泰.夯蝦 (堅拿道西) (已結業)

🦐泰夯蝦上次吃流水蝦是在台中，沒想到香港也有了~這次的手模是母親大🤣🙌🏻，特地跟她去一趟，因為畢竟不是跟我的話，她也應該不太會去🔸流水蝦🦐🦪感覺是正宗泰國蝦，長臂大頭，是體型最大的淡水蝦類之一。每枱有獨立蝦缸，不用像台灣那次吃完都要出去大缸抓。用夾子抓蝦然後塞進冰水把牠冷暈，把腳腳爪爪都剪掉再燒，在再表面灑鹽是最簡單又鮮味的吃法，或是調味料區也有各種醬汁可以使用。比較驚喜海鮮是還有蠔、沙白跟帶子之類，還有很多肉類跟蔬菜，然後熟食也有不少選擇，連飲料櫃子也超大。覺得值得提就是現在還會送日本宮崎縣A5和牛一客，雖然有+10%服務費，但~真的都貼心，店員都一直主動幫忙開蠔，還會幫忙補給蝦跟濕紙巾之類，覺得這服務費該給👍🏻💲Hkd（原價$ 388）優惠價$ 298💲Hkd長者小童$ 198 *逢星期五，六，日，公眾假期及前夕+ $ 30🏡香港尖沙咀諾士佛臺1號🏡香港銅鑼羅灣堅拿道西10號冠景樓1B☎️9299-0264 #hk #hkig #hongkong #hkgirl #hkinfluencer #influencer #hkkol #kolhk #foodie #foodiehk #h

第一次自己捉蝦自己燒，啲蝦超級新鮮非常大隻 ，有好多隻都有蝦子同蝦膏添 ，肉質非常鮮味q彈，基本上都唔使加任何調味料已經好好食， 仲有其他海鮮例如 扇貝， 東風螺，沙白蜆 ，青口都係任食， 咁當然食得落先至好拎喇切勿浪費食物， 送兩件日本和牛片。 另外仲有其他熟食同埋串燒 ，仲有燒菠蘿勁甜， 甜品方面主要都係雪糕有唔同嘅口味比較喜歡抹茶同埋椰子味， 有得飲椰青不過就要加30幾蚊，嘢飲方面都係嗰類汽水 同埋紙包飲品， 總括然而海鮮類值得推介去試！

今次約了在港島區返工的朋友一齊到灣仔堅拿道西10號冠景樓1樓1B號舖的泰.夯蝦聚舊， 上次試過尖沙咀的分店印像很好， 今次就試一試港島區這間質素吧！ 入場先做體溫檢測， 酒精搓手液當然唔少得， 然後就可以安心吃晚飯。 這裏的環境相比起尖沙咀分店更寬敞舒適， 坐位隔離已經是流水道位置， 唔需要行出去很方便， 裝修環境好像去了曼谷夜市一樣。坐低不久店員送上日本A5和牛，肉質豐富，入口即溶。 流水道的大頭蝦遊來游去跳紮紮的，夾上嚟之後放入冰桶裏面， 然後就可以燒， 蝦頭好多膏， 蝦肉爽口新鮮，結實彈牙， 超級美味。自助區有熟食、 炸物、 水果、飲品和甜品。 熟食方面有泰式鳳爪、 泰式金邊粉、 台灣腸、 船麵和咖哩魚蛋等等。 燒烤食品有菠蘿、 菇類、菜類、丸類、腸仔、豬、牛、羊、 雞翼、串燒和多春魚。 冰鎮海鮮有生蠔、 象拔蚌、蜆、帶子和東風螺等。最後到甜品， 我試了自家製蛋菜糕， 記得一定要食這裏的雪糕，海鹽味和泰式奶茶味都好好食呀！大約三百幾蚊一位， 店員服務親切友善， 食物品質新鮮， 最正係可以在香港吃到曼谷正宗流水蝦， 食到上癮， 我好快又會再來。

