅读