泰皇閣泰國菜館

营业中

休息中

九龍城由細住到大，泰國嘢由打鼓嶺道食到落福佬村道，呢排先開始寫食評，第一間一定要係一間好味又有良心嘅泰國嘢！///當晚去到9:30，老細話比我哋叫埋先，可以坐到11點1️⃣環境：我係食佢正舖右邊個間，裝潢不錯（間舖前身係bosco開個間蠔bar，裝修幾靚）唔算話超逼，都行到下啦，兩個人叫5碟野唔夠位擺。2️⃣服務：老闆有招呼，幾有人情味，人手略嫌不足。始終係大熱食店，人手應該加強一下3️⃣食物：整體質素高，岩香港人口味多啲，唔係話好正宗個種泰味（見炒飯同冬陰公就知）- 生蝦刺身👍🏻：新鮮，大隻，爽又creamy。怕辣就唔好食埋粒辣椒- 鳳爪沙律：過得去，鳳爪係正常爽鳳爪，份量都ok，但個汁滲唔到入鳳爪，一般啦- 冬陰功湯：呢個味道就差啲，似羅宋蕃茄湯味，夠酸，但完全無辣味😂 好似用黎解辣甘😂- 招牌炒飯👍🏻：我係跟食評叫嘅，平時中意酸酸甜甜，呢個好似西炒飯甘，不過個蛋面係整到好靚，中意酸甜既朋友會中意♥️- 安格斯燒牛肉（青檸味）：跟食評叫既，話必試但黎到食覺得口感比較「鞋」&「煙韌」，無軟滑既感覺，但佢又紅紅地唔似overcooked，呢個下次唔會再叫啦... 青檸味都唔夠入結論：整體質素唔錯，可

網上推介此九龍城泰國菜， 聖誕節去試試。員工有禮貌， 環境ok, 乾淨（原來一左一右分開2間店， 所以餸菜要由左邊店煮好送入去右邊店）1）必食推介 $118《9分》青檸燒安格斯牛肉賣相好得， 牛肉林， 青檸酸辣汁好正。2） 必食推介 《9分》咖哩炸軟殼蟹 $218冇想過咁大碟， 2人食好飽。每件軟殼蟹下都有一片脆蒜蓉包， 總數8件。仲有一大碗黃咖哩汁配（內有青椒， 洋蔥）， 咖哩汁夠香夠傑， 配包配飯都一流。蒜蓉包好香脆。3) 沙爹串燒（雞豬）半打 $82。＜7.5分＞沙爹汁唔夠香， 串燒肉大大舊， 有咬口， 只是唔太夠林及滑。4）薄餅用來配點咖哩汁以上2人食到好飽， 好好味， 絕對有水準。總評- 8.5分服務-8.5分提示・・冇得訂枱。

Despite the cramped environment, the food there is delicious. Firstly, the shrimp pie was very fresh and well-cooked. The fried rice was tender and delicious. This restaurant is overall good but could make some improvements on the environment

因為疫情好耐冇出街食飯，今日難得自己得閒就約朋友去九龍城食飯，行過見到泰皇閣泰國菜館外面排滿櫈，心諗呢間餐廳應該好味好多人食，襯住家時間仲早無咁多人食飯，所以我哋就入去試下係咪真係咁好味😋由於我哋得2個女仔，唔可以叫太多餸，免得造成浪費，於是我哋就叫左2餸+1個招牌炒飯：泰東生菜包，同我平時食開既生菜包有小小分別，個味道香得黎有好小好小既酸！燒安格斯牛肉（青檸）呢個反而令我覺得有驚喜，第一啖食落去感覺有少少（鞋），但食真D,燒牛肉既牛香味即刻出晒黎，有種齒頰留香既感覺，，我覺得鍾意食牛既朋友仔可以去試下！個炒飯無我想像中咁香，但都ok既！

平日下午去左宋皇臺站附近食野3個人分別叫左燒豬頸肉湯河、菠蘿雞粒炒飯、泰式炒金邊粉。燒豬頸肉湯河 （最推介）燒豬頸肉好好食，唔乾身！簡單芽茶，蔥做配料！河粉好快賣晒！ 可轉金邊粉／米粉菠蘿雞粒炒飯係有泰式感覺，加入乾提子落去炒，都幾香口。泰式炒金邊粉（最不推介）呢個等左好多先黎(上面個2碟都食左一大半），呢個粉金邊粉係配雞肉（雞肉係另外淋上啲醬，但我唔係好得出係咩）可惜既係我食食下發現左隻蝦尾殼係金邊粉係入面，我當係炒上一碟既時侯留低，冇同職員講聲。 泰式奶茶係唔錯！

