影片
港铁荃湾站 A3 出口, 步行约11分钟
继续阅读
电话号码
57282626
开饭介绍
由泰籍厨师主理，选用泰国空运进口食材，开业至今屡获好评，亦多次有电视邀请拍摄饮食节目。餐厅设有上下两层，一楼提供吧台座位，二楼则是以长枱及圆枱为主，适合多人聚会。装潢糅合工业风和民族风格，打卡一流。
继续阅读
营业时间
今日营业
12:00 - 15:00
18:00 - 21:00
星期一至日
12:00 - 15:00
18:00 - 21:00
*最后下单时间：22:15
以上资料只供参考，请与餐厅确认详情
有关奖赏计划
相关文章
呢间餐厅喺Ann Mamma Thai by 张秀玲隔离，食唔到张秀玲，就转咗嚟呢度late lunch。周日嚟到，仍有午餐，大约$5x-6x，跟餐饮，另外可加钱点特价小食、甜品同特式饮品，都几弹性同丰俭由人。张秀玲同样有午餐，价钱贵~$20，不过都合理，始终假日。泰式香辣肉碎炒饭：午餐，$64；墙上有英文告示写话如有特别要求，可用英文/泰文注明（电子落单系统有「备注」一栏）；备注咗「less spicy」，但啲食物的辣度依然有料到，狗狗爸爸食咗1-2啖话佢炒得几惹味，但辣度令佢享受唔到，不过，当我哋拨走晒食物入面的小红椒后，就好好多，唔辣，可以好好享受泰式鳯爪沙律：跟午餐+$15；口头同侍应讲话因为食素，想走鳯爪而多啲沙律菜，佢帮我同厨房沟通，而我亦同样以英文备注；+$15预期细份，但上台有惊喜，五颜绿色好吸引，份量亦唔算细；味道同样辣劲十足，要拨走晒啲小红椒；泰式沙律汁惹味、开胃，值得加配新鲜椰青：跟午餐+$28；正价系$4x，售价同一般泰式餐厅相若，但椰青size较细；上台时，单凭外观（呈啡色，较硬）已判断到椰青唔算新鲜，放耐咗或者保存得唔够好，同时椰青身仲有一条裂痕；尝试打开个开口𢳂啲椰青肉食，点知盖口甩咗出嚟，净番果忽好难撬开，只好叫侍应攞番厨房开；由于唔新鲜，椰子水都少啲，但仲系好甜既，甩盖令到有啲椰子壳碎屑跌咗入啲水度，饮得唔系好畅快整体嚟讲，对呢餐都几满意：1）环境：餐厅几有特色，设楼上雅坐，气氛特别；1500午市last order，嚟到冇乜人，好似拥有一个私人空间咁；刚坐低时播住泰文歌，几好feel，后尾可能侍应等落场，转播张敬轩，有违和感2）服务：必须要赞楼上雅座的男侍应！当我哋入餐厅时，见楼下的高台坐满人（3-4个），所以上咗楼上用餐，埋单先发现楼下果啲人原来系员工，坐晒喺度等落场，唯独楼上的侍应一直上上落落服务我哋同另一台客，就算因额外要求而令佢行咗好多次，佢都keep住好有礼貌3）食物：听到有泰文对话同睇埋个指示牌，相信厨房应该系由泰国人主理，辣度实在强劲，但同时口味应该正宗啲；整体食物质素唔差，只系个椰青唔ok4) 价钱：经济实惠，埋单冇加一，$107题外话：原本想张秀玲（未食过）。1430去到，见食客陆续离开，有空位就入咗去。一个留及肩头发的男侍应叫我哋出餐厅外面等，然后，佢行出嚟，指住门口一个细指示牌「Closed」，话午市截单，同我哋讲等晚市。虽然系我哋心急冇留意个牌仔，但佢态度麻麻，而且佢其实可以喺我哋入去果刻直接讲既。最后，当然冇听佢讲等3-4个钟，错有错著，其实呢间泰国餐厅氛围仲好~
继续阅读
食物味道唔错 但冇咩边道菜特别出色最出色系店员嘅服务态度纵然偶有甩漏 但佢哋都会努力记住每枱客嘅要求即使即时做唔到俾你 但只要一有时间佢哋都会自动补俾你全场爆满嘅情况下佢哋嘅态度依然亲切多谢佢哋 辛苦哂🌹
继续阅读
