泰餐館 (已結業)

同好友三人到這裡食，叫了生蝦刺身、燒鰂魚、咖哩大蜆、蒜蓉飽、飛天通菜、炭燒豬頸肉，樣樣都好味。生蝦刺身夠新鮮，價錢同數量相當抵。燒魚製作需時，肉十分滑，而且很香。咖哩大蜆是我最愛食，大大碟，不是個碟，而是蜆，有肉地，鮮味，送蒜蓉飽或白飯一流。這裡啤酒又抵飲。最令我一次又一次光顧，因為星期一至四免加一。價錢比九龍城相比，實在太抵了。

還是不想到荃灣金x泰國菜，倒不如出遠少許，來長沙灣吃；之前時常經過都沒嚐過。我們的朋友，總是自稱身體抱恙而爽約，但後來自己卻吃其他不健康的食物，有趣。冬蔭公，本人向來不特別喜歡，輕嚐一口而已。生蝦刺身，起碼十隻至十二隻，雖體積較少，但還挺鮮美，而且多，實屬划算。炒飯，香！有鑊氣！一人一碗後我還可包底，大份，美味！青木瓜沙律，好像是最划算的，看似小小一碟，但可能不太多人吃，我個人吃了好久青咖哩雞，淡味而太稀，即使有蒜茸包也沒意思，因為這咖哩未如理想。小食拼盤一般，可能因為我向來不愛吃蝦餅等食品。炒通菜一流！網網千斤般，甚具鑊氣，又是放在我面前，慢慢便被我吞噬。我叫了杯三色冰很甜......甜得不太健康......同樣叫這些菜式，相信在九龍城或荃灣，至少貴20%，這兒果真價廉物美。員工態度友善，笑面迎人，值得嘉許。

泰國有名佛國，泰國人也大都信奉佛教。香港的泰菜館多為泰國人所開，店內亦多會有泰王肖像與及佛像或佛教裝飾，少有例外。但凡事總有例外。好像這間位於長沙灣青山道的泰國館子，便是一個例外，店主人應是個基督教徒而非佛教徒，從店中一面牆壁上掛著的「宣道會泰人恩福堂」的佈告版中便可猜到一二。這店子老闆是否佛教徒雖然引起了我的好奇心，但當然不是這篇文章的重點，重點始終在於這間泰菜館的食物是否好吃，而答案則是肯定的。我與友人兩個在這兒吃的午餐一共叫了三道菜，水準都挺不錯，這間館子確實值得一試。這館子的地下一層其實只得很少地方，只是擺放了一張並非給客人用膳的桌子和一些雜物，要登上樓梯到二樓才會豁然開朗，來到吃飯的地方。二樓地方不小，陳設裝潢一般，不過部份擺設，好像那有點古典味道的掛鐘，則頗有特色。我們兩人各自叫來「泰式海南雞飯」，這雞飯的油飯與雞件都不錯，飯粒分明而有油香，雞件肉質軟熟而不粗嚡，雖未算非常出色，已是中上之作。這海南雞飯是有湯奉送的，湯是「冬瓜瘦肉湯」，湯中瓜與肉都不少，味道也適中，是及格以上的餐湯。也叫來兩款泰菜一同分享。先是自己很久不曾嚐過的「泰式生蝦刺身」。這裡的「生蝦刺身」一客有十一

三個女仔聚頭, 因為好耐無見, 食豪D. 一早book了枱, target食咖哩炒蟹. 於是好快就落咗單.環境ok, 同一般泰國餐廳相若, 不同的是多了聖經金句作陪襯, 甚有意思.嘢食來了...泰式生蝦刺身 -> 爽甜, 頗辣, 份量也算多飛天炒通菜 -> 好食好食小食拼盤 -> $55 就這個份量了. 蝦餅彈牙, 魚餅香口, 都好吃海鮮冬蔭功湯 -> 味道香濃, 每人也可添, 材料也多咖哩炒蟹 + 蒜茸包 -> 時價. 蟹肉量ok, 但不算很好肉, 咖哩汁味道也好, 但我嫌這道菜粉太多了.椰汁千層糕 -> 也很香軟, 但不能分賣, 我們吃不完打包走.現在價錢或有變, 只供參考

