泰海鮮 (已結業)

難得同大班朋友入屯門，當然要食餐靚海鮮，精挑細選之下，還是跟從朋友提議，入來這區相當高質的泰海鮮食﹗今次的海鮮是從有名的關財記購買來再加工。食得海鮮餐，一個高質海鮮湯當然不可或缺，配料都好充足，包括有番茄、薯仔、雜魚一堆、瀨尿蝦、沙白蜆烹煮，每位只是$20不但味道鮮甜，而且一定好有營養價值，值得一喝再喝。必食豬扒 $96叫得必食當然有原因，一食就知點解肉質入口口感極為鬆化腍軟，原來豬肉以全人手打軟，功夫十足加上醃製精良，非常惹味，豬扒上面再灑小魚乾更是錦上添花由於本菜式製作相當花時間，所以並不是每次來都可食到白灼九節蝦一斤，連加工費共$78雖然看來蝦不很大，但富肉質，而且鮮味可口，大家一人一隻好快就把碟清乾淨泰皇芝心蝦丸，點了兩客，共六粒， $156蝦丸勁大粒，外層麵包糠炸得香脆，好有咬口，一咬仲會流出好多芝士，相當香口又滋味相當滿足的一餐，與知己好友共聚，美食當前，人生一大樂事﹗

同朋友去吹水＋食海鮮，為左傾得開心D，BOOK左房，都唔貴！值得再去！泰皇芝心蝦丸特愛芝士，所以試下，食落之後，最愛唔係芝士，亦唔係蝦，而係佢炸得超好既外皮，唔過火，熱辣辣食，係幸福滿足既感覺。(如果平D會更好)白酒忌廉煮花甲配烏冬未食已經聞到超香既酒味，見到就知道落足料！濃郁既忌廉加酒香，連埋烏東已經一流，加埋花甲既鮮，ＣＰ值超高既一道菜。必食豬扒超超超好味既豬扒，呢個名無改錯呢！洋蔥、汁、魚仔既配搭，最正係豬扒既柔軟係其他地方係揾唔到，無誇大其詞，真係必食之選。(配飯一流)蒜蓉粉絲大元貝嘩！比想像中大隻好多，配合原汁原味既食法，鮮味好突出，食海鮮必食，因為食呢個實知新唔新鮮。

平時嚟三聖村，通常都係食晚飯，lunch time嚟食海鮮都係第一次！今次難得可以約到成班人嚟食，梗係試多啲款式。一嚟先上一斤白灼九節蝦，印象中應該係第一次食呢隻九節蝦，望落比平時見嘅細隻啲，但係肉質好彈牙，仲好鮮甜，唔覺唔覺就食咗差唔多十隻！另外，仲食咗薑蔥鮑魚煲同泰皇芝心蝦丸，個鮑魚煲啲薑蔥爆得好香，鮑魚都好腍！～ 而泰皇芝心蝦丸啲芝士勁流心，再加上炸得十分乾爽嘅蝦丸，味道同咬口都無咩可以挑剔嘅地方，值得推介！同場加映必食豬扒，估唔到除咗海鮮外，豬扒都又腍又惹味，有驚喜！

家人話要去屯門食海鮮，去到三聖買完一堆海鮮之後，當然要搵間優質既廚房，而加工費合理既食肆加工架啦成枱都係香噴噴既海鮮宴就咁出現左西方食品，中式煮法香濃既忌廉汁用上偏辛口既白酒，中和忌廉既膩口鮮甜既花甲點上醬汁，令蜆肉更加提鮮彈牙煙韌既日式烏冬亦黏滿醬汁，香，濃，鮮，滑都一次過享受將桶蠔裹上炸漿，炸到酥脆無比蠔肉一啲都唔腥，厚度充足，鮮甜味封閉係酥脆既外表之中，形式一個香氣炸彈熱氣既食物真係會食唔停口連大元貝都要酥炸埋一份肉身炸到一啲都唔過熟，仍然保持到濕潤度鮮甜嫩滑既元貝肉依然仲持酥脆之中用瀨尿蝦、沙白蜆、加上一啲雜魚煲成一個番茄薯仔湯帶有胡椒既辛口感令各種鮮甜取得平衡，唔會互相破壞一啖湯落口，溫暖在心頭一般都係伊麵底，今次聽部長推薦，嘗試下炒飯底芝士醬濃而不膩，焗到帶有微微焦香炒飯夠火侯，粒粒分明，夠哂香口而龍蝦既香味亦都焗到滲透落炒飯底之中最後滿意收場

