影片
以上资料只供参考，请与餐厅确认详情
咁岩经过附近见系泰式海南鸡饭，就谂住买份试下，老板好好人仲话比多啲我，结果鸡份量真系好多，饭份量都好多，可能因为我食量细，叫埋老公同我一齐食先食得哂，啲鸡肉都算滑，我有时都会买其他海南鸡饭外卖铺，觉得呢间啲油饭比起出面其他铺头啲油饭仲香啲，同个味都浓啲，唔知系咪加左椰汁黎煮之类，个饭食落有啲甜味，好好入口，跟饭有三包酱料，个人唔中意落埋酱所以就无试，不过就算唔加酱都已经好够味，如果饭有埋跟汤就更好了。
继续阅读
重新开，而家只系做外卖喺商场入边，泰式海南鸡外卖专门店，见人话好食，今日特登试，海南鸡油饭-多饭，小食炸虾饼同埋猪颈肉。🤪海南鸡好滑，油饭好食，之前有人讲过🐔郎个油饭好干，没有比较没有伤害，今次试咗呢个，比较佢𠮶个真系偏干，呢个整得好好。猪颈肉老公话有啲似叉烧，但其实系好食嘅，而且佢唔系太肥，如果你钟意食肥嘅就未必太啱心水，炸虾饼够弹牙又大大件，而且全部份量都唔少，𠮶个猪颈肉食极都有，后尾留咗起码一半，海南鸡啲鸡好够好满足，不过我钟意饮汤，冇个汤就争少少，一定会再有帮衬。🥰
继续阅读
金边粉好似食净咁， 得好少𩠌， 一只半虾， 真令人惊讶。d 海南鸡又冻又鞋。。。 价钱又唔平民化以为小店会ok, 点知中晒伏， 只可以叫做两𩠌canteen 质素， 唔好当去食泰国野
继续阅读
海南鸡饭 💰70 ❤️🔥5/10分鸡系嫩同有鸡味但饭太硬，个豉油系生抽老抽味，唔夹海南鸡，泰式酱亦唔酸，好怪🤦🏻♀️泰式炒金边粉 💰70 ❤️🔥4.5/10分太湿太冧，味道唔系好泰式，得三只虾，唔知点解要加豆卜🫡芒果糯米饭 💰50 ❤️🔥7/10分就正正常常咁，椰浆有啲咸味，少怪，而且可以沟稀翻啲〰⚜️三人食外送价💰190 ⚜️整体性价比 5/10分就咁叫个海南鸡食会开心啲☺️
继续阅读
想食海南鸡饭，咁啱经过见到呢间餐厅，就入去试下，叫咗两个海南鸡饭（$58碟)，好有惊喜。海南鸡份量好多，鸡肉无骨，好嫰滑，鸡皮望落好油黄，一样好滑，配上三色酱，好好食。三色酱嘅辣酱好香口，唔系死辣，加落鸡度，令味道层次提升咗好多。唯一比较逊色系个饭偏干同硬身，如果无咁干身，会好食好多。海南鸡饭配嘅汤都唔错，唔会好味精，汤好浓胡椒味，渗出鸡味，餐前饮会好开胃，每碗都有只鸡脚，软硬度啱啱好，唔系煲汤煲到甩皮甩骨𠮶种。晚餐可以加钱要杯饮品，我地加咗$10要泰式奶茶，可以选择少冰少甜，就番自己口味，唔会 preset 咗唔比你拣。我地叫咗少冰少甜嘅泰茶，味道偏淡，但入口都滑身。见到其他枱嘅食客，系食小菜炒粉比较多，下次有机会试下。
继续阅读
您可能会有兴趣的...