泰王潮食 (已結業)

還記得約在一年前,土瓜灣北帝街28號地下 (同一鋪址)是"茶"點心店,食物質素不錯的,可惜全線結業.今天來到"泰王潮食" ,自然令我回想起前鋪位"茶". 因格局也是一樣,完全不覺得有裝修過.特別是門牌的格仔門,完全一樣記得"茶"的點心不錯的,但也不知為何全線結業.?"茶"和"泰王潮食"的格局也是一樣,可惜兩間餐廳食物質素真是相差很遠了.今天下午,我和母親大人各order一個午餐. 我這一個海南雞飯fans,一見到海南雞飯馬上問他,海南雞有骨嗎?職員馬上說,是無骨的,聽到後便馬上order一碟了.海南雞飯還未到時,先來一碗例湯,可惜這一碗例湯,喝了幾口便停了口了,因很強的味精味呀!職員把湯收走後,很快便把海南雞飯送上.先吃了一口雞.雞尚算合格,但可惜吃了一口飯後,便完全失望. 因這一碟飯真的太硬了,加上感覺不到有椰香雞油味,只覺得吃了白切雞飯的感覺. 最後我把所有海南雞吃光,但吃淨的全是飯. 飯太過硬了,失去了海南雞飯的口感,如果我把所有飯吃光,反而會覺得將會壞胃的感覺,所以忍痛地吃剩了很多飯了.解不知是否物價太高了,這一碟泰式豬頸肉,真的少了一點豬頸肉.加多幾塊便滿足了.豬頸肉也是合格

兩人叫了兩個套餐,大半個鐘都未黎, 催都係"fu"衍了事, 最正係茶都係催先有...套餐到, 餐1, 海南雞飯的肉是暖, 重要是鞋, 飯總算夠油味, 可以吃落肚...餐2, 豬頸肉薄薄數片, 豬肉串燒有怪味街坊生意, 同一條街還有其它選擇, 若然一定要食泰國菜, 不如去九龍城...

午餐入到去未有人4人3個叫海南雞$28仲有1個叫豬頸肉$28想講下個海南雞的肉鞋唔明點解入到新假期入圍餐廳檸檬茶(熱/凍也是加$2)有點怪味 有點似蔗水味道 可能是特色另外有個冬瓜煲雞例湯送

當日同屋企人( 1 行4人) 去呢度食tea，哥陣時都差唔多成２點半，入到去見到有好多張吉枱，只得2枱食客... ...禁更係搵張舒適０的 去坐ga la , 順便可以放低"d"隨身物 ... ...跟住有個後生仔 waiter（我估係老闆0黎，成日企係個收銀位度）走過來好無禮貌話我地幾個人霸佢一張大台 (ps :只係6 人位咋)，要我地坐張細台 - 鋪頭中間4 人位。妖～又唔係無台，thus 唔係人多，最緊要佢既態度差到爆燈 ～跟住都算～我地轉台，叫野食ｌａ～成半個鐘都未０黎～跟住追單，答覆係廚房整緊，好快，再等．．茶又無 ... 刀叉又唔畀 .... 絕對無服務態度可言 都唔係做生意的 ... ...我有俾錢食飯ga ，食 lee 一餐真係食到一肚氣 ~ 呢間野已經俾我地blacklist 左，以後唔會去。** 備註：同場加映 老闆仔 "訓示" 員工一幕 , 真的佩服你們的忍耐想去呢間試下既人～請三思．．．

因為逢星期六日... 九龍城特別多人.. 所以我們轉到土瓜灣食飯..今次試一間我地無食過的東西....點完菜後.. 每人都有一個湯冬瓜湯.. OK 啦.. 豬頸肉OK 的.. 但汁略嫌太稀... 泰式鳯爪.... 味道不錯.. 但...唔係一般泰式... 生蝦刺身... 都夠凍.. 但如凍D仲好添.. 蝦頭也可以... 咖喱牛腩.. 牛腩OK. 但咖喱汁麻麻.. 一D都唔無辣味.. 蒜蓉包, 樣唔得.. 味道都算脆.. 香葉碎炒金邊粉一D都唔均勻... 味淡.. NO GOOD~~炒椰菜苗還可以的..... 算是不錯....總括來說... 雖然... 未至於太差... 但... 相比起其他的.. 就有點不及... 都是很一般的很一般.. 除非無其他選擇.. 否則... 一次便夠了..