好多年無入嚟三聖邨食海鮮喇!! 第一次食呢間，好幾道菜色嘅烹調都幾有驚喜～白酒忌廉煮花甲配烏冬平時食花甲通常都係用清酒或者鹽水煮，白酒忌廉煮嘅好似係第一次試(大鄉里)，個忌廉汁好rich好滑，配埋酒香，成個汁嘅味道好有層次！蒜蓉粉絲蒸大元貝今次揀嘅帶子好大隻！蒸得火喉剛剛好，好鮮甜～砵酒焗桶蠔個人好鍾意呢個焗桶蠔，好惹味，同埋幾欣賞啲桶蠔可以焗到啱啱有啲脆邊，但又唔會太韌同「鞋」口豉椒蟶子皇配煎米粉底蟶子好彈口，墊底嘅煎米粉索咗啲豉汁嚟食都好夾味今次啲海鮮同幾年前嚟三聖一樣都係嚟自闗財記，隔咗咁多年啲海鮮都依然係性價比好高呢！～

今次第三次到泰海鮮，一次比一次差！訂枱講明要室內，兩次都變室外，個阿叔完全唔志在，闊佬懶理。每款海鮮煮出來都過曬火，老到冇朋友，真的浪費了那些食材！來了三次，應該不會再有第四次了。真的一次比一次差的。

對上一次入屯門三聖食海鮮已經係4、5年前既事。記得果次去街市買完海鮮，再拎去附近酒家煮，價錢一d都唔平，兩個人食左千幾蚊，唔平得過市區好多。今次跟係屯門長大既好朋友黎食，竟然有意外驚喜。係街市買左元貝、桶蠔同花甲，跟住去左屯門友介紹既泰海鮮煮。買左10隻元貝，用蒜蓉粉絲蒸，大大隻，好鮮味彈牙，粉絲索左汁好惹味。買左兩細桶蠔，平時牙媽係屋企煮多數都係整薑蔥煲，簡單d。出街食，無理由又食返薑蔥煲蠔架，就試下砵酒焗。蠔邊好脆，隻蠔肥嘟嘟，咬落中間多汁肉嫰，濃濃砵酒味，超好食。不過一定要趁熱食，有隻擺耐左先食，蠔邊已經淋哂，嘥左。買左兩斤花甲，好似食西餐甘，揀用白酒忌廉煮，再加烏冬。花甲好鮮甜，啖啖都有白酒味，好正。平時食西餐，通常都係比麵包你索埋個汁食。原來配烏冬重好味，又飽肚d 。再叫左個芝心蝦丸，一向好少食熱氣野，但朋友話好正，即管一試。果然係好好味。蝦丸大大粒，表面包住平時食凱撒沙律上面既麵包粒，咬落脆卜卜，咬到中間，蝦丸彈牙爽滑，再爆出流心芝士，三重口感。熱氣都唔理得甘多，食左先算。今次買材料再加埋煮，每人都係$200左右，價錢平過係市區，食物新鮮美味，真係唔錯。

黎到三聖當然唔少得食海鮮，攞左位就過隔離買海鮮，買左一隻龍蝦，一斤幾花甲同一斤聖子，咁就五百蚊，兩個人食咁多好似有啲誇張😂去到餐廳就揀煮法，星期日一斤要七十幾蚊，唔夠一斤當一斤計。我地揀左豉椒炒聖子，芝士脆皮龍蝦同白酒忌廉花甲烏冬，新鮮海鮮煮寧捨鮮味，但忌廉有啲”留”,食完飽到上心口。埋單四百尾有啲貴，因為一斤頭花甲計左兩斤😂買海鮮時留意反會化算啲。兩個人連海鮮就一千了，如果揀餐廳嗌應該會抵啲，但海鮮會無咁新鮮。

