泰好記

营业中

休息中

🥣胡椒粉絲焗大蜆煲🥣：💰$160鋪滿大量大蜆，隻隻都肥美又入味，有少許炭燒豬頸肉，彈牙重孜然味，主角係粉絲😍夠入味唔太濕唔會乾，仲有肉桂八角香，勁惹味。🥣蝦醬炒飯🥣：💰$68蝦醬好香，鮮味十足，有炒蛋裝飾，入面有臘味粒少似肉蜜汁豬肉乾，飯粒較幼身，成碟都勁香口。🥣炒芥蘭🥣：💰$65芥蘭爽口幼嫩，有少少調味，較濕潤。🍰芒果糯米飯🍰：💰$68雙色糯米飯，係即叫即整仲熱辣辣😍椰汁香濃，紫米好香，芒果肉較延身偏酸。🥤泰奶綠🥤：💰$30小編中意等啲冰溶咁啲先飲，綠茶味濃，奶同茶比例幾好。

今日到旺角行街，經過女人街，發覺多咗好多餐廳食店，其中呢間泰國菜，在店舖門口看看餐牌，見到菜式都有很多選擇，價錢又親民，決定入去醫肚。餐廳明亮整潔，卡位寬敞，坐得舒適。侍應大多是泰國人，親切有禮。青芒果沙律$60，清脆爽口，酸酸辣辣，我覺得青芒果有少許過酸，但不失為一度非常醒胃的前菜。菠蘿炒飯$65，泰國米飯配合甜甜的菠蘿粒、臘腸粒和雞蛋同炒，夠乾身，粒粒分明金黃色的炒飯面上再灑上肉鬆和腰果，真的十分美味😋黃咖喱雜菜$75，黃咖喱唔辣帶點椰香味，將洋蔥、馬鈴薯、紅蘿蔔、椰菜花、西蘭花、芥蘭等蔬菜加入咖喱內，令到蔬菜吸收了咖喱汁，好味到唔停口😋食泰國菜必點的甜品，椰汁芒果糯米飯$68，香甜軟糯，十分滋味😋泰式奶茶$25，茶味香濃，正常。椰青$40，新鮮清甜。整體味道唔錯，性價比高👍

我今日約同好友行旺角女人街，順道去位於旺角通菜街75-77號舖的泰好記食泰國菜，環境舒適，坐得舒服。我和好友點左個二人套餐B $399，套餐有生蝦刺身，柚子沙律，椰汁雞湯（小），小食拼盤（小）；黃咖喱雜菜配蒜蓉包，餐飲係泰式綠奶茶，椰汁珍多冰。生蝦刺身擺設得很吸引，蝦身鮮甜豐厚，蝦頭炸得香脆好咬，配生苦瓜，口感豐富；柚子沙律材料新鮮豐富，配左2隻蝦球在面頭，是一道令人好開胃的前菜；椰汁雞湯賣相不錯，材料新鮮豐富，椰汁香濃，雞件嫩滑；小食拼盤有炸蝦餅、炸雞卷和炸魚卷，每款有4件，每件都炸得香脆好味；黃咖哩雜菜配蒜蓉包好味；兩款泰式飲品都好飲。

