泰皇閣泰國菜館

营业中

休息中

九龍城不嬲都係泰國菜嘅熱門之選，有唔少泰國菜嘅餐廳，今次同朋友食呢間衙前塱道泰皇閣，一連兩個鋪位，算係相對出名嘅一間。面積唔算好大，但係平日嚟到啱啱有位，所以揀咗黎食。同泰國餐廳一樣類型嘅泰菜，不過呢間嘅款式好似再特別啲。金邊粉（⭐️⭐️⭐️⭐️⭐️）我都係鍾意傳統嘅金邊粉。泰式金邊粉再加埋大蝦，啲醬汁酸酸甜甜，份量都幾多。芽菜同花生分開，另外金邊粉用蛋包住，賣相都幾靚嘅。甜酸蝦球（⭐️⭐️⭐️⭐️💢）甜酸蝦球用菠蘿盛載住，幾特別，好多配料係入邊。蝦球超多汁，用嚟配飯就更加適合，適合比較重口味嘅朋友。泰式雜菜煲（⭐️⭐️⭐️⭐️⭐️）由於食得多重口味，所以揀番啲蔬菜，健康啲。我哋點咗泰式雜菜煲，有西蘭花等等，蔬菜款式都幾多，價錢都唔係太貴，如果唔想食太多澱粉質都可以點呢個。芒果沙冰（⭐️⭐️⭐️⭐️⭐️）飲品方面，我哋點咗芒果沙冰。啲芒果粒好大，好香嘅芒果味，清涼甚至都可以話係冰鎮。最後埋單$200唔使一個人，質素嚟講係中上，價錢就中下，覺得係唔錯。~~~~~~~~~~~~~~~~~~~~~~~~~~ 泰皇閣泰國菜館九龍城衙前塱道15號地舖👍 味道不俗 👍 泰式風情 👍 鄰近鐵路

今天又来九龙城吃一家泰国菜了，叫做泰皇阁。这家菜我已经吃了很多次了，至于为什么来吃，当然是环境舒服，然后位置也超好找，离地铁站近，味道也好，而且价格也很实惠哦。 我们点了一份炒牛河，因为每一次来儿子都很喜欢吃，这个另外点了一份白切鸡，吃泰国菜必点的猪颈肉，两个人吃绝对够，加起来还不到三百，人均一百就能吃到那这种价格吃到这样的水水准泰国菜，我个人很推荐！份量大味道好，过来吃完做个按摩，泰国一日游的感觉

餐廳環境都算寬敞，座位與座位之間唔會太逼夾。上菜速度快，店員都好Nice。呢間餐廳應該幾出名，見到都好多人叫外賣，星期六嘅晚巿都滿座 餐廳嘅食物不過不失，份量都好足。叫咗蝦醬炒飯、馬拉盞炒芥蘭、泰式小食拼盤、燒盲鰽同2杯沙冰。令我最驚艷嘅係個炒飯，望落好似好少，但整鬆佢之後份量勁多。😋仲有打卡必備嘅三層泰式小食拼盤🤣有炸蝦餅、炸魚餅、炸春卷、雞翼同無骨酸辣鳳爪。炸蝦餅同炸魚餅勁足料，咬落去係結實㗎！👍🏻

今日和老婆往九龍城泰皇閣泰國菜館食晚餐,我們點了鮮蟹肉蛋卷,拼盤,沙爹串燒,蝦醬炒通菜,蛋包鮮蝦金邊粉,原隻菠蘿海鮮炒飯,椰青,芒果沙冰,椰汁冰,梳打水和泰式凍奶茶,鮮蟹肉蛋卷蟹肉蛋卷蟹肉食落新鮮爽口,食落有一絲絲蟹肉,蛋味香滑,配菜青瓜和蕃茄食落開胃,整份鮮蟹肉蛋餅味道口感滿足,拼盤有炸蝦餅,炸魚餅,蝦片,春卷和鳳爪,春卷炸得金黄爽脆,炸蝦餅炸得香脆彈牙,炸魚餅味道香滑,佐酒一流,蝦片香脆,鳳爪惹味可口,整份拼盤賣相吸引,口感滿足,沙爹串燒我們選了朱肉和雞肉各三串,朱肉串肉質爽口,食落有油花,雞肉串食落啖啖肉,惹味可口,配上沙爹汁口感豐富,蝦醬炒通菜苗蝦醬味道濃脆香,通菜新鮮爽口,口感滿足,蛋包鮮蝦金邊粉蛋味香滑,蝦食落彈牙,金邊粉爽口而不感到油膩,原隻菠蘿海鮮炒飯整個菠蘿原個上,菠蘿口感香甜,海鮮蝦和魷魚食落彈牙,飯粒炒得乾身分明,份量足料,口感滿足,最後泰式凍奶茶茶味香濃,味道可口,餐廳座位闊落舒適,食物份量十足,我和好友們食了一頓豐富泰國菜

