泰閣 (中港城) (已結業)

海南雞飯五花百門，上至酒店下至茶餐廰都有供應，算是融入日常生活中。海南雞我較喜歡吃泰式的，在曼谷當地吃很平，沾沾辣汁，送碗凊湯，過癮，是行完夜市食宵夜的鐵膽。 在乜餐廳都自稱有「海南雞飯」的今天，究竟是泰式？南洋？文昌？也不太重要吧。 今回吃的餐廳主打泰菜，咁我預期它的雞是泰式，即是沒有黑醬油，像曼谷街頭那類。 午餐「海南雞飯」$73 一般食肆為控制成本，用冰鮮雞，明白。「雞無雞味」就預咗，不會奢想有肉鮮，但求醃料或醬汁補救，補漏拾遺。。。 味道平淡似白切雞，雞肉尚算滑，係比較肥，多雞油： 師傅調配的辣汁，應該有下過功夫，吊翻起個味，叫做「一汁救全家」？！。至於如燈塔一般高的白米飯，沒雞油香或椰香，乾白飯一堆。可能餐廳想做到曼谷街頭海南雞飯 feel，附送冬瓜湯。味精水一碗，聊勝於無： 「喇沙雜錦湯金邊粉」$63 如實報道。調味不差，湯唔夠熱，粉煮得太腍。呢啲大路 set lunch 可能是一早已經煮定好，等上桌，所以出來效果有點糟： 「百香果蜜」、「泰式紅花茶」各一杯。一模一樣樣，味道大不同。前者是假 • 香甜 (程度似廁所香精)，後者是真 • 激酸。鹹魚青菜，各有所愛，餐飲不去要

挾著米芝蓮推介的美譽，就來試試泰閣的泰國菜。晚餐時段只得小貓三四隻，只有兩台顧客，完全不用等候。後來發現其他顧客全都是講國語的內地遊客。服務員帶位後放下餐牌，完全沒有介紹，於是自己慢慢看餐牌。點了冬蔭公湯(二人份)，柚子烏頭魚沙律，黃咖哩牛腩配牛油烤餅，鹹魚炒椰菜苗，及兩杯特飲，一杯羅望子梳打及一杯大樹菠蘿石榴梳打。羅望子梳打味道極酸大樹菠蘿石榴梳打只飲到梳打水味柚子烏頭魚沙律是第一次試的配搭，烏頭魚起了骨炸過，沾上柚子沙律汁香脆美味，值得推介黃咖哩牛腩咖哩味濃，牛腩炆得軟熟，但薯仔很硬不入味。牛油烤餅配咖哩吃是最佳配搭。鹹魚炒椰菜苗太多油，味道太鹹，但椰菜苗炒得爽口。整體價錢合理，但絶不建議點特飲！

我食咩都無所謂，朋友們決定空降尖沙咀嘆泰菜。中港城平台幽暗寜靜，有海風有海浪聲，舒服浪漫。多謝朋友們厚愛，百忙中抽空跟我地 9 月之星慶生日，大解慳囊萬分感激。泰式生蝦，巨大雪球放正中，非常有趣。再鋪上晶瑩鮮蝦，美輪美奐，還有七彩繽紛的泰式酸辣汁陪伴左右。細心地每隻蝦已放上酸辣汁渣及蒜片，再用尖辣椒、苦瓜片伴碟，最慘在座朋友們都揀飲擇食，這不吃苦瓜、那不吃辣椒啊！無緊要，等我來！眼測蝦身似乎有點乾，都劏左好一段時間了！如果游水即劏的話，理應濕潤飽滿，表面黏黏立立令架呢。滾上酸辣汁給點滋潤，正宗傳統食法夾埋蒜片苦瓜辣椒齊齊啪入口。各味融合清新擦出火花，甜酸辣甘吊出淡水蝦鮮味，爽彈有質素，食得過。暹邏炸魚餅，魚味咸香濃濃，檸檬葉味突出，剛好互相平衡。質地微彈而油膩感顯著，沾上甜酸汁蠻不錯。落單時見神州阿嬸呆下呆下魂不附體，我已專登講 3 次要炸墨魚餅，何解係都要比魚餅我呢？您覺得西芹比西蘭花更好嗎？仲要反駁話係我錯，我係點魚餅！阿嬸您到底有無細心聆聽？不如返鄉下學好廣東話先落黎啦！離晒大譜，費事同您嘈，再落多次炸墨魚餅！咖哩軟殼蟹，完全分屍四散，初時大家都估您唔到囉。蟹仔偏咸，炸得鬆化脆身

