泰屋

营业中

休息中

餐廳: 泰屋地址: 旺角彌敦道726號2樓------------------------------彌敦道726號重建左咁耐，今次係第一次去食野，今次嚟到726 號試其中一間泰屋，因為去到既時間係下午5點半，所以個場既人唔多，睇落個場地好闊落，坐位舒服。餐牌種類都好多所以都揀左一段時間先簡到食咩，之後叫左醃肉碎生菜包 |85小小辣，但幾fresh。炭燒豬頸肉| 80去親泰國餐廳都食加埋個醬岩岩好。泰式生蝦刺身 |108依個都必點之選，同埋佢整到shot咁，好有趣。馬拉盞炒通菜 |72馬拉盞一定係整通菜最好食既方法之一，好惹味，拍得住腐乳通菜。黃咖喱牛筋腩 |92印度油酥餅| 2件 36兩個配一定係絕配，咖哩一定要配印度酥餅，好好食，必食之選。泰式蛋包金邊粉拌蝦 |88個整法幾特別，有蛋包住，同出面既金邊粉唔同。泰式奶茶 凍 |30係泰國既奶茶風味，飲完真係會掛住泰國。香茅茶 凍 |30好似係泰國按摩完會飲既茶一樣，對消化有幫助。泰屋特飲 Sawadee Thai Special | 38第一次飲幾特別，有唔同野既夾埋，芒果、馬蹄、西米。員工服務態度好好，食物上臺速度好快，一陣間就到哂

今日放工太肚餓，決定就近係旺角食個晚餐。但因為時間尚早，仲係𝟓點尾，周圍嘅餐廳仲未開始做晚市，一路行一路搵，終於係彌敦道𝟕𝟐𝟔搵到間叫「泰屋」嘅餐廳坐底食個晚餐。我本身其實唔係好食得辣，但偏偏又幾鍾意食泰國野。每次都好似挑戰緊自己味蕾咁。今次因為太餓啦，所以叫咗好多野食。𝐎𝐫𝐝𝐞𝐫:⧐炭燒豬頸肉 | $𝟖𝟎⧐馬拉盞炒通菜 | $𝟕𝟐⧐黃咖喱牛筋腩 | $𝟗𝟐⧐印度油酥餅 (𝟐件) | $𝟑𝟔⧐醃肉碎生菜包 | $𝟖𝟓⧐泰式生蝦刺身 | $𝟏𝟎𝟖⧐泰式奶茶 | $𝟑𝟎⧐𝑺𝒂𝒘𝒂𝒅𝒆𝒆 𝑻𝒉𝒂𝒊 𝑺𝒑𝒆𝒄𝒊𝒂𝒍 | $𝟑𝟖炭燒豬頸肉燒得好香口，入口脆脆地，配埋個醬料勁好食，唔會太油膩。馬拉盞炒通菜係每次食泰菜我一定會叫嘅菜色，其實佢有幾種煮法揀，仲有飛天／蒜蓉，不過我個人都係鍾意馬拉盞炒多啲。呢間炒得幾好食，唔會太重味精味，唔錯！另外叫咗個黃咖喱跟牛筋腩，配咗個印度油酥餅，油酥餅點咖喱食真係一流，而且佢啲牛筋腩好重牛味，好正。醃肉碎生菜包係我每次食泰菜都要面對嘅一個極大挑戰，因為好多地方都整到好辣好辣，次次食完都辣到食唔到落去。但呢間唔會，小小辣、重酸味，係我好推介嘅一個菜式。泰式生蝦刺身

朋友生日🎂知佢鍾意食泰菜，所以我就揀咗呢間同佢食喇🤭因為見呢間咁多好評🤤🍴泰式生蝦刺身生🦐好新鮮，肉質鮮甜彈牙，因為我唔食生蒜頭，所以浄係加咗薄荷葉一齊食（第一次咁樣食😆）口感同味道又幾特別喎，配埋泰式酸辣汁，好味🤤🍴沙嗲串燒（可以揀兩款）我哋揀咗雞肉同豬肉，沙嗲味好香好惹味，燒完都唔會好乾身，肉質仲好嫩滑👍🏻🍴馬拉盞炒泰國椰菜苗，好入味🤤炒到啱啱好，仲係爽口嘅👍🏻因為我唔鍾意食好淋嗰種🍴醃肉碎生菜包，金不換、香茅、檸檬葉….泰式嘅味道，酸辣度啱啱好🙌🏻🍻當然唔少得泰國象啤🍻食泰國菜真係不能缺少🍺😌環境同食物質素都👍🏻👍🏻而且份量都唔少，可以擺入我嘅泰國菜list裏面😆

