泰金鍋

营业中

休息中

試咗潮汕牛肉火鍋放題，兩個鐘任食。尤其係手切牛肉，加上鴛鴦鍋底，選擇都幾豐富。首先，講吓個鴛鴦鍋🥘，揀咗泰金冬蔭功同青檸椰奶雞湯。冬蔭功湯底酸辣開胃，有香料味，辣度適中。至於青檸椰奶雞湯，就比較清甜，可以中和返冬蔭功嘅辣味，而且啱晒淥其他配料。主角梗係手切潮汕牛肉，有吊龍、匙仁、中胸口朥同黑柏葉，牛肉淥幾秒就食得，保持牛肉嘅牛香。吊龍有油香，匙仁爽脆，胸口朥甘香，黑柏葉爽口。除咗潮汕牛肉，仲有M6和牛、牛胸腹、豚梅肉、羊肉等選擇，可以滿足唔同口味。M6和牛油花分布均勻，牛胸腹油脂豐富，豚梅肉嫩滑，羊肉就冇羶味。自助區嘅選擇都好多，有海南雞、水果、多款丸類、蔬菜、海蝦、甜品、糖水，應有盡有。甜品同糖水就款式多。

今次同朋友嚟到呢間主打泰式火鍋的「泰金鍋」食火鍋～～除了可以任食多款肉類、串燒同泰式小食，仲有新鮮流水蝦🦐可以任夾！而家仲多了手切潮汕牛肉任食，即刻嚟試試🤩🤩-🍲120分鐘泰式火鍋 - 手切潮牛餐✨湯底揀咗「馬來娘惹叻沙鍋」同「青檸椰奶雞湯鍋」，兩款味道濃郁～我就鍾意「青檸椰奶雞湯」多啲🥥！味道酸酸甜甜，充滿泰式風味🇹🇭🇹🇭肉類方面，包括有手切潮汕吊龍、手切潮汕匙仁、手切潮汕匙胸口朥、新鮮黑栢葉等手切牛🐂～款款肉質軟嫩，牛味重🤤🤤另外仲有澳洲產M5和牛、美國產下肩胛肉眼、嚴選特級牛胸腹、巴西牛舌等，全部質素都唔錯！！自助區有多款火鍋配料、熟食、甜品、雪糕、飲品可以任食任飲，仲有新鮮流水蝦任夾～～流水蝦即夾即燒🦐，肉質爽彈鮮甜！同朋友忍唔住夾咗好多隻食🤣🤣甜品方面有綿綿冰機、泰式甜品、中式糖水同雪糕等，好多選擇！我就鍾意自整綿綿冰🍧，好玩又好味👍🏻👍🏻

今日同媽媽黎食呢間泰式火鍋🤣好特別，第一次試，湯底比平時既多左d泰式湯底，例如：喇沙、冬陰公湯底，今次簡左一個喇叭一個蕃茄湯。簡左澳洲產M6和牛放題120分鐘，牛方面推介牛小排，色澤均勻，而且重口味。🤣 d蝦識得扮訓，一搞佢就郁，蝦係大頭蝦，有驚喜！菜仲有我最愛既通菜簡呢到好多唔同泰式嘅食品，沙嗲串燒食，同埋一d泰國既甜品，例如泰式奶茶，菠蘿沙冰，椰汁西米糕等等。中式甜品 紅豆沙、綠豆沙都有，不過黎到想試平時出面冇食開既野。雪糕仲有dreyer’s 同好多童年回憶雪條簡😝

今次嚟到旺角創興中心泰金鍋食泰式火鍋放題🌟餐廳主打無限量，任捉大頭蝦、自製刨冰🍧、仲有新推出四款潮汕牛肉‼️極度推介青檸椰奶雞湯鍋😍超級濃稠嘅椰奶雞湯，帶點微微酸～不辣推介之選👍🏻當然唔少得自己捉嘅大頭蝦🦐肉質爽口，味道新鮮🤪另一款海鮮之選：墨魚滑🌟豬牛雞泰式沙嗲串燒，沙嗲非常香口，但係唔辣㗎🌟自家製韭菜餅🌟韭菜非常飽滿，煎得香脆😆自助吧火鍋配料高達40種😱😱醬汁配料亦都好齊全架😆仲有熟食自助吧，仲有一款啱食😆捉大頭蝦之前要準備一桶冰水，咁啲蝦就唔會彈嚟彈去啦🤣飲品除咗基本嘅罐裝飲品外，仲有泰式飲品，例如泰奶、香茅水～甜品方面，就有雪糕雪條、各款泰式甜品、自製刨冰、以及四款中式糖水‼️🌟超多甜品選擇😍😍最後食埋飯後果就圓滿～～

