泰禾美

营业中

休息中

九龍城咁多間泰菜，多到唔知點揀，偶爾都會試下唔同新嘅餐廳，但係最後發現冇一間比得起呢間食左咁多年都咁好味嘅。今次又帶左啲未食過嘅朋友黎醫下肚其實次次黎我地都愀嗌嗰幾樣野青木瓜沙律今次叫左小辣 因為之前幾次食都辣到標哂眼水但係個汁又好好食 所以邊救火邊繼續食 今次決定問下有冇得小辣 又真係有喎🤣炸皮蛋外圍嘅蝦餅好彈牙 皮蛋仲要係流心架🤭泰式炒金邊粉唔會太乾又唔會軟稔稔仲有啲小蝦乾加埋落去甜度又啱啱好黃咖喱雞識食咖喱一定係食佢個蒜蓉包同薄餅個咖喱係平時食咖喱蟹嗰隻咖哩其實重點唔係啲雞係啲汁呀好多其他餐廳都做得好稀但係呢度唔會個蒜蓉包上面應該有啲炸蒜再加牛油 其實就算唔點汁都已經好好食喇🤩薄餅一樣脆卜卜成塊浸哂落去啲咖哩汁度再游兩個圈先食係最正架燒鰂魚燒魚可以揀鰂魚或者烏頭我地就覺得鰂魚冇咁多骨同多肉啲最欣賞係燒完之後都仲係好juicy兩個汁都係辣嘅一個酸辣似青木瓜沙律個汁另一個就比較咸個人就鐘意深色個汁多啲最後野飲我就嗌左其他地方好少有嘅奇異果沙冰其實呢度都唔係次次有架酸酸地好開胃 又可以解下辣最重要係唔會好甜 唔知有冇落糖水啦但感覺就算有都得好少朋友就叫左芒果沙冰佢話個沙冰啲冰打得好平

眾所週知，泰國野一定係九龍城食。第一次食依間，就係貪佢門面舊、裝修舊式，咁先食到正宗唔花巧既泰國菜。我地岩岩打完波，打算食小小就算。叫左兩樣加杯沙冰。芒果糯米飯(3.5/5)純粹個人喜好，生平第一次食，因為唔太好甜食。問左芒果糯米飯專家叮叮，依度既椰汁較稀，但都好食。串燒(5/5)靚靚蜜糖燒係面，傻傻分不清係bbq定泰式串燒。特別推介雞腎！依度係有得自選，唔會要你半打簡豬牛雞兩款咁，只要最少4串。食下食下，唔係好夠喉，叫多樣啦！泰式生菜包(4/5)小辣，岩岩有辛辣感又唔會食到好辛苦。依啲先係標準辣度，之前其他既都唔知做乜。非常滿意又有驚喜既一餐！走果陣好多枱客都有叫鱸魚，睇黎係另一招牌！依度2個舖位打通，每枱客都一枱接一枱。另外一提，有位係度做既老婆婆好好人，會提你先食咸食再食甜品，話我地倒轉左冇左個口感。婆婆果然識食。如果依度係意想不到咁好食，我同你就係出奇不意快地合拍！係咪呀叮叮

呢間都算係我既飯堂, 食物價錢親民, 質素不錯.  今次就為大家介紹一下.今次去係因為想去食宵夜, 就去食碗粉食個拼盤開心下.  鋪內招呼你既都係泰國人, 只有一兩位識得廣東話幫你落單.  牛丸河, 札肉河, 三十幾蚊真係交足貨, 牛丸多, 札肉多, 配菜多, 湯底清甜.  佢可以加$10改冬蔭功湯底, 之前試過一次都唔錯, 唔會太辣, 好香口.小拼盤, 新鮮即燒即炸, 一D都唔HEA你泰國野大家要求可能唔同, 但去泰國食野, 都係簡單為主, 大家可以試試呢間泰禾美今次ORDER得少, 下次會再同大家介紹佢既香煎魚同炒菜

