泰式食

营业中

休息中

向來喜歡吃泰國菜，無論在泰國當地還是其他國家，泰菜都是很惹味好吃的，可能是因為香料的緣故。但，這家餐館的食材劣質到居然香料也蓋不住，明顯用陳年冰凍海產、下價肉類作食材，例如：酸辣鳳爪、魷魚，是街市那種被「拿」到沒有顏色、沒有味道的塑膠質感肉類；魚肉質感霉爛、沒味道；甜品更加不要提啦⋯⋯碗碟油漬層層，癡癡邋邋！服務人員態度普遍差，問她們關於菜式的問題，回應時的表情及語氣似乎想吵架、態度勁串且給一些答完等於沒答的答案；有些服務員態度稍溫和些的，但又如在夢中，叫三次才成功提供所需服務，因轉身他們已忘記。最好態度是埋單的一刻，這樣的質素還要加一？！ 真是從沒如此難頂的體驗，以後都不會再幫襯！

一大班人晚上約十時在銅鑼灣覓食，想找一間較夜關門的餐廳原來也不易。朋友提議去金百利，我們一行八人坐電梯到飲食樓層，發覺有很多間食店雖然未關門但已截單，但在8樓的這間泰國餐廳工作的店員則很友善地向我們招手，並告知這裡十二時才收舖。餐廳面積頗大，枱與枱之間的距離不會太近，最特色的當然是店內的泰國「篤篤」車及泰文路牌擺設！我們肚餓，所以點了很多「大路」的食物。咖喱，賣相不錯，很多汁，我們二話不說加點了薄餅用來點汁食。這裡是兩客的份量，已切件。青木瓜沙律和泰式炒通菜也是大大碟，方便大家share!我覺得最特別的是泰式炒河，與平時的有點不同，是蛋包炒河，上面再加了一隻大蝦！份量比想像中少，但賣相極精美。 總括而言，大家都覺得這裡地方闊落，非常適合一大班朋友聚會，而且十二點才關門，很適合夜食的人。

第二次喺呢度食午餐，第一次朋友介紹，估唔到係午市時段銅鑼灣都有一間鋪頭係可以比我坐兩個鐘唔趕我走。格局同埋食物以午餐來講五十幾蚊性價比超高，有一個餐加salad bar ，我同我朋友兩個人坐L字位我覺得好方便傾計，又唔會比隔離嘈住。雖然琴日salad bar冬陰公湯濃味咗少少（可能係我味覺太敏感），不過我叫咗個冬陰公金邊粉，d湯就冇咁咸啦。最開心係原本佢得朱牛雞選擇，我問佢我唔食肉可唔可以要雜菜，佢都肯幫我轉，真係未必咁多鋪頭會咁幫得手，所以我要俾個like佢。唯一麻煩係金百利要等lift 上等lift 落

前兩日同個同事上左去食，環境就真係可以，本人我自己叫左海南雞飯，同事叫左個豬手飯，跟住同事叫餐飲，我向來習慣食完先叫飲品，侍應隨即黑面，碟海南雞飯到左，d雞斬到大大件，雞又完全無起骨，雞胸雞骨都無去，個飯就凍冰冰，雞又無味，完全系一點兒誠意都無，大失所望，真係好少食到咁差既海南雞飯，同事叫既豬手飯都話唔會好得好多，飲品又係唔得，仲要收加一，出到門口見到間野完來叫泰式食，其實應改名為泰難食，同事同我都覺得呢中伏，一定唔會再有下次去食

價錢方面: 午餐價錢包自助前菜(沙律，湯及小食)，主菜及餐飲，銅鑼灣區算是很抵食。環境方面: 餐廳氣氛不錯，有佈置裝飾，只是要在金百利等lift有點耐。食物方面: 青咖哩是必點之一。

銅鑼灣和灣仔的餐廳林立，經常在附近午膳，選擇極多，話說我也踩過不少地雷，今天為大家介紹這家餐廳價錢合理的平價泰式餐廳。👉🏻套餐配自助沙律、餐湯和餐飲，凍飲不用加錢👉🏻有自助沙律吧，選擇不少喔來過這裡幾次，每次餐廳都很旺！餐廳的特色之處是有一個水果蔬菜自助沙律吧，有不少選擇，例如蘋果、李子、薯仔和紅蘿蔔沙律等薯仔沙律薯仔新鮮爽甜泰式炒金邊粉配料有花生末、韭菜、芽菜和齋叉燒。吃下去金邊粉甜絲絲的，愈嚼香料的辣味愈出，又嚐到魚露的鹹味，配上芽菜，令金邊粉更爽甜，花生末能甜口感，滿意的金邊粉。泰式乾炒河粉用的是闊條河粉，很彈牙，河粉的醬料味很突出，碎肉也醃得很入味。有自主沙律吧，單是沙律已經值回票價味道不俗，有質素保證，是旺區的午餐滋味選擇

呢間餐廳嘅lunch好抵食又一定夠食，首先銅鑼灣黎講真係唔貴，第二係佢有自助吧，可以任拎前菜，有時有蝦片或者沙津今日叫左個青咖哩雞飯，青咖哩非常入味，用黎送飯真係一流！雞又夠嫩！真係銅鑼灣lunch首選！

中西自助湯水，沙律任添。午餐選擇多，份量足，味道好。非常值得回頭再幫親。環境服務也不錯。缺點是繁忙時間要等排升降機。我幫親於午飯時段，看見其他食客有啲叫午餐，有啲散叫菜牌食物，無論午餐或菜牌的出品也份量足，賣相亦好。