🥵最近落雨悶熱嘅日子，最岩就係食酸甜辣開胃的泰國菜，呢間位於通菜街的旺角區平民泰式料理有驚喜，🇨🇷泰國廚師主理地道正宗泰國菜選擇夠哂多，由泰式小食、肉類、海鮮、炒粉麵飯、燒烤及泰式甜品等，款式一應俱全而且價錢非常親民，進店已聽到播放地道泰文流行曲，員工大部分係泰國人，佢地除左講英文亦會用廣東話對答介紹。三人行決定叫個勁抵食二人套餐再加其他必點之選，📌二人餐有A $299 / B$399 兩個選擇，B餐尤其吸引! 因為有哂沙律、湯、咖哩、生蝦、小食、飲品及甜品!推介:⭐️⭐️⭐️⭐️⭐️🍋柚子沙律爽口開胃鮮柚子，加上魚露及檸檬汁配搭沙律雜菜愈食愈開胃，賣相唔錯，份量豐富，夏天作為第一道菜無得輸!🥘冬蔭海鮮湯(小)充滿香茅、檸檬葉、辣椒及魚露香味熬煮出真材實料正宗酸辣冬蔭海鮮湯，已剝殼的鮮蝦肉質彈牙，魷魚入味，小的份量十足夠二人享用。加上蘑菇、秀珍菇、蕃茄等非常足料濃郁，口感層次豐富。足料滿意，與沙律兩款開胃菜打頭陣令你接住食到飽一飽。🍛黃咖喱雜菜配蒜蓉包吸睛黃咖哩雜菜份量都唔少，黃咖喱有少許甜味，配香脆蒜蓉吸收哂咖喱汁正呀。包上蒜蓉香口，黃咖喱汁夠哂令人想加多一客點汁!🦐泰式生蝦刺身呢款一定係人氣

冬蔭海鮮湯 ($75)呢到嘅冬蔭功湯酸酸辣辣勁香香料味，而且唔會話辣到飲唔到，大人同小朋友都岩飲。配料主要有菇同大蝦，大蝦足足有六隻，蝦肉非常爽彈，加埋都有五六碗份量。明爐青檸蒸烏頭 ($178)蒸烏頭真係喜出望外，首先魚肉鮮嫩札實，再配上用大量蒜蓉粒、辣椒、椰菜絲同青檸煮成嘅湯汁，既惹味又開胃。另外，下面仲會有個火熱住條魚，唔怕話一路食，條魚慢慢凍。店家仲額外提供湯汁俾客人一路食一路加。海南雞飯 ($70)海南雞雞肉十分嫩滑，而且已經直接去骨，食起上黎十分方便。油飯就用雞湯煮成，啖啖油飯都有濃郁嘅雞味。海南雞配埋油飯雞真係必試。椰青 ($40)椰青好新鮮，飲落好清新甜。

最近同朋友去咗一間叫旺角嘅泰國餐廳，餐牌個封面好得意有老細個樣，呢度仲有唔少泰國人員工。香葉辣椒河牛 $68超有鑊氣，牛肉嫩滑，香葉同辣椒嘅味道融合得非常好。不過要提醒下，呢道菜真係極之辣，鍾意食辣嘅朋友一定唔可以錯過。泰式燒魷魚 $128原條燒魷魚超大條，肉質鮮嫩，燒得啱啱好，配埋酸酸辣辣嘅汁，真係一流。每一口都充滿海鮮嘅鮮味同泰式風味。小食拼盤（小） $80小食拼盤有炸蝦餅、炸蝦卷、炸魚卷各兩件，呢個組合真係啱晒一班朋友分享。炸嘢炸得好香脆，唔會油膩，每一款小食都各有特色。泰式青咖喱雞 $78咖喱濃郁，雞肉嫩滑份量多，特別推介你哋可以另外加蒜蓉包$38，一齊食真係好味，蒜蓉包嘅香氣同咖喱好夾。

這間泰國菜餐廳位於旺角通菜街，泰式料理選擇多樣化，更有親民貼地的二人套餐。店內環境寬敞舒適，裝潢以泰國風格為主，擺放相關裝飾，設有特大卡位，適合多人聚會。咖哩炒大蝦 - $268四隻珍寶海蝦開邊去腸，肉質厚實富彈性，蝦味濃郁鮮美；濃稠的黃咖喱保留濃郁芬芳的印度香料味，帶有順滑香甜的椰漿，味道溫和醇厚易入口，還有大量蔬菜如洋蔥及青椒等。明爐青檸蒸烏頭魚 - $178泰式明爐魚有一整條烏頭魚，去魚鱗及內臟，肉厚又嫩滑且魚刺少，吸飽清新的湯汁酸酸辣辣。串燒三拼(六串) - $108可任意組合豬、牛及雞。即叫即燒的串燒毫不乾柴，每串有著肥美飽滿的肉，嫩滑又多汁，可蘸上沙嗲醬汁。椰汁芒果糯米飯 - $68一整排香甜多汁的鮮芒果肉，又有濃稠奶香十足的椰漿，雙色糯米飯更有紫米飯，煙煙韌韌兩種口感好豐富。椰青 - $40大大個椰子內有充足的椰青水，清新香甜又解膩，更有嫩滑多汁的椰子肉。

