泰屋

营业中

休息中

忙裏偷閒的星期三， 難得可以準時收工，同朋友係旺角揾到呢間樓上泰國菜-泰屋位置好寬敞，環境都好舒服 非常適合一班朋友聚餐menu都算多款式， 兩個人真係四餸一甜品已經 好夠食。豬頸肉---肉質幾淋， 唔會話好乾爭爭，都幾香口咖哩牛筋腩--- 牛腩 炆得幾冧， 好重牛味， 牛筋都非常入味， 如果配埋蒜蓉包或者薄餅 就一流， 不過我哋兩個食唔到咁多，淨係叫左飯去配個汁飛天通菜--- 味道正常， 分量 都算比 其他地方多， 兩個人食真係啱啱好！香葉肉碎炒飯--- 不得不讚呢一個炒飯，超濃味飯嘅硬度都好適中， 唔會話太乾太濕， 辣度又啱啱好， 食到停唔到口 如果有埋 太陽蛋喺上面就仲perfect芒果糯米飯--- 女人係有第二個胃 雖然食到好飽但都係要叫埋個甜品， 芒果又甜又淋 糯米係白糯米加黑糯米，好味飲品我哋叫咗一個椰青 清甜最後埋單都係 四百幾，人均二百幾，好抵食，下次會再嚟幫襯

好耐都未食過泰國餐今次老婆相約我同佢同事一齊試下係旺角726大廈2樓既「泰屋」當中叫咗幾樣美食馬拉盞通菜通菜綠油油非常新鮮加上少少辣椒炒起 好開胃 又惹味泰式豬頸肉上碟嘅時候師父已經幫我哋切到一片片非常細心肉質外脆肉嫩加埋特製燒肉醬啖啖juicy泰式菠蘿炒飯裏面包含青豆、粟米、花生、菠蘿等等飯粒非常分明 加埋肉鬆一齊食啖啖都咸香味俱全冬陰功湯湯中有好多菌菇蕃茄淡淡都好濃郁蔬菜味 超級好飲泰式鮮魚爐當中係鱸魚配搭蔬菜、粉絲、菌菇、薄荷葉同兩粒咸梅成個湯底都好好飲拆開鱸魚肉嘅時候要特別小心都幾多骨清邁鐵板蠔仔蛋上碟嘅時候真係見到好多蠔仔食落去竟然無腥味 仲好鮮甜點埋特色辣醬一齊食 味道好夾 最後點埋杯野飲 今餐泰國餐令我非常滿足

同朋友約左係旺角食野 佢想食泰國菜 726呢個位置最多野食又夠方便泰屋位於2樓 地方寬敞叫左個馬拉盞通菜 少少辣 菜葉新鮮惹味燒泰式豬頸肉 點埋燒肉醬 提升層次 皮脆肉嫩鐵板燒蠔仔蛋 好足料 滿滿嘅蠔仔 5腥臭仲好鮮香 點埋辣醬仲惹火嗌左份泰式菠蘿炒飯 粒粒甘香 同帶果乾 好清甜 肉鬆又帶到咸香仲有朋友至愛 冬蔭功湯 加左好多菇菌類同蕃茄 蔬菜味道爆燈最後我仲選擇左三色冰 煙煙韌韌有咬口門口嘅裝潢帶有佛像 清心 呢間上菜時間 幾好 食完少少要上 不會擺到成桌面滿哂 服務細心 臨走仲全場爆滿

泰國野真係一年食極都唔會嫌，喺旺角想搵間同一家大細坐得舒服嘅餐廳都唔容易，難得呢間價錢合理而且選擇都多👆🏻泰式濕炒河豬肉片😼可以揀豬肉牛肉雞肉，份量唔算小👆🏻泰式海南雞湯金邊粉😼雞件嘅份量都好多，賣相都幾靚仔，👆🏻明爐冬陰公明鰽烏頭😻呢間烏頭都好大條，價錢都唔算貴，最緊要冇泥味！加埋酸酸辣辣冬陰功湯非常開胃！👆🏻凍泰式奶茶呢度嘅樽仔奶茶都好夠味，不坊一試...💸.消費. $200 （每人）🈵.回頭率. 7.8/ 10📸.打卡率. 6.0/10