好耐冇食泰國野，係銅鑼灣做完野同朋友去食飯，朋友就推薦左呢間。一入到去同我expect嘅環境唔同，係有用心嘅裝修，因為我個日係星期日去食，所以冇半自助。我嗌左個黃咖哩焗海鮮飯，係蛋炒飯底（我係落order前突登問個侍應係咪炒飯底，因為白飯底嘅焗飯唔好食)，啲飯係粒粒分明，多乾身。啲海鮮唔係頹個啲，有青口，有蝦，有魚(唔係平價龍利柳）啲黃喱我唔覺得辣，我覺得有少少辣會再正啲。個飯嘅份量係足夠，可以翻𠂆食。

上次同朋友黎食過lunch覺得性價比幾高，就補完習過黎食。星期日黎到，見到menu提供既食物有唔同，同冇左沙律吧，但都ok既。😂😂🤔🤔⭕️黃咖哩焗海鮮飯 $60本身諗住d海鮮全部都係勁hea冇咩鮮味，點知原來好有驚喜！😳😤😤青口脹卜卜，蝦有2大隻有鮮味，魷魚一咬就斷！黃咖哩一d都唔辣，好濃郁既椰香味！飯係炒飯底，真係好有心思既餐廳！❤️⭕️熱檸茶 (跟餐+$0)冇咩特別，唔會澀👍🏻👍🏻

I just Came back to hong kong!Its My holiday and I am thinking of having an early dinner, we saw this bldg ( beside Sogo mall)which on almost every floor they have restos to choose from, we stopped at the 7th floor and saw this thai perfect , i went in cause the interior is so nice ,. And we ordered this sweet and sour chicken , the container is so perfect for it. I kinda like it but a lil too tasty. And the mix snacks, springroll, fishcake, and i dont know the dark colored round food, which is

同朋友係附近蒸完腳就係附近搵好耐冇食過既泰國菜，行到金百利見有好多姐姐派傳單，見呢間價錢不錯就決定上去試下💁🏻Lunch set包半自助餐，要加一。侍應安排左我地一個窗邊位，坐得好舒服！裝修都幾特別🤔👍🏻半自助餐有中湯同冬陰公湯，另外有2款沙律。冬陰公湯多酸但偏淡，沙律得翻薯仔蘋果沙律，勁新鮮，唔錯的！⭕️冬陰公雞肉金邊粉 $53呢個冬陰公好足料，好濃味，差不多飲哂成碗😂🙈金邊粉好爽又多，實夠飽！雞肉唔係hea烚唔係冰鮮，係新鮮雞！好嫩好滑好好食，份量又多！⭕️凍檸茶 呢度凍飲係唔洗加錢！糖水另上，正！唔洗怕太甜，檸檬都幾大片，唔會偷工減料🙈😂

前日同朋友啱啱係銅鑼灣，我哋兩個都好肚餓，所以就上咗嚟金百利搵嘢食.我哋叫咗二人餐，另外叫咗泰式奶茶埋單＄388，價錢偏貴，味道一般，吾正宗，我唔會再食囉😂不過好大份，我地食吾晒冬陰公湯每人有一隻蝦，香料味唔夠濃，係好港式嘅泰國菜😅.馬拉盞通菜又係好港式，完全冇辣味，得小小"面試"(I dunno how to type lol)，通才有詐.炸蝦餅好似食緊好多粉咁，冇乜蝦肉，同埋超級熱氣，介損咗我個嘴角.泰式奶茶Too sweet, but that's Thailand feel青咖喱雞又係唔知唔解完全唔辣，明明平時啲青咖喱係真係最辣.不過值得一提嘅係態度幾好，裝修好泰國feel

今日book 左蒸腳，所以一早上網揾下附近有咩食，最後揾到金百利廣場有間泰國 餐廳，就決定呢間丫一入門口就有部「篤篤」好掛住泰國丫⋯⋯環境擺設好有心思，好有特色，不少位置掛滿燈飾～感覺好懷舊，又帶點泰國風情，好舒服⋯睇睇menu先 ⋯⋯身處喺銅鑼灣，價錢可接受啊～凍飲不加錢喎！ 重有1-24款俾你擇喎！我最後係擇左18.泰式金邊粉+凍檸茶大大碟，份量多，汁邊有花生碎，辣椒粉，砂糖俾你自己撈不過我就淨係加左花生碎，少量砂糖，因為我好中意呢種酸酸甜甜既味道，好開胃⋯⋯金邊粉又炒得好乾爽，而且材料十足，有豆芽，韭黃，蝦仁，重有D齋义燒～呢度抵食之餘，整體環境，食物質素值得一試而且我食野途中不停聽到員工同員工講野係用泰文架⋯⋯ 真係充滿泰式風情

一入門口就見到tuk tuk 車，幾得意，令我諗返起泰國 環境都有d花花草草，營造返熱帶既感覺，我個人幾鐘意，因為我勁鍾意Thailand.好啦，入返正題，講食物。兩個人叫左個鴨胸炒飯，菠蘿咕嚕肉同小食拼盤。先講鴨胸，有點油，但味道夠，口感都ok; 咕嚕肉正常，菠蘿新鮮，甜，但吾系罐頭個種假甜味，最後個拼盤好抵食，因為好大碟，建議兩個人如果叫左拼盤，叫多個main course就夠，因為已經好飽。