九龍城真係泰國菜嘅天堂！呢間lunch time都多人食大家評價都唔錯所以今次經過都試下～～-豬肉生菜包：鍾意食酸嘅話 一定要試！好夠酸 好夠味但食到尾會覺得有d鹹如果有多d生菜就好啦～泰式鳳爪：感覺似泰式mix白雲鳳爪😂酸酸辣辣 係幾開胃的味道都唔錯炒牛河：味道極好 鑊氣好夠！👍🏻👍🏻牛肉就正常 但份量真係好多可以大家share食海鮮冬陰功河：略為淡左少少冬陰功都係偏酸海鮮就普通 應該都係急凍海鮮🤔反而呢個冇咩驚喜整體係算幾抵食lunch不錯

佢哋嘅生蝦刺身好出名。我哋叫咗一碟，份量好足，有十幾隻蝦。啲蝦好新鮮，蝦肉爽脆彈牙，鮮甜味十足。我哋仲叫咗其他泰國菜，例如泰式炒河粉、泰式咖喱雞、泰式生菜包等。啲菜式都好好味，份量都唔少。

九龍城有好多泰國嘢食要搵平靚正其實都OK易，依間午餐價錢都係5-60左右，最鍾意食泰式炒河佢係做到；我先生就食咗咖喱豬個咖喱汁都好好食，同埋個豬肉都好入味，服務態度尚可，飲品都唔錯，當你食嗰下就會覺得好似去咗泰國咁樣幾好味同埋坐得好舒服，同埋都幾易搵超近呢個宋王臺地鐵站行過一條街就係，附近泰國嘢食都好多下，但係都會揀返呢間因為依間價錢真係好平靚正下次都會再嚟試吓晚餐，因為見晚餐個餐牌都幾豐富下同埋見啲評語都幾好食

趁復活節假屋企人一齊去食晚飯，揸車去到九龍城見到呢間都有一堆人喺度等緊，等咗大概10分鐘左右就可以入去食，不過就俾咗閣樓嘅位置我地，閣樓就比較寧靜！首先，生蝦的新鮮度無可挑剔，但份量真係比其他地方少，不過佢係夠大隻！螄蚶嘅size可以話係我食過咁多次最細🤣我屋企人仲話平時去買嘅話一定唔會揀呢個size😂生菜包豬肉只有一個辣字，並無其他味道馬拉盞炒通菜是一道香辣的菜餚，通菜的口感還可以，整體嚟講都夠濃味嘅！最後，咖喱炒花甲的味道濃郁，但整體而言，咖喱的風味較為濃厚，與花甲的鮮味相互融合！

今日一行七人黎食叫到成枱都係餸一人一杯飲品埋單都係$220 一個人每樣都超好食味道偏濃見枱枱都叫蒜蓉包軟殼蟹咖喱我地都唔執輸真係好好食個咖喱可以撈埋飯👍🏼上菜又快啲侍應都好有禮貌會再黎食

1/3 和朋友食飯，結果朋友走時將利是放左係台唔記得左拎，只係7-10分鐘內佢就醒起冇拎，大家便回去餐廳到問職員有冇執起，結果職員係垃圾桶執番吉既利是🧧並同我朋友講入面冇錢嫁wor,就打發左我朋友走。當時因為唔想搞大件事，個女性朋友就咁行左出黎就算。本人一星期都幫襯左任兩次，但對於其餐廳員工不誠實和處理手法相當不滿意。 本人對此不誠實的態度感到失望，不會再幫襯。希望負責人管教下當時員工，當時有位男士似係經理，但面對當日情況，都冇打算拹助，以及了解相關事件。

細佬生日想食泰菜，又唔想食平時食開嗰幾間，於是決定打開google map，篤落九龍城，睇google guide 搵間多好評嘅試吓。呢間泰皇閣食物款式幾多，我哋嗌咗生蝦、小食拼盤、兩款沙律、螄蛤、湯、明爐鮮魷、粉絲蝦煲同炒飯。食物味道唔錯，分量亦足，啲侍應都幾有禮貌。生蝦刺身：都幾新鮮，不過肉質唔夠彈。醃蟹仔沙律：偏辣🌶🌶🌶但配料清爽，酸味亦較重。炸鰂魚青木瓜沙律：一上枱勁大盤，差啲嚇親我，但好好味。啲魚炸得好香口又夠嫩，個青木瓜沙律好清爽，但冇蟹仔沙律咁酸辣，所以媽咪都食到，我成碟包底清晒。😋明爐鮮魷：平時明爐烏頭就食得多，呢度有另一個選擇係鮮魷，不過第一轉個火熄咗啲魷魚都未熟晒，要點多轉火，但就好易煮到老，最好食係啲魷魚鬚，不過個湯唔得，可以唔使飲。白灼螄蛤：好鮮甜，個蘸汁酸辣適中，但我自己玻璃肚，所以唔敢食太多。魚肚羹：平時通常都係飲冬蔭功或椰汁雞湯，呢間竟然有魚肚羹。飲落似平時喺泰國唐人街嗰啲沙煲翅，不過最搞笑係湯入面有隻烚蛋做配料。小食拼盤：正常嘢，不過個雞翼好鹹，但頂層個蝦餅炸得幾好。蟹膏炒飯：炒得啱啱好，粒粒分明，唔會好鹹，好味道。粉絲蝦煲：粉絲好入味，但略嫌鹹咗少少，