門面和枱椅都是「之前」的舖頭剩下的。當晚可能客人不多，地方算闊落乾淨，坐得舒服。本來想點一個$158的二人套餐，有飯有菜有小食有飲品。後來發覺叫兩個$40的套餐也有串燒小食另再單叫一個小食併盤，埋單也是$158，雖然沒有菜和飲品，但好像多樣化些，所以就散叫，諗住可以試多幾款款式。一坐下就會給你一碗冬瓜雞湯。飲完不覺口渴，相信沒有太多味精。海南雞飯 – 雞肉嫩滑但味淡，飯夠油味，醬汁夠辣，不錯的選擇。香茅豬扒飯 – 上桌熱辣辣，加分。豬扒煎得很香，夠軟但未夠入味，加埋沙爹醬就剛好。雞肉串燒和豬肉串燒 –配合沙爹醬食時，有點像街邊食那些串燒。小食併盤 – 有蝦餅、魚餅、春卷和荷葉包雞。魚餅和蝦餅比較好吃。整體份量不算少，最好是所有餸上枱時都是熱的，感覺很好。當然比起一些出名食泰國菜的地方，泰王潮食無論在味道或食物的賣相，都比較似快餐店的感覺，相對價錢也就平民化些。如果不是要求太高或想兩口子簡簡單單吃一餐的話，這裡是個可以考慮的選擇。

此店的前身是"茶.點",結果做不到一年,變成了"泰王潮食".就算現今賣泰菜,裝修也是沿用上一手,慳水又慳力.很難約到腳晚上來,午市來有特價午餐供應,如果是學生更有折頭,所以一到午市,差不多全是學生之天下.泰式豬手飯連湯,凍飲,也是三十多一點.如果雙拼要另外加錢,是日便來個豬手加豬腸,兩者同樣鹵得入味,豬手肉質鬆化,豬皮滑而帶有膠質,豬腸鹵得沒有異味,入口帶爽.例湯是冬瓜雞湯,味道清甜.其實這般水準的豬手飯,外面也吃得到.至於海南雞飯則強差人意,雞肉略為老了一點點,雞飯的色水不對勁,果然吃落乾巴巴,沒有什麼味道,隔離的聚寶,比這兒好得多.晚市水準是如何,不得而知,但是總難相約幾位朋友,來到土瓜灣吃泰國菜,如果吃泰國菜,不如去九龍城?搭巴士也只是搭多兩個站而已.

行了北帝街一圈,不想吃廣東菜,,決定一試啦!二人餐＄９８１．豬頸肉：薄片，個汁調得幾好味，小小辣點肉好好味. (個餐原本係酸辣無骨鳳爪,但我和男友不能吃太辣的,於是老闆說可以改吃豬頸肉,,嗶!! He is so nice. ２．串燒４串：熱騰騰，看著師傅在玻璃窗的廚房中制作．３．油飯：飯粒比較硬了一點，如軟一點點會比較好，４．馬拉盞炒菜：味道好不辣4．海南雞: 雞皮及肉的質地滑身，可以接受,但不算很美味.5．千層糕兩件:很軟熟,甜味剛好.**二人餐＄９８有3菜一飯一甜品很抵食．.食完二件千層糕還很想吃其他甜品，於是點了芒果糯米飯：以糯米及黑糯米做底，加上鮮味十足的椰汁，配上新鮮的芒果。糯米入口煙煙靭靭，口感十足，但芒果不夠甜．但是糯米熱騰騰的口感，在冬天吃便很滿足．所以多買了一份外賣回家請媽媽吃．負責人還很好幫我用二個醬料盒放椰汁，把糯米及黑糯米分別用保鮮紙分開包好，又教我可用微波爐叮熱一分鐘來吃．＊＊老闆總是笑臉迎人,今日今日咁既服務態度~~值得加分^~^"店內又有電視看，還有開聲音的！ｇｏｏｄ！最討厭有些店只開電視但又沒有聲音，吃一餐要睇字幕的飯但難受！