啲野係幾好食，但服務態度好差事源我打電話叫外賣，冇餐牌係手同佢講午餐東陰公湯既粉，個staff係咁問我LB幾，我同佢講load唔到個餐牌出黎，佢仲係咁問我係LB幾？我話我想要東陰公，佢先話係咪LB04？轉頭我睇返餐牌，原來有幾個東陰湯，我已經覺得原來佢求其hea我，咁我打返去confirm返我係要東陰公海鮮，個staff叫我等等就cut左我線！咩料！？食店食物味道重要，但服務態度都好重要！雖然呢間唔係咩貴野，但服務差到咁係唔可以接受！

員工服務態度極差!整個過程十分不耐煩 我們想留著菜單等等再點 員工堅持收回菜單 并叫我們要點菜時自己拿回菜單點菜!為我們下單時又不斷吹促我們快點 明明整間餐廳不超過三組客人!菜式款式正常 味道一般唯冷氣開太大 如我所說餐廳客人不多 但冷氣突然開大 大到聽到冷氣機聲和出風位的聲音 根本沒需要衛生差!我的碟沒有洗乾淨 朋友的匙羹也一樣十分失望 不會再光顧!十分不推薦!

今日我同兩個朋友到呢間餐廳晚飯，我用 open rice apps 訂位，非常方便！兩個朋友先去攞位， 負責接待嘅係一位女經理， 我朋友同佢講幾位訂咗幾點， 跟住行埋咗一邊等， 然後呢個女經理搞掂嘅時候就同我朋友講：喂，呢邊（ 點解可以叫個客做阿喂嘅呢？）之後到落單， 個個都好似唔願做咁， 黑口黑面對住你，幫你寫單。我哋3個人嗌咗 一個細冬陰功、 炒椰菜苗、 辣椒膏炒蟹、 豬頸肉撈麵、 一份薄餅、 一份串燒 同埋三杯大樹菠蘿冰， 承惠$855。上面所講嘅餸菜味道都好好， 而且比預期出色，賣相亦好吸引，最驚喜係個辣椒膏炒蟹，好惹味， 所以先嗌嗰份薄餅點埋啲 汁！本來美食可以抵銷佢嘅唔禮貌同埋服務態度， 仲話再嚟幫襯， 不過到last order嘅時候，我哋就咁同佢講要一份串燒，串燒有豬牛雞三款， 我哋冇留意到原來個餐牌上面寫住三款揀兩款， 落單時個侍應亦都冇問我哋要邊款， 到上菜時六串全部都係雞， 因為我食雞有敏感， 於是我就搵咗一個侍應問佢點解全部都係雞， 個侍應就答你哋自己落order嘅時候話要雞， 我哋話我哋根本上唔知要揀， 呢個時候個侍應同我講咁你搵返幫你落order嗰個人講啦，