今晚去咗九龍城泰皇閣食飯，試咗佢哋嘅幾款菜式。佢哋嘅冬陰海鮮湯好正，湯底鮮香濃郁，入口暖心。炸蝦餅拼春卷就一般啦，味道唔算特別出眾。再嚟係佢哋半打嘅沙嗲串燒，有豬肉、雞肉同埋墨魚丸，但係味道都無特別驚艷，豬肉仲係免治豬肉口感。至於蛋包鮮蝦金邊粉，就真係好好味啦！金邊粉煮得恰到好處，鮮蝦夠彈牙，蛋包亦煎得香脆，令人回味無窮。呢次食物嘅質素都算平均。不過，食物同價位都算相符，可以講係幾平，CP值唔錯。

－直食開金寶，但係覺得佢越嚟越一般，今日阿仔打完波，行過泰皇閣，6點未夠，已經有幾枱客，決定試吓😁叫左醃蟹青木瓜沙律、青咖喱牛肉、炭燒安格斯牛柳，整體食物質素幾好，價錢又唔貴，環境又坐得舒服，九龍城食泰國菜又有多一間選擇🥰醃蟹青木瓜沙律，醃蟹非常咸，整個沙律偏😵‍💫炸蝦餅爽脆甘香，炸得剛剛好青咖喱牛肉，我個仔的最愛，牛肉大大片，配搭香甜的咖喱，偷飯賊😛炸蝦餅非常爽脆，鮮味😍燒安格斯牛肉必叫，牛柳嫩滑多汁，配上微辣的泰式青檸醬汁，好吃到停不了口🤩

住喺九龍城10幾年，邊間泰國菜好食，絕對係基本😎好多人為燒牛肉排泰金國，但有時唔想等，又想食好嘢，我就會揀泰皇閣。齊人先可以入座！基本上都好快安排到。所有食物都好符合預期既質素，今餐2個人，但叫咗好多野食，重要食晒😎（我哋唔浪費食物）叫左半打串燒、咖喱軟殼蟹配蒜蓉包、蒜蓉炒芥蘭、椰汁冰、芒果糯米飯、椰汁千層糕及西米糕，人均$270左右🫢🔥今晚精選：芒果糯米飯的芒果新鮮，椰汁的甜度剛好😋咖喱軟殼蟹啖啖肉，好香嘅咖喱，唔辣，配香脆蒜蓉包，啱啱好🙈Ps 上次食過泰式豬手，好軟腍腍又入味有興趣嘅朋友可以到九龍城試試🤩🤩🤩

一行7個人去九龍城食泰國嘢就岩曬啦～兩個朋友都一致表示想食泰皇閣，就拿拿林打電話去book! 食物點評就往下睇～泰肚餓既關係，我地叫左十樣野咁多仲一人一杯飲品🤣生蝦新鮮彈牙，同埋乾淨，配埋蒜片同辣椒粒，刺激味蕾😝叫左兩個菜，分別係馬拉盞炒通菜同蒜茸炒芥蘭，菜唔老，不過調味再濃味少少就更加好味啦蠔既話蠔味爭D，調味可以再濃D，我覺得麻麻地…因為咩味都食唔到，蠔都唔係特別肥美🙈冬陰功湯，入面有有菇、青口、蝦、魷魚 ，唔會好辣～個人認為帶有少少甜味，我都飲左兩碗😋擺盤有心思，牛扒小山丘🤣牛扒燒得岩岩好，淡淡粉紅色，再舖上滿滿既泰式辣醬，好惹味，椒味濃😚金邊粉每次食泰國菜都會叫個炒金邊粉，上碟靚靚冇走樣🤣熱辣辣👍🏻生菜包，肉碎炒得香口，辣度岩岩好，襯熱食啊😙一黎到好大條鰂魚😂，不過調味都係差啲…串燒，正常發揮，個沙嗲醬偏甜