影片
港铁油麻地站 A2 出口, 步行约2分钟
继续阅读
开饭介绍
餐厅以黄、蓝色做主调，并设有户外露天座位，打造年轻时尚的用餐环境；菜式选择丰富，提供多款辣味菜肴，照顾不同食客口味。
继续阅读
营业时间
星期一至日
12:00 - 23:00
公众假期
12:00 - 23:00
公众假期前夕
12:00 - 23:00
以上资料只供参考，请与餐厅确认详情
油麻地呢间泰国菜而家做紧$1菜式优惠，咁抵就嚟咗食个丰富午餐🍴 Lunch时段，餐厅都好多人帮衬啊🤗海鲜花甲乳猪煲喺门口见到佢个锅物Menu好似好吸引，有多款配料包括自家制乳猪、花甲、青口、大头虾、鱿鱼、娃娃菜、韭菜同埋芽菜🍲 汤底方面可以拣冬阴功或者系椰汁，我哋就拣咗冬阴功，呢只冬阴功唔算非常酸辣𠮶种，所以配海鲜比较夹🦐 另外呢个煲仲可以拣一款主食，我哋就拣咗公仔面，不过要注意煮公仔面嘅时间，太耐就会变得太腍㗎啦🍜火山骨劲钟意佢个火山骨，其实系猪脊骨，餐厅煲得好腍，轻松就可以将啲肉拆出嚟🤩 而且佢嘅味道特别迎合大多数香港人嘅口味，冇泰式原味咁辣🌶️ 唔会去到后尾辣到食唔到㗎。马拉盏通菜呢个系限时优惠，呢日星期六加$1就食到啦🥬 马拉盏通菜个味道唔会好咸，加埋少量嘅辣椒食落口好惹味呀。唔好睇佢做优惠份量就好少，都够我哋分享，而且唔会唔够喉😙黄金虾饼一份有四件，都几大件，外层炸得香脆，入面嘅虾胶口感实净，有咬口，配埋泰式酱超级夹🍤饮品♦️翠绿湖见到佢个名好靓，入面嘅材料有班兰、椰奶同埋鲜奶，饮品好香椰奶嘅味道🥥♦️香茅班兰茶呢个系用茶壶上嘅茶，浸一阵就饮得🍵 有淡淡嘅香茅同埋班兰味道，几有泰式风情。3月17号前，凡惠顾$500就可以用一蚊嘅优惠价加配指定菜式，每日嘅优惠都唔同㗎，等我下次星期二嚟食先，一蚊优惠系我钟意嘅火山骨呀🌋 仲有见到隔离台叫咗个404黑色西兰花，望落几特别，下次嚟要试吓🥦
继续阅读
好钟意食鱼嘅我喺星期一用💲1蚊食到 (每日唔同)某人话我知Mirror x Error 成员有份开。抱住普通心态去食下，点知出奇地好食 & 仲系创意食物。✨麦香金沙软壳蟹 (3只)咸蛋黄包住外脆内软软壳蟹大大只好有口感侧边仲有麦皮坚果好啱𩠌酒✨✨冬荫功烤鱼 (鲈鱼）煎过鲈鱼更香口得嚟鱼肉好嫩滑.连唔食鱼嘅某人食咗大半条鱼。有别于一般味道甜甜辣辣✨鳯爪沙律鳯爪爽口弹牙,洋葱清甜味令酸甜味带微辣taste好Fresh萝卜洋葱蔬菜更健康。✨菠萝海鲜炒饭大半个菠萝上好足料除左金黄饭外。仲有海鲜: 虾，青口，蚬肉. 满满肉松同腰果提子干增加丰富口感。
继续阅读
作为一个师奶，日日煮饭都煮到冇晒灵感，最想就系放假有人煮返餐好嘅俾我食。最近同囡囡去开旺角，就顺便试咗间叫「泰9」嘅泰国菜餐厅，地点都几方便，喺油麻地弥敦道560号誉发广场4楼，一出地铁站行几步就到，对于我呢啲要带住小朋友出街嘅妈妈嚟讲，真系悭唔少脚骨力。泊车我就唔太清楚啦，因为我通常都搭公共交通工具。一入到去，环境光猛企理，虽然唔算好大，但都坐得几舒服，唔会好逼夹。