影片
昨日我病到五颜六色，直头带埋卷装厕纸出街个种重感冒，小福子抽起条筋话食泰国嘢。因为个脑根本唔想动，所以随口讲句是但啦!!!个老板招呼我地时，见到我病到咁，不禁暗讽左小福子2句~‘厉害的以毒攻毒法呀！‘、‘女朋友病到咁都带佢黎食泰国嘢，睇黎你真系好钟意泰国菜呀!‘老板好波!!!我昨日无力讲既嘢，老板太给力了。讲番嘢食先，其实已经唔系第一次黎happy thai，但是今次老板实在窝心老板见我病到hihi，所以个猪肉豆腐汤落左重胡椒，令我一饮个人暖晒，无咁辛苦清清地，适合我呢个病人。炒朦粉甜甜地好开胃，d花生放系一角，等我唔洗误食到黄咖哩我地已经配左蒜蓉包，个小福子食到忍唔住加多碗饭就知有几好味啦!涝饭食一流。
继续阅读
约6年前 大围 金禧商场 2楼有间餐厅叫泰开心当时我同几位同学放lunch去左呢间野试下点左个青咖哩牛腩饭...果次之后 我就无再食呢间野而过左无几耐, 呢间舖头都执左。一次偶然既机会竟然俾我系大围再次见到泰开心我立刻相约中同旧地重游誓要再次挑战青咖哩! 望望个餐牌先其实以而家个物价$42一个lunch set已经算系咁学生仲要减$7 (不过我地都已经唔系学生了)旧泰开心个lunch set学生价系$28即系咁多年黎, 个加价比率唔算高, 算系良心企业啊讲讲个餐饮先几特别, 因为无乜其他餐厅会提供呢只饮品原先以为会好淡点知饮落, 又ok重青苹果味㖞所以俾左3粒星 我位中学同学话保险d嗌个猪颈肉炒饭为免真系挑战唔到青咖哩 呢个猪颈肉炒饭确实系炒得几好足料, 够味, 有获气色香味都具备猪颈肉唔un, 几爽口不过略嫌多左少少油俾4粒星 好喇到最后重拾当年味蕾既感觉青咖哩鸡肉饭出埸好感动今次个青咖哩系放得入口重椰香味 唔算辣配埋个鸡肉 几惹味可口只鸡都煮得淋身口感唔错所以今次有4粒星 经过呢次之后 我地同意下次中同生日要黎番呢度食等大家都重拾旧时回忆
继续阅读
大围。其实是聚集了很多餐厅、食肆和发型屋的地方。惜泰国餐馆不多，从朋友口中得知那边有一间不错的泰菜馆，便到积富街看看。积富街变了一条食街了，一到夜晚，车仔面档、夜茶、甜品舖、茶餐厅等，都会在门外「列阵」。其实在此炎炎夏日，对于没有冷气的地方，我通常避之则吉，可免则免！但眼见此时此境（夜晚九时后，食客仍由门前坐到对面马路），虽楼上空调满座，亦不禁蠢蠢欲动一试。先来一客生菜包：味道普通，微辣，但生菜叶十分小，我只好叫它为「一口生菜包」。再来便是生虾：因为没有冰底，又夜了，所以不太新鲜。最令人后悔的炒饭：从隔离台传来阵阵饭香，决定试朱颈肉炒饭，但味道淡，一点辣味都没有，更莫讲朱颈肉！感觉中伏！倒不如叫白饭！比旺角街边还差的串烧：除了牛舌可以入口，牛肉、鸡肉、鸡肾，难吃！最过份是，司华力肠，无可能不好吃的吧，都可以弄得不堪入口！挽回一些希望的虾饼：不错，松软而又弹牙。就此中等价钱而言，食物份量普通尚算合理，但味道质素麻麻。此食肆卖点：靓仔伙记，大排档风格，而店左右有不少酒吧，糖水店，一站式服务。
继续阅读
呢间唔系 Restaurant而系大排档而且个名唔系叫泰菜吗 ? (我不知, 因只知餐牌上系咁写 )我地唔系住呢度架, 不过一向都知大围出名多野食 ! 先前2次行过去食康xx甜品 , 见到都流口水架啦.所以决定一试...烧蚝 $10@ 烧完细只左D 烧圣子 $15@ 第一次食烧既圣子, 比起蒸更好味烧乌头 $66 好味, 烧完都唔觉干身 ! 烧鸡肾 : 一串3件 !烧贵妃蚌 $20@ 老公话好好味, 初初唔明点解佢最贵, 食完之后就明, 必必必必食 !炸虾饼: 一碟3件, 麻麻地 !马拉盏炒芥兰.: 都几辣. 但好野味 !美中不足: 食到后段 落小小雨粉 ! 唔知佢系咪雨季唔开档呢 !老板几好人又识讲笑...
继续阅读
今日无饭食, 即庆同朋友一齐入大围食泰菜.酸辣去骨凤爪 - 落咗好多洋葱, 葱, 香料令去晒骨嘅凤爪好好味, 又爽口.马拉盏炒椰菜苗 - 椰菜苗炒得唔够腍身, 但味道OK 泰式炒蚬 - 严格而论, 个蚬似大花甲多, 泰式酱比一般嘅炒法入味, 可惜分量少咗ddd.炸虾饼 - 炸虾饼爽口, 而且粉浆适中, 好味.烧生蚝 - 蚝不太大, 而且唔太惹味.串烧(牛肉, 猪肉, 鸡肾, 鳝) - 我哋order 嘅串烧都烧得皮脆肉嫩, 配合沙嗲酱, 味美.
继续阅读