泰廚泰國菜館

营业中

休息中

系旺角想食泰國野，泰廚一向系我既首選。平日晚上嚟到估唔到都座無虛席，果然大家都好識食。嚟到點可以唔食串燒？燒雞串外脆內嫩，而且夠大件，沾埋香濃既沙嗲醬，好惹味！最近幾鍾意食海南雞，於是又叫左半隻試下，估唔到份量咁多，而且皮爽肉嫩，脂肪成啫喱狀，入口啖啖肉，配埋少許酸甜既醬汁，諗返都想食！炒金邊粉熱辣辣好夠鑊氣，食落甜甜地，金邊粉有啲煙韌唔會太濕，加返少許辣應該會更加惹味。最後飲返啖龍眼冰，爽！下次想食泰國菜，一定再嚟！

上星期和朋友到旺角逛街，路經了這一間之前來過性價比高同樣味道不俗的泰國菜館，看見已經是晚飯時間沒有想太多便進去晚餐店舖正在做優惠，只要惠顧$200便可$1選購一樣特色小菜，這一碟生蝦只是需要一元，非常便宜，而且味道正宗，蝦肉爽甜，配上酸辣醬汁非常泰式除了$1優惠之外他每一天都會有一款減價小菜，這天剛好是明爐烏頭，只需要$98，非常實惠，而且烏頭很大條，肉質實淨，配上泰式湯料非常適合送飯馬拉盞炒椰菜苗，每一次到泰國餐廳必點的菜色，這小菜味道同樣正宗，非常濃郁的馬拉盞香氣

放工約咗家姐喺旺角行街， 行經泰廚俾佢喺門口嘅串燒香味吸引咗，即刻決定今晚要食串燒😍滿$200可以用$1選擇一款好抵食！泰式生蝦($1):雖然只係$1，但都有4隻蝦，醬汁微辣蝦肉未算好彈牙，但勝在有用冰底，所以可以keep到生蝦好夠凍🥶炸蝦餅拼春卷($71):新鮮炸起脆卜卜，炸蝦餅大大件，蝦餅結實彈牙而且有鮮味！春卷亦好香口😎炒金邊粉($68):金邊粉份量勁多，仲有好多雞絲同其他配料，雖然睇落好深色，不過味道出奇地只係微酸，清淡咗少少😂燒和牛串($20)/燒豬串($12@)/燒雞串($12):和牛有少少失望，因為醬汁太濃味蓋過咗和牛本身嘅味道，不過好在肉質唔太韌！豬肉同雞肉同樣燒得好出色，燒得香口之餘仍然保持到肉汁同嫩滑，而且大大串啖啖肉同沙嗲好夾❤️泰式香茅雞翼($15@):因為係雞全翼嘅關係所以要燒耐少少時間，雞翼燒得剛剛好，外皮有少少焦脆雞肉嫩滑完全沒有雪藏味，絕對值得等待！👍🏻咸檸七($22)龍眼冰($24)串燒性價比極高❤️下次一定要留肚叫多幾串😁😁

呢間餐廳除左門口有串燒站好出名之外，另一樣好出名既原因應該係因為每食滿$200就可以用$1換以下菜式，超抵食！今次叫左$1生蝦，$1有4隻生蝦性價比真係極高。生蝦配上生蒜片同辣椒，最重要係自家的泰式酸辣醬汁，香辣過癮！青木瓜沙律，青木瓜非常爽口，又係酸酸辣辣，作為前菜好開胃。雞肉青咖哩，青咖哩的椰汁味唔會太濃，同黃咖哩、紅咖哩比較，我個年比較喜歡青咖哩，椰汁甜味同咖哩的辣味平衡得最好。唔想食白飯既話用蒜蓉包點咖哩汁就一流，焗得脆口又香噴噴的蒜蓉包點落青咖哩，惹味程度極至，我覺得呢間泰國菜的蒜蓉包什至比好多好西餐做得出色。最後食埋個香葉肉碎炒飯，又係重口味之選，鍋氣十足得黎又唔會好咸，同埋唔會太辣，男朋友唔算食得辣都食到。

