泰皇閣泰國菜館

营业中

休息中

一想吃泰國菜我便會約朋友去九龍城的泰國餐廳吃飯～這間餐廳食物選擇多，所以我們兩個人就決定試一試～炸蝦餅拼春卷 $76春卷裡面有木耳絲和粉絲，所以炸完之後依然有爽爽的口感，不會太過油膩，比起市面上的春卷來得好吃！炸蝦餅很彈牙又有蝦的鮮味，點著甜酸醬吃很開胃，超喜歡它脆脆的外層！甜酸醬炒鮮魷 $80因為叫了很多蝦我們選擇了炒鮮魷，它的感覺有點像生炒骨，有很豐富的蔬菜配料，甜酸醬很濃郁，和彈牙的魷魚一起吃，原來也不錯。菠蘿海鮮炒飯 $82這個炒飯的份量絕對是超出兩個人可以處理 上面滿滿的肉鬆配上微酸的炒飯很香口，裡面還有很多新鮮菠蘿粒和大大件的海鮮，不會太乾身，菠蘿控必點！芒果糯米飯 $55作為泰國菜的代表甜品，這間餐廳的糯米飯可以說是視覺味覺兼備，值得加分的位是糯米飯熱熱地呈上，軟糯口感配上不是太甜的椰汁，就算單吃都很好吃，芒果肉清甜沒有渣，就算再吃多一份絕對不是問題～

今晚同家人到九龍城食泰國菜，經過泰皇閣覺得都ok就入左去。門口見到餐廳初一十五都會捐齋菜，抵讚。入到去睇完餐牌就點左串燒，原隻菠蘿海鮮炒飯，馬拉盞炒椰菜苗，芒果沙冰。芒果沙冰-夠晒凍，又香芒果味，口感好好。串燒-點了墨魚丸，豬，雞。燒得岩岩好又夠香，肉質良好。原隻菠蘿海鮮炒飯-好足料，有好多海鮮，仲有好多新鮮菠蘿，有肉鬆在飯面仲有腰果。飯炒得夠乾身香口好味道。馬拉盞炒椰菜苗-辣辣地夠香口,菜翠綠好味道。

小倆口找吃的找到去九龍城！無他，想去泰國旅行想得慌了，唯有去吃個泰菜止止渴。九龍城最多的是泰國餐廳就眾所周知，但要找到一家出色的便要花點心思。是次另一半就挑了這家泰皇閣，位於衙前塱道，下班後從旺角先達中心旁坐紅色小巴過來才十分鐘左右，也很快，將來如果開通了地鐵沙中綫就更方便。小倆口這天不是很餓，所以粉麵飯就免了，先要了個柚子沙律和泰東生菜包，還點了一個芒果沙冰。柚子沙律的賣相不錯，柚子很新鮮，還配有鮮蝦，吃著十分開胃，入口時有一點椰子味，原來裡邊也混了一些椰絲，口感頗為豐富。份量也不算少，兩個人吃剛剛好。再來是最愛的生菜包，幾乎每一次吃泰菜也會點。餐牌上有兩個選擇，一個是清邁的，另一個是泰東的，兩者都是用豬肉，價錢也一樣，弱弱的我表示不知道有甚麼分別，看旁邊清邁的有三隻辣椒表示比較辣，泰東的只有兩隻辣椒，便點了泰東的。生菜很精緻的插在一個類似杯子的器皿上，每塊生菜以一匙肉放上去剛剛好，生菜很爽脆，肉也醃得十分入味，不會太咸，當中還有一點點青檸的清新味道。另一半想要點串燒，但我們週未剛剛吃過了另一家的，看餐牌雞翼可以逐隻點，便簡單的只要了兩隻燒雞全翼，出乎意料也十分不錯。雞翼燒得剛剛好，