見呢排都好少食泰國嘢，所以就決定同女朋友去九龍城試一試呢間幾多好評嘅泰國餐廳啦。🤩🤩—————————————因為好早去食，所以一入去就有位坐低。見到上網好多人推介個烤牛肉，一於就嗌嚟試下。而且食得泰國嘢就一定要有生菜包同pad thai，所以我哋total就嗌左呢三樣嘢😋😋。另外因為烤牛肉同Pad thai都有少少辣，所以我就嗌咗個椰青而女朋友嗌左個芒果沙冰。🥰—————————————好快個椰青同芒果沙冰就嚟咗，一見到個椰青就覺得好大個。如果細飲少少都可能夠兩個人飲。跟住個芒果沙冰，賣相唔錯又大杯，而且芒果味十足。女朋友自己一個飲到最後都飲唔晒。飲咗少少濕吓個口之後，主食pad thai就嚟咗。佢嘅蛋係用網紋嚟包住金邊粉，有啲似威靈頓牛扒個酥皮。而且上面仲擺咗幾隻蝦球，填相十分討好。🤩撈埋則邊嘅花生碎之後食，佢個金邊粉嘅酸甜比例十分好，唔會話太甜或者酸，都幾令人開胃😝。不過份量幾大，如果兩個人食要小心食唔晒。🤪之後嚟到嘅燒牛肉，上面有泰式辣醬同青檸，青檸可以按個人喜好加唔加。🤩🤩不過我就建議加埋，令到佢個酸味更突出，食落就會唔太辣。🤓🤓而且佢個牛味都幾突出，如果再熱少少就完美了。之

屯馬線開通後第一次去宋皇台站，今次去九龍城食泰國嘢，random 揀左呢間6點半左右就half full 的泰皇閣。柚子沙律-甜辣度適中，微辣但姐不吃辣的都食到！-大量柚子，另外爽甜大蝦亦有3,4 隻！$76 CP值好高蛋包鮮蝦金邊粉-賣相靚之餘亦好足料，大大份-金邊粉好有口感，好乾身，加埋青檸汁愈食愈開胃燒安格斯牛肉-非常有驚喜的一碟，第一次食牛+泰式汁。-個泰式汁有少少似生蝦刺身沾個啲，甜甜酸酸微辣又有大量蒜味，好惹味。-牛係薄切，燒得好好唔會太韌炸蝦餅-每次去泰國餐廳必叫，貌似每間都差不多但一咬落去便知龍與鳳-呢間的蝦餅好彈牙，蝦味好足唔係溝好多粉，熱騰騰的一炸好即上枱。龍眼冰-清甜，唔係死甜，飲得出明顯的龍眼味。

一直都好想食泰皇閣💛💛 不過但之前排咗一個半鐘都未食到 依間嘢真係超受歡迎！！所以今次早咗去 6點食🤣 同朋友點咗唔少嘢食🤤首先係蛋包鮮蝦金邊粉 見到75蚊 本身預計份量唔會好多 點知出到嚟勁大碟😳 擺盤好靚 睇得出個蛋包好有心思😍 而且金邊粉味道甜甜地 份量又多 仲配埋幾隻好鮮甜嘅大蝦 真係好好味😋🤤其次我地點咗個沙嗲串燒 我地點咗半打 揀咗墨魚丸、雞、豬😍 沙嗲醬好入味，但同時味道唔會特別濃郁，冇因為咁樣掩蓋到本身串燒嘅肉味 每種肉都好突出🤤 肉汁好豐富😍最後我地點咗個蝦餅同春卷拼盤😋 蝦餅入面有好多蝦肉🤤 春卷都好足料😋 一定要試🤤飲料方面我地點咗椰汁珍多冰同芒果沙冰🤤 係兩樣勁開胃嘅嘢飲，甜甜地真係好正😋仲要良心店💛 一定要encore啦💛💛

九龍城甘多間泰菜真係好難揀 今次揀左間黃店💛食物質素都好好 唔太大碟 可以叫到兩三款☺️🔸燒安格斯牛肉推介推介‼️燒得岩岩好 見到中間仲粉粉地 仲有肉汁唔會好柴甘😋上面既青檸酸辣汁 偏辣 但好開胃🤩🔸酸辣海鮮粉絲沙律🦐🦑去襯泰國餐廳我都定會叫呢個 但見人地叫其他沙律好似細細份諗住岩岩好 點知呢款沙律好大碟🤣🤣好酸好辣 好好味❗️🔸雞肉黃咖喱配薄餅 🥘呢個咖喱普通d 雞肉同咖喱味分得開～但個薄餅幾好食～🔸冬蔭功個冬蔭功唔會話太辣 但因為個人比較鐘意酸味重少少既 所以會覺得呢個既酸味唔太夠😣

現在地鐵去九龍城十方便，找了這間泰皇閣和表妹去吃泰國菜。六時不到門外已排滿等位的圓櫈，相信晚間等位情況會頗緊張的。泰東生菜包 $78豬肉碎非常新鮮，肉汁豐富，魚露、辣椒及青檸汁的味道非常清新又帶刺激。生菜也很新鮮和清甜。燒豬頸肉 $80份量不少的豬頸肉，肉質爽韌。蛋包鮮蝦金邊粉 $75煎香的雞蛋網包着金邊粉，上面有幾隻質爽的蝦肉，賣相吸引。金邊粉微微酸甜，軟韌適中，加點花生碎一同吃更美味。泰式奶茶 $28青檸梳打 $28每次到泰國餐廳的不二之選，味道清新之餘又可解辣。

