泰濃麵 (樂道)

营业中

休息中

喺iSquare睇完戲 諗住食過晚飯 咁岩經過泰濃麵 所以入去試試 麵店非常乾淨企理 價錢合理 -🤓海南雞飯 $69海南雞都幾滑身 口感較扎實 最鍾意點佢啲辣椒醬-🍜卜卜蜆 冬陰公湯 薯粉 $89鍾意食麵嘅朋友可以一試 首先揀咗配料同湯底 有船湯/冬陰功湯/清湯 然後再揀麵條 有河粉金邊粉薯粉黃麵湯飯揀 我揀咗冬陰功湯底配薯粉D蜆洗得幾乾淨冇咩沙 冬陰功湯都唔錯唔算太辣 不過薯粉就有啲太琳 下次黎要試吓埋其他麵-🍤泰式小食拼盤 $69泰式小食拼盤有三種小食 有炸蝦球炸雞翼同埋炸腐皮 整體都炸得幾鬆脆 又熱辣辣 幾開胃-🥥原個泰國椰青 $48椰青真係好大個 超多椰子肉 椰汁幾好飲-🍋青檸梳打 $28青檸梳打係分開青檸汁同梳打水上 可以根據自己嘅喜好 慢慢加啲梳打水

每個地方嘅湯麵都有唔同嘅特色而依間泰濃麵嘅湯麵，甚至有得叫龍蝦同蠔作為配菜而我就叫咗個廣東蠔湯河 ($99)同埋安格斯牛湯河 ($89)味道都唔錯每一碗中另外送多兩粒丸，同埋一個秋葵同蘿蔔，本身我都幾唔鍾意食秋葵，但依間秋葵意外咁係可以接受。另外安格斯牛湯河會配有炸豬皮，夾埋個湯河真係超級好食同時亦都叫咗個炸雞翼作為小食($39)，雞翼味道唔錯，仲配有一個泰式辣醬飲品只係叫左熱柚子蜜同梳打水，佢嘅梳打水好多氣，所以飲幾啖就好容易飽順帶一提佢外賣自取好似有八八折

呢間位於 尖沙咀I Square 後街樂道的「泰濃麵」，一直都好想去試下佢嘅粉麵。今日趁著去尖沙咀工作，有足夠時間，專登提早成個鐘去，終於試到佢嘅泰國湯粉。餐廳提供三款湯底，清湯即雞湯；船湯即豬骨湯；想要辣就可以選冬陰功湯。落單時先揀湯底，然後就揀餸，最後就揀粉麵或飯。跟餐可以$5加罐裝飲品或指定特飲（$18）。另外亦有海南雞飯及多款小食。下午2:30後特設下午茶，更加抵食。《卜卜蜆》（$89），湯底選了冬陰公湯，然後配金邊粉。我自己比較鍾意金邊粉微微爽嘅口感。卜卜蜆粒粒都肥嘟嘟，仲有其他配料：蝦、青口、蟹柳、鮮菇及秋葵，非常豐富。配上香濃冬陰公湯底，真係好食到不得了。《泰式鳳爪》（$49），配上芹菜絲、洋蔥絲、蔥𢇁、椰菜絲絲，加埋泰式酸辣汁，夠曬酸辣惹味 。《泰國原個新鮮椰青》（$48），果然係好新鮮，又清甜又多汁，夠冰凍，真係正到冇朋友，大滿足的一餐。當日有個小插曲，話說隔離枱來了三位男士，佢地好似有選擇障礙及困難症，心大心細，落咗單一陣之後又要求雙併改單併，改餸、改飯，改完又改。店員姐姐十分有耐性，首先好細心解釋清底分別，雖然客人改單多次亦立即通知廚房，仍保持很好態度，真係值得一