旺角女人街向來都好多特式小店今次去左呢間好地道嘅泰國菜餐廳廚房樓面都係由泰國人負責， 水準有返咁上下， 味道都夠地道！▪️生蝦刺身（$95)生蝦大大隻，肉質飽滿爽口，可以一個人食哂一碟。▪️冬蔭海鮮清湯（$75)冬陰功清湯無加椰奶，比起一般冬陰功味道會更濃香料味，辣味會更出。餐廳用料十足，大大隻蝦，連秀珍菇都漲卜卜。▪️泰式咖喱軟殼蟹（$168)一整隻軟殼蟹， 配上泰國經典咖喱汁，蛋液和咖喱汁嘅混合，送飯同點蒜蓉包食都一流。▪️串燒三拼▪️燒雞全翼（$18/隻）豬牛雞都唔錯，最鍾意燒豬，燒至外脆內嫩，仲可以保留到些許肉汁，送啤酒一流；燒雞翼真係必叫，配少少咖喱汁好正！▪️蒜蓉包（$38)烤至金黃穌脆，蒜香十足， 係配咖喱嘅必然之選。▪️胡椒大蜆粉絲煲（$160)大蜆新鮮，肉質飽滿彈牙，火侯掌握得好好；粉絲乾身夠入味，食唔停口。▪️椰汁沙冰（$30)▪️西瓜沙冰（$30)冰沙好大杯，清爽解暑，用真果肉製成，配泰菜岩哂。

《泰好記 - 泰式風情在此重現》位於鬧市中心嘅「泰好記」,無疑係一個不能錯過嘅泰式餐廳。從入門開始,濃濃嘅泰式風情便迎面而來。首先我地叫咗蛋包金邊粉。金邊粉彈牙爽口,上面覆蓋住一塊滑嫩嘅蛋,再淋上特製醬汁,香濃鮮甜,實在係人間美味!緊接著我地叫咗牛肉同雞肉串燒。肉質新鮮,經過特別調味炭烤後,外脆內嫩,入口便化,加上泰式配料,更加提升咗整體風味。另一道極具特色嘅菜式就係燒側魚。側魚嫩滑多汁,配搭泰式香料,令整道菜散發出濃郁嘅泰式風味。最後我地叫咗芒果沙冰。濃郁嘅芒果味道,融入冰涼爽口嘅沙冰之中,真係天衣無縫,解暑消暑之選。總括嚟講,「泰好記」成功地將泰式風情呈現眼前,每道菜式都有特色,賣相同味道均有出色表現。如果你鍾意品嚐泰式美食,我真係建議你一定要嚟「泰好記」!

別具風格泰式之《泰好記》今日同朋友去左隱世泰式餐廳，好食之餘，環境相當寫意，值得推介，二人套餐A：泰式木瓜絲沙律/青芒果沙律(2選1)泰式木瓜絲沙律，清新爽口，再搭配香料同辣椒，幾開胃。不過配料會比較辣，唔食得辣既朋友就要注意下啦，冬陰功湯/椰汁雞湯(2選1)：今次既椰汁雞湯，椰香味重，味道酸酸辣辣，配料十足，草菇、雞肉等份量都好夠，泰式炒椰菜苗/馬拉盞通菜(2選1)：落單時可以選擇唔同嘅炒法，例如蒜蓉炒，非常貼心，而泰式炒椰菜苗口感好爽，翻炒後色澤仍相當嫩綠。菠蘿炒飯/泰式乾炒河(豬/雞/牛) (2選1)：肚餓關係，所以決定要食飯，菠蘿好新鮮，再加上唔同既配料，令口感豐富，做到色香味俱存。飲品兩杯：提子沙冰 & 熱柚子蜜由於本人好鍾意打卡😂，加上依家既天氣，每日都熱辣辣，所以決定要叫杯沙冰。餐廳選用左青提，沙冰口感順滑，一飲之下，瞬間消暑，而朋友因為佢要養生，所以選擇左全店最補最健康既熱柚子蜜，生蝦刺身：刺身色澤靚，口感有彈性，另外值得一提係除左有生蝦外，此菜式會另外包埋炸蝦頭，一味兩食，咖哩軟殼蟹：咖哩濃郁，配料十足。軟殼蟹經過油炸，外層酥脆，肉質鮮甜多汁，總結：價錢方面十分合理，

