泰簡單

营业中

休息中

銅鑼灣的泰簡單，開業已超過廿年，近年經過翻新後，環境精緻，讓人彷彿置身於泰國度假村。無論是室內還是陽台座位，氣氛都很輕鬆。正宗泰國菜式亦令人回味！我們點了幾道招牌菜，先是*蝦醬炒飯，配料相當豐富，除了香噴噴的炒飯，還有鮮嫩的豬肉片、惹味的香腸和雞蛋絲。炒飯炒得火喉十足，粒粒分明，帶有淡淡的蝦醬味接下來是*泰式黃咖喱雞，雞肉入口嫩滑，完全不會油膩，咖喱味道濃郁帶微辣，令人食指大動。最後還有*馬拉盞炒通菜，有著十足的鑊氣，通菜爽脆無渣，香口惹味。蒜、辣椒和豆醬的香味交織，特別適合搭配白飯。

今日經過銅鑼灣又忍唔住上黎食番餐～ 最鍾意呢度環境舒服，野食又岩味道。同朋友叫咗幾款，差啲食唔晒😂🥣酸辣排骨湯用料十足。味道酸酸地同時刺激嘅辣味非常開胃。豬排骨燉得軟嫩入味。分咗5碗呢🥢蟹肉米粉 & 飛天通菜蟹肉米粉香氣撲鼻，搭配埋蔬菜一齊食。味道提升層次。而飛天通菜味道非常重😆用黎伴飯非常合適。🥢泰式炒飯炒飯加上太陽蛋，切開流汁，炒飯香氣四溢，夠晒經典🥤飲品- 柚香鮮提子冰：柚子的香氣與新鮮提子的甜味完美融合- 芒果汁：濃郁香甜

睇到成間店既店員都係泰國人，餐廳既裝修充滿泰國風，精緻既裝飾同泰國屋仔，仿佛置身於巴堤雅。蝦片係送既，算係酥脆可口，薄餅偏油，略為一般。咖喱豬軟骨，豬肉軟嫩入味，咖喱夠香，椰奶味都好重。蟹肉炒飯，米飯粒粒分明，蟹肉鮮甜。咸魚炒芥蘭既鹹香勁濃，讓芥蘭回味不少。椰青水新鮮清新，而芒果菠蘿汁都夠鮮甜，但佢個泰啤真係略嫌有點貴（$80）。食物整體真係有泰國風味，服務都屬有禮，有耐性。座位夠寬闊，係朋友、家庭聚餐既好選擇。

「泰簡單」位於總統戲院的頂樓，可於樓下搭𨋢直上，由電梯門口開始的裝修已有滿滿的泰式風情。燒豬頸肉沙律👍👍豬頸肉烤得非常香口，有炭燒的焦香，再配上自家製酸辣汁，很是惹味。用生菜包著豬頸肉及青瓜一起吃，啖啖肉，同時可以減低油膩感。推👍沙嗲串燒六串豬牛雞各兩串，三款肉都非常鮮嫩，外表香脆，裏面仍然保持肉汁。另付上蜜味沙嗲汁及多士。濕炒海鮮河粉廚師非常慷慨，海鮮和河粉的份量都非常充足，河粉炒得滑溜，亦有鑊氣。鹹魚炒芥蘭芥蘭新鮮，也爽脆，沒有芥蘭的苦味，加上惹味的鹹魚，香味更濃郁。真心CP值高，有泰式風味，價錢合理。

銅鑼灣呢間泰國餐廳由泰國廚師主理，連大部分店員都係泰國人，好似真係去左泰國食野咁呀😆Indoor燈光柔和、裝潢精緻，outdoor則較chill、有度假feel，同樣適合打卡。🦐鮮炸蝦餅拼香辣炸魚餅 $92炸蝦餅外炸得香脆，蝦肉鮮香彈牙。炸魚餅帶冬陰功香料味道，非常開胃😍🥬飛天通菜 $95整個菜式帶香濃蒜、辣椒、豆醬香味，通菜爽脆入味，送飯更好食👍🏻🌶香辣炒蜆 $118醬汁惹味偏甜，唔係太辣，適合唔太食到辣嘅朋友。蜆炒到剛熟狀態，肉質鮮嫩。🍍菠蘿炒飯 $128以原隻菠蘿盛載，配料分別有魷魚、鮮蝦、雞絲、炒蛋絲、菠蘿粒等，再以肉鬆鋪面，飯底粒粒分明有鑊氣。🥭黃金夢 $60以新鮮菠蘿汁、芒果汁調製，果香味道突出，飲得出係新鮮水果嘅甜味而唔係糖漿嘅甜😋💚鮮番石榴汁 $52同樣以新鮮果汁製成，粒粒果肉頗有口感，味道香甜清新。

