影片
以上资料只供参考，请与餐厅确认详情
有关奖赏计划
享受二人世界烛光晚餐❤️前菜有大虾沙律另外仲有个蘑菇汤超级浓郁😜套餐当然唔少得有餐包浸汤食系绝配食西餐点少得鹅肝，系至爱😋入口即溶，好香滑，推荐主菜叫咗个龙虾阔条面龙虾质感，爽口弹牙唔会烧到好老阔条面够烟靭，够味又唔会好溜仲叫咗个野菌牛肝菌黑松露忌廉汁烩意大利饭黑松露味够香意大利饭会偏硬身唔会冧晒一pat pat 🙈好食整体黎讲都好满意想食西餐不妨可以试试高质西餐厅😍
继续阅读
开瓶费 $ 150Riedel 酒杯供应餐汤跟餐包餐汤 - 磨菇忌廉汤出街食通常都系白汤加磨菇粒，见到咁灰嘅磨菇汤真系好少有浓郁细滑餐沙律 - 烟鸭胸沙律普普通通，不过都有诚意三文鱼扒时萝忌廉意大利饭 $ 88三文鱼扒靓仔，唔系超市款直切圆形果种有骨扒。忌廉意大利饭份量十足，而且煮得香、滑、烟韧宝云苏烤焗猪扒配苹果茸 $ 118以为系分开，点知原来佢用苹果茸做黏合，放上香草面包糠焗，非常聪明，不过摆碟就一般。猪扒好食，唔会过薄、干柴烤纽西兰西冷扒 12oz $ 118大大件西冷，仲用牛牛铁板上好有feel。配菜又多又好味，黑椒汁好浓牛扒冇问我成数，咁我都免问。肉质绝无用梳打粉松肉，所以全熟有少少鞋，同埋有条大筋咬唔开，不过咁嘅价钱，我12oz当8oz咁食系OK嘅地点可能难揾少少，但系环境大，酒吧得嚟唔会好黑，店员都有礼貌，有晒制服兼打Bowtie午餐有88折，平上加平👍 食完行下商场一流
继续阅读
门口大大个招牌写上［$10生蚝］就来试试，可惜原来你需要先点主食，才可点半打$10生蚝，注意⚠️儿童餐不入选为主食。 另外可赏$98/无限畅饮生啤，不过选择不多，只有两款味道，食物质素好，但选择不多，服务员态度非常友善👍🏻 ，在荃湾区都算不错的选择
继续阅读
法国生蚝（$10@）最少两只起，浅尝要咗四只。虽然细细只，但食得出颇新鲜，淡淡海水咸味带少少鲜甜，带子位爽口。以十蚊一只嚟讲，可以一试。午市套餐，有餐汤+餐包或沙律、主食、热饮。是日餐汤系蘑菇汤，creamy，有菇味，还可以。餐包热烘烘，外脆内软，带有香草味，好味。酥炸鱿鱼圈（$28）套餐可加配小食，要咗炸鱿鱼圈，份量OK，即炸，唔油，炸粉算薄带有少少香草味，味道不错。烤纽西兰西冷扒12安士（$118）怀旧铁板系列，已经谂唔起，对上一次食呢类型嘅铁板牛扒喺几时了。铁板上枱淋汁（拣咗蒜蓉汁），员工提醒用布遮一遮，我仲load咗半秒先醒起（超尴尬）。牛扒约六七成熟，肉质预期之内，结实有咬口，肉味普通。配菜有薯条、粟米、西兰花。烤鸭髀配南瓜汁意大利饭（$88）南瓜汁意大利饭味道很好，米饭外软里面微硬，不错，南瓜粒有蔬菜质地口感，个人觉得如果再腍啲会更好（反而事头婆钟意呢个偏实身嘅口感，话同个饭一软一硬有对比仲好，well，每个人都有各自嘅偏爱）。烤鸭髀中规中矩，烤得够香，有鸭味但无骚味，但肉质唔够嫩。最后餐饮要咗热咖啡，系即磨咖啡，而且奶仲系热嘅，很好，加分。整体用餐体验感觉良好，环境舒服，空间感足，员工有礼，食物质素唔错。PS：午市仲有88折，即系变相免加一。
继续阅读
今日去咗荃湾庆祝生日俾呢间嘅 $10生蚝吸引咗🤩虽然话系星期二嘅晚上但其实餐厅都好快爆满，系实力嘅证明🤩首先当然系半打生蚝🦪，生蚝冇特别名堂，只系讲系法国🇫🇷但$10 价钱就可以食到生蚝唔敢讲系超级好味，但绝对系少鲜甜，冇腥味，$10 嚟讲性价比绝对系高😍跟住嗌咗呢个牛油果虾沙律，卖相份量💯，喺下面嘅生菜亦有足够嘅果醋绝对唔会食到好干身无味嘅感觉虾有细心地搣咗中间嘅虾壳☺️但又保留住虾头，绝对有鲜味之后仲有圣子意粉，一开始觉得好似料少面多但其实绝对冇啲咁嘅事🤭！反而想赞意大利面弹牙😍口感方面绝对唔输蚀✨调味唔会过咸过油，绝对难得🥹最后突击试咗呢一个甜品，Tiramisu 都冇令人失望☺️最后想赞呢度嘅待应一样咁出色虽然大家都好忙，但服务一样咁贴心🫶🏼有啲好细微嘅要求都会记得同知道星期二晚坐满就知咩事😆👍🏻
继续阅读