新年初三赤口 無諗過真係會同人鬧交去到九龍城 間間泰國菜都好多人食 得依間唔洗等位 所以入去食 點知咁就出事我地兩個人坐低 叫左龍眼冰 黃咖哩蟶子同蒜茸包 等左大半個鐘都未有野食 後面張枱遲過我地入位都已經食緊野好耐 見唔對路就問個侍應係咪漏單啦 佢就幫我地入去廚房跟 之後等多大約15分鐘等有野食黎 但個蒜茸包係淋嘅 好似完全無焗過咁 隔離張張枱食緊果d蒜茸包都係脆嘅 我叫返果個侍應 佢完全唔應我 當睇我唔到 咁我就叫另一個侍應 問佢點解個蒜茸包會咁樣 另一個侍應話張枱唔係佢負責跟 佢幫我叫返一開始幫我地落單果個侍應 佢態度極惡劣 話我地因為叫得小野 所以要等咁耐 因為我杯野飲仲未到 咁我問佢知唔知我仲有杯野飲未黎 記唔記得我落左d咩野野飲 佢話佢唔知 咁即係佢成張單漏晒 依間野真係無下次 唔怪得知唔洗等位

食過甘多間泰國菜，我覺得最最最好味既就係呢間，所以呢間嘢我已經食左超過20次都有。 每次一坐低一定叫左生蝦同燒鰂魚先(因為條魚即叫即燒，所以會耐啲） 生蝦刺身~新鮮美味夠厚肉，最緊要係冇連住D腸男友嗌左象啤，我叫左菠蘿冰蝦醬炒飯~雖然份量唔多，但一碟有成6、7隻蝦，而且個炒飯非常香口芒果沙律~是日芒果超酸，所以都食剩左少少飛天通菜~嫩，唔會過火，剛剛好吃到差不多半個鐘，條魚終於到剌肉質非常鮮嫩，又唔乾，加埋D酸辣醬汁非常正，强力推介串燒腎、墨丸、雞丸骨~肉類燒得剛剛好，唔乾

又來到九龍城呢間餐廳啦🤗～呢度雖然冇靚裝潢，但係勝在泰國人主理，味道價錢都唔錯～所以隊長B決定再來😏～------------------冬陰公蝦湯🦐其實佢有冬陰公蠔湯～本來隊長B係想叫呢樣～只可惜同伴唔食蠔😩😩⋯不過呢個蝦湯都唔錯，湯底微辣夠酸，蝦肉唔算好爽口，但都有唔少，以味道取勝啦Rating💁🏻:7/10泰式皮蛋沙律🥗呢個夠特別，香港人食川椒皮蛋就食得多，但唔多餐廳有皮蛋沙律呢樣嘢🤤，但論味道其實又唔係咁與別不同，辣肉碎亦唔會有皮蛋味，但洋蔥辣椒同芫茜味真係巧巧味😽😽～Rating💁🏻:7/10好味指數😋：7/10翻啅指數🙆🏻：7/10人均消費💰：10-99服務態度👨🏼‍🍳：7/10 乾淨指數🌝：6.5/10------------------------------

去完九龍醫院探病，朋友揸車話去九龍城食泰國野，朋友識開呢間，我就第一次食，我諗下次都會過返嚟間食，因為個味都幾正宗，同埋有啲菜係其他泰國嘢冇嘅，例如豬頸肉生菜包，通常係就咁肉碎生菜包，同埋芒果肉碎炒飯，係幾特別嘅叫左小辣都有啲辣，通菜好食，冇乜榨個飯真心好食，啲飯粒粒分明，好乾身，蝦醬味突出，加埋啲泰國辣醬炒，好夾呢個都算幾平，我哋兩個人食所以叫咗個細嘅，如果多人可以帶一個大，就會多啲嘢食，有兩串串燒，蝦餅，春卷。都幾豐富，春卷入邊有啲粉絲，蝦餅彈牙，串燒普通，最正係個沙嗲醬，唔會太辣，沙嗲味又濃好特別，其他泰國菜唔會有嘅餸，但係豬頸肉比較少，都未食晒啲生菜就已經冇晒好飲，好重青檸味總括依然，其實好多野都以為佢冇咁辣，但真係樣樣野都辣，如果係完全小小辣都食唔到，建議唔好食呢間