第一次去食，见Open Rice 同 Google Maps 都几高评分。我系钟意食泰国嘢，所以喺香港都会揾唔同嘅泰国餐厅食，但系哩一间系暂时食过最难食嘅泰国餐厅。系咪转左手？ 火山排骨系汤渣，椰青亦都唔系泰国货。.首先好彩系有七七折（7:30pm前离座）同埋嗌得唔多嘢食，多谢。.我系book咗6:00pm ，佢系QR code落单嘅，成个System都未run好就已经嗌人入去坐，扫code见到几样嘢都系空白，我问系咪冇得嗌，原来系未run好，等咗几分钟再叫我开过。见到QR code落单嘅餐牌同实际门口嘅餐牌价钱有出入，我再问个侍应先知道原来有啲食物系加咗价例如生虾实体餐牌系$138 ， QR code餐牌系$148。话系加咗价，不过嘢饮就有减咗价，例如百香果青柠梳打有$38变成$28。.好啦，我最想食嘅火山排骨嚟到简直系灾难。完全系可以用山泥倾泻嚟形容，啲排骨系一条条，应该系用嘅肉材同出面嘅泰菜唔同，煮到好「鞋」，口感好粗糙，好似煲完汤嘅汤渣，同埋肉材都唔新鲜。火山排骨嘅汁系少到好似就嚟干水嘅池塘，汁嘅味道同埋肉嘅味道基本上系完全分开，所以啲肉系唔入味㗎。但系我见到餐厅门口都有贴咗几份杂志访问嘅报道，系关于火山排骨，当时食到好失望，完全系另一样野。所以先至怀疑系咪转咗手？.另外，我钟意饮嘅椰青都好失望，完全饮得出唔系泰国嘅椰青，个椰青入面嘅肉系完全刮唔到落嚟食，个味道都唔同，系比较燥热（？），外观上都见到比较偏米黄色同修长。平时饮到嘅泰国椰青系比较白色，平滑同圆润。.仲有朋友嗌咗杯百香果青柠梳打都一般般啦，另外有一碟青木瓜沙律一般般啦，不过朋友话食到啲虾处理得唔够好食得到有冰鲜味。.其实仲嗌咗碟鱿鱼，但系等咗差唔多40分钟都仲未到，原来系漏咗单，咁我就嗱嗱声cancel啦，都食到咁失望，费事再嘥钱食多样嘢，未够七点已经埋单走人啦。.环境就尚可接受啦，明白喺唐楼地下一定系会比较污糟同有少少味。其实仲嗌咗碟鱿鱼，但系等咗差唔多40分钟都仲未到，原来系漏咗单，咁我就嗱嗱声cancel啦，都食到咁失望，费事再嘥钱食多样嘢，未够七点已经埋单走人啦。.环境就尚可接受啦，明白喺唐楼地下一定系会比较污糟同有少少味。
继续阅读
我打算庆祝生日，想食泰菜又唔想走咁远，就比较几间喺荃湾嘅泰国餐厅，食过金坊 金屋 bamboo thai 所以想揾一间未食过嘅。喺张秀卿同泰玖之间选择咗呢间。见到蟹肉炒饭上菜𠮶一刻，睇到我呆咗：蟹柳？$138蟹肉炒饭系蟹柳？同店员确认一下，佢话有加咗落去炒，所以同餐牌上堆埋一堆𠮶个款系有啲唔同。好，咁我望真啲。哦，系有嘅。有几多？我笔咗三大羹饭入我只碟，先揾到两执蟹肉，同两执 瑶柱蛋白炒饭入面嘅瑶柱咁上下大执。真系令我好失望。我喺佐敦 港岛区叫个 蟹肉炒饭$170咁上下，大约差$30，计埋铺租，佢哋个份量其实应该可以多番唔少，依家上菜嘅蟹肉份量再加上蟹柳（本人讨厌蟹柳），仲有三色豆！系令我成餐饭都冇晒心情食。其他菜式味道都一般，完全唔符合现时接近600嘅好评（超过90%好评）。
继续阅读
泰国餐厅起荃湾，位于著名餐厅Ann mamma附近，价钱好相宜，装修行工业风，楼高两层。试咗佢哋嘅泰式鸡髀金面同泰式炒金边粉，食物口味正宗同好好味，值得一赞。泰式鸡髀金面，啲面脆卜卜，金黄诱人，鸡髀肉嫩滑多汁，汤底香浓咖喱味，仲要份量很大，食极都有。泰式炒金边粉炒得刚刚好，酸甜酱得宜，配料丰富，海鲜鲜甜，加上表面的花生碎，有很多层次的口感。午餐价钱大概$60-70左右，仲要包嘢饮，亦可以加配不同的小食。
继续阅读