位於花園街附近號嘅泰屋 係一間好傳統嘅泰國餐廳 餐廳好寬躺闊落 適合一家大細來聚餐 食物亦都性價比好高 價錢非常合理好抵食 味道亦非常出色 餐廳亦都不時播放放懷舊粵語歌曲 可以一路享受食物一路享受音樂 感覺好舒適-🥰乾炒泰國金邊粉 $52同普通泰國餐廳嘅金邊粉唔同 泰屋嘅金邊粉特別Juicy 金邊粉亦都特別彈口 海鮮材料亦好豐富 又大大隻蝦同青口 非常值得一試-🌱香葉肉碎炒飯 $48肉碎炒飯用香葉炒 炒得好香口 米係用咗泰國香米 粒粒分明幾有口感 -🥥泰國椰青 $45食泰國嘢一定要點椰青 椰青水好鮮甜 厚厚嘅椰子肉亦都好新鮮 -餐湯泰屋嘅餐湯係冬陰功湯 味道酸酸地 非常開胃

《泰屋 Sawadee Thai》🇹🇭▪️▪️▪️▪️▪️▪️▪️▪️▪️▪️▪️再次嚟到差唔多成棟都係餐廳嘅旺角彌敦道726號~ 726號一向都多美食 ，今次要嘗試嘅係嘅泰國菜-泰屋▪️▪️▪️▪️▪️▪️▪️▪️▪️▪️▪️🔸乾炒泰國金邊粉 ($52)炒金邊粉份量實在😎味道甜甜辣辣，非常開胃， 火候亦十足，水準不錯! 另外海鮮水準同分量亦都算合理，其中魷魚值得一讚! 午餐以言性價比算係幾高🤩~ 喺附近返工值得一試 !🔸黃咖哩牛肉飯 🍛($55)可以選擇咖哩，配料，同埋主食~ 算係幾flexible！咖哩係香港人比較鍾意個種唔會太濃嘅口感調味~ 送飯一流! 另外牛肉蔬菜都算畀得幾多， 以呢個價錢嚟講係水準之作！ 😤另外套餐入面嘅餐湯 ，冬陰功味好突出但係同時間亦都唔會太辣! 🔸三色冰, 凍泰式奶茶 (+10/per item) 泰式奶茶茶香味十足，應該會再叫! 飲料整體嚟講唔會太甜，對於唔係好飲得甜嘅小編嚟講係幾唔錯!▪️▪️▪️▪️▪️▪️▪️▪️▪️▪️▪️Lunch 不設加一收費▪️▪️▪️▪️▪️▪️▪️▪️▪️▪️▪️今次幫襯📍旺角彌敦道726號2樓#波比出沒旺角 #Mongkok # Mongkokfood #旺角美食 #Thaifood#hkfoodie

記得當日是一個美好的回憶所以寫下點滴。😊😊冬陰功鮮蝦湯絕對非常新鮮美味，而且有濃濃冬陰功香料，配上香茅鮮椰汁以及泰國薑，再跟鮮蝦一齊煮，可想而知那種鮮味絕對其他地方食唔到。黃咖喱羊腩每一顆足足有拳頭甘大，羊腩新鮮滋補養顏，是女士及男士冬天的補品。配上yellow curry, 相得益彰帶出鮮味。青木瓜沙律青木瓜配上新鮮沙律，美味而且健康。絕對是女士的摯愛。餐廳無論地理位置以及服務都令我們非常滿意。😄😄very good衛生: *****服務: *****環境: *****

今日唔太凍我又著得太多衫熱到hihi, 好想飲沙冰呀♥️香料多又酸酸辣辣嘅泰國菜好襯沙冰呀 一開lift門已經好似去咗泰國嗰啲露天店咁，天才如我揀咗角落頭坐拎咗蝦餅朵花擺耳邊扮去咗泰國✌🏻😏✌🏻 只要我唔尷尬，尷尬嘅就係人哋😉啲野食都幾好食(其實泰國國好難唔好食)，沙冰有驚喜唔係藥水味真係鮮波蘿味只係36蚊咋！戲肉係最後個咖哩蟹度，全隻蟹可以砌返出黎而且啖啖肉好鮮味仲超大個蟹鉗呀💯🤤啲汁超好食想叫個包點汁都食唔落。朋友話早知叫包點咖哩汁唔叫個蝦餅啦😆