今日寶寶帶咗我去一解思鄉之情，你哋食呢間泰式流水蝦。佢個裝修簡簡單單感覺都既泰國，再加埋佢成晚都播緊泰文歌，喺唔去得旅行嘅情況下都知道下咳嘅。每一張枱都有自己嘅一格水槽，啲蝦係多到兩個人都食唔晒。入邊啲蝦全部都勁生猛，一路捉一路走，真係又有得食又有得玩。坐低冇耐佢仲送咗每人一片神戶牛，佢塊牛都好林好Juicy，在要食好似要額外order，但因為佢呢度本身任食嘅種類都多，所以我哋就冇再叫啦。除咗燒蝦之外佢仲有啲海鮮，包括有生蠔，扇貝，青口同大蜆，淨係海鮮都咁多選擇，我覺得都唔差。而肉類都有好多唔同嘅味道，當中雞翼都已經有成四隻味俾你揀，而我自己最鍾意就係佢個麻辣雞翼，又夠麻又夠辣，食得好過癮。除咗啲生嘅嘢食俾你燒之外，佢其實仲有好多熟食，除咗啲炸嘢之外仲有啲炒粉麵飯，所以就算唔食蝦嘅人都有好多唔同嘅嘢食可以俾你揀。其中最過癮嘅就係你可以自己整碗船麵，佢有晒所有調味料同埋湯底，你可以揀你自己鍾意嘅餸同埋麵，真係自己的麵自己淥。任食當然最後唔少得嘅就係一大幅飲品牆啦，呢度有其中有隻果汁我係覺得幾好飲，佢有菠蘿同埋芒果，我自己比較鐘意芒果多啲，因為飲咗冇咁甜先原先仲有粒粒果肉。甜品方面除咗啲糕

晚餐食兩個鐘真的有點趕，邊玩邊食，蝦唔易夾，好生猛閃得好鬼快！食5點前的燒3個鐘就差不多。每張枱都有私家蝦缸，會給你一個冰桶凍僵d蝦才燒，如直接燒啲蝦會跳走。其他海鮮同肉都是自助任取的。每人送和牛一片，飽魚一個，和牛雖然好細塊但好嫩滑又有牛味。帶子有點細粒，螺肉細粒但鮮味。雞翼醃得好入味。奇怪啲蝦全部都見不到黑色蝦腸的，是否好餓了很久？去過尖沙嘴那間分店，發覺銅鑼灣店的枱無咁迫，飲品種類同食物的味道都比較好。最重要嘅係每張枱側邊都有自己的蝦缸，唔似尖沙咀咁全部客人同用兩個缸。尖沙咀店死蝦病蝦一堆，銅鑼灣的都有死蝦但refill好快，尖沙咀店我食兩個鐘個缸都係得果堆蝦燒完係癡殼的😂 朋友食完唔舒服，所以如果要食流水蝦就去銅鑼灣比較好。9月送海鮮桶，10月生蠔任食，銅鑼灣店新開張，地方較偏僻，所以福利好來吸引客人吧

小弟很喜歡吃海鮮，見到open rice 有海鮮放題，想去试吓，不過見到有差評，一點卻步！跟朋友去試吓，如果真係差，就以後不去，反正市面寫得很好，也未必很好！1）首先訂了七點，的確人超多，又係要等等，反正外面大部分餐廳訂了，也要等，習慣了！不過服務員也給我哋號碼，然後進人一間有冷氣及有sofa 的房間，坐一下！這個其他餐廳一定冇！雖然等了15分鐘，覺得有點耐，不過想起如果不好吃，就唔會襟多人來吃，我看到一個差評，客人遲咗，冇位安排，講真啲，要餐廳等遲到的客人，就得，客人等餐廳，也應該的！餐廳做生意，遲到的，應該通知餐廳，冇理由叫餐廳空了位，遲多少，才合理，就按餐廳安排！2）開始進餐，一開始有服務員介紹枱上的用具，說真的，聽一下就算，不以為意！兩個人，就係有兩份和牛A5喎，一份好似5、6隻疑似有鹽醃好的死蝦，本身心想這些有鬼去吃，眼前🈶️新鮮不吃，吃這些，開玩笑！試吓，的確好味，原來要用鹽才好吃，所以把所有蝦也這樣做！爐的快慢，我覺得也可以接受，因為有服務員教我哋怎樣燒！可能有時間限制，特別覺得趕！這個是心理影響！3）其他食物不過不失，尤其係雪糕，超好吃，飲品超多款，花了兩個小時，本身就不

