泰華餐廳飽餅廊 (已結業)

好耐冇上嚟幫襯, 今晚嚟食晚飯, 味道依然係咁重................. 鐵板蒜茸三色扒配意粉未叫之前諗緊佢會有邊三種扒呢? 豬扒同雞扒一定有, 牛扒就少機會d, 淨返果種扒我以為係火腿扒, 但原來係司華力腸..........豬扒只有小朋友的手掌咁大, 司華力腸仲只係得半邊, 最大塊都算係塊雞扒, 正常size, 其實响茶餐廳食, 預咗唔係好嘢, 亦都會乸到冇哂肉味, 呢度都唔例外, 而且佢個意粉係煮得太林果種, 成個鐵板係越食越鹹....... 蓮藕湯我諗我地呢碗係last果碗, 因為飲飲下聽到d伙計吖中湯沽清, 同埋碗湯係超級濃味, 濃到我唔識分佢係落得太多鹽定係真係煲到超濃縮............ 鮑魚片雞粒蝦仁紅米炒飯其實佢係石頭飯, 不過我未食過石頭飯係濕到咁, 可能因為紅米難煮掛? 通常石頭的熱力會焗乾飯入面d水份, 到食果陣會乾身d同埋有d飯焦, 佢係完全冇不特止, 但係好濕lor~~~飽魚片好少, 但都唔夠雞粒少, 我淨係間中見到d雞皮, 都唔覺有肉, 蝦仁就多, 不過全部細細粒, 仲好明顯見到黑色蝦腸的急凍蝦仁, 所以其實都冇食過d蝦,,,,,,,,,,

真係食到冇嘢好食, 食評唔想再重覆, 所以就算叫咗2個餐, 都係寫之前冇寫過那個餐, 廢事好似寫嚟寫去都係果樣嘢, 以為我做媒~~ 雪菜肉絲炆米望落好似好正, 但食落有少少焦味, 唔知係咪猛火炆到過咗火? 但佢又唔係好乾wor~~ 又有d汁, 不過陣焦味唔算好嚴重, 完全可以接受, 不過我d味覺/嗅覺太好啫~~佢d雪菜太大粒, 同埋硬咗d, 而d肉絲又係太粗太大條, 唔夠仔細~ 凍朱古力唔夠朱古力粉, 味道淡咗少少, 已經少冰, 如果唔係會仲淡lor~~

成日都嚟呢間食TEA, 都係貪佢兩點鐘已經開始, 但食就冇乜選擇............ Q版干炒牛河呢碟簡直完全唔掂, 成碟令立立, 好似油浸咁, 食完都肥幾磅呀~~ 雖然味道唔係好濃, 但由於太油, 所以都唔係好想食.............. Q版菠蘿雞絲炒飯都唔係雞絲, 係雞件, 舊舊都好大舊, 夠哂咬口, 味道又偏淡, 夠哂健康~ 凍奶茶OK 凍好立克叫咗少冰, 但由於呢D係要用熱水先沖, 所以嚟到再搞搞, 成杯已經冇哂冰, 哈合~~ 夠哂抵飲~~

食咗咁多次茶餐, 食到都好似冇乜好食咁, 但我唔食得辣, 見到星洲炒米都唔敢叫, 今次冇乜選擇, 所以叫咗, 但order時講明要少辣...........佢地果然做到, 咁樣我又多一個選擇喇~ 星洲炒米證明佢係即叫即炒, 而唔係炒定响度, 因為我叫少辣, 佢真係唔係好辣, 雖然仲有好多辣椒圈, 但顏色比人地叫果D淺色, 即係落少咗咖哩粉去炒, 不過佢好重椰子味, 但又冇理由落椰汁去炒架, 因為會太濕, 唔通佢係用椰油去炒? anyway, 炒得唔錯, 又唔會太油, 算幾乾身~ 但餸方面好似唔夠多, 得少少蛋絲、叉燒絲咁, 好似食緊炒淨米粉咁~ 熱菜蜜最鍾意佢用厚杯去裝, 唔知點解飲落會冇咁熱, 而且好似好味D? 佢本身沖出嚟味道唔太濃, 所以唔會覺得好甜, 唔錯架~