泰好記二人套餐 $399 抵食😋🌸二人套餐$399🌟🌟🌟🌟🌟☘️黃咖哩雜菜 黃咖哩香濃帶點甜，雜菜夠淋身索晒黃咖哩味道，夠惹味。☘️冬蔭海鮮湯冬蔭公湯夠酸夠辣，有數隻爽口蝦，新鮮菇類同香草。☘️生蝦刺身每一隻生蝦都肥郁郁，肉質豐厚鮮甜，蝦頭炸到脆卜卜，仲有生苦瓜解解油膩。☘️拼盤（小）有炸蝦餅，炸雞卷，炸魚卷，全部都炸到脆卜卜，味道夠鮮。☘️蒜蓉包濃郁蒜蓉，法包烘得夠脆，點埋黃咖哩食，超正。☘️燒豬頸肉沙律超多燒豬頸肉，肉質嫩滑，配有爽脆青瓜及新鮮雜菜，醬料係泰式辣醬，夠辣夠惹味。☘️龍眼冰濃郁龍眼冰，仲有好多龍眼果肉，飲完超潤喉。☘️椰汁珍多冰濃郁椰汁，幼細色彩繽紛粿條，口感豐富。

🚩泰好記旺角餐廳又有好推薦|岩曬一大班朋友食飯吹水叫滿成張枱連加一$600有找(๑´ڡ`๑)裝修係好傳統嘅泰國菜餐廳Style店員仲真係泰國黎嘅小妹妹|服務非常好(⁎⁍̴̛ᴗ⁍̴̛⁎)‼️〰️〰️〰️〰️〰️〰️〰️〰️〰️〰️〰️〰️〰️🌈生菜包 $88最近迷上左生菜包|酸酸辣辣好開胃餐廳勁好|好多菜式都可以自選豬牛雞岩曬好怕食到肥豬肉嘅我⁽⁽ଘ( ˙꒳˙ )ଓ⁾⁾🌈黃咖喱牛 $78🌈蒜蓉包 $38咖哩係濃濃嘅椰香味|唔算辣醬汁都幾掛身但唔係落粉個種(*´∀`)~♥️牛肉用肉片呈現|整體都幾軟淋唔想食白飯|配蒜蓉包都好一流🌈燒雞翼 $18香港人真係好喜歡食雞翼|大大隻全翼先依個價唔會燒得乾柴|皮脆肉嫩｡:.ﾟヽ(*´∀`)ﾉﾟ.:｡🌈炸蝦餅$70蝦餅香口唔會油膩٩(๑•̀ω•́๑)۶口感彈牙|係有鮮味嘅蝦餅🌈菠蘿炒飯 $65🌈泰式濕炒牛河 ¥68依度嘅主食都好鬼平又足料濕炒都夠曬鑊氣|我就係喜歡焦焦的菠蘿炒飯有啲臘腸碎|肉鬆夠曬鹹香🌈椰汁芒果糯米飯 $68芒果糯米飯又係幾飽都要食ヾ(´ε`ヾ)糯米熱辣辣上枱夠甜夠軟熟芒果多汁帶點微酸|唔會得清甜咁單調🌈泰式炒雜菜 $78🌈熱柚子蜜 $25🌈青檸沙冰 $30