終於嚟咗想食好耐嘅泰金鍋🤭之前喺網上見到佢除咗有得打邊爐，仲有勁多泰國小食同甜品，已經覺得好吸引，今晚終於搵到人陪我👍🏻原來佢出咗個新嘅任食潮汕牛套餐，當然唔執輸要試吓！潮牛餐有4款特別食材，分別係吊龍、匙仁、黑柏葉同埋匙胸口朥，本人最推介匙胸口朥，入口係超級爽脆滿滿油脂🤤其次吊龍肉味濃郁有咬口，滿足晒同行牛魔王朋友！湯底誠意推介青檸椰奶雞湯，超濃郁嘅椰奶用嚟打邊爐竟然出奇地好食！不得不提出面嘅自助區，大旺小食包括海南雞、大蝦粉絲、泰式沙律等，鍾意食活蝦嘅仲有個大水缸可以自己撈🦐最吸引我嘅係泰國必食嘅椰汁西米布甸，我食咗3個真係勁滿足😍

超級大伏，不可一，不可再。畀咗二百幾蚊，入到餐廳坐低行咗一圈發覺，無野拎得上手番枱食，期間一直有種怪怪既感覺，原因最尾講。餐廳的火鍋區有大量既空位，只係擺咗幾款出嚟，基本都揀唔上手，菜就只有可憐既3款（如圖）。沙律吧係無嘅，海鮮區係空嘅！熱食區有幾樣選擇：咖喱雞，豬肉碎，冬陰公湯，仲有D煎餃之類既小食，大概係得咁多。飲品區只有罐裝飲品，基本的咖啡機、茶包，甚至熱水都係無！泰奶當然係無啦！要再講一次，除咗罐裝飲品外，係無其他飲料。甜品區的選擇係零呀，整個甜品區都係空既（如圖），唯一既甜品係隔離雪櫃的幾款平價雪糕雪條。除咗沙律吧、海鮮區、甜品區係空之外，連生果都係無！西瓜哈蜜瓜香蕉一件都無擺出嚟！真係佩服夠膽咁樣開餐廳，連擺幾件餅同生果出嚟扮有甜品供應都唔做。進入餐廳後，會有好逼同好嘈既奇怪感覺，發覺身邊有很多泰國的旅客，原來係一間接待旅行團既餐廳。一批團友食完又換另一批上來。終於明白餐廳點解係咁既質素。

泰式邊爐實在太正啦 仲要咁豐富😋今次同朋友過嚟觀塘嘅泰金鍋 食咗個Set B 澳洲產下肩胛肉眼餐🥩首先食邊爐前 可以揀五選一嘅名菜✅我哋今次食咗特色泰金烤魚 煎得好甘香 魚肉好嫩滑🥰食完名菜之後就會上自選湯底嘅泰式火鍋🤍有超多款泰式湯底揀呀 青檸椰奶雞湯/馬來娘惹喇沙/冬陰功/檸檬香茅等等等等 我哋今次揀咗椰奶雞湯 濃郁嘅椰香 淨係湯底已經好好飲呀💕任食澳洲牛 澳洲產下肩胛肉眼 澳洲產草飼羊肩肉🍗除咗有任食嘅澳洲牛同羊之外 呢度最正嘅仲有可以自己撈嘅新鮮蝦同埋鮑魚 全部都超生猛勁新鮮🦐親自捉鮑魚海蝦放題🌟仲有呀仲有呀！自助區仲有超多泰菜食品同飲品 連泰式奶茶同煲仔飯都有 仲有超級多選擇嘅泰式甜品🍧佢哋自助區係每日都換新㗎 仲有綿綿冰機添已經同朋友約緊嚟多次啦 大家都快啲過嚟試吓啦💕

