影片
以上资料只供参考，请与餐厅确认详情
相关文章
今日黎左长沙湾揾食，餐厅职员介绍食软壳蟹，哗！真系真系好食！仲要试下佢地的大话七，好特色的消暑饮品，我地又试左佢地的海南鸡，好滑好好味！可以试下个甜酸鸡，好似咕噜肉咁，味道好好！啲餐厅职员好好服务，仲请我地食泰式自制虾片（哎呀⋯挂住食，冇影相添）如果唔想行楼梯，仲可以系旁边大厦搭lift，好看更讲，去一楼「冬荫泰」就得啦！好方便！呢度样样𩠌菜都好抵食，地方又舒适，仲有呢度冇𠮶啲泰国佛像，听闻系基督徒泰国人主理，好特别
继续阅读
平时无乜机会出街食到泰国野，因为男友人话屋企有泰籍工人，无需要出街食㖞。食泰国野嘅心因而压抑左好耐，好在今次屋企人拣左呢间先食到泰国菜。呢间平时原来系泰国教会黎，夜晚就系餐厅，平日夜晚黎无乜人，嫌有啲太静。首先黎嘅系pad thai，味道唔错，唔太油又唔太辣，有泰国味道。个马拉盏通菜比较失色，好辣，而且好硬，唔受欢迎，可能而家通菜唔当造。呢个西兰花炒虾球就好好味呢个肉唔记得系咩名，净系记得系猪ankle，啲皮好食，肉都唔硬，家人大赞。呢个鸡都入味，够嫩，味道好好。烧鱼就不过不失，都系鱼肉味，无乜特别。家人话条鱼算靓，因为打开系黄色。最后食甜品，好意外食落口系热辣辣嘅，好好味！新鲜蒸出黎好软熟好香，大赞！
继续阅读
呢间野，其实已经系9月时食架啦，但点解要写呢，因为都有纪念价值，食完呢间之后，我就唔知点解那个月起系咁有人约我食泰国野言归正传，呢间野坚系好高嘅，其实都出名都成日听啦先要讲下呢个生菜包肉碎 $92，有得DIY自己包，其实几好玩，D肉碎又劲好味飞天炒通菜 $65个名都几霸气话要飞天，不过又系好食，通菜系我最爱嘅菜之一，所以我话佢煮得好食，就一定好食青咖哩 $85唔太辣，温柔嘅青咖哩好岩我口味，好似老婆咁有时会花少少辣脾气但总体都好温柔泰式炒金边粉 $82呢个又系无得输，大碟又香唔驶讲，炒得恰到好处，劲爽口好味咁又一餐，可能太好味，朋友都想我想回味泰国野所以成日约我了
继续阅读
今日贪方便，求其揾左间屋企附近既泰国野食下，见open rice d人对依间野评价都唔错……点知中伏了一开波充满期待叫左个刺身虾叹下先，碟生虾黎到……点解系雪藏虾😨😨😨第一次食生虾刺身会用雪藏虾，108蚊俾d咁既质素我😠……条气唔顺上open rice睇食评，d人竟然话生虾好爽又弹口，无可能啰至于煎蚝饼就粉多过蚝，仲有壳，已经无哂胃口，而个冬荫功汤就又酸又咸，点饮呀😱😱😱最后埋单411，依个价钱食左d咁既质素既野，感觉好差不如去九龙城食好过
继续阅读
本来想带屋企人去试试附近的泰国菜，于是询问店员有什么菜式推介，我们照足建议点菜，但系味道太差好失望，炒饭的饭煮得又烂又淡，虾酱炒饭竟然完全冇虾酱味！又点了香草辣椒鸡肉烩饭，啲𩠌少得可怜，要求了几次先愿意补少少𩠌，反而饭就超级多。用料太吝啬，未能反映泰国菜的囗味，猪颈肉也不爽口，感觉不够新鲜。我最喜欢的酸辣白凤爪的味道和口感反而还可以，是唯一我最满意的一道菜，希望以上问题餐厅职员可以好好改善！相信生意额也会改变！
继续阅读