影片
港铁尖沙咀/尖东站 B1 出口, 步行约8分钟
继续阅读
电话号码
63119111 (WhatsApp)
营业时间
今日营业
16:00 - 00:00
星期一至日
16:00 - 00:00
以上资料只供参考，请与餐厅确认详情
误打误撞揾到间隐世泰国餐厅，好好食仲好抵食，我哋一行六人，叫咗11样卖单只系$1600几🤩🤩老板娘冇收我哋开瓶费，超赞😘！ 我哋由六点半坐到夜晚差不多十一点，完全冇限时，啲服务劲nice，属香港少有嘅良心餐厅。我哋一致好评，真心值得推介！ 🙌🙌🙌🙌🙌客人唔多，我哋同老板娘倾咗一阵， 原来厨师系泰国人，喺香港已经有十年饮食业经验，怪不知啲𩠌菜全部都可以做到咁啱香港人口味。啲𩠌菜可以拣BB辣/小辣/中辣/大辣！我哋就全部叫BB辣同小辣😌🍤虾饼 ～ 好食，弹牙！秘制酱颜色几靓😂但偏辣，不过又同虾饼好夹😋😋😋😋🍗牛油鸡翼 ~ $60/6只，几大只，抵食！😋😋😋🥚百花酿皮蛋 ~ openrice睇相几靓，所以叫咗，不过味道比想像中普通，皮蛋干咗DD，反而出面层肉够味几好食😋😋🦀咖哩炒蟹 ~ 只蟹几大只，新鲜有膏！咖哩汁好好味少少辣，劲多葱/芹菜同洋葱，好入味，夹手抓饼超好食！本来仲有配蒜蓉包，焗到金黄色超靓😍，我觉得单食都好好味😋😋😋😋🥬马拉盏炒椰菜苗 ~ 几惹味，好食，食到椰菜苗甜味😋😋😋😋🥩火山排骨 ~ 排骨新鲜好大件，唔算好入味，反而个汤酸酸辣辣好开胃超正，仲有劲多葱同莞茜，我至爱，yummy!!😋😋😋😋🥘 冬阴功海鲜汤 ~ 好味！个汤酸辣味啱啱好，海鲜有虾有青口，大头虾几新鲜，青口好大只！😋😋😋😋🐦金杯鸽松 ~ menu见唔到，系老板娘私心推介！一上枱就知道系心机手工菜。服务员教我哋先试原味，再加青柠汁试提升咗嘅味，果然食得出层次，好正！对我黎讲系几辣，但好好味，个皮超脆，劲香口！😋😋😋😋😋🐽卤水猪手 ~ 好淋，味道几好！😋😋😋
继续阅读
同朋友聚会大家想食泰国菜，然后有人推荐食依间韩国街附近新开嘅泰国餐厅，话食过性价比高，所以我哋就去咗试一下。•🔸泰式生虾刺身 $118食泰菜必定会叫泰式生虾，呢到既生虾够大只，口感爽口弹牙。钟意食生虾嘅人必定要试吓。•🔸泰式无骨凤爪 $78无骨凤爪数量都几多只，三个人食完全唔使争。如果本身重想嗌埋沙律开胃但又惊食唔晒嘅朋友可以拣呢个，因为呢一碟嘅配菜同其他舖头比较相对较多而且好新鲜，满足咗细胃口但想食凤爪又想食沙律嘅愿望，系一个几好嘅前菜选择。(🤭小提示🌶️如果好怕辣嘅朋友可以同店员查询返可唔可以减少少辣椒，因为佢哋味道都真系几正宗，唔系得几块辣椒碎装饰个种。)•🔸冬阴功海鲜汤(小辣)$198冬阴功汤可以自己拣辣度，唔会过酸过辣，而且有青口，鱿鱼同虾，满满嘅海鲜，非常抵食。我饮冬阴功首要条件一定要热辣辣，呢间餐厅最好嘅系汤会同火炉一齐上，一路㷫住，唔使赶住趁热饮晒佢，或者有压力惊冻咗唔好饮。