12月開始身邊朋友陸續去旅行，未有得去嘅我只可以喺香港尋找旅行嘅美食🥹 呢日朋友話帶我黎呢間旺角樓上嘅泰國菜館，價錢公道之餘味道亦都好正宗，好似去左轉泰國咁🇹🇭豬肉雞肉串燒沙嗲🍢($88) - 前菜先黎半打泰式串燒先啦😋 有豬牛雞任揀2款，朋友唔食牛所以揀左豬同雞🐷🐔 豬肉半肥瘦好大粒完全唔鞋，雞肉嫩，串燒燒到啱啱好唔會話乾掙掙，唔錯。椒鹽鮮魷🦑($85) - 見好多人推介我都跟風試下，炸過嘅鮮魷用好多蒜茸同辣椒炒，好有鑊氣😈椰汁大頭蝦湯🥣($88) - 食泰國野當然要叫番個湯飲下，呢款湯其實同冬陰公極似，都係酸酸辣辣咁，但佢加左大量椰汁，多左份椰香仲中和左份辣味😋 入面有原隻大頭蝦開邊，入面蝦頭仲勁多膏添！原個椰盅海鮮焗飯🥥($88) - 期待已久嘅椰漿飯呀😍😍😍 賣相極吸引，面頭舖滿海鮮，椰漿多到漏哂出黎。飯嘅質地唔會太淋，入面啖啖都有椰漿撈到，中間仲有d椰子肉拆左入去添，呢個真係必叫！

今次揀中咗一間樓上餐廳食lunch，出𨋢已經見到極具泰國象徵嘅佛像。餐牌嘅選擇都非常多，而且價錢實惠仲免收+1 🤣內在環境尚算寬敞，而且都幾舒服😌龍眼冰～清爽嘅龍眼冰用了非常優質而且龍眼嘅份量亦都幾多，喺咁凍同乾涸嘅天氣而言，呢個係一個唔錯嘅選擇😌珍多冰～椰汁特別香濃，朋友係椰汁控讚口不絕！綠色條條有咬口，呢個飲品有得食又有得飲😂香葉肉碎炒飯～炒飯嘅味道香香辣辣，極度惹味，而且吵得極度均勻，每一粒飯粒都沾滿調味料，份量亦足夠，可以喺正宗嘅泰國餐廳，以呢個價錢，去食呢個炒飯，真係超抵！泰式金邊粉~金邊粉嘅海鮮份量非常合理，而且新鮮，當中大蝦嘅彈牙程度亦都超乎預期，味道已經調校好晒，食嘅時候會方便好多，酸度剛好，唔需要自己動手處理青檸檬。椰汁西米糕～size較大，而且椰汁味非常濃厚，雙層唔同嘅口感，令我非常欣賞👍🏻

間唔中都會黎彌敦道726號搵野食，貪佢成棟大廈都係食肆，見呢間泰國餐廳評價唔錯！响旺角行街買完野過黎試一試先～原個椰盅海鮮焗飯 $88賣相吸引，椰漿滿到瀉，有青口、蝦、腰果、提子乾、椰青肉，焗飯本身味比較淡，撈埋椰漿會好食好多，份量多，2個人食唔哂～泰式生蝦刺身 $108生蝦汁幾好味，隻生蝦唔算厚肉但爽口，我自己就鍾意夾埋蒜片和椰菜絲一齊食👍🏻👍🏻黃咖喱雜菜 $75 雜菜包括西蘭花，椰菜，紅蘿蔔，豆角，黃咖喱感覺稀溜溜…整體來說：位置方便，環境OK，價錢係對得住質素，味道不似預期，12-5pm 有午餐更抵食。

今天要幫家中小狗買狗糧，所以到了旺角，其實寵物街附近，即是金魚街附近都幾多嘢食嘅，近期比較上去接彌敦道726號，一座很多食肆的大廈，今次就揀咗泰國菜，裝修方面都幾新淨嘅，不過就冇乜特別嘅打卡位，正正常常一間餐廳咁啦。首先當然要點最鍾意食嘅泰式生蝦刺身（$108）坦白說隻蝦細隻咗啲，亦都唔係好夠爽口，主食叫咗原個椰盅海鮮焗飯（$88）味道還可以嘅，但係飯就似乎太軟身，就冇乜特別驚喜，蔬菜類就揀咗黃咖哩雜菜（$78）味道有點淡。整體來說一般般，冇乜特別回味嘅感覺。