因為哩日同太太出黃金行下, 上openrice搵下夜晚有乜好食, 見到有哩間泰國野食評唔錯, 所以要黎試一試~當晚7點左右行到去"泰Tum Yum Thai", 可能因為早, 我地兩位唔使等就有位 睇睇餐牌, d食物價錢還算接受. 見到有食評推介燒魚同海南雞, 見隔離枱o既燒魚都幾大條, 怕食唔晒. 所以只選了海南雞試下~ 食泰國野生蝦刺身當然唔少得, 加個冬陰公湯同炒大蜆, 加多客蒜蓉飽剛剛好~整體黎講, 味道唔係食過o既泰國野之中最好味, 除咗碟雞基本都算係中上之作.只係連唔係咁食辣o既我都覺得佢一d辣都冇, 搞到好似差咁d野咁...所以只能夠講佢o既味度太迎合香港人吧...

之前一日想訂位，原來兩人無得訂。幸好六點半未太多人，不用等位。一坐低就叫燒鯽魚，平時食開燒鯽魚要等成半個鐘嘛。另外，多叫了咸魚炒芥蘭、生蝦刺身、泰式炒粉絲。生蝦($68)當然先到，蝦頭沒有炸過，上面沒有平時食開一片片的蒜片，只有蒜蓉、魚露同辣碎。但生蝦倒是新鮮同乾淨，沒有烏漕o既冰塊墊底燒鯽魚竟然15分鐘到，心感不妙。打開一試，果然無味，入面做得形似，有香茅、蒜等插在魚身，但魚肉無香料味之餘仲一好碎。可取之處真係平，$65 大大條。咸魚炒芥蘭($40): 無咸魚味，個菜係濕底，本身唔太鐘意有汁o既野，所以好失望。平時食開都唔會成碟水汪汪泰式炒粉絲 ($4x): 係一個好普通o既炒粉絲，比較似中式。因為唔酸唔辣之外，無應有o既花生碎等配料，騙不了我這泰菜愛好人!!總括來說，呢度係條魚平，其他價位跟外面正宗泰菜差無幾。可讚o既係，小店kitchen 乾淨(去washroom 時assess過)，店員友善。如果經開當食中菜/普通一餐飯未為不可。小店乃泰人基督徒開設，少有的吧。

平時上open rice 都係搜尋睇下有D咩好野食，但今次終於都忍唔住寫食評，上次已經想去呢間餐廳食，點知我同事擺烏龍打錯左比另外一間問點去，入到去先知原來去錯左 ，唔緊要！今次終於去岩地方就ok !夜晚七點幾打去book定枱，呀姐話而家可以直接上黎 ,我地一行三位女仕夜晚九點殺上去，一上去第一個感覺地方好寛落，最岩一班fd上去

我喜歡泰國菜式; 但討厭等位, 不喜歡差的服務態度, 催趕的食飯節奏. 往往九龍城的正宗泰國食店都有齊以上特點. 當試過位於長沙灣的泰國食店 - "泰" 後, 我還需要到九龍城受氣嗎?後補的公親節飯局, 老爸老媽都未有試過泰國菜, 所以選了"泰" 因為這裡可以卜位, 環境舒服乾淨, 而且員工服務亦有依足華仔所講的. 對於我, 一間餐廳的的環境整潔度高, 食物的信心及質素亦不會太走樣. 這一頓飯整體都給了頗高的分數, 而令我印象較深的是燒鯽魚及海南雞. 燒鯽魚:每口都是肉, 除了魚腩位置外, 雖然是燒, 但魚肉卻很滑, 而且不腥. (因為爐烏頭腥到暈又多骨)海南雞:很香油味, 雞肉滑得過份, 只可惜久了一碗黃油飯....略縑這裡的黃咖哩甜了些, 辣味稍遜! 但好在有他的好朋友(蒜包), 有它強烈的蒜香及脆, 跟黃咖哩混在吃, 就抵消了這份缺憾了....整晚的飯局足足坐了2小時, 慢慢吃慢慢傾, 美食佳餚. 這些就是"滿足", 而不是"吃飽"了!