原來呢度出名牛腩(佢自己話), 但嚟咁多次都未試過, 趁今日唔係好餓, 我試牛腩粉, 老公繼續食佢的炒公仔麵............ 牛腩河河粉的份量都算幾多, 而且唔會煮得太林或者碎哂, 仲夾得起,.............相反牛腩只得4-5舊, 仲要係舊舊肥腩, 切得又細舊, 每舊仔有1/3係肥膏, 但瘦肉果度又真係幾林, 幾有肉味.........湯底佢話係牛骨湯, 但飲唔出, 唔太重骨味, 好清, 連舊蘿蔔都係冇乜味................. 三絲炒公仔麵三絲有火腿絲、豬肉絲、雞絲, 今次聞到有少許焦味, 但食落又冇, 不過就好乾身............. 凍奶茶+熱檸水 凍奶茶叫佢少甜, 但佢少埋冰, 真係好喇~ 熱檸水好細杯, 但竟然有4塊檸檬~

又到咗happy friday, 放咗工又唔想煮飯的日子, 諗唔到有咁特別想食, 所以又嚟呢度食就算.........今次叫兩個是日晚餐~ 合掌瓜煲豬骨每次都覺得佢d中湯係超濃, 因為煲咗成日, 乜都濃縮哂咯~ 熱辣辣咁飲, 真係好正........ 鐵板牛扒拼雞扒跟飯鐵板喳喳聲上枱, 但渣唔夠半分鐘, 就已經冇哂聲氣.........哈哈~ 牛扒當然係超薄果種啦, 雖然冇乜牛味, 但又未至於乜味都冇, 我反而覺得佢有少少鹹咗d 雞扒都算幾大塊, 肥膏亦唔算多, 都冇雪味 跟果個飯只係白飯, 如果係炒底會好食d, 同埋唔係好夠汁撈飯 咖哩豬扒配XO醬芥蘭粒炒飯呢個超抵食, 有一碗咖哩豬扒, 然後一大碟炒飯, 真係估唔到有咁多....... 咖哩豬扒個樣好似好辣, 因為面果層紅油好勁, 我片開唔要, 食落d咖哩都唔係好辣, 好勁椰香味, 係有少少偏鹹, 而d豬扒就un咗d, 雖然已經切開一舊舊, 但都係難呀, 佢仲足足有一塊咁多tim~ 個炒飯只係菜粒加XO醬炒, 但味道淡淡地, 加少少咖哩汁先夠味 凍菜蜜+熱菜蜜味道唔太濃, 唔會過甜, 啱啱好

是晚好彩唔係咁多人, 有卡位坐, 又對住電視機, 正~見到是日晚餐有好耐冇食過的葡國雞, 所以好快咁決定咗食呢樣, 但仲要諗多樣, 突然聞到隔離枱好香, 原來係石鍋飯, 好似好正咁, 所以我地又叫1個……….. 羅宋湯 平時都係飲開中湯, 但今晚竟然七點未夠咁早冇哂, 唯有選擇羅宋湯……………平時飲開d羅宋湯都係少少辣, 但呢度完全唔覺有辣味, 又唔見有辣椒油响面, 好啱我飲, 而且都好足料, 差不多半碗都係湯渣………… 韓式首爾牛肉石窩飯 石鍋送上枱時非常熱, 由於面頭有隻生雞蛋, 所以要趁佢仲熱果陣, 快速將蛋混入飯中, 一路混一路聞到陣香味, 口水都流………………原來呢個首爾牛肉d汁係有少少辣, 好彩我仲接受得到, 但d牛肉好大舊, 好厚好un, 只有少數係林的~~ 成個飯最正當然係飯焦啦~~ 佢冇廣式煲仔飯整得咁焦, 只係輕微變得金黃色, 又脆脆地, 超正~ 葡汁焗豬扒拼雞球意粉 我將飯轉咗成意粉, 但好後悔, 因為佢d意粉係正中茶餐廳意粉, 又肥仔又林, 好彩焗過下, 抽乾咗少少, 冇咁林咋~~ 下次都係叫番飯好d……………佢唔係淨葡國雞, 係拼咗豬扒, 所以餸旳份量分薄咗

今晩唔知做乜咁多人, 搞到連卡位都冇, 淨返d方枱..............但算啦, 求其食完就走, 冇乜所謂~~ 況且唔係好肚餓, 都係叫做陪老公要食個晚餐咁解, 所以我自己都係叫個粉, 佢就叫個晚餐…….. 金菇肥牛炒烏冬size一般, 但d餸就按比例算係幾多, 不過幾油下, 好彩d肥牛冇想像中咁肥, 但食完個嘴唇係閃令令的 木瓜湯都幾濃, 唔知係差不多到底, 越煲越濃 熱菜蜜OK 雞絲湯檬雞絲少咗D, 不過檬粉算幾多, 都食唔哂, 至於個湯底都OK, 唔會好勁味精