今日行完旺角去女人街啲頭食嘢，聽人講話呢間舖頭係泰國人主理，而且炒啲嘢幾有鑊氣，今日就試吓佢冬陰功清湯:湯中有蝦等海鮮,有別於一般嘅冬陰功湯，冬陰功清湯係冇放辣椒糕所以唔會咁辣，但係會偏酸多少少,口感豐富層次分明。😋皮蛋沙律:搭配新鮮蔬菜如洋蔥、青椒等,再加入泰式酸辣醬汁拌勻。清脆爽口,十分解膩。紅咖喱豬肉:香濃嘅咖喱汁,再與嫩滑多汁的豬肉燉煮。紅咖喱香辣濃郁,肉質入味,送飯一流😋香葉辣椒炒牛肉:有香葉、辣椒等泰式香料炒製。香葉帶有獨特的薄荷香氣,與牛肉的鮮美幾夾。辣椒則為這道菜增添了可口的辣度。泰式炒金邊粉:係屬於我去泰國舖頭嘅必點料理之一。泰式炒金邊粉會加入肉碎、蝦仁、蔬菜等,再以泰式醬料翻炒。粉條Q彈有勁,與各種食材完美融合,口感層次豐富,是泰國街頭小吃的代表。

泰國菜一向很受歡迎，今日和朋友來到旺角花園街的「泰好記」食晚飯，餐廳頗大，坐位寬闊舒適，餐牌上有各式各樣的菜式，選擇多。《泰式濕炒海鮮河》$78濕炒河配料很多，有大蝦、魷魚、青口、草菇、蔬菜……感覺餸比河粉還要多，河粉軟硬適中，吸收了海鮮的鮮味，正啊！《泰式青咖哩豬肉》$78《蒜蓉包》$30香噴噴的青咖喱一點不辣，卻充滿椰香味，內裡除了有軟腍的豬肉片，還有豆角和泰國茄子，非常好吃，如果不想食飯，也可以叫一客蒜蓉包點上青咖哩汁，令人回味無窮。《細拼盤》$80 有炸蝦餅、炸雞卷和炸魚卷食泰國菜怎少得炸物，這三款都香口彈牙入味。《清炒雜菜》$70不同菜煮的時間不同，所以炒雜菜也需花廚師心思，每樣菜都煮得恰到好處，也能吸收不同菜的營養價值。《菠蘿沙冰》$30大大杯沙冰清涼透心，解渴解膩。

小編覺得嚟過呢間食嘢，就會記得，因為無論係餐廳地點、餐廳名同嘢食味道都會令人記住。餐廳無論係嘢食定裝橫，都充滿泰式風味！雖然當日都多人，但職員都好有禮貌、有耐性，會再回訪😆♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 泰式燒魷魚原條手臀咁長嘅魷魚，燒過後依然嫩滑彈牙，一啲都唔韌，點埋酸辣醬汁，開胃清爽 ❥ 胡椒粉絲焗大頭蝦4大隻大頭蝦，一隻size有一隻碗咁大，肉質幾彈冇雪味，底啲粉絲吸晒醬汁同蝦嘅鮮味，唔會好乾❥ 泰式炒椰菜苗用泰式香辣醬汁去炒，辣得嚟冇苦澀味，仲保持住翠綠爽口嘅口感，夠晒惹味！❥ 冬蔭功湯（細）酸辣又充滿香料味嘅冬蔭功，入面仲有好幾隻爽彈大蝦，就算係細size，小編同朋友仔每人都分到兩碗左右，抵飲架！❥ 串燒三拼豬｜雞｜牛一碟有6串，落單嗰陣可以自由配搭，6串雞肉都得！燒到微微焦香，份量十足雞肉軟身、有肉汁；豬肉口感較實在；牛肉唔韌❥ 芒果沙冰❥ 椰汁沙冰芒果沙冰充滿香濃天然芒果味，就算啲冰溶咗，芒果味依然咁濃椰汁沙冰味道清爽，有椰奶味，相對冇咁甜∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