-銅鑼灣呢間泰國餐廳由泰國廚師主理，連大部分店員都係泰國人，好似真係去左泰國食野咁呀😆Indoor燈光柔和、裝潢精緻，outdoor則較chill、有度假feel，同樣適合打卡。 🦐鮮炸蝦餅拼香辣炸魚餅 $92炸蝦餅外炸得香脆，蝦肉鮮香彈牙。炸魚餅帶冬陰功香料味道，非常開胃😍 🥬飛天通菜 $95整個菜式帶香濃蒜、辣椒、豆醬香味，通菜爽脆入味，送飯更好食👍🏻 🌶香辣炒蜆 $118醬汁惹味偏甜，唔係太辣，適合唔太食到辣嘅朋友。蜆炒到剛熟狀態，肉質鮮嫩。 🍍菠蘿炒飯 $128以原隻菠蘿盛載，配料分別有魷魚、鮮蝦、雞絲、炒蛋絲、菠蘿粒等，再以肉鬆鋪面，飯底粒粒分明有鑊氣。 🥭黃金夢 $60以新鮮菠蘿汁、芒果汁調製，果香味道突出，飲得出係新鮮水果嘅甜味而唔係糖漿嘅甜😋 💚鮮番石榴汁 $52同樣以新鮮果汁製成，粒粒果肉頗有口感，味道香甜清新。

今日收工同同事去咗食想食好耐e間餐廳全部嘢都好正好好味兩個人叫左好多野食- 泰式鳳爪，好好食剝咗骨，味道偏辣，但係正宗泰國風情- 蠔餅煎蛋，味道剛好。沒有有一點腥味，材料比例剛剛好。有芽菜蠔餅蔥同蛋。加埋辣醬停唔到口- 泰式通菜，正常發揮- 菠蘿炒飯，有蝦魷魚提子肉鬆新鮮菠蘿，相賣相很好，配料豐富。- 漫天飛花, 鮮火龍果加橙汁。酸酸甜甜十分開胃。- 薄荷葉梳打，有驚喜，好有泰式風情。我幾鍾意e杯，因為唔會太甜，幾fresh

想食泰國菜但又諗唔到邊間好？呢間泰簡單絕對會滿足到你，餐廳名又易記😂我地叫左鹹魚炒芥蘭，味道香濃，芥蘭爽口，勁有層次，真係食唔停口跟住就係濕炒海鮮河粉，大量既海鮮新鮮彈牙，河粉滑溜又有獲氣，濃郁嘅醬汁又好掛湯汁，份量亦都好足夠兩個人食呀😌燒豬頸肉亦係必食之選，燒得啱啱好，肉質嫩滑，配埋特製醬汁，包埋d 生菜一齊食個口感正到不得了仲叫左細冬陰功，酸辣開胃，味道係偏向酸味多d, 岩哂黎醒胃。飲品方面，菠蘿芒果汁清新解渴，紅豆椰奶亦都唔錯，椰香四溢，紅豆綿密😉呢間餐廳泰國人係主理，質素好，價錢合理，係銅鑼灣一個唔錯嘅選擇，岩哂朋友黎聚餐呀！

今次去咗銅鑼灣嘅泰簡單食lunch🍴呢間泰國餐廳真係有驚喜㗎😲環境好chill好適合同三五知己嚟打卡影相📸店內裝潢得好有泰國feel坐落喺度食嘢感覺好似真係去咗泰國咁🌴 首先個木瓜絲蝦沙律真係幾正🥗蕃茄仔花生鮮蝦🍤🍤蝦乾蒜頭同青檸嘅組合❣️酸酸甜甜開胃得嚟每一啖都好過癮🤤加埋青瓜平衡咗沙律嘅味道🥰食落去真係好fresh😋 講到泰式炒米粉我就更加讚不絕口👍🏻👍🏻🍜豬肉嘅香味💙💚加上椰菜花🥦蘿蔔同雞蛋嘅黃金組合💛💛炒得啱啱好唔會太濕又唔會太乾🤤🤤每一啖都係滿滿嘅泰國街頭風味👍🏻再嚟就係鹹魚炒椰菜苗🌿呢個菜真係夠晒味❤️鹹魚同蒜頭嘅香味撲鼻而來😆😆炒得火候剛剛好☺️每一啖都食得出鹹魚嘅鮮味‼️同椰菜苗嘅爽口真係好夾👍 炸蝦餅都唔可以錯過吖🍤金黃酥脆嘅外皮包住嫩滑嘅蝦肉🩵🩷一啖咬落去外酥內嫩味道正宗得嚟又唔油膩真係炸物之選👌 飲品方面心有靈犀同漫天飛花都超級靚🍹雜果梳打🥰珍珠芝麻💚石榴汁嘅組合清新得嚟又有層次😋😋而鮮火龍果同橙汁嘅漫天飛花🍹🍹就甜甜地飲落去好似夏天嘅微風咁舒服🌬 最正嘅係侍應都係泰國人所以食物嘅味道真係好正宗🇹🇭好似身處泰國咁👨‍🍳你下次想食泰國菜記得嚟泰簡單試吓啦👣

