泰苑泰國菜館 (已結業)

同事話這間泰菜午餐可以兼有位·點知中伏·同事吃得津津有味·但以我這樣咀尖·真的吃不下·泰式奶茶可以·但泰式牛肉濕炒河差差差·(负三十分) 全碟吃了两啖·又唔熱又油·味道全不是泰式·是不倫不類的港式·唔好味道·怕太油吃壞肚皮·八成半無吃·四十六元抛入大海!一定不再來·

一入到去感覺幾好, 我安排坐卡位, 幾舒服~我點咗個每次食泰國菜都會叫嘅炒金邊粉, 佢 lunch set 有湯, main course, 飲品同甜品首先黎咗個應該係菜湯?! 見個湯幾清, 有啲雜菜係度, 個味唔差嘅,不過幾咸下... 自人認為... 佢可能落幾重味精之後係金邊粉, 份量 ok 嘅, 唔算細碟, 平時食果啲通常少少燈燈地嘅色, 會有蝦同其他野一齊炒, 呢個就啡啡地色, 有少少雞肉片, 同不同嘅雜菜同有幾條菇，其實味道真係唔差, 不過淡番啲會好啲飲品係龍眼冰, 甜度幾好, 個餐可以跟呢頪特飲, 而家唔駛加錢, 要俾個 like 佢,甜品係黑糯米, 份量唔多, 不過....唔好咁甜就好喇, 我食咗兩啖就放棄喇..

數星期前吃過此泰國餐廳後朋友心思思想再番兜, 二人一拍即合即日重賽 逄星期一,三有數款以蝦為主的特價菜; 星期二,四則以魚為主 上次吃過特價烏魚, 今天則巧合地特價菜是朋友喜歡的大蝦 但由我發板選了羅望子燴大蝦; 泰式炒金邊粉和燒雞半隻 泰式炒金邊粉的醬汁酸甜度適中,帶點香辣, 非常開胃, 蝦肉也爽口, 但是略嫌醬汁下得頗狠, 以至金邊粉過份地吸收醬汁以至有點兒糊口。燒雞: 泰式的燒雞給我的感覺有著原始風味, 燒雞熱騰騰地上枱, 至於雞是那個方或做出來(燒/焗) 我也不太清楚, 但是皮脆肉嫩則是肯定的, 而且雞肉充帶點肉汁, 配合兩款醬汁 (酸甜醬, 照燒醬) 令味道更加提升。 羅望子燴大蝦: 其實點此菜時純粹出於好奇, 有人稱羅望子為酸子, 味道酸甜可口 在泰國菜中經常會以此植物調味, 除了羅望子外還加入了新鮮胡椒, 洋蔥碎, 青紅椒等。大蝦又大又爽口, 而且把地道泰式醬汁的濃郁味道完全收吸收, 蝦膏鮮甜味美, 此時此境我更震要是一碗白。奧賣割!~ 碟上的是心形白飯, 甜到問你點頂?! 不浪費食物是我的宗旨, 結果連汁都到撈埋, 巧滿足的一餐。

是日中午，三位同事一起去食。本來想帶他們到老巴剎食咖喱，但要等位，而且又沒有通知我們要等到幾時。同事喊走，我們就改食這一間泰苑，不吃馬來西亞咖喱，改食泰式咖喱。此餐廳吸引我們的原因，就是不用排隊，雖然不是一入黎就有位座，但一黎到就不用在門口等，是快樂的一件事。相信大多餐廳的午市時段，都預計所有客人都會來食午市套餐。所以人人都有一碗例湯飲，而我明白到，例湯一詞，就是慣例俾你的湯既意思。你可以不飲，但不得不要。而今日的是西洋菜湯，雖然是清清的一個湯，但味道卻是偏咸。 同事叫了一個泰式豬手飯，充滿膠質的美味鹵豬手，愛濃郁味道的我垂涎慾滴。食過的確是非常之香，而更好的地方就是肥而不膩，肥肉已轉化為美容同保健的骨膠原。 我同另一位同事齊齊叫上黃咖喱，一個雞肉咖喱，一個豬肉咖喱。我雖然把兩個咖喱都影了沙龍，但執相當日，因為看不到裡面的肉而分唔出邊個找邊個。只知道黃咖喱帶有椰汁的味，加了double cream今到咖喱更加的香。可是雞肉同豬肉片的份量實在是少，味道好但有少少覺得唔夠喉。

一向很喜歡灣仔這個華洋混集的地方, 而且美食也數之不盡, 至於中, 西, 日, 泰, 茶記等也輕易搵到。 晚上十點半後到此正在尋覓開餐的地方, 想不到已有很多餐廳也打烊了 由於不想到茶餐廳開餐, 在沒有心水的情況下, 唯有見有光線的地方也進去問問 發現了此新開的泰國菜 (前身是茶餐廳), 幸好大廚也樂意為我們服務。菠蘿炒飯: 以原個菠蘿上枱, 份量多到滿潟 以豐富的配料配上乾身炒飯, 而且菠蘿也是新鮮貨色, 水準表現。 明爐烏魚 (是日特價) 由於烏魚已售罄, 取而代之是海爐魚 雖然說是特價但幾對交足功課, 香茅, 蔥, 椒絲, 椰菜絲, 香菇等, 用料非常豐富, 另外再付上一小碗湯底作隨時添加 先來呷口湯底, 是酸甜而開胃的清湯, 過了數分鐘後, 爐上的湯也開始卜卜地跳起來 正式開餐了, 先試口爐魚, 魚肉比烏頭淡口, 也不夠結實, 但此魚的優點是魚骨不太多, 對怕吐骨的我絕對優勝 而豐富的配菜令人越吃越有, 而小女子對此湯的喜歡程度可以當湯般渴下雖然份量不小但最後也能完成。 不設加一, 相信不難成為我倆的番兜再番兜之餐廳。

:香茅黃金虾沙律Amazing ingredient and dressing with generous lemon grass and purple onion, etc. Fish potGenerous chive, mushroom and other ingredients made this fish pot an outstanding one, the soup is clear without too much MSG.This restaurant is newly opened last Nov, worth to go before the cooking has changed to more localize. Saw numbers of foreigners in two dinners during the week. The place is clean and decent with numbers of booths. Price is reasonable but be prepared the dishes weren't come in