眨吓眼就快又就嚟過新年啦！團年飯每年都食，同朋友姊妹就要再提早幾個星期約啦！仲預訂出名嘅三聖海鮮大餐。泰海鮮 成為了我們的老地方。係因為貨真價實，每人幾百蚊已經食到高質靚海鮮，真係好過自己屋企煮。我哋大家都青春活潑，最鍾意就係食煎炸熱氣野，第一味餸就係 泰皇芝心蝦丸。一上枱就成粒紅寶石咁嘅款，實在太吸引我了。外層係酥脆的麵包粒，內裏係彈牙嘅蝦肉，仲有流心嘅芝士，鮮甜不油膩。太心急食唔小心就會燙口，蘸一些泰式醬汁搭配，十分惹味。仲有喺出邊好少食到嘅九節蝦，望落去好似細細隻咁，蝦嘅肉質鮮嫩多汁又彈滑，加埋個秘製辣豉油，提鮮作用就越想食！另外一款可遇不可求嘅海鮮就係蝴蝶蚌，外型真係靚到好似一隻蝴蝶咁，以油鹽水煮蝴蝶蚌更加係原汁原味，食到蚌本身嘅鮮甜味。我哋成班兄弟姊妹人多勢眾，果然係可以試多幾款唔同嘅海鮮，我另一心頭好就係龍蝦，喜歡重口味嘅我一般都會揀芝士焗龍蝦，這裏很特別是給我們配上炒飯底，我自己覺得好食個伊麵底。 芝士濃稠和炒飯自然融和一起，芝士控說十分邪惡，龍蝦啖啖肉，除咗斤両十足之外就係彈牙爽口滑，蝦肉嘅質地結實，食落有質感。最後再食埋熱辣辣嘅 蒜蓉粉絲蒸元貝，每一隻都比手掌更加大，

今次一班老同學聚會, 既然是十二月尾的做冬飯, 自然吃好啲去食海鮮。於是我們去了泰海鮮開餐, 有車一族車了我們幾個一起入去三聖邨, 大家在車上說過不停, 十分嘈吵, 好像返學年代去旅行般一樣興奮。拿了位子後, 我們幾個女生雞手鴨腳地在附近海鮮檔揀了幾款海鮮, 決定好煮法, 再加幾款小菜, 決定好這餐豐富的晚餐。先送來的是必食豬扒, 反而是我第一次來這兒吃, 要是我點菜一定是香口的炸物。不過原來一直錯過了這個美味的豬扒, 醬汁酸甜醒胃。豬扒切得剛好不會太大件, 先油泡後再以秘製醬汁快炒。一點也不覺油膩外, 加入了洋蔥和魚仔乾就更香口。魚仔乾更是有畫龍點睛之效, 加點香脆, 加點咸香。砵酒焗桶蠔送來時傳來陣陣砵酒香, 大家都忍不住立即每人夾一隻。 桶蠔大大隻, 肉厚鮮甜。炸完後的蠔外脆內軟, 加上酒味可以辟走泥味, 提鮮不少, 令我這個不太愛吃蠔也覺得很好吃。難得見到蝴蝶蚌, 當然要來個油鹽水蝴蝶蚌, 吃吃最原味的鮮甜。原來不少同學仔也未吃過蝴蝶蚌過, 樣子有點似蜆的貝殼類屬於季節性海產, 在冬季短短兩個月才有得吃, 每次看到我都會心心眼蚌肉不但口感爽甜, 美味爆汁程度比任何花甲還要厲害。

難得齊人一年一聚，特登入到屯門的三聖食海鮮我哋最enjoy食海鮮都可以一條龍，由買海鮮到烹調嘅方式都可以揀，食到最新鮮最靚嘅海鮮。今次再到關財記揀海鮮，揀咗奄仔蟹，花甲，大扇貝，仲有好少見嘅蝴蝶蚌。加上我哋最鐘意嘅海鮮湯～大滿足白酒忌廉煮花甲配烏冬鮮甜嘅花甲，加上鮮忌廉同彈牙烏冬，每啖都好正，不膩不滯。蒜蓉粉絲蒸大扇貝 見到咁靚嘅大扇貝，厚身嘅程度可以用「扇貝扒」嚟形容。用刀切開可以見到一絲絲肉。炸過嘅蒜蓉同爽口粉絲吸收咗海水的鮮味同扇貝嘅甜味，送飯一流，齒甲流香。鹽油焗奄仔蟹簡單的監油焗蟹已經可以帶出蟹本身的鮮味，從中間分開一半，蟹身有好多膏，又要再添一碗飯！海鮮湯上次試過姐姐推介嘅海鮮湯令我地十分難忘，今日再試，仍然保持一貫嘅水準。魚，加試瀨尿蝦，沙白蜆，還有蕃茄同薯仔調味，真心推介最值得一試嘅煮法。湯料又可以食，滿足晒我地呢班海鮮精！油鹽水蝴蝶蚌最後一味蝴蝶蚌，時令海鮮之一，爽口嘅肉質，用最簡單嘅做法是最好味。

