泰式美食 (已結業)

一行5人去~叫了9款美食都只係$465~叫了:咖哩炒蜆:很多肉,味道很好蒜茸包:點落d咖哩度食~炸蝦餅:炸粉一d都唔厚,厚既係d蝦肉~燒烏頭:好香既魚,見到好多人都叫呢個明爐燒烏頭:比燒既冇咁好味...有d湯放落去,有咸酸菜, 呢個就普通~炸春卷:不錯~豬肉生菜包:都幾spicy,包住d糯米飯同生菜一齊食~炒通菜:普通一道餸紅咖哩炒海鮮:咖哩較淡味,唔同咖哩炒蜆個隻汁~整體黎講食物既味道不錯,呢次係我第3次食,走個時勁多人等位,食完再行下其他食泰菜既店,都係呢間較多人等位呢~值得再去架~^^

唔講咁多la 抄金邊粉同冬陰公都係最basic既泰國菜la得到係, 金邊粉, 同泰國食既完全唔同, 1d都唔正宗, 重要味道差, 1petpet咁冬陰公, 鹹到死, 再加埋太多青檸味, 重古怪串燒, 完全over heat, "鞋"到食咗第1串都唔會食第2串入去坐, 好似大棚檔咁, 重要1hr就迫你走, 你去唔去? 附近間間都好過佢泰國街邊小食都好質素過佢, 都唔明重乜咁多人去, 重要tvb 會去介紹, 有冇攪錯?!!!

年二十九阿姨話要去九龍城食泰菜, 佢\去攞位先, 我同阿爸媽咪收舖先過去... 去到唔見我地既目標人物, 即刻打電話俾佢\, 原來泰式開左另外間舖o係舊舖前既3,4個舖位...比起舊舖光d同闊d...阿姨已經叫左燒魷魚等我地, 但係已經食得八八九九, 想然之佢\已經等左我地好耐, hehe~! 當我行左出去講電話既時候阿姨已經點左菜, 冬蔭功\, 咖哩蟹, 炒硯, 炒芥蘭, 蒜蓉包, 鹹魚肉粒炒飯, ...咖哩蟹- 唔知點解呢個係第一個上既菜... 我同阿爸都無食過, 但係睇到蟹既品質好好, 羔肥肉厚, 但係d汁唔得...因為... 因為... 唔識講... 真係差d野...冬蔭功\ - 唔夠味, 差!炒硯- 本來媽咪想叫青口, 但係店員話硯新鮮d, 信佢\轉硯啦, 點知d硯一d都唔鮮又un 到爆!!! 食一舊又痴牙一舊... damn!炒芥蘭- ok!鹹魚肉粒炒飯- 我無試, 但係阿爸話幾咸吓...蒜蓉包- 追左單好多次先黎, 但係只係暖暖地, 唉...叫左2 支sing 啤

心血來潮想吃"泰"式海南雞飯,自然搭"11號"到九龍城.吃過好幾間,今次決定Random找一間未吃過,結果最後,到南角道的泰式美食.其海南雞的雞皮可能擺得太久,吹到略硬.但雞肉嫩滑,雞味濃郁,底下油飯乾身得來,又不是乏而無味.其酸甜的醬汁,很令人開胃,跟飯的冬瓜湯,清澈鮮甜又好喝.呢三草野,真係抵比.在龍城覓食,真是一大樂趣.能用少少銀兩,掃下一間又一間,換來口腹之慾.這種滿足感,非能用一千幾百上酒店吃大餐可比.用幾千萬歐羅去買個頂級球星,就算玩Football Manager最水皮果個,也懂得這個道理.

There are so many Thai restaurants in 九龍城, all look really original because most of them are run by Thai people. After some trial and error, I finally find my favourite one.This restaurant used to be only two tiny 地茂shops before, but it had just opened its third location a while ago on the same street. The newest location is much bigger, cleaner and brighter.My favourite dishes:> 咖哩蟹: I don't really like curry myself, but this sauce is super tasty, i think they've mixed in some egg in the

又喺九龍城D地茂泰菜開飯Total $120，正!九龍城Local 泰菜炒什菜好鑊氣！海南雞同"同心"差唔多。。。個跟雞飯嘅湯好過"同心"彩虹金邊粉，嚟錯咗河粉，不過算啦燒鰂魚正呀！$40好大條，Ｄ肉仲滑過篜出嚟，塞喺肚嘅香葉不停梗散Ｄ香氣出嚟,典埋Ｄ酸辣汁又野味又唔肥，極品呀呀呀呀呀！！！*PS* 去哋嘅冰水有椰子味，呢Ｄ係未就叫做"details"呢?