第一次走嚟呢度食下午茶, 估唔到係超多人, 好彩啱啱有1枱人走, 因為係全場爆滿, 你想搭枱都冇位, 我地啱啱坐低, 已經有兩父女跟手搭枱, 真係遲少少都唔駛食................. 日式雞扒撈一丁原來所謂日式, 即係用照燒汁, 再加少少木魚絲, 雞扒size一般, 但好肥, 而且偏鹹, 一丁煮得過林, 冇哂彈性 串燒拼薯條有3串, 分別有雞、牛、豬, 每樣各一串, 但佢又唔係用沙爹汁咁濕, 但味道好香, 唔錯, 牛偏un, 雞個皮好香口, 豬肉質散咗d, 原來薯條點佢串燒果d汁料係好正架~~~ 熱菜蜜+熱奶茶正常茶餐廳應有味道, 唔特別, 不多講

唔知係咪下午茶仲頂住, 所以未係好餓, 但我老公就餓, 所以都要去搵食, 選擇呢間, 係因為佢有好多選擇, 有粉、麵、飯、小菜, 最後係叫咗1個set dinner+1個粉 青紅蘿蔔湯明明坐低時聽到隔離枱話冇中湯, 但後來又, 其實係因為到底, 驚唔夠, 所以話定比人冇, 其實底呢d先係精華, 超正, 超濃味~ 炸魚角湯檬有4舊三角形炸魚角+1舊白蘿蔔, 魚角唔錯, 唔會有腥味, 舊蘿蔔好林好甜, 整體上好適合冇胃口的人, 淡淡地, 但又加多少少炸蒜茸, 好香~ 鮮茄班塊拼粟米雞球飯好大碟, 好抵食, 老公差d食唔哂.............. 鮮茄班塊有4舊, 炸得好脆口, 但我覺得好鹹 粟米雞球有好多舊, 但d雞冇乜味, 而且好肥好在個面夠芝士, 食到一絲絲, 正................ 凍檸茶唔知點解自己1杯時會覺得飲得好辛苦, 但2個人share飲就覺得好好味,,,,,,,,,,,,,,,

預備去shopping之前都要醫下肚先, 上次食過呢間都幾抵, 今次再encore~~ 又係叫2個最抵食的是日晚餐~~ 冬瓜湯+熱菜蜜落單時亞姐問我地飲中/西湯, 我地話要中湯, 跟住佢話係冬瓜湯, 但D冬瓜煲到溶哂架wor~~ 哈哈, 唔通佢驚等陣d湯冇一舊舊冬瓜, 我地會話貨不對辦, 所以預先講定??? 不過咁仲好, 證明夠哂火喉, 夠哂清熱熱菜蜜用厚杯飲, 特別好味 XO醬豬扒炒烏冬估都估唔到豬扒仲多過烏冬, 唔通D烏冬仲貴過豬扒?? 味道好濃, 尤其是食到底, XO醬沉哂底, 食一啖就要飲啖水.......... 茄汁焗石班雞扒飯焗飯通常會焗到d飯一pet pet, 好似一哥焗豬扒飯咁, 但呢度就唔會, 因為佢只係淋d汁上面, 然後焗一焗溶d芝士就算, 所以d飯仲好乾身~~ 乾身雖然係好, 但當你一拎起d餸, d飯係冇汁的, 如果多d汁就會好食d~~~石班同雞每樣只有半塊, 可能係雙拼關係掛?? 不過石班唔係石班, 只係普通平價魚柳, 但未算係好差果個品種~~ 而雞扒就OK, 普通茶餐廳貨式~~

去姑姐屋企同表弟玩...食雞食厭了!!轉下新口味..叫泰國野試下喇香茅雞翼唔入味...咩味都冇!!!只係層皮有d炸粉味串燒既肉類..燒得太老...好多都變黑左!!!個沙爹醬又太濃...太多花生!!拼盤中既野..又有冇味既雞翼!!!唔錯既蝦餅!!!春卷入面好多菜絲葡汁天使麵: 幾入味!!但係凍既

見此店新開張，試了一份快餐。例湯是豬脷煲紅蘿蔔，湯夠甜，不覺有溝水，材料很多，有兩片豬脷，不太油。鱆魚肉餅飯，有很香的鱆魚味，肉餅不老，飯餸也夠大份。即磨咖啡，很香濃，有水準。可惜沒有帶相機。三十大元一份．比快餐店便宜，服務態度很好，老闆說外賣單還未印好，的確夠新。下午茶剛巧有同事請吃此店的蛋撻，酥皮很鬆脆，不太油．三元一個，不算便宜，論品質當然不及我的摯愛金鳳。