我女朋友個細佬生日...於是大家諗住同佢食餐好野...咁佢鍾意食泰國野..我見呢間野門面裝修唔錯...咪諗住去試下..點知一入去先知....d位好迫...我地5個人...坐得好唔舒服..出入又會整到隔離枱...咁都算啦...佢地方少...唔怪佢...跟住叫乜冇乜...我地都唔係夜去食...7點咋啵...就已經冇大頭蝦..冇呢樣冇果樣...已經嬲嬲地...是但求其叫左幾樣野食下...辣椒膏炒蜆....呢個都唔錯..個味岩岩好...唔會太辣又唔會太鹹...但係少左d...得5-6隻..一人一舊都冇哂...咖哩炒蟹.....咖哩冇咖哩味...食落一浸生粉水味...淡到佢丫...d蟹膏係就係大舊...但唔知佢點解係好硬既..一心諗住咖哩差極有個譜...叫左蒜蓉包點黎食...結果個咖哩太水...唔點好過點...冬陰功湯...真係陰功到...成煲湯得2隻蝦...仲要冇蝦頭...好似人地炒粉麵果種蝦球咁既...其餘就係d香料...係好香勒...但又冇辣味冇鮮味...成煲香料水咁囉炒金邊粉......見佢賣相唔錯...但係我又錯左...茄汁炒金邊粉囉....仲要炒唔勻...一撻撻咁..酸酸甜甜...好

家樓下食街開了一所新泰食店，名為"泰王潮食"。一聽名字後還以為是吃泰菜及潮州菜的，卻原來是只專攻泰菜一味....已是九時半的晚上時候，不能叫太多東西，否則便會飽得徹夜難眠了兩人只分食一份豬頸肉沙律及海南雞飯，僅此而已。印象中已記得很久沒有兩口子出街食飯，只是order如此輕盈之份量了.....先喝一口店方奉送的例湯。用羹一撈，差不多是找不到配料，是淨水來的；喝一口，只嘗出師傅味。吃至最後還攪不清所喝的是甚麼來，還是首趟....初頭有懷疑是跟雞飯同上的冬瓜雞湯，但又感不大對路....唉....還是不猜好了....豬頸肉沙律辣度頗足，但肉的份量比菜多，吃時有點不像在吃salad。肉本身醃味適中，配合店方所調的辣汁，很是不俗....雞飯色水不算很勻循，是吃到有些飯粒沾不到油香的，而且感到有少許生米的存在；雞皮及肉頗滑身，能收貨的。辣醬頗夠味道，夠酸也辣，用來伴飯倒是一個不錯的idea....相比起鄰街的"米米"，水準是不信伯仲的，都是些吃完後沒大感覺的泰菜館.....

見雜誌社介紹就得登過黎買個咸豬肉飯外賣.....$29 有飯..有飲品...有湯都算係抵食......咸豬肉飯=脆豬腩飯......脆肉有6-7大塊.......脆肉皮夠脆..肉醃得夠味.......不過1d都唔油膩.....超讚!!!!飯係另一個"主角"......略為乾身既香飯......有陣陣香茅味同雞味......又唔會油淋淋.......確係唔錯......例湯-冬瓜雞湯...比較"重味"...有點失色.......飲品...凍飲唔使加$$....特飲加$8.....下次要試試另一招牌--泰式雞飯.......

六月上旬‧晴朋友報料，說這裡開了新泰菜店子，說這裡的泰式雞飯乾身好吃，就立即來試試。一坐下，侍應已經拿來三碗雞湯，喝起來真的很「雞湯」的。選了三款小吃，無骨鳳爪調味可以多些酸辣，豬頸肉沙律在這方面就更出色了，令人胃口大開。雞飯來了，雞肉真的是很嫩滑，雞味較淡，同上的一碟辣醬就大派用場了。雞飯乾身而不油潤，算是交了功課。另一碟的是脆豬腩飯，腩肉炸得皮很脆口，值得一試。炒粉絲炒得乾身香口，好。來的時候沒有什麼客人，吃至一時半左右，人客也越來越多，看來也是旺場店子，是吃午餐的好地方。更多的資料，在這裡：http://gourmetkc.blogspot.com/2010/07/blog-post_510.html