行街行到好餓，去左間泰國餐廳😳諗唔到上到去環境唔錯，大大個玻璃窗，空間感十足，坐得幾舒服。餐牌望見價錢都唔貴，分量十足幾抵食🤤❁ 醃肉碎生菜包 $85食泰國嘢一定要食生菜包🤭酸酸地好開胃，肉碎份量都唔少，配上新鮮生菜~如果再辣少少就更加正！❁ 黃金咖喱軟殼蟹 $158呢個好好味，咖喱味香濃，軟殼蟹係即刻炸，所以上到黎仲係超級脆~炸粉唔算多，食落唔會成口油，好好味。❁ 泰式沙嗲 $85/半打一份6串，豬/牛/雞，可以揀選當中兩款，雞肉幾嫩滑，屬於偏大串。牛肉唔會韌，配上沙嗲醬好惹味，沙嗲醬味道偏甜，好多花生粒。❁ 泰國椰青 $42食泰國嘢點可以冇椰青🤗椰青好清甜，飲完椰青水食埋啲椰青肉🤤呢餐不得了。

今晚來到旺角，想起泰菜的酸酸辣辣的惹味菜式，心思思又揀了食泰菜，選擇了彌敦道的泰屋。Menu的款式很多黃咖哩牛筋腩$92牛筋及牛腩差不多各一半，牛腩炆得夠腍，牛根煙煙靭靭也是炆得很腍滑，黃咖哩非常香，甜中帶點辣的，牛腩及牛筋腩沾滿著黃咖哩汁，很惹味。裏面還有一些配菜，有紅蘿蔔、西蘭花及椰菜花。印度酥油餅兩件$36印度酥油餅一層層好香脆煙韌，沾著滿滿的咖哩汁，特別的香。泰國金柚鮮蝦沙律$98這個柚子沙律平時比較少叫，除有柚子及蝦沙律外，還有椰絲、腰果，還有一些沙律醬及果醋醬，酸酸甜甜非常惹味。酸辣鳳爪$78酸辣鳳爪例牌有很多的蔥洋、蔥、芫茜、西芹、車厘茄及紅蘿蔔絲，鳳爪爽口惹味，連配菜也是醃得入味。椰汁鮮芒果西米露$30裏面有頗多的芒果肉，食落差不多啖啖的椰汁、芒果香，再加上西米露及裏面的沙冰，食落很清新又香甜。椰汁紅豆冰椰汁味非常香濃，再加上軟綿的紅豆，飲樂好舒服！

【泰屋三星炒飯】偏清淡，食唔太到蟹肉，不過不錯。【燒魷魚】不錯，不會燒得太乾。【印尼海鮮炒飯】沒有太差，但海鮮同炒飯並非一起炒，感覺有點離。【黃咖喱牛筋腩】咖喱不錯，牛筋偏爽不是超腍，略嫌細小，牛腩不過不失。【醃肉碎生菜包】肉碎偏酸，不算很辣，不錯的，但生菜不夠。【泰國生蝦刺身】蝦刺身新鮮，爽口，醬汁野味。【龍眼冰】不會太甜，清爽不錯抵食度：🌕🌕🌕🌖🌑回頭率：🐒🐒🐒

行開旺角想食泰國嘢，上網搵到呢間泰國餐廳都唔少正評，所以同女友嚟試下佢！.呢度午市有各式各樣嘅lunchset，粉麵、飯類等等應有盡有~ 價錢都係$40至$60左右，都幾化算~.豬頸肉飯配青咖喱汁 ($55) 🐷 ✨青咖喱汁有好香椰香味，豬頸肉燒得表面焦香，食落有肉汁~✨白飯係偏乾身唔會濕，溝埋青咖喱汁食啱啱好~冬蔭公湯薯粉(配雞肉) ($48) 🐔 ✨冬蔭公有椰香，唔辣帶酸味，夠開胃~✨薯粉彈牙，幼身夠掛湯~✨雞肉係雞柳，份量幾多~ 青木瓜沙律 ($36) 🍈🥗✨青木瓜食落有陣陣木瓜味，醬汁帶點酸，叫咗小辣所以唔係好辣~珍多冰 (+$10) 🥤 ✨珍多冰有濃濃椰汁味，珍多質感爽滑味道清甜~青檸梳打 (+$6) 🍹 ✨味道鹹中帶酸，夠晒醒神~呢度食物質素唔錯又唔係貴，想食泰國菜都算係一個唔錯嘅選擇~