泰金鍋✨，一個泰式火鍋放題，最近在觀塘開新分店，這裡的環境和餐具都潔淨得讓人感到舒心！一進店內，就彷彿被濃厚的泰國風情包圍住，真是讓人心動不已。😋這裡的即撈海鮮更是新鮮得讓人口水直流，有活鮑魚和蝦🦐，肉質鮮嫩，讓人忍不住想要來一頓海鮮盛宴！ 這次我選了B餐🌟的澳洲產下肩胛肉眼餐，價錢是$298，早鳥時段只需$268，性價比極高，讓我感到非常開心🤩。而且還有一個超有趣的優惠活動，參加“估泰文遊戲”，答對了可以減$10呢！，9點後入座更是直接8折。 菜單上琳瑯滿目的選擇讓我目不暇接！在正式開始打邊爐之前，我們先來 手撕雞，嘿！這道菜的 花生及配料香脆，在口中咬下去的瞬間，鮮香的雞肉非常誘人💕 隨後，我們開始火鍋模式，選了一款✨ 一人一鍋蕃茄鍋煎魚湯及豬骨湯 😍。這湯底真的是精彩絕倫，濃濃的風味包圍著我，滋味讓人開胃無比。特選牛胸腹的肉質香濃，油脂均衡，讓理想中的味道一一實現😋！ 除了牛肉，這裡還有豬肉、海鮮、手打墨魚滑等豐富選擇，簡直是一個小火鍋的世界！自助吧裡都有新鮮的蔬菜、丸類、各式自製醬料、泰式雪糕和甜品，讓人每一口都可以充滿驚喜。 泰金鍋不僅把火鍋的美味做到了極致，還滿足了我對泰國

this place is next level! imagine an AYCE hotpot spot… but w bottomless thai dishes (hainanese chicken, satay skewers, YES PLS) and a live prawn tank where u can catch ur own shrimp to throw in the pot!the broths? creamy lime coconut chicken had me obsessed, and they’ve got laksa, sukiyaki & more. the quality of the beef was p good, esp short ribs which were tender w great marbling. my frds loved the ox tongue. beefball/ fishball those basics were mid nglthe desserts OMG… UNREAL…. the pandan coc

叫咗個平啲嘅100分鐘餐（M6和牛），冇時間影相。呢100分鐘，實在過得太充實，太滿足。任食嘅小菜有咖喱蝦海鮮，蝦炒飯，仲有非常好食嘅蝦粉絲（真係好好食，但係我提醒自己要留返個胃去食和牛😅)唔使另外加錢可以每人揀一個湯底，我哋2個人叫咗藥膳豬骨湯同喇沙湯。個湯本身味道已經好足夠，打邊爐嘅材料基本上唔需要點醬。但係出面都有好多醬料同埋配料比大家選擇。最好玩就係出去夾蝦，遇到啲生猛嘅蝦，真係有少少難夾，不過真係好過癮！！將生猛嘅蝦放入去打邊爐，感覺當然新鮮啦！全部都係大頭蝦，蝦肉非常結實爽口彈牙，唔算係鮮甜，但係超級多羔，橙色嘅，黃色嘅、深紅色嘅樣樣都有齊。仲有非常多嘅蝦籽，多到整蝦籽撈麵都得。M6 和牛對得住個價錢，個人就更加鍾意牛胸爽，肥而不膩，好香。牛脷都好好食，羊肉都唔錯。不過呢個餐貴啲係因為有M6，所以叫咗好多碟M6。兩個湯底，尤其是喇沙湯，放入大頭蝦同和牛之後，最後攞嚟淥蔬菜… 實在，唔識形容咁正。生果有菠蘿蜜瓜同西瓜，有甜品朱古力蛋糕、雪糕、刨冰…. 但最正係佢嘅芝麻糊… 好香。員工服務態度非常好，牛肉係落單後1分鐘內送到，雖然我叫100分鐘，大概最後15分鐘左右停咗手機落單

實在泰出色，火鍋食得多，泰式火鍋真係第一次今日同朋友仔黎到觀塘亞太中心試下特式火鍋，淨係湯底已經選擇困難一入店 已經聞到勁香椰奶雞湯味但係酸酸辣辣冬陰功又好吸引最后决定黎个B餐《澳洲下肩胛肉眼餐》包120分鐘任食 牛胸腹+下肩胛肉眼同豚梅肉牛肉質感鮮嫩，牛味濃郁，肥瘦適中，食落相當嫩滑very nice晚市觀塘分店仲每台仲送海鮮拼盤入面有鮑魚 | 生蝦 | 蠔| 花甲| 扇貝 | 墨魚仔海鮮拼盤 相當新鮮及豐富自助區除左有20到30款火鍋配料選擇外，仲有好多泰國特色小食，前菜有青木瓜沙律同酸辣鳳爪，火鍋配料必點既炸豬皮、秘製海南雞、泰式沙爹豬肉、牛肉、雞肉串燒，當然唔少得甜品，係椰汁西米糕，椰香味突出，勁好味不得不提既係呢度既泰式奶茶也太好味了（最正係可以整綿綿冰，可以加入自己鍾意嘅配料，好似椰果、仙草同三色珍多冰加埋落泰式奶茶入面心真心正打邊爐熱辣辣，整返一杯就正晒

