泰屋 (已搬遷) 新店位置

下午茶餐選擇不多，不想吃沙律、小食，就揀了湯河及炒貴刁。人客不多也要等了些時間才送上，相信是即整。泰式湯河要了牛丸，有4大粒，臊味頗重，河粉則幼身夠滑，但湯底略淡，不過配埋杯青檸梳打也只是$25，作為下午茶都算不錯。星州炒貴刁配雞肉沙嗲是最貴一款，要$35，不過分量不小，胃口不大的已可作午餐，而且相當足料，除了有串燒雞外，還有不少雞件。貴刁炒得不算油，味道則嫌偏甜一些，如果加些少辣會更好。連選配的咖啡也有驚喜，頗濃滑。環境的確舒適，服務亦好，侍應有禮之餘亦夠主動，埋單後還送上晚市優惠coupon，應會再來。

-三個人-兩點半打後到-食左E+F+G+H 下午茶餐-加埋唔駛$130-喪好食-待應得一個-基本上我地係唯一既客-要用光明會既手勢(Hi Yi Yi Ha Hi Ya Ha...)召人埋黎-冇靚景有風景-如未去過就要去下-我都係見到其他人食評先去-附上圖片一張

與hd友人一聚發覺真的不錯雖然價錢不低.但環境服務同食物都合哂格!食左3個nan 冬陰公炒飯炸物拼盆等...!下次可以再吃.

看了食評，是晚放棄食日本壽司，改改口味. 星期四晚都滿左8成，真的很意外，一坐下就立即叫咖哩蟹+印度原味薄餅! 等了一會，牠就出現了，真的色香味的視覺，開動，咖哩很好味，很滑及蟹肉很鮮味，不得了，我和友人又幾分鐘是完全沒對話因大家都專注響食物的境界裡，d汁超好，叫了一碗白飯撈埋，完成一頓好味道的晚餐.

朋友甘岩又起佐敦，所以約埋一齊食飯。原本諗住食米線但係要介口，所以0黎0左呢到食，朋友食過話好食0咼!可能平日啦，唔使等位，好彩！個場唔係太多人所以我地可以坐四人檯，好舒服！因為朋友黎食過所以交0左個波比佢，佢話無點新0野都係上次食過覺得好食0既0野!炭燒豬頸肉–好有水準！唔點汁真係食到炭燒味，D肉好’淋’，keep到本身肉汁，唔乾身！點0左汁又有另一種味，酸酸地，小小辣，好開胃。個source會搶0左D炭燒味，但係本身肉汁味仲食到！佳作！Rotti –應該諗住叫‘Nan”但係叫0左Rotti,不過無所謂啦，因為都係0甘好食，即叫即做，仲熱咖0咼!!係油0左D,不過可以接受!泰式炒粉–呢0個就唔係唔好食，不過無咩驚喜。覺得好係因為炒得好乾身唔會太油。唔好0既係味道唔夠出，可以再好D!埋單每人70蚊，抵到呢~~~

5/7/2007約8:30pm到,兩位不用等位,第二次來味道依舊.Order:-星州咖哩炒蟹($155):蟹新鮮肉質不霉.咖哩汁非常好味-豬頸肉($52):今次個汁帶點清新檸檬味,唔會淨辣.-印度烤包($25):新鮮出爐,好味.埋單$255,好豐富的一餐.

今晚同成班朋友去左位於佐敦倫敦廣場的"泰屋"食晚飯. 入去的第一個感覺是環境及座位舒適, 氣氛柔和. 我們一行7人座在近窗的一張圓枱, 叫了以下食物:泰式拼盆炭燒豬頸肉炒通菜炒金邊粉菠蘿炒飯蒜蓉包, 洋蔥包星州咖哩炒蟹沙律串燒全晚最精彩就是星州咖哩炒蟹o的咖哩, 朋友話o的咖哩值$100, 但呢個菜都係$155. 其實個咖哩真係好正, 我地o的炒金邊粉, 蒜蓉包, 洋蔥包點完o的咖哩汁都好好味.

有朋友食過後推介. 一行九人往試試看, 叫了以下食品, 食物質數尚算滿意, 環境乾淨, 由於坐近窗口, 可以看到煙花表演(今天才開始有)...<br />泰式拼盆- 串燒不會太硬, 蝦餅/魚餅/春卷都係啱啱炸起, 好香脆.<br />炭燒豬頸肉- 幾好, 汁料也好味<br />香茅xx炸蝦- 蝦新鮮, 味道特別.<br />辣椒膏炒青口- 不算太辣, 好好味.<br />椰子咖喱鷄 - 一般, 不算突出<br />蘑菇青豆- 真係蘑菇+青豆, 但好辣<br />炒通菜- 好大碟, 好夠味<br />炒金邊粉- 算乾身, 有鑊氣, 好食<br />炒兩面黃- 與肉絲炒面相似<br />菠蘿炒飯- 飯較乾及硬, 但好有咬口.<br />酥油餅- 普通, 一碟三塊<br />蒜蓉包- 好香脆, 一碟約有5-6片<br />甜品- 試了幾樣, 基本上每樣都好好食.<br />

講到食泰國野呢,我最怕去九龍城,因為質素太參差了。如果你有又去過元朗店,你會發現呢間店的老闆係好著重環境的。元朗店好有風味感的,佐敦店就靚裝修帶有泰感的DETAILS位。食物方面有兩個MENU比你揀,印度同泰國。每樣我同我的朋友都好滿意的。Service又唔錯。我地果晚叫左無骨鳳爪,黃咖喱雞,咸魚抄芥蘭,印度烤餅(Nan),仲有一樣唔記得左添。

5月中同同事食生日飯~ 叫左好多野食~ 但全部味道都一般, 最好味就係炸蝦餅~ 其中一個炒飯裡面食到有鐵線, 冬陰公湯入面的蝦唔新鮮~ 其次侍應亦不夠...