11月真係好難捱，依家先過咗兩個星期😭Chur到連飯都無心情食，不過肚仔點都要醫嘅，呢日趁無咁忙去咗食泰國菜🇹🇭想令自己cheer up返少少·<串燒沙嗲> ʜᴋᴅ 85一份有6串，可以揀兩種肉類，我哋揀咗牛同雞。雞肉幾嫩同入味🐥牛肉就有少少乾，但都唔會太韌🐂沙嗲醬偏甜，如果花生醬濃味啲就好🥜串燒size亦比想像中大，幾抵食😜·<香葉炒肉碎> ʜᴋᴅ 78攰到頭腦唔清醒嘅我叫咗呢個炒肉碎以為會跟埋生菜🥬但嗰個叫做生菜包！不過炒肉碎都非常惹味😋調味主要用豉油，帶點微辣，非常好餸飯🍚·<黃咖喱雞> ʜᴋᴅ 82食泰國菜無理由唔食咖哩，店員話黃咖喱係最唔辣嗰款，真係無呃我哋😂甜甜哋嘅咖喱又係非常好餸飯，入面嘅雞肉份量都好多，食得好滿足😗·<印度油酥餅> ʜᴋᴅ 36專登叫嚟蘸咖喱🍛都知道只係加熱半成品，不過覺得可以再煎得耐啲咁就會香啲，酥脆度有待改善🤨·<泰式粉絲什菜煲> ʜᴋᴅ 78唔太泰式嘅什菜煲，什菜有齊娃娃菜、芥蘭、西蘭花、椰菜花等🥦粉絲份量都好多，炒得都非常香口😋·餐廳晚市都頗旺場，食物質素都唔錯，可以

放工後約了朋友來到旺角彌敦道726的「泰屋」食晚飯，這間泰國餐廳已光顧了好幾次，不單出品好，價錢也合理，環境舒適，服務周到，是我和朋友食泰國菜的首選。《迷你小食拼盤》魚餅和春卷 $82必食的拼盤，今次選了魚餅和春卷，春卷炸得香脆可口，魚餅咬落彈牙，正。《香菇炒椰菜苗》$82在街市很少見到椰菜苗，這也是泰國菜特色之一。椰菜苗幼嫩，加香菇一起炒更美味。《原個菠蘿海鮮炒飯》$98朋友對菠蘿炒飯情有獨鍾，我也很喜歡，每次食泰國菜都必叫的，最喜歡飯上面的肉鬆，超多。炒飯裝到滿滿的，未食已感到滿足。《泰式牛腩湯河》$55泰式河粉是一塊塊的，並不是一條條，這碗湯河有牛腩也有牛筋，煮得軟腍入味，好吃。《蒜蓉法包》$36蒜蓉包焗得香脆，蒜蓉和牛油恰到好處

性價幾唔錯既一間泰國菜，而且坐落去地方夠晒大又唔洗同人逼！淨係環境都已經加晒分俾佢，再加上服務態度非常好真係推薦呢間泰國菜啊！想講多啲既係佢哋既豬頸肉，就算係燒完既豬頸肉都唔會話好乾或者燒到好似豬肉乾咁！佢係由放低果下已經聞到一陣好香既燒烤味道。食落去果陣除左外皮係脆卜卜之外，咬落去仲一好多肉汁。份量仲足夠我哋過口癮，唔會話得一兩舊。真係食完都好想再食多次。仲叫左菠蘿炒飯同椰汁紅豆冰。先講下個炒飯，用全過菠蘿外殼裝住，食果時仲係熱辣辣，加上唔會太乾😋椰汁冰就係冰多左少少，但係整體都好夠香甜同埋濃味。記得特別推薦既係佢哋嘅燒豬頸肉同埋菠蘿炒飯。