九龍城出名多好嘢食，尤其係泰國菜🤤，隨便數每條街都總有３，４間～不過每間都總有屬於自己嘅特色，所以係值得逐間試下嘅🎃～呢間泰禾美，標榜嘅係正宗泰式，小女子食過２次，對佢嘅觀感都唔錯😈～雖然唔係驚喜之選，但無咩參差唔會有ｒｉｓｋ　ｔａｋｅ👾～-----------------------生菜肉碎包🥙份量剛剛好，唔姑寒～肉碎炒得惹味，落嘅香葉都可以match👍🏻，不過不失啦～好怕有Ｄ餐廳會勁放薄荷葉，蓋過肉碎味道不單止，連生菜嘅fresh味都無埋😖😖～Rating💁🏻:7/10柚子大蝦沙律🦐柚子甜甜酸酸的好開胃，加埋乾蒜同紫洋蔥，做餐前小食絕對不錯喔😎～不過蝦方面就好似得２隻有D少啦Rating💁🏻:6.5/10泰式濕炒河🍲除左係泰國，基本上好少喺香港會見到用大碗上嘅濕炒河🤔🤔，呢樣係令人聯想到「正宗」一字嘅，雖然講緊嘅只係一個碟，但擺碟都好重要架嘛😙～唔會太咸，生粉茨做到令河粉入味嘅境界，而且菜料都夠Rating💁🏻:7.5/10青咖哩雞🐣唔知點解，係香港係食唔到堅辣嘅青咖哩😩😩…極其量只係輕輕的辣度，不過小女子都明嘅，好難用食川菜嘅程度同佢比…咖哩汁好好味🍛，用黎送飯一流，又唔算咸，送

上星期到九龍城逛逛，行到攰，諗起好耐無食泰國菜，原本揀X心食粉麵，點知9點幾收工唔接客人，咁咪唯有周圍行，無意發現到呢間叫泰禾美，好似新開啵，就試試啦～兩口子點左幾樣野：-紅咖哩煮雞肉-酸辣牛肉湯河粉-燒原隻雞翼2隻-炒肉碎茄子-椰青-青檸沙冰-白飯飲品先上，青檸沙冰好天然味道，飲落清新，唔錯椰青（椰肉好實食唔到）食物：青咖哩雞肉：很正宗味道，和在泰國食的一樣，配飯一流酸辣牛肉河粉：酸辣平均，很開胃炒肉碎茄子：唔辣的，味道不錯燒雞翼：普普通通埋單二百六左右，食得飽又開心，很值

九龍城的泰菜已經越來越不大衆化和地道。一位泰國朋友仔介紹這間餐廳，今天是第二次食。沒有裝修，只有家庭式餐廳feel.柚子🦐沙拉，多🦐多柚子肉加脆脆花生粒好 fresh ing ，喜歡個汁不太辣，酸甜冬陰公湯，小size 也有5宛，🦐🍄份量也多，酸辣岩岩好。燒大頭🦐即叫即燒，老公不點汁就咁吃也覺得鲜味。一份有3只大暇，老公話比得上在泰國吃的。烤羊架，好juicy，可以點他們自制的sources 食，個人感覺羊肉奄得甜左小小。幾十元有3大片，又不多肥肉。值得一試。紅咖哩🐷，咖啡好夠味，最好是🐷肉一d不肥。配白飯超級好味。炒椰菜苗，炒得岩岩好，又嫩又脆口又不肥。。埋單$500 有找。2人吃真的

九龍城有好多泰國餐廳，近年要搵一間好味既泰國餐廳，比較困難友人喜愛食泰菜，她介紹左泰禾美餐廳可以話冇裝修，不過，望落光猛乾淨聽聞老闆喺泰國人焼雞翼表面唔燶，時間啱啱好，雞肉唔乾，味道唔錯鹹魚椰菜苖，超大碟，表面灑上炸蒜，與椰菜苖一起吃，好味道咖喱炒蟹，重點喺咖喱汁，唔辣，好香，配已薄餅，好夾洋蔥好入味，因為吸引左咖喱汁味道

說起泰菜 一定第一時間想起九龍城九龍城泰菜菜館多不勝數不過說起最受住呵人士歡迎的一定選擇抵食之選因為學生收入有限以住已經光顧這家店不下十次每次都盡興而歸以前係對面舊鋪既時候環境比較焗束現在鋪位較大 較闊落份量不單止多 而且味道十分讚生蝦味道鮮甜好抵食 食得辣可以加上醬汁一起食更加惹味豬肉生菜包比其他店的已經較淡但我仍然覺得咸睇黎我佢同我唔係好夾飛天炒通菜惹味 菜爽脆芝士炸蝦丸好足料 芝士多到一個點但可惜不是流心炸得剛剛好 咬落脆卜卜酸辣鳳爪沙律辣得好過癮食到我狂飲我杯芒果沙冰食完好開胃 如果鳳爪可以整得更軟身就好我個人更喜歡青木瓜沙律無禁刺激 又唔洗吐骨因為我懶今次的炒金邊粉失了水準略為乾了 令粉黏在一起味道亦淡了後來叫的飲品同芒果糯米飯沒有拍照我與友人共三人 食得捧腹而歸連合成糖水也要放棄其他好食菜式仲有燒原隻墨魚 蒜蓉包 青咖哩雞值得一來再來