好耐冇無去泰國無食船麵，今次就特登去試一間近期口碑幾高嘅泰國船麵專門店📍泰濃麵😘餐廳喺尖沙咀iSquare對面，地點好方便易搵，有卡位有圓椅都坐得舒服，牆身重掛有一幅泰國船麵既相片🤣🤣我同友人今次叫左兩個船麵同一個泰式小食。🔸 頂級安格斯牛肉+船湯+金邊粉｜$89安格斯牛肉質好軟腍，肉色粉嫩，牛肉味夠香濃，份量都正常夠食嘅 (係泰國食嘅船麵好細碗唔夠食)，雖然無得揀牛嘅生熟程度，似食越式生牛肉河咁，但上枱時個生熟程度剛剛好。船湯十分濃香，不禁問了店員個船湯有咩材料，原來係由豬骨湯做底，再加入不同秘制配料及調味去熬煮而成，濃而不鹹，好好味。金邊粉比較幼細🔸 卜卜蜆+冬陰公湯+河粉｜$89卜卜蜆肉都幾厚身, 脹卜卜咁好鮮甜。冬陰公湯重香茅味，偏酸微辣，唔食得辣嘅朋友都會接受，湯內重有彈牙嘅鮮蝦、青口、秋葵同秀珍菇。河粉軟熟，好夾個湯。🔸 泰式鳳爪｜$49冷盤好開胃，加上鳳爪無骨就最岩我依啲懶人食，而且好惹味，食到泰式辣醬、洋蔥同蒜茸味。📍泰濃麵尖沙咀樂道7號嘉樂大廈地下A舖

頂級安格斯牛肉河粉 $89🐮有濃郁牛肉味又不失嫩滑口感 河粉夠爽嫩滑湯底有洋蔥既甜味🧅 如果蘿蔔炆煮得入味會更Perfect😉泰式蝦餅 $49🦐真心推薦 新鮮炸起熱辣辣🔥 外邊炸得夠鬆脆 每塊蝦餅都充滿蝦肉而且蝦餅嘅厚度係極厚 食落爽滑彈牙☺️泰式炸腩仔 $69🐷最愛那烤得脆卜卜既皮 脂肪層次分明 一層瘦肉一層脂肪😍泰國原個新鮮椰青 $48🥥超愛椰青水 夠清新 當甜品食都得🥥 @siam.noodles#泰濃麵 #銅鑼灣 #船河 #船麵 #SiamNoodles #ThaiNoodle #尖沙咀 #泰國菜 #香港美食泰濃麵 (尖沙咀) 📍地址：尖沙咀樂道7號嘉樂大廈地下A舖

介紹返💁🏻‍♀️。。🇹🇭 船麵 在尖沙咀 🇹🇭。泰濃麵 Siam Noodles 。樂道7號嘉樂大廈地下A舖。船麵 Boat Noodles自選 Make Your Choice 船湯 Boat Soup / 冬陰功湯 Tom Yum Soup / 清湯Broth河粉 Flat Rice Noodles / 金邊粉 Padthai / 薯粉 Sweet Potato Noodles / 黄麵 Egg Noodles / 湯飯 Soup Rice頂級安格斯牛肉 US Premium Angus Beef。HKD89 + 10%卜卜蜆 Clams 。HKD89 + 10%泰式小食拼盤 Thai Snack Platter泰式炸蝦餅 Deep Fried Shrimp Cake 炸雞翼 Deep Fried Chicken Wings 炸芝士雲吞 Deep Fried Cheese Wontons每款2件。HKD69 + 10%泰國原個新鮮椰青 Thai Fresh Young Coconut。HKD48 + 10%泰式青檸梳打特飲 Homemade Thai Lime Soda。HKD28

如果食開泰式船麵既話，小編一定係會揀冬陰功湯底😋湯底好味既話自然碗麵都唔會差得去邊😎頂級美國肥牛冬陰功湯河粉$69呢款冬陰功湯好搶喉，辣得黎令人會想繼續飲落去😝佢既湯油份唔算太多，食落都唔會過分油膩感👍🏻河粉真係好滑身，淋得黎又唔會一夾就散，同冬陰功湯真係絕配，肥牛大塊，份量適中，仲有啲配料，蝦、青口、蟹柳、菇、芫茜等泰式海南雞飯$69呢款海南雞肉質好滑，大舊，冇雪味，而且啲雞皮仲好爽添🫰🏻配埋黃油飯真係冇得輸，碗飯份量多，雞肉配埋側邊既泰式酸梅醬，正👍🏻泰式小食拼盤$69呢款有兩件炸蝦餅、兩件炸雞翼、兩件炸芝士雲吞，個雲吞皮都幾薄，內裡芝士食落唔漏泰式香茅斑蘭梳打特飲$28飲品叫左少冰，好香香茅斑蘭既味道，配梳打之後就變得好清新