早幾日老公在旺角放工，在彌敦道726大樓覓食，佢又好抵讚，一早搵定位，過了6點半就好多人等位。黃咖哩牛根腩黃咖哩唔算太辣，岩曬我哋口味，咖啡加了cream,好香滑，牛根腩份量都多，牛腩切粒，肉質尚算滑口，牛根已經煮得夠稔熟，滿滿的膠原。炭燒豬頸肉豬頸肉切成薄片，點上微辣醬汁，很惹味。豬頸肉油脂唔算太多，熱辣辣都很香口泰式炸蝦餅蝦餅有四件，全部切半，蝦肉結實彈牙，點上甜酸醬，很醒胃。鮮芒果糯米飯可以揀黑糯米，黑糯米補腎氣，加上滑溜的椰汁，很香口又香甜。加上多汁的芒果，切粒又夠大，泰式甜品最愛食呢款。椰青食了太多香口食物，飲返椰青下火氣，椰青即叫即開，清甜涼快。

假日得閒緊要滿足下我個寶貝仔的，一句媽咪我好耐冇食過金邊粉，就立馬同你去泰屋食了 ☺⚛ 香蔥蒜蓉包 ～ 去親食泰國菜只要叫咖哩就必點一客蒜蓉包來配搭的，呢到蒜蓉包超級香脆，點咖哩汁食都好正。⚛ 黃咖哩牛 ～ 用左嫩牛肉，有d什菜係底下，黃咖哩屬少辣帶微甜，所以好適合我和謙謙依。⚛ 泰式沙嗲 ～ 雞和牛各3串， 沾上佢地自家制的沙嗲醬好惹味，串燒燒得唔錯唔會乾柴肉質嫩滑。⚛ 蒜蓉炒什菜 ～ 做阿媽緊想個仔食多d菜呢款什菜就最岩我地，因有我喜愛的粟米芯，有謙謙超愛的菇類，所以簡單蒜蓉炒已經美味。⚛ 泰式蛋包金邊粉伴蝦 ～ 重頭戲係謙謙最愛的金邊粉 ，每次都霸住成碟食，好彩佢都乖會留d 大蝦比我食。

喺旺角行街行到攰，向來鍾意食泰國嘢嘅我哋去左SawadiThai度食個飯，充完電再行街！地點喺旺角道天橋隔嚟，好方便，一啲都唔難搵！上到2樓就見到佢個門口。入去之後服務員帶我地坐低，有sofa位。餐廳樓底高，室內環境都唔錯~依家咁熱緊係叫個原飯椰青消下暑！加埋杯泰式龍眼冰，正！我哋叫左個迷你小食拼盤，有魚餅、蝦餅同素菜春卷（3揀2）我哋揀左魚餅同蝦餅。兩款都好好味！炸得啱啱好，好有蝦同魚味，份量又足，抵食！ 跟坐叫左個餐廳推介嘅黃咖喱牛腩，牛腩份量足，牛肉煙韌牛筋好冧好正！個黃咖喱好滑好足味！跟住叫左個蝦醬炒飯，個飯炒得好香，蝦醬足料香氣撲鼻，滿足晒我地嘅味蕾～叫咁多嘢又有原個即開椰青人均都係$200，勁抵食！十分推介！

四人去食飯，侍應話要每人午餐餐牌一個餐，我地揀左2份小食，1個lunch set，再加正餐牌一份野食，侍應一黎就態度差，話一定要跟lunch set揀，俾錢買難受。心諗叫嘅野食夾堆嘅價錢都唔會平過個lunch set 。餐牌又唔寫不包小食。除開呢啲，食物質素都麻麻地，金邊粉濕，青咖哩水，冬蔭功湯有冬蔭功味嘅但都幾蕃茄湯。

今日睇戲前同朋友食餐晚飯快靚正之選一定係nathan726號依座大廈有非常多選擇今次黎左泰屋環境好舒服 使用青色主色好特別龍眼冰非常清甜解暑 龍眼肉非常多而且好香甜冬蔭公鮮蝦湯夠香濃 辣味適中 兩個人每人都夠飲到2-3碗泰式生蝦刺身非常新鮮彈牙 夾埋蒜頭辣椒片一齊食最正辣椒膏炒花甲辣膏辣度剛好唔會蓋過花甲嘅鮮甜泰式 辣汁炸盲鰽炸得香脆 唔油膩魚肉外脆內軟 醬汁酸酸甜甜中帶辛辣好惹味整體黎講好滿意食物選擇多 而且有質素