最紧要系感觉干净卫生，食得都安心啲。见到有啲家庭客都带住小朋友嚟食，睇嚟都几受欢迎。我哋一行两个人，所以就叫咗几款招牌菜试吓。首先嚟个「泰式鱼饼」8件，炸到金黄色，外脆内软，鱼肉弹牙，点埋个甜酸酱，味道几开胃，小朋友都食到津津有味。跟住仲叫咗个「泰9猪手」1只，份量都几足，猪手炆到好腍，好入味，皮Q肉嫩，胶质丰富，完全唔会有油腻感，连平时怕肥嘅我都忍唔住食咗几旧，真系好香浓㗎！再嚟个「冬荫公烤鱼(鲈鱼)」，鱼肉好滑，辣度适中，香料味好突出，食落好惹味。饮品方面，我叫咗杯「芒芒雪沙」，芒果味好浓郁，沙冰打得好幼滑，甜度刚刚好，够晒冰冻，消暑一流！囡囡就叫咗杯「翠绿湖」，酸酸甜甜，好解腻。总体嚟讲，我觉得系一间值得再嚟嘅泰国菜餐厅。食物质素唔错，味道够正宗得嚟又迎合到香港人口味，环境都舒服，带小朋友嚟食都几方便。可惜宜家已经无左了🫣
继续阅读
身边啲frd成日9下9下，不如带佢去试下呢间啦🤣，环境气氛唔错，最岩同老best一齐去😎。🐷海鲜花甲乳猪煲 $328花甲嘅鲜美同乳猪嘅酥嫩完美结合🐷，汤底浓郁，充满海鲜嘅鲜香🤤。🍍菠萝海鲜炒饭 $128以菠萝为特色，米饭吸收左菠萝嘅香甜，而海鲜嘅份量都好多‼️🥃A 醉9鸟 Cocktail $88一杯酒再加上泰式奶茶，饮落去口感顺滑，酒香浓郁🤩。🍫拔兰地朱古力 $88朱古力🍫嘅浓郁同拔兰地嘅香气相互融合，饮落去有淡淡的拔兰地酒味🥃，但系唔会遮盖左朱古力嘅味道👍🏻。🦐泰式生虾8只 $88生虾味道鲜甜，搭配泰式调味酱，酸辣适中🥰。🥬马拉盏通菜 $1🌟餐厅人气主食：火山骨🦴 、404黑色西兰花🥦、泰式海鲜花甲乳猪煲🥘（全日供应） 汤底：招牌冬荫功/浓郁椰子汤 配料包括：花甲、乳猪、青口、虾、韭菜、鱿鱼花、鲜菇、公仔面或乌冬🌟期间限定‼️每日惊喜优惠❤️凡惠顾满$500，1️⃣蚊加购下列食品：Monday——泰式明炉鱼（鲈鱼）🐟Thursday——招牌火山骨（猪脊骨）🌋🌶️Wednesday——泰式明炉蚬（沙白）🐚Thursday——泰式生虾（6只）🦐Friday——串烧鸡/牛（5串）🐥🐮Saturday——马拉盏通菜🥬Sunday——蚝仔蛋🦪🍳⚠️每日限量供应，敬请致电订位📞。
继续阅读
呢间泰国餐厅想试好耐，因为系由潮爆组合error同Mirror成员开😆所以要带Lisboy过嚟朝圣🤤希望将来佢有份揾到佢自己嘅兴趣👯♂️🍽️ 泰式串烧呢个前菜叫咗六串嘅串烧，有鸡肉串同埋牛肉串🤤即叫即烧热辣辣入口Juicy，有炭烧味同埋好多酱汁，Lisboy食得好开心！🍽️ 明炉泰式乌头嚟之前我哋已经问Lisboy想食乜嘢，佢话想食鱼，我哋就即刻叫咗呢个明炉泰式乌头🐟连个炉火一齐上台😍一边食一边keep住热辣辣🔥🍽️ 原只菠萝炒饭我哋三个人，所以叫咗个菠萝炒饭，原只菠萝炒饭好多肉松好闷，见到都好满足，仲有好多只大虾同新鲜菠萝，我估四个人分享都食唔晒，好味道够晒饱肚！🍹 芒果沙冰 & 椰汁班兰饮品方面，我哋当然叫咗Lisboy最爱嘅芒果沙冰，超级大杯，而班兰椰汁，清清凉凉好解渴🤤
继续阅读