疫情放緩，趕緊相約好友們見面，因為唔知會唔會再有第 3 波社區爆發！好友的年度泰國旅行因疫情取消了，為了安撫她，一於和她吃泰國菜 😊相約旺角，見到呢間泰菜館評價不錯，決定一試。泰式拼盤：抵食，平時 d泰式拼盤閒閒地過百，呢度 $85，不過份量唔少。每樣兩件 （泰式蝦片則有5-6片），兩個人 share 剛剛好。有蝦餅、春卷、沙爹雞串、泰式肉卷。最鍾意係沙嗲雞串同泰式蝦餅，沙嗲汁夠香濃，雞肉醃得入味，燒得香口。蝦餅肉質結實，爽口彈牙，外層金黃香脆，點埋泰式甜酸醬，令人回味無窮。波羅炒飯：配料夠，有魷魚🦑, 蝦等海鮮。仲有菠蘿、雜豆、蛋、肉鬆。食落每淡飯都好足料，飯又炒得香口，好味。木瓜沙律🥗 依家餐廳做緊優惠滿$200就可以加一蚊換一樣食物。 我哋揀咗泰式木瓜沙律。呢個木瓜沙律偏辣，我食唔到辣就覺得一般，不過朋友食到辣，佢話幾好食。如果我下次嚟，我當然會用呢個優惠，不過就會揀其他唔辣的食物。馬拉盞炒通菜：泰式餐廳啲正常發揮。希望能全球疫情快啲過去，咁大家都可以盡情去旅行了🧳！

每次經過呢間泰國菜都好多人排隊買串燒，今次同朋友入去試試兩位，但畀我哋上二樓坐四人卡位，闊落好多〜頭盤泰式生蝦，本來叫咗一碟 $78，但waiter 好親切提醒叫夠$200，可以加$1換一碟！非常抵食！ 生蝦好新鮮，上面有些芫荽蓉、辣椒、檸檬汁，酸酸辣辣好過癮。冬蔭公大頭蝦湯，十分推薦，啖湯非常鮮甜濃郁，又唔會太辣。平時自己唔太食得辣都飲得到食泰菜唔少得炒通菜，今次選馬拉盞炒通菜 <3 炒得夠鑊氣，熱辣辣又爽口，蝦醬咸香味濃，十分惹味泰式豬頸肉炒河 ，豬頸肉同河粉份量都好多！龍眼冰同菠蘿冰，如果係沙冰就更適合夏天另外仲叫咗燒和牛、燒雞同豬串燒！惹味泰式沙嗲醬，甜甜地，燒得剛剛好，啲肉唔會老，難怪咁多人幫襯〜

多次經過旺角，也不以為然原來通菜街有間平靚正的泰國菜館，連嘴刁的朋友也大讚一番。餐廳每天也提供一款特別優惠，光顧那天的特價菜式正是我最喜愛的泰式明爐烏頭魚，基本上每枱客人都也order，烏頭魚很大條，魚質嫩滑入味，梅子湯汁酸酸的很開胃。泰式咸魚炒芥蘭很野味，咸魚落足料咸香味撲鼻，送飯一流。串燒方便也十分出色，豬肉串及雞肉串加配泰國正宗沙嗲醬，辣度適中，顧客可逐條order以多嚐幾款菜式，非常細心。蝦膏炒飯有很多蝦，米飯也炒得乾身，美味可口。香茅冰有驚喜，香茅味非常濃，真的消暑解渴。當晚額外加$1更可享用泰式生蝦，實在抵到爛吖，值得推介。

和朋友逛街過後，有點又熱又累的感覺，要找個好地邊消暑好吃又舒適的地方晚餐，我先提出吃泰國菜，想到酸酸甜甜又清爽的泰菜滋味， 即時口水直流。 而我的朋友很快就找到泰廚這間餐廳。這間餐廳似乎很受歡迎，可能是有串燒吧， 門口堆滿了一群人。很好還未到黃金時間，我們很快便等到位了。 別以為餐廳很狹小，餐廳還有條樓梯登上閣樓呢，整體格局很有老牌餐廳的特色， 襯上掛畫，呈現出南洋風貌。剛坐下店員就為我們送上餐牌， 餐牌上的菜式琳瑯滿目， 種類很多，我和朋友商量過後，想點的有菜有肉有魚， 接著毫不猶豫地選了半隻海南雞，泰式辣魚炒通菜及明爐烏頭魚。點菜時店員熱心地提點我們有優惠可加配前菜/甜點，這下我們才留意到每張桌上有一個餐牌， 上邊有四款菜式，分別是泰式木瓜沙律，泰式海蜇，泰式椰汁糕以及泰式生蝦，加一元任選一款。 朋友想吃海蜇，於是加了這個前菜。吃著吃著我還加了個椰青。⭐前菜: 泰式海蜇我吃了一口海蜇，立即大讚朋友果真選得好，海蜇新鮮而且口感清爽，肉地肥厚爽脆，比平時食開的餐廳好吃得多，除了食材，調味也同樣出色，獨特之處在於以泰式呈現，充滿清新青檸香，份外美味開胃。⭐半隻海南雞海南雞用鮮蘭花伴碟，很

