影片
今日出元朗按摩，顺便去食个下午茶先。行咗几间都冇乜啱心水想食，之后去到金香见到下午茶餐有泰式汤粉及炒粉面饭，就入去食啦。我拣咗下午茶汤粉餐，香茅猪扒配冬阴功米粉、冻咖啡，冻咖啡咖啡味浓👍🏻香茅猪扒冬阴功米粉👉🏻香茅猪扒冇香茅味，不过叫做唔系又干又硬，但系真系冇猪扒味🤦🏻♀️冬阴功汤米粉好辣，真系一味得个辣字，好多辣椒好多辣椒粒，究竟佢想要冬阴功定辣椒汤米粉呢？🤦🏻♀️米粉质地正正常常，份量一般，唯一要赞就系冬阴功汤里面有三嚿蕃茄。冻咖啡系要加$3 ，所以个餐系$45。以$45嚟讲，唔可以话好好食，因为一味得个辣字，会唔会再有？下次而家都未谂到，但系可以俾多次机会嘅试其他嘢啰。
继续阅读
之前呢间金香系食泰菜，今日嚟到见到招牌变咗净返海南鸡，又引起本喵兴趣！海南鸡套餐：星洲海南鸡饭 $65改脾加$8， 改汤粉加$8送老火汤（送完即止）热饮加$7，冻饮加$9既然招牌主打海南鸡，我就叫海南鸡饭改埋脾，去尽佢。先讲下个老火汤，红萝卜佛手瓜好鲜甜足料，唔似沟水亦冇味精feel。海南鸡饭卖相工整得几可爱，只脾好滑好鲜嫰，冇煮到老晒，亦唔觉有雪味，加分。油饭好香，配埋姜蓉同海南鸡嘅酸辣汁，好开胃，辣汁好微辣，冇问题。唯独是俾多几片菜会更好，暂时只有垫底几片。
继续阅读
今日两𩠌冬阴公汤粉，本来满心欢喜等待，点知等左超过半个钟都冇得食，仲要见到佢不断出外卖餐，都唔出碗面，已催，但唔理，态度又差。🙁🙁🙁有些人等到唔耐烦就走左，间餐厅咁做生意，唔怪得成日得几个人食饭，真心怕怕，没有下次，叫一样都咁耐，如果同亲友黎成班人一齐等就真心戆居,无下次👎👎👎
继续阅读
呢间嘢主打菜式都系泰国菜 应该几好味gar 其实都有d西式gar早餐即是普通茶餐厅可以点果d😂😂 但系服务员态度有待改善 有时d姐姐态度麻麻 做嘢都有甩漏 不过都不妨碍咁多人食 没办法味道上OK 好食就可以无视所有野😎通常我都会食西式早餐$37 沙嗲牛肉米粉配火腿炒蛋🤣沙嗲牛肉都几够味 份量适中 火腿师傅会切成三角形都几得意😆最近爱上佢嘅奶油猪🐷 早餐加$8就可以转 一定要趁热食 好香脆 配上炼奶甜甜地 好满足❤️❤️P.S.奶油猪下午茶好似要$20几 所以早餐真系好抵🥰🥰
继续阅读
金香下午茶选择都算多，价钱都合理个人推介『吉列鱼柳汉堡包』鱼柳新鲜炸起，多晒大块而且鱼肉实净，唔会一咬就散晒配埋蕃茄、生菜令到个包保持到香脆口感但系唔会太油腻另外炸鸡髀薯片真系够经典即叫即炸，鸡髀外皮香脆之余，肉质保持到多汁嫩滑👍🏼👍🏼
继续阅读
您可能会有兴趣的...