禽日補完習，漏夜老遠趕去九龍城會合在附近打波的精靈。鍾意o係九龍城搵食，因為返屋企唔係好遠，食店選擇超級多，價廉味美者更多不勝數。而且我係東南亞美食吹捧者，所以每隔一排便心思思來這區。禽晚都係一心想吃泰菜，我見呢間裝修係有點地踎, 但通常這些會較有風味及地道，而且記得食家們也說之不錯，所以都選了這間。叫了紅咖喱雞($30)，濕炒海鮮河($35)，白飯，同三色冰($15)。紅咖喱雞夠辣，好好味，配飯吃係絕頂好味，海鮮河好大碟好足料，不過我其實仍喜愛傳統中式幼一點的河粉。三色冰的紅綠點子，太甜，我不太喜歡。但食完食物，個口一陣味，飲過三色冰後癖去了很多。不過呢度的水有陣椰味，怪怪的。而呢度的衛生亦不很好，一邊吃一邊有蚊滋。

上星期三個女仔一齊黎九龍城食野..之前都上黎睇過好多個食評但好似呢間比食物比較穩定..我地叫左咖哩炒蟹,炸蝦餅,脆肉炒芥蘭,串燒,燒烏頭,蒜容包,芒果黑燸米飯1.咖哩沙蟹個汁好正同埋隻蟹都好大好多膏 絕對食得過.反而個蒜容包就普通一d不太 脆2.炸蝦餅好脆好正不會覺得全舊都係粉.仲 有佢個蝦餅係好大件,簡直係大件甲扺食 都係$35蚊3.脆肉炒芥籣d肉係好干的叉燒d菜ok但d肉就不好吃4.串燒我地叫左雞,牛,豬.最好食係雞,牛同豬都比 較干同埋凍左好難食.下次都不叫呢個.5.燒烏頭條魚個肚裡面放左好多不知名的香料. 點d汁來吃都ok.但食一次就ok,不會有一個好 回味的感覺.6.最后甜品要了芒果燸米飯同椰汁西米糕.兩樣都ok食物黎講都吾錯但如果想坐得不耐...佢d水有椰汁味幾好飲同埋下次我會食個拼盤因為六十幾蚊有好多野食..

3/9(日) 8pm為友人K補祝牛一,給其2個選擇:潮州/泰菜,友人選了後者.與其肥男友及自己男友一行4人7點半到達此店.一落車已赫見人頭湧湧,場面甚墟冚!第一時間立即向泰籍女侍應拿籌,久等半小時才被安排坐最入的死角位;講真環境真的相當擠迫,不過為其高水準兼價錢實惠的菜式是在所不惜的!4人點了沙爹雞牛豬半打$35,燒豬頸肉$30,泰式炒什菜$25,鹹魚炒通菜$28,蒜蓉包$10,咖哩炒蟹$110,炸軟殼蟹$50五隻,燒烏頭$50,泰式炒金邊粉$25,椰汁冰$10,芒果黑糯米飯$25,大菜糕椰汁糕$2件.沙爹雞牛豬--雞牛豬皆醃得入味,燒得惹味!燒豬頸肉--例牌約8-10大片,燒得陣陣焦香,外皮乾身,其肉質仍保持鮮嫩,蘸其甜酸汁同食,相當醒胃!泰式炒什菜--此款較遜!味道偏清淡,比上次退步了.鹹魚炒通菜--鹹魚的鹹香徹徹底底地滲透入每絛通菜內,而且一點也不油膩,食味一絶!蒜蓉包--$10五件,烘得香脆之餘亦不失蒜蓉及牛油香!咖哩炒蟹--強烈推介!用上極之好肉的大羔蟹,肉質結實鮮甜;咖哩汁惹味得來而不辣,完全符合友人及男友口味,味道令人難以忘懷!炸軟殼蟹--較為失色的一味!蟹炸得內外皆乾身