泰廚對好多人都唔會陌生，屹立旺角多年。勝在地點方便,而且高質價錢又唔貴! 絕對係九龍城之外的好選擇～平時行過都會買幾串串燒外賣番屋企嘆。$12/串 都幾大串。重點呢度服務不錯，長期大排長龍。惠顧滿$200, 可以用$1 換購一款小菜， 超抵！ 串燒 （豬/雞）$12/串沙嗲汁花生味勁香勁濃郁，豬咬落竟有豬扒嘅口感。雞肉同樣唔乾柴。泰式和牛串 $20外表望落雖幾貌不揚，但油香同青檸配搭非常夾。泰式咖喱炒牛 $82炒咖喱加入蛋，香滑濃稠很下飯，沾蒜蓉包更滋味蒜蓉包$28/6件 香脆抵食～泰式海鮮炒河 $75 泰式寬河粉口感滑有嚼勁，又唔會覺得好油膩惠顧滿$200, 可以用$1 換購一款小菜， 超抵！ 選左泰式木瓜沙律仲加入咸蟹仔同櫻花蝦～全日免加一，連埋兩杯飲品。埋單都係$297，超抵大推！

如果講到實而不華嘅泰菜，我第一時間諗起旺角嘅泰廚 泰國菜館，以前會有泰國阿姨企喺門口燒串燒，香噴噴吸引到好多食客。最近食肆好少要排隊，呢間就例外啦！要喺門外等位你就知幾咁受歡迎啦！貨真價實，泰國風味濃厚，值得推介！$1任選一款泰式木瓜沙律店員一坐低就介紹我哋每日一特價，同埋惠顧滿$200就可以 $1任選一款特價菜色，天氣熱辣辣最好就係食泰式木瓜沙律，木瓜沙律爽口清新，酸酸甜甜而且辣味夠醒胃。泰式小食拼盤 $85泰式小食拼盤 款式選擇多，有最受歡迎大大件炸蝦餅，肉厚彈牙爽口，食得出蝦肉的鮮甜。好少拼盤會食到嘅炸蝦片，香脆可口。泰式炸魚餅，特別在他的香草味和魚的鮮味。炸春卷、雞肉沙嗲串，食到心花怒放，而且份量一啲都唔細，唔使$100嘅價錢係我食過最抵嘅，而且仲要真心好味喎！老公都讚不絕口！泰燒和牛串 $20和牛串入口肉質柔軟，肉汁豐富，牛肉味道濃郁，泰燒秘製醬汁好惹味。泰國正宗沙嗲 $12仲有串燒豬 $12 真係沒有不吃的理由，配埋沙嗲醬真係Yummy！串燒沙嗲 司華力腸 $12珍寶腸真係好大條，熱狗都唔夠佢大呀！入口啖啖肉，沾上霹靂無敵好味沙嗲汁，$12 我滿意度十分高。泰式香茅雞翼 $

呢間泰國菜都好多年，成日去金魚街買嘢或者睇金魚嘅時候，經過都聞到好香沙嗲串燒既香味。今日出到嚟旺角食飯，想食泰國嘢，就諗起呢間。叫咗個冬陰功，椰香味好足夠，都有少少辣，有兩至三隻大蝦🍤做緊優惠，惠顧滿$200可以加一蚊換購生蝦刺身，一碟有4隻，幾好，可以過下口癮😛必食！叫咗4串串燒，佢係門口燒好拎入黎，熱辣辣香噴噴😋 2牛（$20串）2雞（$12串），沙爹醬好厚身，啲肉都幾大粒，咬落去幾有肉汁，絕對唔會乾爭爭。仲有一碟泰式馬拉盞炒河粉，都好足料，幾大碟，辣辣地好惹味😋舖頭細細，但係食物質素都唔錯，閑時經開旺角可以食下，價錢亦都唔算貴👍🏻

