影片
上一次黎帮衬既时候，同店主倾计，佢地话系泰国人，唔知宜家仲系咪。无黎帮衬咁耐，质素依然无变度，一样咁好味！而且今次叫左一d之前未食过既野！其实叫左咁多款野食，全部都好味，而且好有惊喜！见佢个样好难食/好辣！但原来好好食！必须推介- 盐烧鲈鱼叫呢个𩠌，等左我多过30分钟，本来就想等等下唔要，见店主/店员好努力好耐心咁烧，咁就算啦，好在无唔要！睇佢外表，好似好㶶，以为好难食，点知原来好好味！打开块皮之后，即刻偷食一啖，盐味入左d鱼肉度，淡淡盐味再加上鱼既鲜味，肉质好白好滑，真系火候烧得刚好！鱼肚入面都有泰国香料，似乎是香叶/泰国既姜，但都唔太肯定，驱走左鱼肚既苦腥味！好细心！好好味！热腾腾加好大条！好抵食！好在有等，等得好值得！建议有意试既人早点打电话去order!第2款值得推介- 红咖哩猪颈肉本来好惊好辣，因为我爸爸唔食得辣，之后店主/店员推介左呢度红咖哩。虽然餐牌上无红咖哩猪颈肉，但店员都照俾我地叫！红咖哩有意外地好味。本身以为都唔会有咩特别好味。。点知一食，椰汁味好浓，唔辣，连爸爸唔食辣都食得到！特别好食在于配菜上吸晒咖哩汁既味道，佢用茄子，吸晒咖哩汁，真系好入味，口感又唔会过腍！👍🏻咖哩汁好味到可以用黎捞饭！至于冬阴公汤，入面好多新鲜既虾，睇佢既色好似好辣，但又唔系，又有点酸又有点甜又有点辣，味道好正👍🏻飞天炒菜，本来都唔知咩黎，点知原来真系有故仔！都系岩岩先知！虽然宜家无左飞天，不过碟菜都煮得唔错，又有香料味，食唔出系咩豉油，但介兰口感唔太硬，仲吸左酱料汁，好多地方出面都整唔多！估唔到咁耐无食都仲咁好味！我之前通常都只系帮衬生菜包，但都觉得好地道同正宗！睇黎下次帮衬要早点打电话order!唔驶等咁耐！
继续阅读