🧡卜卜硯船湯河粉⛵️·$89船湯呈深啡色，非常濃郁，一啲都唔死鹹，飲到肉既鮮味🤓河粉吸收曬啲湯底精華更加美味😎卜卜硯粒粒無沙超級肥美😝另外配有秋葵🥦魚蛋🐟炸豬皮，非常足料風味十足🤓🧡泰式鳳爪🐥·$49點少得泰式鳳爪！無骨鳳爪非常彈牙爽脆😝有大量蔥同芹菜😏汁醬酸酸甜甜又帶辣，非常惹味開胃🤓🧡青檸梳打🍋·$28侍應會比一杯青檸片加青檸汁嘅冰底，再自己加象牌排梳打水🤓好爽！

同朋友仔行完iSquare 搵地方醫肚, 見橫街有間食泰國野的食肆, 驟眼看唔係好大間, 難得仲有位於是便入內試下😬朋友叫左泰式海南雞黃飯($69),佢一邊食一邊讚雞肉好嫩滑，份量又好夠,佢仲分左D 雞比我試, 的確好正，值得推介😋😋😋我叫左個頂級安格斯牛肉船湯金邊粉($89)：牛肉邊位帶少少脂肪, 軟腍好味+特色濃湯底👍🏻, 好YUMMY另外加個泰式小食拼盤($69)：炸蝦餅皮脆肉嫩，蝦肉都好足料，炸雞翼正常，難以抵抗最邪惡的炸芝士雲吞最後叫左兩杯特飲解渴, 香茅斑蘭梳打 ($28)味道一般, 唔係好飲到香茅斑蘭味, 朋友仔就好滿意杯泰式蝶荳花特飲 ($28), 除左紫色好靚外, 佢話甜甜地都好好味依間餐廳好就腳, 下次經過尖沙咀可以試下芫茜山, 我見好多枱食客都有叫, 成坐山咁高的芫茜真係好吸睛

幾次經過餐廳🍴都覺得好地道Feel，今日晚餐🥣時間終於黎試下😋卜卜蜆冬陰功金邊粉 $89卜卜蜆隻隻蜆肉都好肥美飽滿，鮮味十足，完全唔會有沙，咬入口仲非常Juicy，非常鮮甜好食，份量都好多下，冬陰功湯底酸酸辣辣好開胃，湯頭味道仲有海鮮既鮮甜，入面配菜仲有蝦，青口，秋葵等等，金邊粉好掛湯，一齊食非常惹味安格斯牛肉船湯薯粉 $89安格斯牛肉上枱時仲係紅卜卜，可能隨自己既口味黎食幾成熟既牛肉，牛肉牛味十足，肉質非常軟腍，船湯味道感覺有啲啲藥材味，但又唔會有任何苦澀味，偏向清甜濃香咁，薯粉咬口唔會係勁有咬口，比較軟軟糯糯咁，入面仲有魚蛋同炸豬皮炸雞翼 $39雞翼炸得外皮香脆，好有泰式風味，入面既雞肉都好多肉汁罐裝可樂 $15*6:00pm後要收加一服務費

一直好掛住泰國既船麵，終於黎食呢間幾高人氣既泰國餐廳💜長期都坐滿人，不過翻桌率高，都唔洗等好耐🙌🏻　湯底｜船湯、冬蔭公湯、清湯主食｜雞脾肉、煙鴨胸、黑豚肉、頂級美國肥牛、芫茜山、卜卜蜆、廣島蠔、飛蟬和牛、原隻波士頓龍蝦海鮮麵底｜河粉、金邊粉、薯粉、黃麵、湯飯　♡ 船湯卜卜蜆金邊粉 $89♡ 船湯頂級美國肥牛 $69　湯底濃郁得黎唔會過咸，除左主食之外船湯既配料仲有魚蛋 蘿蔔 秋葵同炸豬皮🫶🏻　卜卜蜆起碼有10幾隻，食落無沙之餘味道好鮮甜無腥味；肥牛薄身冇過多脂肪，紅薯粉係好幼身，食落好Q彈；相比起泰國呢個價錢唔算話好抵食，但勝左夠大碗✨.♡ 炸芝士雲吞 $39起初以為芝士雲吞係有肉，原來係雲吞皮入面包住芝士🤣第一次食味道都幾特別，雲吞皮香脆同芝士幾軟燸。.♡ 泰式香茅斑蘭梳打特飲 $28用左成枝梳打水🥰 有多會比你自己添加，香茅味幾濃，好解渴♡ 龍眼冰 $28龍眼肉極級多好抵飲🤩 驚太甜嘅可以叫店員少甜