跟老友打完波後去九龍城食番餐，上星期响創發及陳南記殺個片甲不留，今次決定轉轉口味食泰菜。揀呢度純因為未食過。人頗多，外面有人等位，原因可能因為平啩，但事實上埋單都差唔多成兩舊水，有幾平lei..D餸多到食唔晒--- 冬蔭公、木瓜絲沙律、串燒、泰式炒椰菜苗及蝦醬炒飯，再加一支"致命"嘅singha(大支裝)。水準普普通通，冬蔭公料算足，但唔夠酸唔夠辣；沙律辣度夠，木瓜絲夠爽口，但欠缺咗舂碎嘅桂花蟬，唔夠地道；串燒份量夠，可惜醬調得温温吞吞，花生碎落得唔夠，肉質頗靱(特別係牛肉)，扣分；椰菜苗夠爽口，算唔錯；蝦醬炒飯真係齋炒飯，冇乜料，蝦醬味唔夠濃，比小曼谷嘅出品差。食食吓老友個胃頂住唔舒服，拿拿聲埋單，自己開頭都OK，點知一上到小巴D Singha毒就發作，頭wing wing吓，差D嘔...卒之兩個人由旺角行到深水埗先上MTR...睇嚟有必要列Singha為禁啤嘞...

時間：2006.8.27(六)晚人物：我和A食物：辣椒膏炒蜆- 大鄉里，從未吃過這樣巨大的蜆，差不多是平常吃的三倍。蜆肉有點韌，但醬汁味道一流，撈飯佳品。燒魷魚- 味道尚可，但不知是否一早燒好，好像不夠熱。綠咖哩雞- 雞的分量太少，但咖哩汁很好。服務：除了咖哩等得較久以外，其他大致合格。環境：舖面面積太少，餐桌頗擠迫，不足夠應付大量客人。總評：小弟未試過區內其他泰國食肆，光顧此店總屬碰巧。平心而論，此店味道不差，且價錢十分經濟。但小弟還是奉勸沒有耐性、吃服務不是吃飯的朋友，最好還是幫襯高級食府；這種環境擠迫、服務一般的地茂食店，不適合要求「今時今日咁o既服務態度」的香港人。

日期：2006年8月14日時間：晚上七點男朋友專登過來九龍城同我食晚飯，佢話想食泰國菜；朋友就介紹呢間，話裝修和服務都係麻麻地，但是食物非常之好，仲話有好多人排隊架！我地去到個陣唔夠六點十左右，都唔算好多人，但是間舖真係好細，我諗只能夠好迫坐十幾人。我地叫左一個小的冬蔭功湯，一客海南雞飯，一個扎肉串燒。點知海南雞飯的醬汁、跟海南雞飯的"冬瓜湯"和冬蔭功湯都咸到苦，真係食唔到落肚。扎肉串燒比較好，可能因為扎肉本身冇咩味，加埋有椰汁味的醬汁都okay。但是服務真係好唔得，我地係度食野唔夠五十分鐘，已經見到兩次請正在進食的客人調位，甚至客人都未食完就已經收起碗筷......冇錯出面係有七八人排隊等位，但都唔駛咁樣趕客人埋單走，等自己做多d生意！好心啦，生意好就搵間大d既舖啦！今時今日咁既服務態度邊度得架！我男朋友食完之後，昨晚竟然嘔左兩次，咁既食物和服務質素，真係俾錢請我都唔會再食！

被人用不客氣的態度要求換抬換左3次!整桌子都是食物了! 還要狼狽地搬來搬去, 就是為了迎合這種餐廳多做一台生意.... 可一不可再

個生蝦刺身~~~蝦頭上年已經炸好~~一陣油益味!!!!蝦肉又係上年mok好~~乾爭爭!!!!炒通菜得果幾條~~油淋淋~~~得個鹹字~~~~~~~得個炒飯食得O下~~~快餐店都炒得好過佢~~~~~~~~~O甘就食左舊幾水~~~搵笨~~~~~下次O米搞>_<!!!!!

論味道，真的很一般，九龍城隨便找一間都好過佢，完全沒有驚喜論環境，迫到得人驚，3 人坐張細檯都還要搭檯，根本伸唔出手夾菜；檯就放在風閘下，菜一上即涼，人人吹到眼紅紅論服務，一言以蔽之是"死眉瞪眼"，看侍應的面色吃飯比幫襯小販、大牌檔更不如還打算去幫襯的話，請緊記遵守以下規則1. 未齊人不能進去坐2. 坐下要立即點菜3. 吃完要立即結賬離開(我們那日是還未吃完已被人強行收掉碗筷)絕對冇下次！