Fried Rice with Beef米飯豐富柔軟,牛肉塊鮮嫩多汁,與青蔬相輔相成,清爽不膩。調味恰到好處,既不偏甜也不過於鹹,讓人一口接一口停不下來。Grilled Pork Neck Sa 豬頸肉香嫩多汁,表面焦脆帶有微微的煙燻香氣,搭配酸甜帶辣的泰式醬汁,酣暢淋漓。這道菜無疑是享用泰式風味的最佳選擇。Roasted Pork with Thai 豬肉肥嫩,又有泰式香料的濃郁風味,口感層次豐富。搭配涼爽的涼拌食材,清新爽口,大大提升了整體用餐體驗。Kale with Salted Fish清脆的羽衣甘藍與鹹香濃郁的鹹魚絕配,碰撞出了新的滋味。這道菜清新不油膩,讓人感受到泰國菜的精緻與活潑。Flour Jelly CoconutQ彈的椰子凍配上綿密的米粉凍,再淋上香濃的椰奶,清爽順口,令人回味無窮。這道甜品完美地詮釋了泰式甜點的特色。

愈來愈多中菜元素混入嘅泰國菜，唔係次次去都食到嘅平價午餐👇🏻銅鑼灣返工大多會喺呢間泰國菜食過，總統戲院執埋佢都仲屹立不倒，通常係多人之選，最近唔知係咪換咗廚房嘅關係，有時仲會見到啲港式小菜喺weekly lunch嘅menu度,呢日都係試咗weekly menu裏面嘅item～👉🏼辣炒烤豬肉寬粉（$63）寬粉仲以為係酸菜魚嗰啲，點知原來係腸粉😂😂真係估佢唔倒😂見到menu上佢特別有兩隻辣椒，以為佢好辣，所以叫咗少辣，點知食落一啲辣都無，不過夠鑊氣唔多油，食落唔太膩，都唔錯。烤豬都幾香口，但個份量真係少得可憐，只係啲烤豬真係少過滯，得嗰幾片，同埋腸粉嘅份量都唔多，食量大嘅唔推薦～📍泰簡單銅鑼灣謝斐道517號總統戲院頂樓✨️呢個價錢喺銅鑼灣已經算抵，仲要包野飲，順帶一提，揀汽水嘅話，佢地包埋冰底都唔加錢架～

今日跟同事去咗銅鑼灣總統戲院上面食泰國菜。聽講呢間泰國菜館評價甚高，而且價錢亦大眾化。餐廳裝修精緻，營造出一種輕鬆愜意的氛圍，讓顧客彷彿置身於泰國度假勝地。餐廳既有室內座位也有室外座位，室外座位特別適合在天氣涼爽時享用美食。🥢 木瓜絲蝦沙律清新爽脆的木瓜絲配搭咗鮮嫩的大蝦，連埋泰式酸辣醬汁，口感好清爽，絕對適合夏天食用嘅開胃菜。🥢 鮮炸蝦餅蝦餅總共有四大件，每件重切開一半，相當細心。蝦餅嘅外層炸到金黃酥脆，而裡面係鮮嫩的蝦肉，既有酥脆嘅口感，又能品嘗到蝦肉的鮮嫩，再配埋泰式嘅甜辣醬，更顯滋味。🥢 蝦醬炒飯除咗炒飯外，還有鮮嫩嘅豬肉片、惹味嘅香腸和雞蛋絲做配料，配料方面相當豐富，而炒飯亦相當夠火喉，炒到好乾身，粒粒分明，食落更有淡淡嘅蝦醬味。🥢 椰汁雞湯椰汁嘅奶香令到呢個椰汁雞湯嘅味道更加濃郁，配合埋鮮嫩嘅雞肉、車厘茄同香菇，湯嘅層次感更顯豐富。🍻 泰國啤酒2杯超大杯嘅泰啤，夠晒冰凍，啱晒夏季飲，既能解暑熱又可清熱氣。

