泰昌餅家 (已結業)

呢間店雖然我無幫襯過，但都聞名已久，不過最近重開卻一致劣評。我覺得蛋撻呢樣食品又並不是一種非常考功夫之制作，其實祇要係剛剛出爐，除非特別粗制濫造外，基本上無論油皮或酥皮都一樣會好好味，呢間店雖然話蛋撻出名啫，實又真係無需長途拔涉去排長龍買貴撻嘅，就算响葵興禾塘咀街嘅一間普通茶餐廳剛出爐啲賣一蚊個嘅撻都非常好食。唔通出咗名多咗人嚟排隊就一定要賣貴啲嘅呢？況且可能係當年肥彭讚過佢好食，因為咁致出名啫！唉！洋鬼子食撻！佢識鬼食咩！你比任何一間店嘅撻過佢食佢都話好味架啦！又好似佢飲中國嘅涼茶咁，你估佢又分唔分得出點先叫好味定唔好味吖？梗係話好味啦，做緊show呀大佬！之所以又何必人云亦云山長水遠咁走去排長龍買貴價嘅普通貨色嘢呢？

睇過網友話難食,都唔係好相信,因為泰昌好似好鬼出名, 自己又未食過,咁轎今日經過,心思思去試一個蛋撻,真係好唔掂,蛋撻表面佈滿黑色點點,個皮食落仲有d苦苦地,試左細細口,即棄! $3.5買了一件圾垃,真係囉呢衰! 好彩冇買6件,唔係仲激死! p.s.買時,唔洗等,蒼蠅都冇隻!

其實唔係特登去食,只不過去開food court又見唔多人排隊就試下有乜咁巴閉!買左一個蛋tart, 一個沙x,先講個tart,同出而麵包舖冇咩分別,只不過係出名同埋個tart好甜,分分鍾好多間麵包舖都好食過佢,又平過佢。沙x仲離譜,得油味同埋糖味,一o的蛋漿味都冇,好難食,我食左半個都冇食,坐對面個女仔仲話好好食,我都想知佢味覺有冇問題。我覺得貴,一,兩蚊唔係最大問題,你都要整得好食至得架!個個都係為出名而去,我食過一次真係心息喇,係心都死埋。

今日同女朋友經過，襯無乜人排隊，就買2個蛋撻+ 1個沙翁試下。價值$3.5，比一般蛋撻貴4成的泰昌蛋撻，入口個曲奇皮好重牛油味，好heavy，女朋友食左半個就餵左我食，但講真，我又唔覺得真係好特別喎! 係新鮮出爐既熱騰騰蛋撻都好食架啦! 我同意有位食家話"名人效應加傳媒效應，認真利害!"，那4成咪就係廣告費lor! 沙翁，都係唔好試了，無期望，都會失望!

今日終於試過呢度既蛋撻食嗰陣時真係幾熱同埋幾香不過真係好似其他食家咁講無咩特別我諗$3.5一個都係買個名啫

去開新世紀,行行下無啦啦都會見到d人拿住蛋撻食,令到我都好懷疑究竟泰昌既蛋撻係咪真係咁吸引,於是上左五樓尋下寶…佢話沙翁早已賣晒,但蛋撻正在熱賣當中(已經係夜晚九點,估唔到都有幾多人買),$3.5一個,比市價貴,試一試啦!都幾好味,蛋漿夠蛋香同蛋味,食得出唔係偷工減料之貨色,不過個皮都厚厚地,雖然味道唔錯,但係我又唔覺得真係好特別好特別又好與眾不同個隻喎!名人效應加傳媒效應,認真利害!

唔好食都算啦，夠膽我買了半打蛋撻，其中四個的餅底是黑色的，仲有燒焦味，以後一定唔會再幫襯！

食完一啖即時大叫:"呢d咩黎"我好肯定呢間野流到死,佢肯定無落過雞蛋,全部用吉士粉,淡而無味

泰昌蛋撻平平無奇，蛋無香酥皮更唔掂，只能說比起美心、聖安娜那些軟皮蛇皮好D，僅此而矣！任何人吃過澳門新大利的蛋撻、奶撻，便會知道香港人食野是那麼的羊群，別人說排隊，他便去排隊，根本好壞他們吃不出. 只因為別人怕別人問排左未而自己無排覺得「魚」而已.

呢間野實在過譽，反映香港人既羊群心理...雖然又不至於話佢差，但我就真係睇唔到要排隊買兼只可以買半打既理由...最乞人憎既係今日未夠八點就話沙翁賣晒唔出，真係... 我就係因為屋企人未試過佢D 沙翁先專登走上去買，呢D 咩服務態度? 話晒沙翁都係你賣點之一丫...

我好少俾咁差的分數. 但真係忍唔住! 蛋撻冇蛋味, 沙翁內冇味只有外面沙糖吊味. 吃完蛋撻沙翁各一件後覺得好漏. 店員俾餅又慢. 如果要3.5一個, 仲要等20分鐘(己經非繁忙時間14:00), 真係咪攪!註: 好彩在室內等如果唔係食風都飽

個tar 得個熱字,無味道,街邊任何一個都好食過佢

身為中環佳麗嘅我，真係唔明白泰昌為何如此令人趨之若鶩？試過佢哋啲蛋撻，烏喱單刀，求求其其。誰說肥彭一定識食？香港人就是這樣，只曉得一窩蜂…唉。

星期日早上同男友係附近所以就去試下, 因為我本身未去過中環間, 知道旺角開了分店咁近一於去試下, 結果..........換來一肚氣當時去到係10:20am, 見到個牌寫住蛋撻出爐時間係10:30am, 好就等一陣, 當時我地係排第7-8位, 好期待咁等候, 到了差不多10:50先出爐, 最好笑竟然係出"一盤"咁多, 相反老婆餅, 皮蛋酥就不停咁出, 好明顯所有人主要想買蛋撻, 而唔係佢不停咁出既其他野lor, 見到佢出"一盤"我已經諗到一定要等下一盤, 每一個人買半打, 一盤都唔知夠賣俾邊個, 最激氣既係到我地既時候只剩下一個蛋撻, 邊夠分呀?排第一位唔等下一盤又好似唔抵, 等又好激氣, 結果男友話等, 但刻我已經發晒火, 到了11:15am先買到, 買了半打即刻食, 撻皮好易散, 而且好油, 比酥皮更油,而且亦唔係好有蛋味, 只係因為新鮮出爐所以味道OK坦白講為了一個咁既蛋撻等了差不多一個鐘, 簡直係浪費時間呀, 而且每一次只出一盤既目的係為了什麼, 無非係想人人都覺得D蛋撻出名, 要客人咁等法, 難道真係咁值得支持佢嗎?

係，我係因為大家都係度講所以經過時都排隊買幾個黎試。自認『蛋撻王』的我試食過後，感覺如下:1) 蛋味濃，香，比其他餅店既蛋撻無咁甜2) "曲其"蛋撻皮係鬆化，但亦只係一般。總結: 唔係唔好食，不過我覺得並非特出。如果要排多個十五分鐘隊，我會選擇唔食好過。