午餐同朋友到九龍城食野, 九龍城出名多泰國餐廳, 朋友介紹左泰皇閣十二點幾入去, 唔係好多人, 朋友叩左豬頸肉飯, 我就叫左個金邊粉午餐有跟冬瓜, 蘿蔔湯, 落左胡椒, 都幾好飲金邊粉足料, 有芽菜, 豆腐乾, 雞肉, 紅蔥頭, 烘花生, 食起上黎幾有層次, 味道甜甜酸酸, 粉身偏濕

今日專程黎九龍城食泰國菜，今次一行四人，可試多d款式。泰式生蝦呢個係每次食泰菜必點，一碟有六隻，每隻都有蒜片辣椒🌶️，我怕辣所以無連辣椒一齊食，個汁酸辣惹味，正！泰東生菜包香辣肉碎份量足，用生菜包住食就無咁膩。燒豬頸肉燒得好香，特別係end cut，肉質好爽。明爐清湯盲鰽呢個魚嘅湯味道很好，少少酸辣又唔會太剌激，又帶有魚嘅鮮味。魚肉嫩滑，唔多骨，好快被我地清哂。蛋包鮮蝦金邊粉呢個金邊粉好重茄味，又帶點甜味，同平時食嘅不太一樣。馬拉盞炒通菜個菜好甜，呢度有好幾款菜式都偏甜。青檸沙冰好大杯好fresh，啱食完辣野飲。

今日咁岩收工經過九龍城，心思思又想食泰國菜，就去咗呢間泰皇閣泰國菜館，餐廳入面唔算大，不過裝修得靚，好似樓上仲有一層可以招呼一大班人去食。食物方便，叫咗必食金邊粉，真係食極都係咁正，粉上包上一層蛋，睇上去更加滋味，食落好juice，串燒就叫咗墨丸、雞肉同雞腎，點埋獨配嘅醬汁，燒到岩岩好，咬落去唔好燒到太乾，仲保留住肉汁，燒豬頸肉都一樣，好有碳燒味，個邊有少少燶，多咗一份層次。食到咁上下就叫咗杯龍眼冰，夠解渴。最後叫埋甜品經典芒果糯米飯，夠甜！

九龍城泰國菜雲集之地間間都有自己嘅特色及招牌菜呢間個小食拼盤就真係睇得又食得上層-蝦片其實就係九龍城周圍有得賣嘅蝦片不過次次食都好食就真中層-泰式鳳爪沙律清新又脆口，份量不算少加上泰式甜酸醬開胃又提神下層-魚餅、蝦餅、春卷春卷~香脆不油膩，以雜菜為主，清清地魚餅~可能因為就有點油了……濃淡合宜味道不錯蝦餅~向來係小食拼盤的靈魂，大家最想食呢個，呢個蝦餅是爽口彈牙，又岩岩炸好，外皮不算太厚，口感很好泰式濕炒河濕炒河一般般，大路的東西多菜，所以清清地，唔想重口味可以考慮呢個

九龍城出名是美食集中地，特別是泰國菜。這家泰菜味道很不錯，而且坐得很舒服，適合小伙兒傾計吃飯，所以每隔一段時間就會來光顧。首先點了一客沙嗲串燒，4款配料可選三款，有燒雞腎，燒墨魚丸及燒豬肉。雖然以燒烤的形式烹調，但完全不會太乾，而沙嗲醬汁有著濃厚的花生醬味，超讚。另外，我們還點了燒雞全翼，燒得香脆可口👍🏻冷盤方面就點了我最愛的泰式鳳爪，微酸辣的味道非常醒胃，口感清爽，而且店家還非常貼心把鳳爪去骨👍🏻👍🏻絕對是一道很出色的前菜。老公因為不太嗜辣的緣固，馬上點了西瓜沙冰解辣，冰感幼滑，味道不會太甜，還有淡淡的西瓜味，非常解渴！主菜就點了老公的最愛濕炒河。試過很多家，這家是做得最出色的！河粉很薄，麵條掛汁力很好，醬汁亦不會過於稠杰，不知不覺已經清空全碟🤤最後還點馬拉盞炒椰菜苗，蝦乾的味道極之惹味，蔬菜帶點微辣，雖然吃了那麼多菜式仍不會太膩！總括來講，這真是非常滿足而CP值極高的一頓晚餐。