除左大頭蝦同海鮮之外，仲有d燒肉類同熟食可以選擇。飲品款式都好多🤤蝦好新鮮配自家制泰汁都幾正🤤老闆好細心咁逐枱教客人個蝦同海鮮燒到點樣為止食得，服務態度好好。

最近就好流行食泰國流水蝦，香港都出左唔少主打呢D既店，呢間就好似幾出名咁，於是就來試下啦~由於一早訂左位，所以唔洗等，加上我地5:45就食，都未有人等，不過場內已經爆滿95%~食完7點幾8點已經好多人等啦~每張枱都一定可以夾到蝦，個蝦缸就係旁邊，隨時想食都可以即刻夾到由於所有蝦都係生生猛猛係度游水，所以夾既時候要小心，要夾實D唔係就會彈走左夾起左之後，再馬上夾住隻蝦塞入冰筒，同時都要繼續夾住佢到佢已經凍暈左先好放手見到好多人就咁放隻蝦係冰筒就算，好快佢掙扎既時候就彈左出黎，周圍都係蝦~除左自己夾，一開始都會送碟蝦，呢D蝦就係冇鬚的不過食落同自己夾個D味道冇乜分別的~送既和牛同鮑魚和牛好油香，好好食，可惜不能追加呀~鮑魚都好新鮮好鮮甜~出面有自助區，有肉，例如豬扒牛扒雞扒魚柳最搶手當然係放帶子同帆立貝既凍櫃兩樣都好好食，鮮甜，唔臭一出好快又冇晒~不過添加速度都快的出面亦有幾個凍櫃拎野飲呢d就係自己夾的蝦，有鬚的出面仲有得拎炒粉絲、炒飯、咖哩魚蛋、雪糕球、泡芙泡芙同雪糕球都有試，都好食的~總結，其實全部食物都唔錯的，係D扒類一般個爐比較少，加上發熱線爐燒得較慢，兩個鐘其實食得好少坦白講食完

4️⃣個女士weekday 要搵地方 lunch其實有好多選擇，但可以食到嘩嘩聲嘅地方應該唔多。點解BBQ要食到叫？因為D新鮮蝦識🉐️跳咯😆店名個夯字已經上網search下點讀，在每桌旁邊的魚缸把新鮮蝦🦐夾上來先放冰水麻痺再放爐上燒，見到🦐🦐還在掙扎🈶️D殘忍😅不過因此夠新鮮都幾好食。除左蝦，其他肉、丸、串燒、雪糕在雪櫃自己攞。個爐細細要慢慢燒，weekday lunch 可以食到3小時尚算足夠時間。但當weekend 時只有2.5小時恐怕會好趕。其實座位都幾窄，小妹身材有D份量真係覺得逼；通風設備麻麻地，食完真係一頭煙🤪不過平日中午有8️⃣5️⃣折又熱熱鬧鬧剛剛能過關啦😉

1.) 服務態度差，侍應語氣唔知好似欠咗佢咁2.) 餐具污糟，油淋淋嗰隻，仲要巴閉到一張抬兩隻碟拎嘢食，懶衞生叫你生熟分開拎，但貝類同肉類又要你用同一隻碟3.) 個烤爐冇力又細個，比兩粒鐘你燒真係唔知食到啲乜4.) 成個雪櫃，雞翼、雞翼、同雞翼，呀大佬咩味都標比人哋睇下吖，裡面得腸仔、紅腸、午餐肉同多春魚可以分得出5.) 六個人兩張檯兩碟生蠔、兩碟牛肉，牛肉貌似肥牛(共三塊)......可能係神戶牛🙄6.) 最離譜店內有新鮮生蝦比你燒但又要特登比碟好似好特制嘅蝦比你燒，但原來係同一品種，分別係死咗好耐，一個唔覺中計浪費時間燒咗佢哋，嗰兩粒鐘店家又可以慳啲海鮮除咗蝦其他好似垃圾一樣，其實三百幾一個人頭唔預會係咩貴價嘢，但咁嘅價錢，得嗰兩粒鐘再用埋啲古惑招簡直當人傻嘅一樣