較早前之生日，又造就一個契機到這一所泰國菜館吃飯。按著地圖尋尋覓覓，也找不到其蹤影。幸好最好按著門牌向荔枝角方向走去，終找到這一所餐廳。原來此餐廳在創興銀行對面。餐廳是一間樓上鋪，星期日則用作教會用途，在鬧市中自成一角。餐廳燈光柔和，座椅舒適，再加上這是一間樓上鋪，感覺有如在家用膳。也許是環境太舒適了，餐廳裡的三五成群都大聲地聊天唱歌，氣氛好不熱鬧。但是對於我這種喜歡平靜的人，還是有點承受不了。不要緊，這也可以看作一個特色吧。1. 木瓜沙律($35-)先來了一客木瓜沙律，小弟對此不感興趣，故未嚐這一道菜式。滿滿的一碟而且有不少蔬菜，似會在夏天為客人帶來清涼而健康之感覺。2.  冬陰功($80-)及後又來了一客冬陰功。光顧了不少泰國菜館，它們的冬蔭功有不少都只有辣味，不夠酸致使失去了菜式當中之靈魂。這一所則做到恰到好處，既有不少辣味，可是也有酸味中和，使冬蔭功湯十分香。再者，冬蔭功也下了不少大蝦、蕃茄及磨茹。這道菜使我感既開胃及滿足。3. 泰式雞肉炒飯($40-)雞肉十分太塊，而且肉質頗嫩，飯也炒得特別香，兩者混合營造出一個香噴噴的感覺。若增加多一片青瓜及蕃茄或者多下菜粒，則可使外觀更佳

呢間泰國餐廳好耐無食了，以前第一次係營盤街(而家都仲有做生意)食既時候真係一食愛上，難忘以往$48有十七隻生蝦刺身，超彈牙蝦餅，故間中也有幫襯，但開左分店感覺好似差左少少，很久沒來了。Anyway，女朋友突然話好想食泰國野，近近地就呢度啦。閒日七點到黎到，比以前少左甘多人既，只有兩枱客，我地兩個人都可坐6人既卡位，夠晒濶落。我好肚餓，所以叫左5樣野:冬蔭公湯M size$50，呢個湯真夠蔭公，味濃且偏辣，酸味很開胃，還有草菇和不少爽口彈牙既蝦，加上面頭芫茜令其味道更有層次，每人分到三碗仔，好飲!!青木瓜沙律$35，呢個每次都會叫，材料有木瓜絲，紅蘿蔔絲，生菜蕃茄，連皮既蒜頭同一點花生碎，基本上都新鮮清爽，一起食口感極佳，加上本身個汁和青檸汁，酸酸甜甜，令胃口再次提升!!我建議可用底下既生菜包住黎食，保證你話正!!!泰式炒金邊粉$45，配料主要有蝦，豆乾，芽菜和蛋絲，旁邊有少量花生碎，呢個夠好鑊氣，而金邊粉亦炒得乾身，又唔會油，是水準之作!!乾炒咖哩海鮮$55，呢個又係有蝦，仲有魷魚，豆角，紅椒，用黃咖哩炒，但咖哩味唔突出，亦都唔係乾炒，簡直濕過濕炒，雖然蝦同魷魚都鮮味爽口，但呢個只屬一

依晚揀左去長沙灣既"泰 - Tum Yum Thai"估唔到長沙灣夜晚咁熱鬧~同埋都唔少食店喎依間泰菜館由泰國人煮理~可能有宣導會既關係d食客普遍好斯文~環境好舒服+乾淨..服務有禮我地安排坐係拱門內既二人座..感覺好private^^點菜前..先order啤酒(x4)"泰式生蝦"..份量有11隻生蝦好大隻又啖啖肉~肉質好新鮮個泰汁夠酸辣度..超正+超抵食(必食推介)"青芒果沙律"芒果絲好清爽~不過個醬汁太過甜"三味魚"睇相無咁多汁..乾身好多架部份食物我地本身唔like咁多醬~所以依個覺得一般"咖喱炒蟹"蟹既肉質普通..比較腍身醬汁都有咖喱香~但較為鹹左少少"蒜茸包"夠蒜香牛油味~包身外脆內軟食物要因應個別水準而論~整體都ok價錢仲比一般泰菜館平好多呢