好耐無食泰國野，其實係香港都未食過船麵，呢度主打食船麵，原來啲配搭都幾多,廣島蠔，龍蝦海鮮，飛驒牛都有。頂級安格斯牛肉船湯金邊粉： 半生熟既牛肉，腍滑有牛香， 魚蛋好彈口。配料仲有豬皮，白蘿白，秋葵。 個湯底好濃，雖然話唔辣，但可能d 香料又加上個湯熱，所以辣辣地，不過係好食同惹味既。雞髀肉船湯黃麵：個麵雖然粗身，但估唔到係入晒味。香茅斑蘭梳打特飲：呢杯野飲好啱我，淡淡既香茅味，飲落少少甜又好清新。泰式炸蝦餅：新鮮熱辣辣, 好耐無食過蝦片😍個蝦餅夠紮實彈牙。

好食船面！😍行尖沙咀餓餓地去左間專食船面既餐廳，好濃味，好好食！男朋友揀左廣島蠔船湯金邊粉（$99），好似有5粒左右，都幾飽滿。不過我覺得 卜卜蜆船湯金邊粉（$89）仲好食，面頭有豬皮增加口感，再加埋濃郁既湯底，好正！食得船面緊係要配埋青檸梳打啦～fresh 晒～呢間既船面令我好掛住，金邊粉同船面係最夾架，下次黎都會再食，真係好好味。環境同店員都好nice，推薦！

仲未有機會飛泰國但係已經掛著當地嘅食物，其中一樣就係我最愛嘅船麵🚤🛳️⛴️🚢FUSION 泰船麵係尖沙咀樂道就有一間船麵專門店，可以解一解我船麵嘅癮，佢地特別在可以自選配料、湯底、同麵底😋😋先選配料，可以選雞、牛、豬、海鮮，牛都有三種，有美國肥牛、安格斯同埋飛驒和牛、海鮮又有卜卜蜆、廣島蠔、仲有波士頓龍蝦🦞湯底可以選清湯、冬陰功、或者船麵湯，麵可以揀油麵、河粉、金邊粉或者特別D嘅薯粉，揀湯飯都得👍🏻今次試咗安格斯船湯金邊粉🥩同埋雞脾肉清湯金邊粉🐔牛肉船麵味道都算正宗，安格斯牛肉片又淋牛味又重，仲有我最鍾意嘅炸豬皮清湯比我想像中濃味😋另外叫咗一份炸豬腩，同埋兩杯特飲🍹炸豬腩居然係南乳味🐷好正🧡香茅斑蘭梳打居然有成支泰國梳打咁俾我💜蝶豆花檸檬特飲顏色超靚，檸檬味都好出，比檸檬茶更好味。

喺香港食泰國嘢好食過喺泰國食🇹🇭😂食過返尋味😚 今次食到卜卜蜆💕 喺iSquare附近都好方便💁🏻‍♀️ 冬天食碗湯麵係好正🔥❣️泰式鳳爪 $49攞薦~ 鳳爪有好多隻冇骨 酸辣勁開胃🌶🤪❣️頂級安格斯牛肉 船湯 河粉 $89牛肉高質 真係配得上安格斯嘅名‼️🐄魚蛋 炸豬皮 蘿蔔都令個粉生色不少💓湯底本身就濃 飲落甜甜地🤤 河粉超滑又超索味好正( ˙༥˙ ) ️❣️卜卜蜆 冬陰功湯 金邊粉 $69終於食到‼️ 蜆令到個湯更鮮🥰 冬陰功湯依然好飲 鍾意佢飲落好清唔油 但係酸辣香辛味都有✅🌶真係會搶住飲晒成碗湯🤤 仲要配埋蝦 蟹棒 青口 秋葵🦐蜆有好多粒 係飽滿 juicy新鮮冇腥味( ･ㅂ･)و ̑̑❣️泰式香茅斑蘭梳打特飲 $28幾特別 好似按摩完會飲嘅嘢 香茅味比較突出💁🏻‍♀️ 自己加梳打水好夠汽✨