環境：地方整潔、衛生可接受。服務：年輕人有禮、勤快。食物：1。上菜熱、快2。海南雞：肉嫩多汁3。海鮮冬陰公湯：海鮮足料、新鮮，酸辣度適中。香料份量恰到好處，令人食指大動。4。串燒⋯正

剛好有要事要到旺角金魚街一趟，難得出外就去品嘗一下久違了的泰國菜吧。門口烤得香噴噴的串燒令人食慾大增，讓人更加期待。點了一個套餐，炒金邊粉配青檸水，套餐價錢物超所值。金邊粉顏色看上去較為深色，但味道一樣好，甜中帶微酸，刺激食慾。泰式拼盤有串燒和多款炸物，性價比高。串燒分別是雞肉和豬肉，沙嗲汁味道濃郁，有粒粒花生碎，果然在串燒方面做得很出色。非常喜歡泰式蝦片，炸得乾身又香脆，咬下去很鬆化。炸蝦餅爽口彈牙，外脆內軟，內裏有粒粒蝦肉，真材實料。和牛串燒肉質嫩滑，牛味濃郁，很有驚喜。消費滿$200便可加$1配一款小食，愛吃刺身的我選了生蝦。冰鎮過的生蝦肉質結實彈牙，味道爽甜鮮美，配上辣椒、生蒜片和調製的沾汁，更有助帶出蝦肉的鮮味。$1都有6隻實在是超值。冬蔭功一上桌，和朋友都忍不住嘩了一聲，好大隻好足料呢。蝦肉緊實富彈性，味道鮮嫩，吃得好滋味。冬蔭功還有不同配料，如蕃茄和菇類，酸辣度適中，開胃非常。椰汁冰解辣又消膩氣，搭配多款炸物和辣湯最適合不過。餐廳環境雖然比較舊，但店員熱情有禮，價錢又相宜，充滿小店風味。

位於旺角既泰菜餐廳，地方唔大，食物選擇多！我哋揀果幾樣野都好食！味道有水準🤤有個店員服務態度好👍🏻.生蝦刺身 $78生蝦新鮮，加上泰式辣醬好好食！我同朋友都覺得好正🤤.馬拉盞炒芥蘭 $69炒得好香好惹味！夠入味呀👌🏻不過咬落硬咗些少🙈.青咖哩薄餅 $32即叫即整架，脆卜卜，堅正！我同朋友都好欣賞呢個薄餅，又脆又熱👍🏻青咖喱汁好味！.金邊粉 $55好大碟！味道ok，不過配料好似少咗啲🙈整體感覺單調咗～.泰國肥牛湯河 $28下午茶餐超級抵！！肥牛質素還可以吧，始終係$28要求唔到咁多🤣舊蘿蔔好甜！鍾意個湯底同埋河粉既質感👍🏻大大碗好味又夠飽肚👌🏻仲會跟個香茅青檸餐飲，幾好飲！泰式椰青 $38好飲！又大個！算抵飲，出面多數要$48～餐湯好清甜！

呢間位於旺角既泰廚，都開咗好多年，位於通菜街，好易搵，一落天橋就見到。肺炎疫情底下，首先講吓佢嘅防疫措施，每位客人入去都要量體溫係必須，其次我發現每位員工都有戴藍色膠手套，真係做多好過做少。間舖頭最出名就係海南雞飯，我隔離啲食客都叫咗，雞既份量足夠，啖啖肉，係有一舊有小小骨，食既時候小心D，證明係真材實料，不過d飯就麻麻，無其他店既油飯咁香，但份量偏多，我覺得最出色嘅但係d醬，係凍既，大概5度至10度，酸酸地，點雞真係一流，最後就係午餐包凍飲，我叫咗凍檸茶（無影），茶底苦左小小，都係份量撘救，整體$48算係咁。