好味！ 基於需時烹調，建議一坐低就要ORDER，魚肉很鮮甜。OK的！ 係生菜少咗啲。這個不算太酸，味道適中！純粹叫給小朋友吃，但都OK！正！ 唔似九龍城那些夾住蒜片來吃，用自家醬汁配搭來吃，夠晒惹味！

由此店在營盤街的時候已知其存在，陰差陽錯，加上此店星期日是不做生意的，直到今時今日才到訪..其實所有食物水準也是可以的，再看價錢，是很多九龍城街邊店的八折，什至七折，泰式生蝦是我的泰菜必食項目之一，此店生蝦賣$65，竟然有十一隻，隻隻新鮮爽口，只嫌其醬汁是直接混在刺身上，而其味亦略嫌不夠辛辣，另外，冬陰公湯及蒜蓉飽亦是推介項目！

營盤街街舗果陣已經開始食佢,搬左去樓上一樣好食呢,,對呢餐廳印象唔錯,侍應都好有禮貌,重會介紹有咩好食菜式,比其他泰國餐廳更加抵食,所以今次都介紹左比朋友食,今次六點鍾左右到,好準時已經開左門,成為第一個客人,忍唔住立刻點菜,食食下開始陸續有客人上黎,我地兩個人叫左五樣野,生蝦刺身, 燒鯽魚,沙嗲串燒,海鮮冬蔭功湯同飛天通菜,另外叫左碗白飯,椰汁冰同珍多冰,先黎生蝦刺身,65蚊有十一隻咁多,抵食,重好新鮮,好甜,但個汁淡左少少,串燒,要哂豬,牛,雞3樣,叫左半打,沙嗲汁好味,但無燒烤既感覺,通菜,好爽口,小小辣好惹味,海鮮冬陰公湯,有3個size,我地叫左個中既,有好多料,有菇有蝦有青口,味好濃,偏酸,唔算好辣,熱既時候好好飲,凍左就差d,重頭戲係呢個魚,侍應姐姐話比較大條驚唔熟,所以耐左少少,條魚又肥又大條,燒得岩岩好,d肉好滑嫁,一定要試,d汁唔夠點,個哥哥好快手又拎多兜比我地,埋單每人都係$153,食到攬住個肚走,飽到差d碌落樓梯呀,下次叫多d人一齊黎食好野,試多幾樣野先

數年前，在長沙灣營盤街，有一間小小的泰國料理，舖面容不下一張檯，只能在街外擺摺檯。。。第一次是兩個人來，吃了不多，但味道實在不俗，不遜九龍城的泰國菜館，所以，後來召集了一大班朋友，再來一遍，嚐盡多款菜式，如冬蔭功，燒魚，串燒等等泰國味道，還記得該店連飲品也沒有，要走去九江街某間士多買汽水，啤酒，最後埋單每人只須七十多，便宜到發笑。不過擺街檔，始終會有一定風險，隨時被附近居民投訴，到時候食環處一定公事公辦，果然，不久便結業了。幸好，最後他們也找到地方，另起爐灶，地點也是在長沙灣，青山道近發祥街，連店名也改為Tum Yum Thai。雖然算是同一個飲食圈子，但這晚為友人紅叮在此慶祝生日，差不多人面全非。結婚的結婚，移民的移民。不用等十年，只要是三年，人事已幾番新。以前在營盤街年代，賣的是不花巧，但正宗的泰國料理，還想念他們的燒魚，把香茅插進魚身內一起燒，每一口魚肉也帶有香茅的香氣。今次吃的泰國菜，差不多全部由爐兄安排，大多也是在外面吃到的菜式，泰式生蝦是必然之選，與大眾在酒店吃自助餐，例牌要三文魚刺身，同一道理。咖哩炒蜆很大隻，肥美飽滿又鮮甜。青木瓜沙律辣度溫和，大多人也接受得來，沒有下鹹