7:00 左右上到去無咩人, 個環境係幾舒服既, 有一種好warm既感覺. service 就好難評論, waitress 有禮貌同唔會搵到人, 但可惜佢地好似發緊夢咁. 我地五個人,首先叫BBQ (花蝦,鯖魚,牛肋骨,炒菜),之後叫燒牛肉沙律,南瓜蝦,米卷, 印度烤包, 兩面黃, 幾杯drinks. BBQ 好耐都唔黎,最後黎左菜+蝦, 兩樣都ok, .之後再追條魚+牛肋骨, 原來唔記得落單,算啦cancel無mood等啦! 另外個南瓜蝦,整錯左做南瓜海鮮盅, 一個係appetizer一個係主菜...都差好遠!之後個朋友張椅坐坐吓斷左,好彩無整親. 其他食物都好一般. 後來個經理唔好意思, 送左四件糕點, 但我地有5個人,攪笑地重只係比四隻叉, 即係其中一個唔好食啦!無幾耐佢又突然攞碟西瓜黎,今次比兩隻叉,真係"檬"得緊要. 如果個晚多d客真係唔知點算!

Been there 3 times, Can keep the standard. Service good, rest. good, food is good. price is Fair A grade!

是夜母親節前夕慶祝,一行8大一細:-海南雞($120)半隻:雞淡而無味,無海南雞應有的食味,,而且一d都唔滑,好"鞋",仲要收你咁既價錢,完全唔抵食,好唔掂,無下次.-菠蘿炒飯($88):好普通,毫無吸引力,飯身硬無香味,有少許菠蘿肉(罐頭)及雞肉,唔夠鹹又無味,面頭舖係到個紅色海鮮,有少許似鴛鴦炒飯紅色面個part咁既味道,(黃珍珍個菠蘿炒飯絕對好食過佢多多聲,都係收你$80多元).-炸蝦餅($58):一碟4小塊,仲要幫埋你一開2,超勁細件,絕對唔抵食,味道可以,但唔熱.(相比黃珍珍收你$78有7大件,仲要又熱又香脆,炸蝦餅黃珍珍做得較出色).-星州咖哩炒蟹($155):是夜最好味的一道菜,蟹鮮,咖喱甜而不辣,而且份量又足,個汁用來伴中東包或白飯食,非常好味,我全屋企人都喜歡.-南瓜紅咖哩海鮮($88):咖哩帶有香茅味,好香好味,而且南瓜原個上,海鮮都ok但絕唔對唔係新鮮,但汁唔夠而且好"杰",用來伴飯ok.-黃咖喱牛筋腩($68):整碗只有5-6小件的牛腩,找唔到有筋,實在細到差d找唔到,其它係薯仔同洋蔥,超唔抵食.但味道都可以,但都係無下次.真係食碗牛腩麵都仲多牛腩過佢.-朱頸肉

同屋企人(有人推介)食飯，環境算中上喇，walk-in時見燈光柔和，裝修幾靚，我地6個人坐U型大梳化位，闊"落"唔逼，order了以下幾樣1.鐵板蠔仔蛋( 好滑，d蠔仔幾有鮮味)2.生蝦刺身( d蝦有幾隻雪到硬得滯，但個汁超正，一定要點多d食)3.細小食拼盤( 乜都有d咁囉)4.炒雜菜( 普通、冇乜特別)5.油蘇餅( 好味、軟熟、夠熱)6.洋蔥薄餅( 冇乜特別)7.印尼唔知乜野炒飯( 食落同一般炒飯唔同，有種特別的香味，幾好味)8.炒金邊粉( 已經好飽，冇乜食過，食左隻配料蝦，都ok )另有2,3個唔記得左係乜臨走前去toilet，裝修得好有心思我thu晚去，唔算太多人，好多情侶都坐4人檯位；應該坐滿7-8成人左右，所以唔嘈，待應服務速度&態度算係幾好，呢餐飯都食得好滿意，會推介朋友及自己再我留意到近柯士甸道邊窗口位有張大圓檯，一大班朋友食飯，呢張個位置應該超正，我下次都會特別order呢張檯

叫左一條明爐烏頭魚, 一路食要一路吐魚鱗, 好心搵左個白衫經理同佢講下, 叫佢地留意一下, 佢仲死話d魚一定去晒魚鱗, 要指埋比佢睇放到一枱都係既魚鱗佢先講聲唔好意思.點知再反轉條魚食令一邊既時候,就不得了啦~~~令一邊簡直冇清魚鱗一樣, 啖啖魚鱗, 根本食唔到, 咪再搵令一個藍衫經理投訴一下。因為我地都食左一半, 所以都費是要人退晒, 咪唸住減一半就算。但佢都係唔肯, 仲講到我地好似想食霸王餐咁…….其實半年前我同十幾個朋友都黎過一次, 點菜同食緊時既service都真係好好, 好殷勤咁介紹呢樣個樣(~想你點多幾個菜啩~), 但可惜係食到尾聲既時候, 經理就好快咁上晒甜品生果, 然後收走所有野, 叫我地埋單, 話要做下一輪, 我地當然好嬲, 因為訂枱既時候佢地係冇講, 而且飲品都未飲完, 於是我地埋定單後就繼續飲野傾計。但最絕係佢地放晒下一枱既人入黎, 十幾人企係後面好似酒樓等位咁迫人走……唉! 咁既服務態度……冇事時service都可以既, 有事時就真係唔得啦!