屯馬開通左咁耐終於黎九龍城食泰菜！成日有朋友推介泰皇閣性價比高，服務又好！今日好好彩早黎到唔洗等位！食緊嗰陣時已經好多人等位！冬蔭公湯滿滿的材料，車厘茄、雜菇、大蝦！味道酸辣偏甜，好開胃！海鮮青咖哩，椰奶味好香，配白飯同薄餅一流！仲有唔同種類既海鮮，好抵食！薄餅值得一讚，夠薄身，又唔會好油。泰東豬肉生菜包，個人黎講覺得偏辣！加左紅蔥頭好香口，炒得好乾爽唔會油膩，份量都好多，包晒生菜仲有半碟送飯！（笑）生菜都好新鮮！店員推介新鮮運到椰青，好清甜！啱晒食完辣野要降溫！龍眼冰就有啲偏甜！味道中上，價錢合理！下次再黎試埋其他菜式！

💛久違踏足九龍城！今次終於食九龍城嘅泰國菜啦😆九龍城超多泰國菜餐廳 今次試咗間黃店💛食物質素好好！兩個人叫咗三樣嘢 份量啱啱好~-🥩【燒安格斯牛肉(青檸)】$110✨推薦✨呢個牛肉好好味！ 表面係牛 底下係沙律菜牛肉燒唔係全熟 中間呈粉紅色 牛肉幾嫩唔韌 燒得勁香! (尤其邊邊位！再配埋酸酸甜甜嘅青檸醬汁好開胃😋青檸醬汁有少少辣 唔食辣嘅朋友撥開啲醬應該都食到-🍝️【蛋包鮮蝦金邊粉】$75泰國菜我最愛金邊粉😋 酸酸甜甜好開胃好正！濕度再好 唔太油～蝦有三隻 好彈牙～-🥭【芒果糯米飯】$55食完主菜休息一下 最後再來個碳水化合物甜品😋泰國甜品必叫芒果糯米飯！！！芒果清甜 份量多（應該足一個芒果糯米飯大部份都軟糯 但中間偏硬 好痴牙///個椰汁帶咸香好正！份量唔係好大 兩個人飯後share食啱啱好-✨推薦指數：8.5/10💰人均消費：$132⏳等候時間：0mins (星期六 12:00)

去九龍城除了必吃潮式糖水,就是吃泰國菜~泰國菜餐廳多不勝數,每次試一間都要花好一段時間~見網上評價甚高,而且有椰青炒飯,所以就來試一下~先點了一個烤豬頸肉,豬頸肉肥厚,邊邊烤得焦脆~再配上酸酸的醬汁,非常惹味~蒜蓉炒椰菜苗,這個是吃泰國菜必點~味道鹹香好吃,椰菜苗不會炒得過腍~其實還點了一個炸蝦餅,不過相機還沒吃就被吃光了...香脆的外皮不會太油,裏面的蝦膠非常彈~最後是最期待的就是這個椰青海鮮炒飯~椰青味很香,完全滲入每粒米飯當中~不過上面的醬汁太濃稠,質地像漿糊一樣,比較倒胃口...不然這個椰青炒飯一定會是滿分~

🟡泰皇閣📍九龍城｜大份又好味嘅泰國菜，要飲埋大大杯芒果沙冰🥭🧊-睇返相，最吸引當然係呢杯🥭芒果沙冰$32：估佢唔到咁大杯，記得上枱就快快口飲咗幾啖先，好驚上面嘅沙冰跌落枱🥲🥲泰式乾炒河（雞）$62：雞肉炒闊河粉，有少少辣，惹味飽肚。炸蝦餅$76：8塊切半蝦餅，好彈牙，大大粒。即炸上枱熱辣辣，卜卜脆～沙嗲串燒（半打）$82：可以揀豬、雞、墨魚丸、雞腎。我哋就揀咗雞、豬同雞腎，唔太韌，有肉汁。-位置方便又好味，下次再去食👍🏻-

來到“小泰國”九龍城, 食泰菜是指定動作, 今次選擇了一間人氣高企的餐廳餐廳乾淨企理, 有泰式裝潢亦不會太多宗教上的佈置, 令人坐得舒服.串燒(雞,豬)份量十分, 每串都大大份. 燒得香口惹味, 外層焦香, 內層肉嫩多汁. 配上濃郁的沙嗲醬, 實在太好味青咖喱(牛肉)青咖喱的調味正宗, 比得上泰國當地的, 多種香料的深層次香氣加上蔬菜清甜, 椰奶份量剛好, 配上薄餅/白飯都係完美薄餅香脆而不油膩, 浸淫在青咖喱中更惹味脆肉炒椰菜苗椰菜苗新鮮爽脆, 亦不會老. 泰式脆肉, 香脆之餘帶有油香. 簡單, 經典, 美味椰汁珍多冰椰汁重而不膩, 甜度適中, 集解辣清涼一身總結: 餐廳菜式不只是正宗, 更是令人回味無窮, 不論是餐廳氣氛, 食物份量味道, 職員態度也令人足滿. 猶如回到泰國的家般💛💛💛💛💛