朋友介紹來的，因為午餐吃不下太多，沒有點自助餐，因為早於一星期前訂位，所以不用等位，不過可能疫情關系，午餐上座率只有6-7成，我和朋友3個人，點了一份大桶海鮮，芝士汁口味，等了15分鐘上菜 ，有近30只蝦，龍蝦丸，蛽，漢堡扒，芝士包心丸，感覺份量很足，味道也不錯，4個人都夠吃，還有熟食，甜品汽水半自助任吃，服務員也很細心熱情，好詳細地為我們介紹各種收費和口味,沒有嫌我地問的囉嗦。重點推薦雪糕，口感非常好。

食到夠鐘即刻趕，連燒咗一半都要夾番起唔準燒，餐牌寫2.5小時但實際時間係2小時又無係入場前講清楚，除咗蝦算新鮮 其他嘢食又麻麻 唔值得比呢個價錢嚟呢度食，最唔滿意係夠鐘即刻趕人走，連燒緊都唔比再燒，見有一枱早過我嚟都仲未走，仲繼續燒緊，應該係入個時講清楚，而且個爐又無火，燒嘢食又慢2小時邊度夠，等啲嘢食熟用咗起碼一半時間，無可能2小時食得飽，食出面啲熟食仲多過燒嘢食，無需要比錢嚟食啲熟食又唔係特別好食，加上趕人走但出面係無人排隊，最嬲係趕人走講嘢態度超級差侍應態度非常惡劣。

我哋一家5口去試吓流水蝦，7點full咗，所以食5點，店員打電話比我話安排一張VIP房6人枱比我地，我話ok! 去到坐底原來2個人一個爐，5個人都係一個爐，重點係個爐好細而且極慢，食咗一段手忙腳亂的時間，見成間VIP房都冇人，我要求佢地比多張枱我哋， 個職員話如果5點嘅客人no show可以比我地，最後我諗佢哋都拖到九個字一個鐘先比多一張枱我哋！至於食物方面，流水蝦係好新鮮嘅，好多都有蝦膏而且都幾大隻，食晒又可以叫佢哋refill, 問題係出係個爐度，實在要等好耐啲蝦先熟最後唔覺得係燒吓而係焗熟左啲蝦！其他佢所謂嘅生猛海鮮係一眼望落去都見到唔新鮮，之後仲有啲熟食同埋一啲普通BBQ嘅肉食，全部食咗少少都已經冇興趣再食，感覺佢係擺喺度冇諗過俾你食實在係好Hea！最後我哋決定淨係食蝦唔識其他嘢！飲品都算正常種類都算OK多！服務都算正常，但就唔滿意佢打電話嚟游說我哋五個人坐一張枱而且淨係比一個爐我哋！全程嘅感覺就係你間餐廳係盡量想你哋食少啲野，但係就收咗你哋三百幾蚊一位食兩個鐘！而我哋食完離開餐廳嘅時候感覺係唔知自己食咗啲乜嘢！由於時間太趕我係一張相都無影到亦都冇心機影相！相信冇下次應該唔係淨

經open rice訂位，一上去即刻有位。早場冇乜人，staff帶會哋去超多大頭蝦嘅缸度坐。原來除咗大頭蝦任夾任燒，仲有蔬菜/肉類/貝殼類海鮮任燒。入面有一排大雪櫃飲品，旁邊有個麵檔自己整麵食。再行出啲有熟食，熟食個冬陰公都正，好多大頭蝦係入面椰奶味重。甜品部都唔錯，食咗個椰汁西米糕嘅東東好有泰味。大頭蝦方面，staff會落手教點handle。開初都會畀蝦嚇親因為太生猛好彈。個爐係電爐，熱力集中係中間位置。蝦肉彈牙好甜，啲膏好正好creamy。整體來講係正👍🏼

一個禮拜前，wts去訂位，唔覆信息，ok，我網上訂位，今日去到，真係自己問題遲啱啱好10分鐘，然後接待人員話點會訂到位？我地full曬了禾！ok，我地遲到我地錯，但佢哋講嘢令人好唔舒服，話我地遲左唔知我地黎唔黎，你有心做生意，點解唔可以打黎問下？唔好講呢個係客人責任，難道店舖完全唔重視訂位呢回事？咁唔好出網上訂位服務啦唔該。我地遲到有錯，但舖頭態度都好有問題，我地一直道歉講對唔住，佢一直重複我地遲左，問我地係唔係遲左，我覺得我地好似返學比人訓話咁。