雖然總統戲院已經拆咗 但係樓上嘅泰國餐廳依然屹立不倒 今日朋友book咗呢間泰國餐廳 話環境好chill，好適合打卡 同埋廚師&侍應都係地道泰國人 一於嚟試吓 🔸鮮炸蝦餅拼香辣炸魚餅每樣小食各有兩件 而且每件都非常大件👍👍 蝦餅非常彈牙 點埋泰式酸辣醬真係好出色🤤🔸木瓜絲蝦沙律係食泰國菜必點嘅菜式😋 木瓜絲配上花生同埋大蝦 加埋泰式酸辣汁 非常開胃😆😆🔸椰汁雞湯上菜嘅時候已經聞到好香嘅椰汁味😲 飲個湯比想像中酸同埋有少少辣 有少少以為係飲緊淡咖哩 但係送白飯係一流🤭 而且雞肉嘅份量都好多🔸 菠蘿炒飯賣相已經非常吸睛 用原隻菠蘿上菜😍 飯嘅份量非常多大約有兩碗半份量 而且入邊嘅海鮮料都唔少包括有墨魚仔同埋蝦 當然仲有菠蘿粒 飯炒得好香 粒粒米飯都好入味😚😚🔸 心有靈犀(雜果＋梳打＋珍珠芝麻＋石榴汁) || 漫天飛花(鮮火龍果＋橙汁)嘢飲方面，叫咗兩個特飲 聽個名都覺得好有創意😂 兩個特飲都非常有口感 包括有雜果同埋新鮮生果 另外如果唔想嗌酒精嘅飲品見個餐牌亦都有Cocktail同埋啤酒可以選擇#銅鑼灣小泰國 #chill #地道泰式 #打卡一流 #cwb #hongkong

 冬蔭功 $92味道酸中帶微辣🍋🌶️十分開胃有蝦同大量菇類作為配料🍄口感、味道層次豐富 燒豬頸肉 $96份量十足豬頸肉燒得外皮香脆🥓肉質嫩滑唔韌沾上泰式醬汁🥣酸酸甜甜幾好味👅 馬拉盞炒椰菜苗 $125椰菜苗翠綠🥬口感爽脆食左咁多肉食下菜清新下味蕾🤣 皇宮大蝦蛋網炒金邊粉$138賣相吸睛🤩蛋網包住金邊粉金邊粉炒得乾身🍝入面仲有好多蝦、豆乾、豆芽同蛋🍳口感層次豐富碟邊既兩隻大蝦🦐新鮮厚肉😽肉質爽鮮伴盤既醬鹹香惹味做到提鮮作用👍🏻 泰式奶茶 $40甜度適中🧋奶香濃郁🥛 鮮椰青 $58清甜、解渴🥥 整體而言，餐廳環境好chill🏖️進入左鬧市中既小泰國打卡一流📸食物正宗侍應同廚師都係泰國人🇹🇭佢地用泰文溝通不失為九龍城以外地道泰國菜既好選擇🥰 

今日同FD行銅鑼灣，睇到哩間泰國菜評價幾好，咁試試啦。樓上環境好chill，好有泰國feel，分為室內和室外用餐區，好多地方好適合打卡。全部staff都係泰國人，不過簡單廣東話都OK。心有靈犀，以石榴汁為底，落入蘇打，雜果等配料，飲落好清爽唔會好甜，珍珠芝麻一粒粒口感唔錯。漫天飛花，鮮火龍果同橙汁一齊打汁，橙汁加入唔會好酸，反而有淡淡橙味香氣，好飲。冬陰功，配料有大蝦同埋多種菌菇，湯底好濃郁，飲落酸辣惹味。肉碎生菜包（豬），落咗香葉辣椒同豬肉爆炒，豬肉唔會炒得好幹身。泰式醬汁入到豬肉裡面，再包埋菜葉，好食到停唔落口。蒜片椰菜苗，哩碟餸炒得好有鑊氣。椰菜苗炒到啱啱斷生，食落好脆口香甜。蟹肉炒飯，落咗勁多蟹肉同飯一齊爆炒。米飯炒得粒粒分明，每一啖炒飯都能食到雞蛋或者蟹肉，超好味。