第一，服務員態度一般，有好有唔好。第二，環境舒適，建議先預約，7點開始多人，餐廳滿座。第三，食物質素，與期望有落差。1. 泰式炸蝦餅令人失望，口感硬，不似炸物，水準較坊間稍差，不推薦。2. 椒鹽鮮魷不過不失，份量足，可以嚐嚐。3. 原過椰盅海鮮焗飯，我見識少，第一次見，平時都係見菠蘿炒飯多，感覺口味有驚喜，值得淺嚐一口。4. 泰式蛋包金邊粉半蝦，有鍋氣，不錯。青木瓜沙律，麻麻地。5.芒果糯米飯，最出色，芒果夠甜。 以上只是個人口味

喺旺角拍拖行行吓TOP但係唔想喺food court度食lunch，咁就喺彌敦道行見到有個好大嘅招牌喺726號幢商業大廈嘅泰國餐廳，咁就俾佢個menu吸引咗上2樓試吓呢間泰國嘢。✨環境✨間餐廳好光猛，樓底幾高，坐得幾舒服。✨食物✨見佢有set lunch，價錢完全唔貴，講緊都係$50到多少少就有一個主菜同埋嘢飲。🍝印尼海鮮炒麵 ($56)個炒麵好足料，海鮮係有齊晒青口、魷魚、蝦，食落去可以話係啖啖都有海鮮。個炒麵嚟到嘅時候好熱，睇得出係真係即叫即刻炒出嚟，好有鑊氣。🍛豬頸肉飯配青咖喱汁 ($56)個飯份量好大下，豬頸肉好Juice同埋有好多塊。個青咖喱汁佢係用碗裝住另外上，唔會撈埋一齊，所以啲飯可以保持得乾爽。個汁非常之惹味，配住豬頸肉同飯食真係一流。🍰四式甜品碟 ($42)個四式甜品碟有椰汁西米糕、千層糕、芋頭糕、蛋菜糕，千層糕同芋頭糕都好新鮮，嚟到嘅時候都係熱辣辣。最鍾意係啲甜品唔係好甜，啱晒啲想食甜嘢但係又唔想太肥嘅人。個甜品係成個lunch錦上添花嘅位置。成個lunch叫咗兩個lunch set連飲品加埋甜品都只係$170到，真係好抵玩。之後如果再喺旺角食泰國嘢，都會再返嚟呢間

🍽泰屋 (旺角)📍旺角彌敦道726號2樓1.自選咖喱午餐-（青咖喱雞配蒜蓉包)🐥佢哋嘅青咖喱偏甜甜地，好重椰奶味。而且內容都好豐富，除咗好嫩滑嘅雞肉之外，仲有好多西蘭花，長豆，紅蘿蔔，份量真係好多。另外配上既蒜蓉包，好多蒜蓉，而且好香硊，配埋青咖哩汁，真係冇得頂。2.泰式肥牛炒河🐮完全冇諗過佢哋嘅肥牛炒河可以咁好食，肥牛好重牛味，好嫩滑。其實味道有啲似中式嘅乾炒牛河，但佢地用椰菜代替芽菜，好有口感，好惹味。3. 冬陰功湯（跟餐送）🍲佢地既冬陰功湯偏向酸酸地，唔太辣，裏面好多秀珍菇，秀珍菇吸收左啲湯，好好食，個湯好開胃。4. 碎豬肉生菜包🐷豬肉碎酸酸地，有好多洋蔥同香蔥碎炒埋一齊，份量好充足。生菜好新鮮，用黎包住豬肉碎食，真係天衣無縫。5.椰汁冰🥥椰奶味好濃郁，甜度岩岩好，好creamy。6. 紅豆冰🫘底部放咗好多紅豆，椰奶味好重，甜度適中，唔會太甜。環境：💛💛💛🤍🤍3/5衛生：💛💛💛💛🤍4/5食物：💛💛💛💛🤍4/5價錢：💛💛💛💛💛5/5 ($221/2=💰110.5）