今晚相約友人去吃泰國菜聊一晚。來到泰閣，感覺是很舒適既餐廳，餐牌上的價錢也是合理晚巿價，寒暄一會後，我們點了3味餸菜和飲料。醃肉生菜包我們點豬肉，肉是乾身一點，微辣，没驚喜的菜式。令我深刻印象的是... 吃生菜真的要檢查清楚才可放入口。冬蔭公海2客在泰國餐廳不能不手點的菜色，我是一個「冬蔭公控」，對這湯是帶有點期望。這湯色澤、材料、酸度、辣味都很好。我愛它材料多，嘴嚼材料讓它的冬蔭公味更立體，而且很香，加了很多分。要挑剔的只有個人是喜歡再辣多點，份量應該double。南瓜紅咖哩海鮮這個值得推薦。我們本身都不太熱愛南瓜，但看到這個配撘就點了來試，想不到有驚喜。甜甜的南瓜🎃肉配上微辣的咖啡和海鮮，舌頭同時有多種味道輪流刺激，但剛好適中地讓你一一感受到它們，是一種享受。服務方面，我覺得一般，但環境是真的不錯，很靜很舒服。整體而言，我是會再度來吃的。

每次中學同學聚餐都離不開泰國菜，人人都愛泰國菜的香口美味，次次都幫襯九龍城，確實食到有點悶，而且九龍城的泰國餐館真係唔多好坐，傾計也不方便，食完就要走🚶🏻‍♀️不太盡興突然想起公司附近有泰國餐廳，lunch試過都唔錯，地方舒適寬敞，而且Openrice 訂枱仲有85折😍😍 👍🏻戈泰式蝦餅彈牙爽口味道鮮甜泰式椒鹽軟殼蟹蟹肉多汁，味道香濃泰式炒秋葵秋葵好新鮮黃咖哩羊肉羊肉好淋嫩滑，而且入味黃咖哩雞🐔🐔雞肉嫩滑有咖哩香味👍🏻食咖哩當然離不開蒜蓉包，勁香蒜蓉味

第一次寫食評，因為真係忍唔住要鬧呢間餐廳，服務態度奇差，19:00五個人入去，連埋我哋得五枱人，我哋坐低咗枱面得四份餐具，成10分鐘都未俾餐牌，最終要開聲問佢攞餐牌，要問佢先俾多份餐具，期間冇staff走過埋嚟，之後叫咗4個椰青，又要我地開口問先有飲管，最搞笑係D staff開始覺得我地煩，掉d飲管响枱面。食到尾聲聽到隔離枱話有碟餸好多蟻，好有禮貌咁要求換，個staff又係一面唔滿意。到差唔多食完未埋單時，有兩個朋友去咗廁所，d staff就即刻走嚟執枱，問都冇問就連食嘢隻碟同刀叉都收埋，但隔離左右啲枱都係無人坐，如果你係有人等，你執枱要我走我明白嘅，但你都無客，搞笑嘅係有啲未食完嘅餸佢又無執放響度，我地就算想食埋佢都唔敢再問佢哋再要餐具。五個人食咗6碟嘢，除咗碟生蝦唔掂，其他嘢都唔係好差，埋單九百尾，又唔係貴，正常係唔會為咗一餐平平無奇嘅飯寫食評，但真係好想啲間餐廳知道，d staff要再train過。

平時我地既家庭聚會都係揀酒樓. 因為太多人. 次次都13-15人咁~好大陣象~所以選擇真係唔多~不過我地今次試新野.黎呢度試下...坐低見到呢度有2人, 4人,6人同8人餐..咁我地13個人點叫好呢?!我地決家叫左個8人餐先 $1480, 之後再散叫野~ 呢個餐已經有11款菜式~真係超誇張..其實呢個餐十個人都夠食...8人餐-金柚子鮮蝦球沙律, 酸酸甜甜好開胃~8人餐- 泰式小食拼盤, 都係得4款野者.每樣6粒...如果8人都唔係好夠分既..XDD8人餐--泰式魚肚羹, 因為有老人家, 同埋唔係個個都食辣, 所以就揀左呢個, 放棄冬陰公...><8人餐- 泰式炒通菜, 唔會出事既野黎~8人餐- 招牌咖哩炒蟹, 好大只蟹, 反而只蟹太大, 個個都懶食..只食個汁.個汁一流... 我地為左個汁, 叫多左好多野...蒜蓉包5塊+ 油酥餅 @$38, 係咁點汁食......8人餐--泰式明爐魚, 我唔食呢D 魚既..PASS~8人餐-泰式蝦球炒金邊粉, 幾好味又入味~8人餐-原個菠蘿炒飯8人餐- 海南雞, 好滑好味~我欣賞佢.一打串燒沙嗲, 跟餐有一打, 之後我地再ENCOR

