影片
2月25日, 今日漫无目的地喺铜锣湾揾食, 求其地中咗上嚟呢间泰妃鸡~ 记得之前都食过佢其他分店, 佢每日都会推出一两款$15泰式汤粉, 都算几抵食~ 不过今晚突然想食咖哩, 所以佢呢度主打嘅海南鸡同平爆嘅汤粉都无叫到, 主力食饭! 点知… 咁就出事喇…::: 沙嗲串烧 ::: $58 (半打)心血来潮又想试下呢度d沙嗲串烧. 观乎半打都唔洗$60, 又可以每款任拣, 于是每样串烧都要咗一串~ 分别系猪、牛、羊、鸡肾、鸡软骨同司华力肠~ 奇怪呢度有鸡肾鸡软骨但就偏偏无鸡肉… anyway, 半打杂锦串烧好快就一次过上晒, 每串份量都好大, 形成一个大堆头串烧拼盘! 当中最好味嘅系司华力肠~ 大大碌界埋花方便酱汁入味~ 正! 肉类方面牛肉唔错, 啖啖肉够juicy. 不过猪肉就有少少干, 仲食到有朕油臆加臊臭味… 个羊呢就烧得太干肉质亦太瘦, 劲柴皮! 其余嘅鸡肾同鸡软骨到有少少油臆味… 显然全部串烧都应该系一早烧好兼摆咗一段时间… 唔怪之得咁平啦…::: 甜咖哩羊腩饭 + 冻奶茶 ::: $45呢个甜咖哩睇样都知佢一d都唔辣! 带有浓腻奶香嘅咖哩有少少似马来咖哩, 但可能因为落咗好多洋葱, 又比马来咖哩甜好多~ 羊腩炆得老咗d, 肉质都系硬硬韧韧咁… 唔算好入味. 不过最大镬一定系个白饭! 硬都呀妈都唔认得! 绝对唔系隔过夜𠮶只硬法, 反而更似系未煮熟嘅半生熟米咁! 好在都叫有d咖哩汁捞下先叫做无咁干硬… 仲要啖啖都要认真细嚼慢咽, 以防食完胃痛!冻奶茶够晒大杯~ 茶味浓但有少涩, 奶比例都唔错. 其实成杯野味道ok~ 但饮完感觉好漏… 饱到咩咁…::: 泰式猪髀饭 + 冻柠茶 ::: $45猪髀饭同海南鸡饭都系泰国野里面唔少得嘅两款常见菜式, 但系要整得好食又真系唔容易~ 呢个泰式猪髀饭上到枱已经见到佢嘅特色唔多, 先系个汁好稀好似汤咁, 搞到个饭好以汤饭, 呢个时候都仲未知d饭硬到爆… 猪髀嘅肥位尚ok, 但系瘦肉部份好实好韧, 好似煲完汤𠮶旧瘦肉咁, 而且绝对系唔新鲜嘅… 咸菜亦只系似早早预备一大盘, 要用到先笔起, 所以冻冰冰… 而食过其他地方嘅都仲会有少少椰菜, 再加半只蛋, 呢碟饭真系一无是处, 加埋d硬饭, 仲要冇辣汁点猪髀, 非常失望…冻柠茶中规中矩, 茶味浓而涩, 柠檬冇乜味.呢间泰妃鸡地方超大座位超多, 环境都算唔错~ 不过地方大而人手不足亦会影响服务质素, 想话叫人拎d碟都好难… 虽然即使其实拉匀环境价格食物系算合格, 但今餐d饭真系硬到令人有消化不良嘅危险! 所以无计啦~ 唯有比个喊~
继续阅读
马拉盏炒通菜：通菜炒得爽脆够火侯，加咗D脆蒜粒好夹好味。泰式猪脾饭套餐：猪脾整得太淋一夹就烂，汁太多D饭太湿唔好食，冇勿惊喜。泰式海南鸡饭套餐：D鸡整得够滑好...<正>，加特别汁浆好味，鸡饭色香味全，
继续阅读
某个星期日...逛完旺角已是晚餐时间...再在铜锣湾出没...随手接到一张传单...看到是泰国餐厅...于是决定晚餐地点就是它...i love spicy spicy...^o^~************************一般泰式汁醤都有...((($15)))鸡丝汤金边粉...鸡丝很滑...份量也不少...这个价钱能够在铜锣湾吃晚餐...物超所值吧...*o*"((($15)))猪手汤金边粉...不是我吃不予置评...金边粉真的很美味...加添泰式辣椒和醋汁...开胃辣辣...i loving it...#u#~烧烤珍宝肠...想不到是一整条珍宝肠 = 一串...*_*"份量惊人...价钱超值...$58有六串...但吃下去才知道不是(((烧烤)))珍宝肠...而是(((油炸)))珍宝肠...被骗了...=n="鸡软骨和鸡肾相比起珍宝肠...真正的小小巫见大巫...*.*~不是(((烧烤)))...而是(((油)))炸...看得见的(((油)))腻... @n@"再看真一点...原来串烧都是从超市买回来的...*_*"座位以十五元一碗汤面来说...算是十分宽敞了...*u*~最爱泰式(((汤)))...剌激yummy yummy...#u#~因为扫完街不久...肚子不太饿...所以食物款式只有这么一点点...^_^"
继续阅读
经过铜锣湾有人派传单 $15 一碗泰妃鸡面，咁平？而家咩都贵，心谂平预左会细碗Ｄ，于是约同朋友去上去试，地方整齐，灯光优暗，又有柔和音乐，感觉有浪漫情调餐厅 feel，但布置又系泰国景，不太 match ， 但又可接受㖞，当时晚上 8:45pm 只得数张台客，可能情调好，客人食完野拿著饮品谈心。原来 $15 系无泰妃鸡面，只有其他选择。普通 size，鸡丝可粉，沙爹牛肉金边粉，今时今日 $15 真系超值啊！但沙爹唔够多，比较淡，金边粉好似幼身可粉，好好食。马拉戋炒通菜，$45 略为细碟左，又唔够镬气，菜身未入味，我虽然喜欢食清淡，但正宗泰国菜应该系浓味架麻，清淡即系未够师傅啦！炸软瞉蟹，$45，蟹仔炸得香脆，味道浓香，但配料多过蟹，不过都要赞因为做得好好味。系铜锣湾要医肚 $15 一碗面真系唔食对唔住自己，但要求高既呢度未必岩你。我地埋单时，个经理每样菜都问我地比评价，可见得佢地系有心想做好既，咁大家不防去比机会佢地啦！
继续阅读
我同女友两个都要食鸡脾饭，之前果次去我食咗个香叶肉碎炒饭，都几好，不过食开海南鸡脾饭，所以叫多个咸鱼炒介兰之后就一个叫咗汤，一个叫冻奶茶，鸡脾都同湾仔水准差不多，够香够滑，介兰比较油，不过都可以接受。
继续阅读