泰菜一向都係我喜愛之一，而一講起泰菜，一定係去九龍城，今晚趁住親愛的喺香港今，仲可以食到飯，我地就直衝九龍城嘅泰皇閣，地理位置嚟講都幾易揾，餐廳細細不過幾精緻，一坐低就揀我地最喜歡的食物，蒜蓉包配咖哩係必須有的，跟住叫蝦餅拼春卷，兩人食份量剛剛好，蝦餅的確係爽口彈牙，仲點左個燒肉炒椰菜苗，坦白講，唔係每間餐廳都吵得好食，仲另外點兩件串燒雞全翼，食嘅时候仲係好juicy,㗎呢間泰菜值得encore呀！

九龍城主要是食泰國菜，基本上住在香港的都一定知道，平常都沒有說一定食哪一家，今次朋友推薦泰皇閣泰國菜館。平常真的比較小走這邊，因為不是主要的哪幾條街，我大概7點左右到，當時裡面已經坐了有一半的人，看一下餐牌嚇了一跳，比我想像中便宜好多，基本上一道菜7x塊。－芒果沙冰，椰汁珍多冰－兩款都是泰國很有名的飲料，芒果沙冰滿滿的，吸了兩大口還沒到杯口，爽！椰汁珍多冰的椰子味超級濃郁，感覺把一整個椰子放了進去。－椰汁大蝦湯－平常外面通常只有冬蔭功湯，今天這家意外地有其他款式，因為我怕辣的關係，所以男朋友特別叫了一個不辣的椰汁大蝦湯，白白的湯，感覺到椰子很濃，沒想到喝下去跟冬蔭功非常相似，只是沒有辣味，酸酸的，又有海鮮的鮮味，非常非常推薦，真的好特別！－蝦醬炒飯－本來想說用來配我的青咖哩雞，想不到炒飯本身已經有配上肉鬆，蛋，臘腸，菜芯等等，已經又香，味道又剛剛好，已經不用在配我的青咖哩了，男朋友立刻全部食完。－青咖哩雞，薄餅－最後我的青咖哩雞叫的一份薄餅來搭配，不知道是不是天意要的試一下，原來薄餅超級超級好食，一份只要2x塊已經有兩大片，非常脆，點一下青咖哩又另一個味道，下次一定要在食。青咖哩雞好食

九龍城是泰國菜的林立之地，我及朋友都很愛食泰菜，今日就揀了食泰皇閣泰國菜館。餐廳裝修與其它泰式餐廳一樣，都充滿了泰式風情。menu款式也不少。泰式燒羊架兩件$74泰式燒羊架，平時食泰式菜，都是食酸酸辣辣的泰菜多，今日想試嚇這個泰式燒羊架。羊架剛燒好熱辣辣，上枱后飄來一陣的羊架的香味，羊架味道比平時食的帶甜多一些，燒到八成熟，肉嫩又香口，真是好味喔。明爐青檸檬蒸盲鰽$148明爐青檸檬蒸盲鰽，盲鰽面上放了很多青檸檬及經調味的芫茜、紅辣椒及蒜粒，湯底酸酸辣辣的，令魚肉味道酸辣又惹味。脆肉炒通菜$64脆肉炒通菜，脆肉原來是經炸過的腩肉，腩肉肥瘦相隔，不會很肥，不會覺得油膩，已經醃過很入味。通菜面上放有炸蒜粒，炒得很爽口及很入味。椰汁冰$28椰汁冰，冰冰凍凍飲落又不會覺得滯，椰味非常濃，令整個泰式晚餐更美味。