今次行完旺角周圍搵野食, 旺角係其中最多野食揀地區之一, 因為想食下打邊爐所以就揀左呢間食, 第一次食, 整體感覺係可以接受既, 而且地方都算大, 坐得唔迫, 有好大既空間可以行既走廊, 自己比較喜歡呢類型既餐廳, 又唔會因為同隔離台太近而太嘈.食物方面, 整體算多選擇既, 牛既多少種類就睇下你揀邊個set, 不過牛既味道都算OK 而且食落都有D牛味, 係其他地方食過火鍋試過真係比較沒牛味沒鮮味.不過今次比較失望既好多蝦都訓哂覺... 所以最後都沒揀蝦食了.甜品雪條都係牛奶公司, 相比其他就比較遜色.>>>總結<<<食物質素可以接受而且環境OK, 坐得舒服, 失望既係蝦訓覺了

今日去咗泰金鍋食活蝦自助餐，一入到去，環境好有泰國風情呀，裝修充滿住色彩繽紛嘅元素，仲有個個性化嘅綠植牆同埋可愛嘅擺設，感覺就好似一秒飛咗去泰國咁。講下食物先，活蝦肯定係主角啦，睇住啲蝦喺魚缸入面游嚟游去，新鮮度十足。灼熟之後，蝦肉彈牙，鮮甜多汁，正到爆。個馬來娘惹叻沙鍋湯底，香料味濃郁，充滿住南洋風味，同香港一般嘅叻沙相比，呢度嘅更加正宗，辣度同香氣都平衡得好好。美國產肩胛牛小排，肉質軟嫩，油花分布均勻，喺鍋入面輕輕一涮就可以食，口感一流。甜品同飲品區都唔錯，有唔同嘅糖水同埋果汁。不過呢，同正宗泰國當地嘅甜品相比，呢度嘅甜品就少咗啲特色，好似唔夠甜膩同充滿泰式香料味。價錢方面，兩個人食咗六百幾蚊，包加一服務費，喺自助餐入面算係中等價位啦。小缺點就係人多嘅時候，取餐區有啲逼，而且有啲熟食例如炒粉類，放耐咗就有啲腍，影響口感。同其他同類型自助餐相比，泰金鍋嘅海鮮新鮮度有優勢，但熟食類就有待加強。其實食泰式自助餐，最鍾意就係可以盡情享受各種充滿異國風味嘅美食。每次食到正宗嘅泰式香料味道，就會諗起去泰國旅行嗰陣嘅美好時光，喺街頭巷尾搵好嘢食嘅日子。而家喺香港都可以食到類似嘅味道，雖然唔一定一

我想分享一下我喺年初一夜晚打邊爐嘅經歷。我地喺晚上9:25入座，可以食100分鐘，單上寫明離座時間為11:05。然而，喺我地用餐期間，buffet嘅食物似乎喺約10:20至10:25之間就已經被提前收走，汁醬都已經包好保鮮紙，甜品亦被收走。入座時並無收到buffet結束時間嘅提醒，令我地感到困惑。此外，我發現碗碟嘅清潔程度不如預期，整體來說，我對今次嘅經歷感到非常失望。另外，食完後第二天我肚唔舒服，雖然不確定係唔係同餐廳有關，但我都可能不會再考慮呢間餐廳。

這家火鍋餐廳位於熱鬧的商業區，環境寬敞舒適，適合聚餐。這裡的火鍋選擇非常多樣化，可以滿足不同口味的需求。湯底香氣撲鼻，特別適合喜歡重口味的食客。新鮮的食材是這家餐廳的一大亮點，尤其是新鮮的蝦，肉質鮮嫩，口感滑順，煮熟後更是鮮美可口。此外，餐廳還提供各種蔬菜、豆腐和肉類，每一種都新鮮可口。特色甜品值得一提的是，他們的泰式糕點也非常受歡迎，作為火鍋的配餐很合適，讓整體用餐體驗更加豐富。價格方面相當合理，考慮到食材的新鮮程度和多樣化的選擇，性價比很高，適合家庭聚餐或朋友聚會。經Openrice訂仲有優惠！這家火鍋餐廳不僅提供多樣的火鍋選擇，還有新鮮的蝦和美味的泰式糕點，環境舒適，非常適合聚餐。無論是與家人朋友共聚，還是享受美食，這裡都是不錯的選擇！