本來想食的餐廳要排長龍等位，所以隨便在附近找了餐廳吃晚飯，怎料食物質素有點令人失望。菠蘿炒飯賣相還好，但質感令人大失所望，飯太軟太濕，不香口。冬蔭公湯不過不失，但份量有點少。炒通菜太油膩，一般般。豬頸肉沒有驚喜，還好。明爐魚最正常，有爐火加熱，不會很多骨。而服務態度有改善的空間、希望下次去另一間食店會遇上美食啦！

果日新同事心血來潮，好想試下公司樓下呢間泰閣，做得耐嘅我當然知道呢間餐廳中午時段起碼等20分鐘以上啦，於是叫同事早D落去排隊，所以好順利地食到午餐。人多可以食多幾個唔同嘅菜式，今次有四位，所以揀左四人自選菜式套餐，仲有冬瓜雞湯，每次來泰閣都會揀醃肉碎生菜包，可以揀雞肉或者豬肉，呢個菜式系我其中一個最鐘意嘅菜，碎肉中有濃濃嘅天然香草味，辣中帶天然香，配上新鮮生菜，簡直系最佳搭配。雖然我唔系好食得辣，但卻食得好過癮，飲淡凍水繼續食，碎肉亦都可以配白飯食，一樣甘好食。另一個系黃咖喱牛腩煲，牛肉好嫩，而且牛肉系一條條絲甘，都系一D靚部位來做呢個菜式，黃咖喱很濃香，唔會辣，咖喱汁送飯都可以完成一餐。其實泰閣仲有其他好好嘅菜，例如冬陰功海鮮湯，咖喱蟹，金邊粉都係值得一試嘅菜式。一開始三位男士以為唔夠食，外表睇落每一碟好似好細，其實碗面細者，碗底好深，最後大家都食都頂住。

星期5晚同屋企人試下呢間泰菜 點左個生幔刺身,炭燒豬頸肉,蝦球金邊粉,  生蝦刺身夠新鮮 ,豬頸肉個汁有青檸味,好開胃 ,炒金邊粉唔錯,侍應仲教我地點青檸汁食好味D~好貼心,值錢再去!!

今日收工同朋友去左呢間餐廳食飯(其實之前去過一次)~上一次去時食物質素麻麻,仲有D衛生問題.....但聽講裝修過改善左衛生,及已經換左大廚,就再去試下,估唔到今次去到有驚喜,蠔仔炒蛋蠔肉夠大,好香,咖哩蟹個汁好好味,蟹都好新鮮~睇黎冇去咁耐但進步左好多!!YUMMY~

同朋友去食飯，嗌左冬陰功湯，柚子沙津，生菜包，泰式炒金邊粉，一個大嘅小食拼盆，仲一人嗌左一杯野飲！大的冬陰功湯係幾正，仲有足料海鮮，仲夠五個人每人飲兩碗！小食拼盆就麻麻地，因為唔熱啲炸物都淋晒！其他都不過不失！食到中途發現有條尾係假天花，一睇之下發現係老鼠，仲要有兩隻，混亂下有隻仲跳左落黎，全餐廳都好驚走左出餐廳外。雖然食物質素係幾好，但真係接受唔到餐廳有老鼠，再睇到OpenRice 發現原來不止一次！！真係唔會再幫襯！啲員工完全無反應好冷靜，打比負責人時仲話：大獲啦佢地又出左黎。佢嘅反應令我覺得呢間餐廳好有問題！