Lunch set 豬扒🐷湯金邊粉🍜，包一杯飲品 ( 龍眼冰， 泰式黑咖啡， 紅茶)，$42， 不用加一。先上杯 龍眼冰🥤， 有三粒龍眼肉 ，淡淡龍眼味， 唔會太甜，算吸引😋。猪扒面， 畀足一塊大豬扒，而且幫你剪碎，方便進食，👍 好細心 。 今時今日啲豬價咁貴，相信都喺雪豬扒， 因為係泰菜，相信用咗香茅 ， 所以唔覺有凍肉味。 肉質唔韌， 配上泰式香料，味道算可口。另外，有1片生菜。 唯一挑剔就係面🍜嘅份量，較為少。這個價錢/服務，個人覺得合理👌。

好耐無黎泰皇閣喇！老闆，侍應仲認得我，好記性，抵讚！而且各方面質素都進步左！賣相好精緻！份量好足夠！所以泰皇閣深得我心！係九龍城泰國菜首選。同老公兩個人食，叫左三個餸。1）海鮮粉絲沙律粉絲夠軟身，索左D海鮮酸辣汁，正！材料豐富，食完呢個都有D飽2）明爐青檸盲鰽未見過D青檸片擺得咁靚！仲送埋一碗湯，足料，好香青檸味，盲鰽肉質比烏頭滑，抵食3）招牌炒飯呢個招牌炒飯，加左海鮮材料炒，唔辣，大蝦爽脆。重點係粒蕃茄仔，好有心思，無人想係食肆見到老鼠，除左呢隻，好仔細、好刀功

太耐無食泰式菜啦，食泰國菜就一定要去九龍城啦，所以今次就嚟到九龍城試下「泰皇閣👍🏻👍🏻👍🏻之前朋友食過話好正，勁正宗！2個人叫左唔算多菜清邁豬肉生菜包（$78）本身唔食得辣，又以為呢道菜會好辣，點知食落又頂得住wo。出晒煙咁熱辣辣上枱，食落去同平時出面食到嘅味道有小小唔同，多咗一陣出面食唔到嘅香料味，有陣咸香味。酸辣鳳爪沙律（$68）汁醬比想像中辣，喺慢慢滲出嚟嘅辣。不過辣得好好食，有好東南亞感覺。而且d鳳爪隻隻都好大隻，又多肉，作為前菜或小食真喺無得輸👍👍。明爐青檸蒸盲鰽（$148）平時喺食烏頭，今次就盲鰽初體驗。估唔到食落肉質都幾嫩同幾滑，感覺唔錯因為我就食唔到魚嘅草腥同埋泥味，而且個湯汁都好好飲超開胃👍👍👍。燒安格斯牛肉（$110）呢款安格斯牛肉超正🤤🤤🤤又嫩，又無渣，又唔鞋口。又食到炭燒味，又有嫩肉嘅質感。今次就揀咗五成熟，下次試下再熟d，唔知道會唔會有更唔同嘅口感。

想食泰國菜當然諗起九龍城先夠晒正宗於是放工後相約朋友到九龍城嘆泰菜而朋友介紹呢間泰皇閣相當不錯而當日閒日放工去到都已經坐滿了客人泰王秘製鰂魚沙律呢款平時食泰菜比較少見仲係店舖推薦菜式之一當然要一試一上枱份量非常之足夠將鰂魚原條生炸, 配上青木瓜洋蔥沙律味道酸酸辣辣口感非常豐富老闆仲教我地要將炸魚塊同沙律一齊食真的不錯不錯配合埋泰國啤酒一齊享用，感覺享受泰東生菜包豬肉碎炒得非常惹味而且肉粒肥瘦均勻辛香味滲進肉碎中，令肉碎愈嚼愈香，用生菜包住食，生菜本身爽脆嘅口感去連同惹味豬肉碎一齊食令人越食越上癮雞肉青咖哩食泰菜當然唔少得叫番個咖哩來送飯最鐘意食青咖哩每款咖喱可以選擇配上雞肉、豬肉或牛肉咖喱混入椰汁令成個醬汁更加香滑喎咖喱另外加入上椰汁，椰香咖喱同雞肉變滑同好食兩個人食咁多野都係三百多非常抵食