•🔸泰式虾饼拼春卷 $88我每次食泰菜都会挣扎叫虾饼定春卷，但全部都叫又会怕食唔晒，呢度啱啱好可以满足我两个愿望可以两样都食到。虾饼外层好脆内里好弹牙，春卷系网状个只，炸到金黄色好吸引，脆得黎有层次感而且有满满既馅好正。酱汁方面除咗平时每间都有嘅泰式甜酸酱，仲多一个带有香料味比较酸嘅特色酱汁，同其他餐厅唔同可以换吓口味。最重要炸物放咗一阵都唔会即刻变到出油或者淋咗，重系脆既非常抵赞。•🔸芒果鱼 一上枱大家见到觉得超有惊喜，原条鱼份量好足，好多肉，加上有满满既青芒果丝，摆盘好靓好适合打卡。鱼既表面炸到脆卜卜，但肉依然保留到嫩滑既质感，加上经过调味酸酸辣辣嘅青芒果丝，成个菜都好醒胃唔会因为炸左而觉得漏。(小tips: 呢道菜系无喺menu入面，想食嘅话可以预约时问一下。)———————————————💬总结，服务好细心，侍应哥哥除咗会先了解你食既辣度再比你建议之余，重会成日留意大家枱面情况会唔会唔够水，同埋都尽量收咗枱面唔用嘅嘢等我地坐得舒服啲。食物上你会睇到厨师嘅心思，我哋𠮶日叫嘅每样嘢都系好食同有水准，而且份量唔会少，性价比高。整体地方都好干净，枱同枱之间位置好宽敞好适合一家人或者聚会去。唯一系地点唔系地舖所以大家要多留意一下大厦名。下次想食泰国菜一定要去试埋其他菜式先得🤭亦都会推荐我啲朋友去试下👍🏻👍🏻👍🏻
继续阅读
误打误撞上楼食泰国菜真系大碟夹抵食，性价比高，环境舒适坐得舒服叫咗芒果鱼，店员推介，上枱够哂份量，配上芒果丝口感够清新，好开胃火山排骨我至爱，一字排骨够淋，最欣赏佢个汤底，味道好正唔会好似冬阴功汤咁酸辣虾卷拼虾饼都好好食，特别系个酱汁值得下次再光临
继续阅读
同朋友食生日饭，第一次去试，入到去环境干净企理，三个人坐嘅位阔落之余亦倾到计。见到餐牌价钱亲民有惊喜。店员介绍咗两个菜：一个系芒果鱼，一个系炒花甲，朋友想食火山骨，我想食泰式凤爪，再点多个生菜包同泰式拼盘！因为我哋几个都唔食得好辣，落单前已吩咐小辣。芒果鱼有惊喜成条鱼都炸到好脆，骨都食埋，仲有芒果好鲜甜。火山骨都要赚，个汤好鲜，唔会得死辣！花甲系原来系店员即日喺街市买，所以限量供应，所以好新鲜！买单每人$300左右、好抵食，下次会再去！
继续阅读
同朋友系尖沙咀行街行到攰，咁啱见到呢间楼上嘅泰国菜好似几抵食就去试下，店员推介我地食生虾刺身（$118）做头盘先作为海鲜控嘅我当然唔错过啲虾大只得嚟仲要劲弹牙跟住试左个辣椒膏炒青口（$128）因为我唔系好食得辣所以本身都惊辣椒膏会太辣店员听到即刻劲细心咁帮我同厨房讲少辣个辣汁开胃到忍唔住要叫个酥饼沾嚟食青口吸收晒啲香料同辣椒嘅香味然后食左个卤水猪手（$148），一嚟到见到个份量有啲吓亲😂劲大碟🫨开始担心2个人会食唔晒个卤水汁劲香，猪手肉完全唔鞋，好正送饭一流如果唔系有啲饱一定会叫个饭嚟捞猪手汁临走嘅时候见到另一边系卡位嚟个私隐度极高啱晒gathering 下次一定会叫多啲朋友一齐嚟食野🙂↕️
继续阅读
您可能会有兴趣的...