影片
招牌菜
两个人叫咁多好似好大食吖可?冇办法啦八点啦饿死我地。呢度要花时间嘅系等，我地walkin等都唔洗等好味，不过唔食得辣上面d配菜千中祈唔好试，个sauce都唔好沾咁多，不过唔沾唔得，因为就咁食好寡，sauce系食泰式海南鸡果种酸酸辣辣嘅味道泰式凤爪系我俩挚爱，可惜唔够入味，味道就系沾虾果只，呢碟好嘅地 方系配菜有香芹，耶杂锦小食（细）中虾饼唔错弹牙，鱼饼系我一向唔好嘅但呢度我食左，最吸引系南瓜条，好甜好香，春卷味边好怪，鸡翼腌都唔腌就咁炸，落盐都好吖!失望!!东阴功海鲜炒饭，好少见几得意所以叫黎试下，其实整得几好食，最衰好似九层塔味，我最憎呢阵味，唔知可唔可以叫佢走九层塔呢？好食又唔系特别好食，都唔差啰，环境好嘈因为好多人，服务态度可以，试得过
继续阅读
今晚同成班同事约左食晚饭, 由于一星期前已打电话book枱, 所以当我地去到时唔洗等已经即刻有位坐 (而其实我地到餐厅时只系6点, 餐厅一个人都无, 唔洗等系理所当然吧？！) 服务员把我们一行六人带到离门口最远最角落既位置入座。坐位是呈倒U型，本来觉得还不错...但我们发现枱上的碟有油光, 打算叫服务员换碟时, 服务员用一个恶劣既态度问只碟有边度唔干净, 当我们指出有油时, 服务员竟然用不爽态度说是倒汗水。 之后我们打算点6人餐时, 问服务员6人餐跟散叫的份量会否有分别时, 服务员竟然好串咁话“6人餐同散叫系一样份量, 你地一人食一碟都无问题, 睇下你食几多啫！但散叫会多d大碟d啰！” 前后不一既回答! 咁即系点呢？最后我地都系决定散叫。点餐后, 等待既时间不长。但服务员上冬阴公时既粗鲁动作, 实在令人接受不了！她几乎将成窝冬阴公倒泻在枱上! 我地点左炸软壳蟹 ($78), 本身谂应该有3只左右吧？点知...得两只, 颜色仲要系白晒晒, 卖相有d似青蛙...味道一般, 但真系好唔抵食, 唔值呢个价啰！ 之后个芒果海折沙律系完全无芒果! 红萝卜就有! 海折口感霉烂, 一d爽既感觉都无!之后当我地想叫服务员加水时, 明明见到我们招手都要扮睇唔到! 我们坐既位置像被发到遍远地区既犯人, 所有服务员对我地既态度都好差好粗鲁。差不多食完一碟时, 服务员问都无问就收碟！ 最后我地食完连想坐多阵都唔想就埋单。一叫埋单服务员问都唔问就收枱！但其实餐厅仍然有好多空枱! 成餐盛惠7百几蚊 (6碟野连加一服务费)外送一肚气! 我地唔会再黎呢间餐厅!! 要Bad list!!
继续阅读
有朋自远方来，今次上网做左功课，系朋友酒店附近揾到一间多人赞既餐厅，整体而言却系一般。猪颈肉沙律有D清新酸酸地既味道，唔错。免治猪肉生菜包肉碎份量多，生菜份量较少，包唔晒D免治猪肉，最后就只可以捞D金边粉同青咖喱食…马拉盏炒通菜有D干虾味，几好食，不过略嫌有D偏咸。青咖喱鸡鸡冇鸡味，咖喱冇咖喱味，净系食到椰汁味…冬荫公汤都几好饮，但如果香料味更重会更加好。泰式炒金边粉味道几好，但系面就有D太「淋」，唔够好食。泰式什菜清淡，钟意淡口味既就试试！
继续阅读
见到各位大大推介，有一碟叫粉丝鸡丝生菜包(?)，就两个人走去试下。而且当日系星期五，所以都系打电话订位。 到门口，就feel到冷气劲大，下次去要记得带件衫去著。 到入坐果阵，可能系见我手上有张优惠纸，店员就话比我听只可用一张，叫我一阵睇下用边个，我就问佢有冇粉丝鸡丝生菜包呢碟野，佢就话一早转左餐牌，冇左呢碟野好耐，当堂有d失望，不过佢又话系有生菜包，但系系肉碎生菜包，嗯...肉碎都系算啦。店员又推介左虾春卷、马拉盏炒通菜、冬荫公汤同新出嘅烧鳝，不过热辣辣，唔系好想饮汤。 首先叫个招牌菜泰式金柚沙律食下先，味道唔错，酸酸甜甜几好食。跟著叫左个店员推介嘅虾春卷，春卷黎左一睇，哗!!好似好好食，食落硬左少少，不过一食就知即叫即炸，条虾又大大条，好抵食。再叫芒果羊仔柳同烤饼。羊仔柳就...好硬!!问下店员点解咁硬，佢细细聱同我讲，话师傅先用油炸起再煮，怕羊仔柳唔熟。根据店员所讲，烤饼有几种，烤包都有几种，每种都系即叫即做，需时10-15分钟左右，又话蒜蓉味同原味都多人叫。因为唔打算叫咖哩，所以叫左蒜蓉味烤包，又几好咬，咸咸香香几好食。 再加多个炒茄子，虽然油多左d，不过好扯饭，立马叫多个白饭食。 饮品方面，见到餐牌有好多款，有珍多冰又有泰式特饮，仲有沙冰，泰国餐厅一定有嘅椰青佢都有，就叫个实冇死嘅椰青饮。大大个，$35几抵饮。 甜品呢，叫个芒果糯米饭试下先，芒果劲甜，糯米饭系一碟两款黑白一齐上，我本身钟意食白糯米饭，所以黑糯米就比男朋友食啦，结果到发现唔记得影芒果糯米饭张相果阵，已经食左大半，下次再影... 其实服务都唔错，不过可能系星期五，人又唔系好够，行黎行去得5、6个人，见佢地跑黎跑去都好唔得闲，举手要挥先留意到。总之系唔错，下次会再去食其他野。
继续阅读
有新人入职，welcome lunch是例行公事。这次选择的是泰屋。之前吃过几次，觉得这里的午餐尚算实惠，所以同事也一致赞成来这里欢迎新同事。甫坐下店员便告诉我们用来炒野的炉坏掉了，只能点选汤粉类及咖喱类，人家其实想吃炒饭的喇，最后还是选了黄咖喱羊肉配烤饱。等候的时间有点长，大概等了15分钟才有得吃，看来会是即叫即做的？黄咖喱看上去配料不多，似乎认为客人将烤饱蘸咖喱吃便够了吧。搯一搯咖喱，大约只有4粒切成方形的羊肉。黄咖喱酸酸辣辣，味道适中倒是醒胃。咖喱虽香，然而一口羊肉煮得不够入味，而且肉质带韧，挺花牙力。烤饱奉上时热腾腾，新鲜出炉之作。吃起来挺软熟，蘸了咖喱味同吃也够惹味。不过个人来说还是觉得印度咖喱配烤饼才是绝配。奶茶不过不失，始终不是茶餐厅，不能要求甚么茶香或细滑。在这里吃午餐会有甜品送，这次的芒果糕带有淡淡的芒果香，好味~
继续阅读