之前成日聽朋友話三聖邨食海鮮都唔錯，聞名不如一試，就相約朋友們去食海鮮大餐！呢家比較特別係有埋泰式煮法食品，友人選擇部分係海鮮檔購入再加工，另外再點埋店內的皇牌菜式泰皇芝心蝦丸大大粒蝦丸外層係麵包糠，裡面流住又濃又香芝士，蝦肉彈牙有口感，鐘意食香口食物的朋友岩哂！油鹽水蝴蝶蚌平時好少係市場見到，真係不時不食既海鮮，清蒸已經非常鮮甜爽口又多汁👍🏻蒜蓉粉絲蒸扇貝到我愛既大扇貝，呢個不得了非常厚” 啖啖肉”，蒜蓉麻油味好香，食落肉質一絲絲咁！芝士焗龍蝦配炒飯底一般食芝士龍蝦都係配伊麵底，但店員推薦試炒飯，果然唔錯有驚喜，飯吸收哂龍蝦精華加埋芝士，好快已經食哂飯仲想加底😂飽飯過後再去到碼頭邊走走，影下漁村風景再睇日落，一日悠閒美食遊十分滿足！😌

家人要冬至做節，就說要再去泰海鮮了舅父發板，我當然繞埋手等食反正我是海鮮就好一來就有我最愛的九節蝦！雖然他的體積不是很大但九節蝦的特點就是不大，肉質比較彈，鮮甜有男友幫搣我都吃得特別多，太好吃依舊要叫一個海鮮湯，看得出裡面有些雜魚、瀨尿蝦、沙白蜆、番茄薯仔湯鮮到不得了呢！趁熱就連喝了2碗而且湯渣也可以吃，半隻瀨尿蝦都這麼大隻！油鹽水蝴蝶蚌在街巿也不常能買到的海鮮今天有，舅父就特別ORDER了又大又嫩，用油鹽水這做法可以KEEP住蝴蝶蚌的原鮮味平常都是芝士龍蝦伊麵，今天來了個炒飯底配著芝士吃原來也很不錯，不過我個人偏愛伊麵聽聞龍蝦都有一斤八両，怪不得肉這麼多龍蝦是我最愛之一，肉是實實在在...啖啖龍蝦肉蒜蓉粉絲蒸大元貝不是普通的大，真的好大，肉好厚舅父知我愛吃有多叫，可以分配到2粒白酒忌廉煮花甲配烏冬這次白酒味比上次輕好多，我就更喜歡了，我男友就不太喜歡..所以說口味這件事人人不同那個白酒忌廉配上烏冬野味而又滑滑的！花甲在我心中有點淪為了配角

如果有親朋戚友從外地回來, 好多事我都會帶他們來屯門三聖吃海鮮, 因為比起其他出名吃海鮮的地方, 這裏性價比我覺得還是比西貢的高. 今次又有親戚回來香港, 那就帶他來泰海鮮這裏吃吧 外地都好少機會有湯水, 所以第一樣要的當然是湯, 鮮料海鮮湯, 大家見到這個冧到山一樣高的湯配料, 就知道味道一定香濃鮮味十足, 湯配料有雜魚、瀨尿蝦、沙白蜆、番茄薯仔等等, 這個海鮮蕃茄薯仔湯, 配料奢華, 但價錢非常經濟實惠, HKD20 每位計, 我們七個人吃都只是HKD140!! 酥炸大元貝, 我們在關財記買的, 有半隻手掌咁大隻的大元貝, 再加工炸, 啖啖肉, 不過總是覺得有點兒浪費大元貝的鮮味, 所以下次都是蒜蓉或者薑蔥煮大元貝就更食得出海鮮的原汁原味 芝士焗龍蝦配炒飯底, 芝士焗龍蝦非常之香濃濃郁, 但總覺得這個主角不是龍蝦, 是這個炒飯!!! 而且實在太大碟, 加上芝士本身都會較為飽肚, 所以跟這個炒飯底簡直是連大胃王都話好飽的呢~ 薑蔥鮑魚煲, 非常入味, 將鮑魚汁在撈飯來吃實在一流~

第一次來三聖食海鲜，看到很多食評推介此間，於是決定去此間試。我們去到三聖必去海鮮舖買海鮮，再來此間加工，看餐牌加工費好像貴了呢！椒鹽賴尿蝦 - 好新鮮的蝦芝士脆皮龍蝦 - 芝士跟龍蝦有點漏, 不過好香, 不能吃得多蒜蓉粉絲蒸象拔蚌 - 好食香香的蒜蓉薑蔥焗鮑魚 - 淡淡的鮑魚跟薑蔥好夾砵酒焗蠔 - 好食有酒味外面有焦脆感買海鮮用左$890, 加工費$540, 我覺得價錢可以第一次來食感覺好好, 下次也會再試其他海鮮呢!